2007年3月29日 星期四

快樂多角度(3) - 我的路,由我創造!

咁,宗教領袖又點睇快樂呢?

我上個禮拜有幸聽左南傳法師阿羌Brahm既講座,獲益良多.

我們應該為自己既生命負責,而吾係去怪其他人.人生好似整蛋糕咁,有人會分到好好既材料,有人分到d好差既.但係個蛋糕整得好吾好,材料只佔兩成,其他八成就係靠你既手勢啦.所以,究竟係焗出一個香噴噴既蛋糕,定係一團麵糊,真係好睇你自己點樣去經營你既人生.

而快樂呢,其實係一種精神能量(Mental Energy).我地既情緒就好似海浪一樣,永遠有高有低,而且係一種比較,因為有吾開心,比較之下才有開心.而我地應該要做既,係將個開心指數平均值拉高;令而家既最吾開心,都開心過以前既最開心.

咁點先可以提高開心指數呢?法師話有兩個方法,一個係認知治療(Cognitive Theraphy),一個係靜坐.靜坐可以令心平靜下來,等能量可以流通.

大師一言驚醒夢中人,我又駛乜一日到黑係度提醒自己吾可以做乜,吾可以做物呢?我只要開心咪得囉,你幾時見過一個開開心心係度笑既人,會發到脾氣嫁?

等我仲印左月曆出來仲買埋印仔添,而家吾駛用啦,我只要同自己講:我決定左要開心嫁啦!!!咁未得囉.

法師除左有point又幽默之外,仲好勁爆.佢話佢個Marketing Slogan of Meditation係:

"Meditation is better than...Sex.
The Ecstasy of Meditation is better than...Orgasm"

最攞命係佢跟住果句:"I have been a monk for 30 years, but I was not born to be one."

英國人,真係吾同d.劍橋理論物理畢業,十六歲成為佛教徒,廿三歲出家.

我一定會睇法師本Opening the Door of Your Heart.

2007年3月28日 星期三

快樂多角度(2) - 七日快樂課程

咁點樣先可以快樂呢?我既偶像兼正能量教父Andrew Matthews如此說:

1. 凡事都向好果方面諗.
2. 要撐自己---對自己要有正面評價,如果無好野同自己講,寧願吾講.
3. 如果好擔心既話,起身行動,做任何可以做到既野,吾好坐在度,越諗越驚,越諗越嚇自己.
4. 原諒他人,就係放過自己.
5. 發掘別人既優點,真心讚美,會令自己集中在正面既思想.
6. 依個世界無欠你,吾係話一定(should)要咁咁咁先岩,應該話:我比較鍾意(prefer)A,不過如果發生B既話,都一樣ok.
7. 寫低你既目標,然後將大既目標,打細成一個個小目標;一步一腳印,慢慢完成.

想了解多d,可以去這裡,入面有個免費既七日快樂課程嫁.

延伸閱讀:從心再出發

快樂多角度(1) - 尋找快樂的故事

本來吾諗住幫依部戲開post,但係我周圍既留言好零散,都係坐低慢慢講我既睇法.

單憑部戲個名,我都一定會入場睇,尋求快樂喎,咁緊要,一定要睇下點樣先可以揾到.

個故仔,其實真係好勵志,Chris作為一個單親爸爸,在極度貧困既情況下,仍然努力工作,主動爭取一切機會,仲要同時可以做一個無微不至既好爸爸.在咁困難既情況之下,當Chris最後終於都爭取到果份佢夢寐以求既投資公司經紀一職,我都好感動,好開心呀.Chris咁努力,今次個天真係無玩佢啦.

但問題係,部戲就咁就完.只係打出字幕,交代話Chris從此平步青雲,賺了很多很多錢.然後,戲院就開燈.

係燈光下我都幾錯愕,吾係呀化,所謂既開心,就係揾到份工果刻,同之後揾到好多錢?只係依個程度既話,部戲應該叫 The Pursuit of Success,或者 The Pursuit of Money,甚至再俗d,叫American Dream算啦.

當揾到份工時,就緊係high啦.廿個揀一個喎,咁都爭贏,真係好似金榜提名,中左狀元咁呀;以後既生活又有着落,吾駛同仔仔再流落街頭,當然會好開心啦.果日,依個世界一定係玫瑰色既.

但係,第二朝呢?依種一登龍門既興奮,真係吾可以維持得幾多日.興奮過後,跟住來既係咪就係壓力呢?投資公司係一個高度競爭性既工,吾好話要出人頭地;就算只要保住個飯碗,都真係要出儘全力.好啦,佢揾到份工,有糧出啦,玫瑰色既魔法就開始慢慢退色.Chris又返到現實既世界.

當Chris全力併榑時,佢仲有冇時間同個仔打籃球同傾偈呢?成部戲之中,除左揾到工果個狂喜之外,阿Chris最開心既,肯定係同個仔一齊既時間.

就算為左慳錢去到餐廳自己吾食飯,但係Chris望住仔仔食得咁開心,佢都笑得好幸福.又比如佢地兩父子搞到要在洗手間過夜之後,第二日要終於揾到露宿者之家,可以真係有熱水有電,阿Chris幫仔仔沖涼果一幕,真係温馨到心都暖曬.咁,當Chris揾到錢,有大把玩具,大把工人,但係就無時間倍個仔時,阿仔又係咪開心?Chris又係咪開心?

我吾係嫌錢腥,亦吾討厭有錢人.要維持基本既生活係一定要錢既.我諗如果仔仔再大少少,佢絶對吾會再想返去洗手間度訓,當係玩山洞遊戲.

但係錢,真係只係錢,只需要適量就夠.李兆基曾經在專訪中講過,不貧不富既人最幸福.窮人吾駛講,福人其實都有好多煩惱.因為太多人揾佢,仲會「匹夫無罪,懷璧其罪」.過左某一數目,錢反而變成負擔.而如果為左錢而犠牲左家人,朋友,健康,咁就真係好吾抵啦.錢就話可以揾得返姐,但係健康同心愛既人,仲係咪可以隨時返來?

如果部戲再講落去,講話Chris在揾到錢之後又有d乜野領悟,咁先係尋找快樂的故事嫁嘛.

大導不如出績集啦!

其他人又點講:
Justin
On Dog
思哲
七十樓危危下望: The Pursuit of Happyness II

安全感

朋友W話佢凡事都作最壞打算,永遠有back-up plan.返每一份工時都會為如果有一朝一日間公司倒閉,又或者炒左佢而作好心理準備---就算老闆對佢好好,就算間公司好賺錢.佢仲賣曬各式保險,會蓄好多錢先退休,佢話咁就帶比佢安全感.

朋友C雖然外表自信豪爽,相識滿天下,但卻說如果佢見到有兩個人在飯局中交頭接耳,大聲講細聲笑,佢就覺得佢地係笑緊佢.

朋友H自大學畢業後仍不停進修,攞多二個Degree,一個MBA.佢轉左兩次行,寧願由低做起.永遠揾緊最大需求,最不能被取代既行業.

我呢,自畢業後大部份工都係manufacturer,決心要做工廠妹.但係工廠不斷北移,我又不肯返大陸,係咪好快會比平靚正既同胞取代?

如果要講世事無常,又點止依d野咁簡單?全球暖化、北極d冰忽然溶曬、禽流感、日日都有可能爆發.

又話吾埋聽日阿儍佬金正日吾小心禁錯制,咁就核爆.

又或者科學家忽然發現有個超大彗星在一個星期後就撞向地球,時間太迫切,連Bruse Willis都救吾到我地.

又可能地球又忽然無曬d磁場,臭氧層一下子無曬,地球直接受到太陽同宇宙射線真接照射,所有動植物吾死都要生cancer,地球只剩返細菌同甲甴...


我地係咪真係太好想像力,又學似杞國之人咁,成日擔心個天會崩塌呢?

其實,係個世界吾安全,點自己個心不安呢?

來不及收回的...說話

男人的自尊,有時候真係可以好脆弱.而且一句無心既說話,真係可以好傷人.

最深刻係有一次,有個男性朋友星期日早上十點幾打來找我...嗯,我仲未起身.雖然十點幾都係一個正常人應該清醒既時間,但係我依種需要八小時睡眠,平時又吾肯早d訓足既人,星期日係我既安息日.熟我既人根本吾會十一點前打來,因為吾會有人聽電話,就算聽,都有「起床氣」.

所以,我好真接地同佢講我咪起身,遲d再打來.我諗,我d語氣應該都吾會好得去邊.

結果,係好多年後,依位朋友先話返我知,果次佢好hurt,自尊心完全受創,所以好耐都無揾過我.

我其實真係好驚訝-

嗯,只係咁樣一句姐.
又,吾怪之得咁耐無聯絡啦.
唉,我真係連半夢半醒都要小心.
或者,應該記得打返比佢,咁未無d咁既誤會囉.

而且,依件事佢可以記咁多年,一定係有返咁上下打撃.講左出去既說話...真係已經收吾返.

同埋,阿P哥哥,雖然我當時無同你道歉,但係真係誠心一句:對吾住.


延伸閱讀:男人的自尊 

2007年3月27日 星期二

來不及收回的...(轉載)

話說有位姑娘在機場候機大堂等候上機,由於候機需時,她逐決定買本書和一包餅乾來消磨時間.找了個位置,坐下來以便能安靜地好好閱讀.

在她座位放了餅乾的一旁,有位男士坐下,翻開雜誌進行閱讀.

當她伸手去拿取第一塊餅時,旁邊的男士也同樣伸手去拿. 她感到很不快,可是默不作聲,心想: 無恥,真想教訓他一頓,給他臉上一記老拳,好讓他牢記以後也不敢這般無禮.

每次她去拿餅乾,對方也去拿,令她感到非常氣憤,但是她按耐著沒發作出來。

當剩下最後一塊餅乾的時候,她想: 看看你這個無賴傢伙現在怎樣?
接著,男人把餅乾中間分開,給了她一半.

太過份了! – 她幾乎要瘋了.
接著,她收起書本,拿起自己的東西離開現場,轉身便逕自往登機廳走過去.

登機後,她坐到自己座位上,正要從自己的手提袋裡拿眼鏡時,詫異地發現她那包餅乾完好無缺,原封不動在裡面!

她登時感到萬分歉意,原來自己搞錯了…忘了把餅乾存放在手提袋裡…

男人之前一直在跟她分享著他自己的餅乾,從沒有表現出精神上受到困擾,反感或不快.

而她以為他擅自拿取餅乾,氣得幾乎快要瘋起來.
可現在已經沒有機會去解釋,請求他原諒了!


世間有四種覆水難收的事…

1. 拋出去的...石頭
2. 講了出的...言語
3. 錯失了的...機會
4. 逝去了的...時光

我都不是OL

拜讀ZZ小姐既blog已久,一直都係cd rom,但係睇左依篇,真係一定要回應.

我吾睇八掛雜誌,吾睇娛樂版,都係近排先肯定檸檬同白知真係結左婚.我吾鍾意gossip,吾會在pantry逗留超過三分鍾,小道消息永遠最遲知.我吾恨lv,gucci同prada.就算買左suit都會拆開來着.仲未去過ol新寵h&m,絶對吾着毛毛衫.吾着三寸斗零踭,我咁健步如飛,着住實pk.我講野吾會忽然提高八度,更吾會手指指.我塊面最黑就係對住老闆,一關起門就會寸佢.我吾睇韓劇又吾睇文藝片,仲要吾驚甲甴.

最緊要係我依d工廠妹從來未在中環返過工,只係在d工廠區吃塵.

所以,如果有人吾鍾意我,請叫我八婆或港女,咪叫OL.

2007年3月26日 星期一

快樂多角度(0) - 我的生命起與跌

如果要你將你自懂事以來的快樂指數畫一個圖出來,到底會係點嫁呢?你既快樂指數會係大起大落好似過山車,還是平靜無波如一湖面?會多數在開開心心既正數,還是成日俳佪在憂鬱灰暗既負數?

有一個好有趣既心理實驗,揾左一班人來寫佢地既依世人最痛苦大鑊既挫折,每一日寫十五分鍾,連續寫四日;而另一班人做Control Group,就只係寫佢地既一日既工作流程.

在兩班人寫完之後,佢地就會跟進佢地既健康情況一年.結果發現,寫挫折既果班人,比起寫工作流程班人,病得少d,又少d入醫院.

只係寫自己既痛苦挫折總共一個鍾,點解可以令人健康左咁神奇既呢?

再仔細分析結果,可以發現,其中得益最大既係果d在寫自己痛苦挫折中,能夠揾到苦難既意義,能夠為發生在佢身上既災難賦與新的解釋,得到更深一層領會既人.在寫出經歷既過程之中,最重要吾係發洩情緒,而係佢地發現原來可以用其他角來看待自己生命中既起與跌,可以重新建構自己既人生故事(Life story).

人點睇自己其實好依靠自己既人生故事既,人生故事幫助自己了解自己從何而來,亦都直接影響對自己既評價同判斷.如果一個人既人生故事好正面,佢會自信開心,活得積極愉快,咁身體就自然健康;相反一個人生故事好灰暗既人,就會自卑失落,活得憂鬱沮喪,咁吾病就奇啦.

而正如歷史可以重新演繹,人生故事亦可以重新編排.

如果只係花一個鍾可以有咁大既效果,又何妨一試?

2007年3月25日 星期日

My Favorite Things



冬日暖陽。the missing piece。早晨tall cappuccino。洋甘菊。烏黑長曲髮。露齒笑容。哈哈大笑。小釂晚上七彩玻璃光影。日落晚霞。絶品好茶。白玫瑰。明亮眼神。草香。佛手柑。牽手。狗。兔。乾淨床單。柔軟漂亮手帕。佐雄。黑朱古力。原柆杏仁朱古力。棉質衣服。超鬆闊褲。舒服涼鞋。Fila。布鞋。京都。梵高。Monete Water Lily大袋。silver case watch。紅色cushion。小盆栽。下午茶。書。橙。車厘茄。超大strawberry。雪榚。睡覺。歡樂早場。BB臉朱done。老友吹水。閃電。秋高氣爽。星月夜。木顏色。粉彩。四人同遊。顏色。大樹。苿莉。水滴。柯特利夏苹。

2007年3月23日 星期五

閱讀tag

1.你喜歡的作家:
Andrew Matthews,張系國,魯迅,張愛玲,Issac Asimov,徐四金,Bill Bryson, Shel Silverstein,于晴,蘇軾,Jane Austein,沈從文,田中芳樹,Malcolm Gladwell,C.S. Lewis,幾米,高木直子, Sir Arthur Conan Doyle.

2.最近閱讀的書:
香水,Happiness Hypothesis,The Undercovered Economist.
 
3.哪本小說的結局最吸引?
Sophie's World - 個結果真係估佢吾到,好震撼.
Foundation - 要睇到最後一頁先忽然明白發生乜事,好近呀!

4.旅行會否帶書上路,如果會,那會帶甚麼書?
旅遊書同睇緊既書.
 
5.甚麼書令你哭?
都好多吓.
 
6.想與哪個作家做朋友?
緊係Andrew Matthews啦,正能量教主喎,做佢朋友一定好開心...可吾可以吾只做朋友?
 
7.有記憶以來第一本閱讀的書:
白雪公主,真係比d童話害死.
 
8.啟發你的愛情觀的一本書:
講都吾信,係一本科幻小說,星雲組曲既歸之一.
 
9.有作家氣質的導演:
作家有d乜野氣質呢?我講得出名既導演又吾多,吾識答.
 
10.像外星人寫的書:
香水,徐四金真係一個瘋子.

P.S. 如果喜歡小說既話,可以參考譚劍既書單,雖然依個書單既書我只睇過幾本,但係真係本本精品.

下一個目標係Neuromancer,連Matrix都受依本書啟發喎,真係好緊張期待.

2007年3月22日 星期四

Crash

朋友比我睇既,之前連戲名都無聽過.

好多條線一齊發展,係講種族,更加係講多角度,又或者係人性既複雜性.好徹底地癲覆stereotype和單一化既形象.將我地由二維既平面空間,拉入三維既立體世界.

警察A,佢火爆臭脾氣,係濫用警權非禮女性既人渣.但同時又係孝順仔,仲係一個真係有事時會拾身救人既英雄.

警察B,不屑警察A惡行,自己絶無種族歧視.但剛在其他警察手上救左一個黑人,就錯手殺左另一個黑人.點解會錯手?絶對同膚色有關.佢既種族歧視其實根深柢固得自己都不察覺.正如警察A所言,佢真係吾了解自己.

警察B係偽君子到呃埋自己?

咁,誰是good cop,誰是bad cop?

又,一個成日講黑人點比白人歧視既黑人,打家劫車,無惡不作,結果幫左一班自己口中最睇吾起既chinamen.

又又,一個差d比人撞死既可憐路人,竟然又係一個人口販子.

又又又,比白人警察熗殺既黑人竟然係卧底,不過之後又在佢既車入面發現巨額現款...

又又又又,佢睇落英明神武,玩世不恭,內心卻是渴望母愛的小孩子.


最喜歡係invisible cloak既故事,好童話,不過都可以真係發生嫁.

在暖暖父愛之下,一個小女孩成功自我寮傷;一個大女孩既穎智選擇,紅色子彈救了自己爸爸.兩個故事真係完美的mirror image.


咁多角度,咪自己揀用邊個角度囉.我地只係凡夫俗子.

事情係咪好似表面咁簡單呢?人皆有父母,都係有血有肉既人,都有d佢既難處,多d咁諗,會吾會就對人自然好d呢?

2007年3月19日 星期一

卧虎藏龍

精工大師一出,誰與爭鋒.


「春有百花秋有月,
夏有涼風冬有雪,
若無閒事掛心頭,
便是人間好時節.

俺曰:
無楓紅棉償心悅,

無花芳草一樣絕,
只要閒心早著掛,
煩事無位自會絕。

又:
春天好...

綠葉盈枝花上頭,
紅棉宮黛添香袖。
春和日暖雖獨守,
杜鵑啼血未見愁。」



好似我咁吾明最尾果句,唯有去睇註解

自言自語

You've got to find what you love!

每件事一定有原因,那,為什麼呢?

如果繼續做一些自己不喜歡的東西,是否在謀殺自己的生命?

又,喜歡些什麼呢?

我的好奇心遲早會帶來災難,知道越多越沈重.

真係仲一定要清楚真相?

要來既始終要來,要走既始終要走.咁,咪來者無謂抗拒,去者不留?

天下真係仲有好多新鮮事.

要身心平靜定全力以赴?

如果真係有事呢?世事難料.

要分清楚真正重要的野.

要做自己真正善長的事吧!

又再希望天跌落來既指引嗎?明知只可以靠自己.

是不夠努力還是太努力?

中道,如調琴.

改善,不停地.


各位,不用擔心,我無事.我其實成日都寫依d類似既野,只不過係第一次post出來.

2007年3月17日 星期六

人間好時節

春有百花秋有月,
夏有涼風冬有雪,
若無閒事掛心頭,
便是人間好時節.

2007年3月16日 星期五

吾准發脾四

吾准發脾四, 吾准發脾四, 吾准發脾四.

明知一定吾會你岩曬.

吾准發脾四, 吾准發脾四, 吾准發脾四.

明知一定會後悔.

吾准發脾四, 吾准發脾四, 吾准發脾四.

做乜吾多d耐性?

吾准發脾四, 吾准發脾四, 吾准發脾四.

人人都有自己既難處.

吾准發脾四, 吾准發脾四, 吾准發脾四.

比d心機慢慢講咪解決左囉!

吾准發脾四, 吾准發脾四, 吾准發脾四.

再係咁我買豬仔印,一個脾四一個印...肯定好壯觀.

2007年3月14日 星期三

我不吃...

不吃牛,因為怕瘋牛症---點死都好,都吾好死時個腦變漿糊.
不吃豬什牛什雞什,好臭.
不吃苦瓜,苦到喊.
不吃鳳爪---腳趾,仲要有指甲...
不吃魚腸,米田共來嫁.
不吃通菜,當晚一定抽筋.
不吃鴿,好似未出世既BB.
不吃鵪鶉,生劏活剝皮嫁.
不吃田雞,怨靈來嫁.
不吃肥肉,恨本吞吾落,即嘔.
不吃魚翅,鯊魚就絶種.
不吃泥鯭,佢地吃x大嫁.
不吃臭豆腐,根本臭到埋吾到身.
不吃白色魚生,第一次吃日本活魚刺身嚇親.
不吃蛇,好驚呀.
不吃兔,我又吾係狼.


我仲識人...
不吃荔枝,因為荔枝核好似甲由.
不吃辣,馮辣必咳.
不吃鱔,因為就算切成一陸陸,放落鑊到炒,佢都仲識係度扭.
不吃朱古力,一吃就生眼調針.
不吃所有綠色既食物,吾知佢膓胃好吾好.

仲有好多人...

2007年3月13日 星期二

Thank You Note

乜野事呀家陣d人,面試之後竟然係辦公時間,用佢而家間公司個 email account來 send Thank You Note!!!

本來仲有d猶豫請吾請佢好,而家吾駛諗啦.

都係在面試時已經足夠決定請定吾請,如果猶豫都只係因為我太等人用.

唉...

上課睡覺的女人(馬任重/板橋社區大學講師)

我搞不懂,有人「敢」在我的歌唱課上,
趴在桌上呼呼大睡,這是「我的」課ㄟ!
我是「名師」ㄟ!這真是過分!怎麼可以這樣!

這個四十出頭的女人在剛開學沒多久,
就開始睡給我看,而且每次上課必睡。
於是乎我開始想些對策,阻止這麼荒謬的情形繼續下去。
再次上課時,我展現出氣質高尚的微笑,似有似無的說:
「接下來,我請幾位同學出來唱唱剛教過的歌。」

然後女人自好夢中被我點名點叫醒,昏昏的站了起來,
一臉惺忪,撥撩臉頰因汗水沾濕的微亂的頭髮,
撥弄不掉的是趴睡桌面所擠壓出來隱約的暗紅痕跡,一種怪怪的紅色。

班上的同學訥訥的望向女人,場面頗不安的。
女人低著頭,用一種極微弱的音量,訕訕的說:「老師,不好意思!」

我一時之間也不知該說些甚麼,
雖然是有著這麼一點抓到現行犯的感覺,
我心想,女人以後不會再睡了吧!

接下來的課,女人又來睡覺了。
我又回去思考「對付」女人睡覺的各種策略,
其中包括臨時點名、說笑話、關愛的眼神、
說靈異事件、要學生一個個出來獨唱。
可是女人依舊昏睡。

最後我還想了一個自己覺得不錯的「妙計」,
讓學生做自我介紹,社區大學的學生來自社會的四面八方,
認識這些不同領域的人,我覺得挺快樂有趣的。
我想,經過自述,這樣也許能對女人上課睡覺的行為多一些了解。
輪到女人自我介紹了,我注意的聽。
她說:「我不太會說話,請大家多多指教!」
沒了,就這樣。
我依然沒有得到任何的線索及答案。

一學期的課,女人就這麼昏睡而過。
我心裡想:「一定是她不喜歡唱歌,或者別的班名額已滿,
所以她才『淪落』到我的班上,下學期應該就看不到她了吧!」

第二學期,女人又報名了,又在課堂中呼呼睡去。
我那魔羯座打破沙鍋個性,決定私下找她好好談談。
纖細的身軀,低垂著頭,女人羞赧說:
「真的很抱歉,我太累了,所以上課經常忍不住睡著,請不要生氣!」

一時之間,我好像也沒有立場不高興,
這些社區大學的學生白天都有工作,
晚上還願意抽時間學習,真的不容易。
女人不再多說,我也暫時收起我的好奇心,
就讓她繼續睡吧!這一睡又是一學期。

第三學期報名前,女人問我說:「您還願意教導我嗎?真是不好意思,
我常常撐不住而睡著,希望沒有打擾到你教課的情緒。」
我笑著說:「沒關係!那沒什麼!」
可是心中卻為女人上課睡覺的行為思索著種種合理的解釋。

女人又再次參加了我的歌唱班。
不同的是,雖然女人依舊昏睡,但是她似乎願意多透露一些訊息。
七點的課女人會提早半個鐘頭到,而且會貼心的替我帶來晚餐。
為了解開她的怪異行為,我吃著女人所帶來的晚餐,
一邊小心翼翼卻又裝作漫不經心的樣子詢問著關於她的狀況。

但是她總是避重就輕,所有的答案都是一聲聲的長嘆,
無法舒展的眉宇之間好像埋葬了垂死邊緣的掙扎,看了讓人心酸。
女人看著夕陽餘暉問我說:「一到黃昏心就慌,你了解嗎?」
我埋頭的吃著晚餐,似懂非懂!
心理想著,為甚麼今天夕陽的顏色那麼詭異。

在一個下著雨的寒冷傍晚,
女人搭著我的便車說要去榮總看病,
這次我沒開口問她任何事,也許是能承受的壓力已經到了燃點吧!
女人眼睛無神看著雨刷,從板橋到天母的路途上,
隨著滴滴答答的雨聲,平靜而緩緩的說出了她的故事:

女人幽幽卻又沉重的帶我回到1999年的921,
在天崩地裂一瞬間,「博士的家」震碎成了一堆廢土,
浩劫中女人奇蹟似的獲救,在沙塵石塊的層層覆蓋下,
重見家人是支撐女人唯一生還的理由。

她跌跌撞撞在廢墟來回尋找,試圖用受傷的手扳開層層的瓦礫,
雙眼無神祈禱著奇蹟也會降臨在生命與共的三個人身上,
孱弱的身體無法再負擔無止無休盲目的挖掘。

女人還是不放棄,繼續悽厲呼叫著他們的名字。
黑夜降臨,其他受難者的哀嚎回應了她對家人的聲聲呼喚!
最後,女人雙腿發軟,倒了下來,
於是「天人永別」的枷鎖自此緊緊的箍著她。
女人美滿的家庭被撕裂成一面面的招魂幡,
淒慘的三面白旗上是她的先生、兒子、女兒,
所殘存的是破碎的冰冷身軀。
在香煙嫋嬝中凝視著牌位,她是個被詛咒的遊魂,
孤單的在世間來回飄蕩著,沒有目的地,無法輪迴。
女人用平淡的聲調說:「我想自殺,這是最好的解脫方式。」

有一次上課時,你要大家自我介紹。 你知道嗎?
我幾乎當場崩潰,每個同學都可以聊聊他們美滿的家庭,我呢?
要我說甚麼呢?我要如何告訴別人我的遭遇呢?
事發的當時還有人說,
是我帶煞才會剋死了我的丈夫及一對兒女。
剛開始的日子,我幾乎夜夜無法入眠,兩眼一閉就看到他們,
感覺好真實,彷彿又回到從前,隨著夢醒卻是更錐心的痛,
痛到發狂,痛到無法呼吸。

最近我開始接受心理輔導,固定去榮總接受「憂鬱症」的治療。
雖然事情過了六年,雖然我也服用大量的安眠藥,
雖然,我到現在還是懼怕夢醒的現實。

有一天上課時,突然間懼怕的感覺不見了,
或許因為有許多人圍繞在我周圍吧!我發覺我可以安心的睡覺,
那種感覺好好,我幾乎都忘記了我也曾經擁有這樣的感覺。
我很喜歡上你的課,可是你懂我的意思嗎?  
我如果睡著了,老師,請你不要叫醒我,讓我繼續睡吧!  
我真的好累!女人喃喃的說。

我將車上的音樂關掉,點點頭表示答應。
雨還是滴滴答答的下著,落在車頂上發出輕輕的節奏,好吵也好安靜。
我目送著女人下車,雨刷來回的跑,似乎要將她從我視線上擦拭掉。
可是不僅擦拭不去,反而更清楚。
我發呆似的注視著她無助的背影遠去。

老天啊!一個身軀要載這許多愁呀!
我惆悵想著女人在被我叫醒時,因趴睡桌面所擠壓出來的暗紅痕跡,
那種怪怪的紅色在我腦中混亂交織成一幅不安的潑墨,不斷的暈染開來。

女人看著餘暉問我說:「一到黃昏心就慌,你了解嗎?」
化成了陣陣的回音,如潮水般襲向我的耳膜,越變越大聲。
一到黃昏心就慌,你了解嗎?
一到黃昏心就慌,你了解嗎?

PS.
旅歐聲樂家馬任重,目前在台北縣板橋社區大學兼任講師;
教導聲樂、歌唱等課程,近來他在自己的部落格;發表一篇文章
「上課睡覺的女人」,內容在網路上被一再轉載,
引發熱烈討論,原來背後有著一段感人的故事。
故事女主角蔡麗香是921大地震受災戶,
原先住在新莊市"博士的家"社區,
一夕之間面臨摯愛的先生;一雙兒女驟逝的悲慘際遇,
曾有好幾年她無法安睡!直到在馬任重的音樂課中,
她開始能安然入睡;也因音樂的治療效果,讓蔡麗香重拾對人生的希望。


每一個人背後,都有不為人知的故事;如果可以,還是要多一點寬容吧!

又,關於音樂治療.

關於女人 / 醫生 / 經理人

點解學霖作為一個男人可以寫女人寫得咁好嫁呢?

1. 老婆的性別是老公賦與的...
2. La Boum (初吻) / 關於女人[一]
3. 儉 / 關於女人[二]....依篇真係好到喊兼吾識回應
4. 雷嫂 / 關於女人[三]...嚴然成為家族史,還有一篇吧!

又,原來肥醫生只有廿幾歲咁後生,點解個人可以咁有理想同正直呢? 乜吾係話依家d青年人都練精學懶,好吃懶飛嫁咩?
年青醫生的生活質素以及其他

同塲加映: 什麼是老夫老妻的愛

又又,原來有選舉經理人依一行,大力哥哥吾單只會無私地分享經驗,仲會筆調輕鬆,就快入正題.
經理人隨筆真係令人熱切期待.


又又又,點解依排大家都咁感性兼文思泉湧呢?真係睇都睇吾切---I love blogging,仲要係重症.

2007年3月12日 星期一

《血咒》

作為一個小說迷,科幻小說係我其中最鍾意既一類小說.

我睇既多數係d好正統既科幻小說,比如地心遊記,Asimov既基地系列,張系國既星雲組曲...都係一d本身係科學家又或者有返咁上下科學訓練既作家,對科技會對未來人類社會帶來既影響既預言.

至於本地科幻小說喬楚,無人不識、無人不曉既倪匡先生呢,我就只睇過一本,書名叫《血咒》.

個內容係講男主角係每年既某一日,大腿就會好神秘地出現一個傷口,不停地流血流足廿四小時,然後一過凌晨十二點,個傷口又會吾見左,亦吾再流血.

咁男主角對依個問題極度困擾,誓死一定要查出原因,醫好依個病.經過千辛萬苦,死去活來,再加上男主角既英明神武,刀槍不入,一個打十個,終於比佢查到原來係因為佢死鬼老豆當年周圍搞搞陣,有一個比佢始亂終棄既巫女向佢老豆落左血咒,每年落咒果日都會病發,流血一天.

而且個血咒仲有遺傳性,所以男主角一出世就已經中左咒,而且永遠無得解咒.咁男主角就只好無奈地接受現實,淒涼地離開...

真係睇到我媽媽聲.依個果然係男人寫比男人睇既故仔,不過一年流一次血,仲要吾痛,仲要咁準時,仲要只係一日咁大把.咁都要嘈,仲要寫個咁鬼長既故仔!!!

咁,我地d女人點算呀!我地全部都死得啦!

妖,男人學乜人寫M呀,你都吾知係乜!

2007年3月10日 星期六

羅生門

境一:周二午飯後,公司樓下.

一個男子把一個女子推到牆角,不停質問.女子甚惶恐,兩人似乎相識.
有人帶管理員來勸喻.男子一直背著觀眾,面貌不清.觀眾越來越多.

感想:依個男人有種就吾好用暴力對人,要講理吾係講蠻力.


境二:當日晚上.

男性友人甲訴說,今天和女友分手.
事緣在一起午飯後,在女友公司樓下起爭執,甲情急之下推女友到牆角理論…

感想:一下子耳鳴,如墮夢境.不會吧,今天匆匆而過,我真的無留意那男子的身形.

甲繼續訴說,女友激動萬分,喚來管理員,大叫非禮,令他很羞辱,很傷心.
今次決定一定要分手,但卻不自覺地處處表現出不捨.
其他友人都在關心甲的情況,而我卻最想知道他女友在哪兒工作.
知道不是我公司附近,才放下心頭大石.

感想:自己的女友在大街上指他非禮,甲一定很難過...但他不可以處理得好些嗎?

相類似的事情在不同人的角度下,竟有如此不同的看法,所謂的公正持平是什麼?
如果加上甲之女友的角度,這兒不就是羅生門嗎?

每人都選擇對自己最有利的角度來看待事物,每人都認為自己是好人,自己没有其他更好的選擇.

人與人之間的紛爭是否就因此而來?小至男女朋友間的爭執,大至種族歧視,恐怖活動,戰爭,不都是
因為每人都自以為是嗎?

認為「我」,「我們」才是對的.而「你」,「你們」是錯的,所以世上從來未試過有安寧的日子.

姨媽的後現代生活

笑話已經蒼白無力不好笑
配樂與人物感情不佩合
顏色由多彩到最後的清一色土灰
這就是老年嗎?

太多人物
每人都有一段白描
不覺豐富
只覺淩亂拼湊惹人心煩
中心思想是什麼?

女人拍女人=女性電影?
女人的晚年就是寧願一次次地被騙?
就是一條直通到底的走下坡?
就是一步步地妥協?
就是放棄自己的理想、追求?
就是苟且地偷生?

整個電影最荒涼的卻是
許鞍華已經不覆當年勇

2007年3月8日 星期四

燈火闌珊處



青玉案 - 辛棄疾

東風夜放花千樹

更吹落

星如雨

寶馬雕車香滿路

鳳簫聲動

玉壺光轉

一夜魚龍舞


蛾兒

雪柳

黃金縷

笑語盈盈暗香去

眾裡尋他千百度

驀然回首

那人卻在燈火闌珊處


那人真的一直會站在燈下嗎?

在這個不停變化的世界,永恆只是假像。
你以為一直會存在的人、事、物,
一瞬間,
灰飛煙滅。

或者,
大家都只是在沙上,
寫下一些事,一些情,
然後被浪花捲走,
不留一點痕跡。


寫下,捲走,寫下,捲走,

為什麼呢?

2007年3月7日 星期三

愛他?愛她?

以前讀書時要在畢業果年做一個社會問題既硏究,可以自由組合成四至五人既小組,而題目就吾可以同以前師兄師姐既重複,而我地揀左女同性戀硏究.

揀依個題目其實都真係幾有策略性考慮既,事緣依個硏究大家最叫苦連天既係成日會比老細(負責既Lecturer)要求做問卷調查.

淨係設計份問卷已經諗到頭都大,仲要周圍揾人幫手填問卷,收返來既資料又永遠亂曬龍,一d correlation都無,份份問卷都係noise,結果次次都要自己填返d問卷出來,夾硬砌出個結論.我地個老細仲要係教統計既添,同學生鬥智鬥力咁多年,我地真係呃吾到佢.

而揀女同性戀依個題目,就一定吾駛做問卷啦.如果真係在街度問人係吾係Lesbian,有可能比人打不突止,仲可能問一百人都無一個肯認.加上我地依組係全女班,而老細係男人,咁就真係我地點講都得啦,只要吾好太誇張同反智,講女同性戀我地依四個女人一定權威過我地個男老細啦.我地話女人係咁,佢都一定無得駁.

到收集資料既時候發現關於男同性戀既硏究就多,不過女同性戀就真係無乜,連外國都吾多,所以都係用一些台灣既刋物同資料來充數.而經過十分一會既轉介,才認識一些女同性戀者,才知道原來在六四吧每個月既第二個(定第三個)星期六下午都有女同性戀者聚會,而且歡迎外來人參加.

我地知道左其實都好興奮,女同性戀者集會喎,真係吾好意思都要坦白講,真係有d尋幽探秘既感覺.我地個老細知道左其實都好想去,但問清楚先知道真係係人都去得,不過只限女人.Well,既係依個集會係男人與狗,不得進入.

依個集會其實無我地想像中咁剌激,來既人好多,有大既四五十人,塞滿曬成個塲.中間除了有d擺到明係TB之外,多數人都睇吾出有乜特別,而且有d都真係好斯文同靚女添.搞到我有d懷疑會吾會有好多人好似我地咁係來做功課嫁呢?

咁個氣氛呢,可能因為全部都係女仔又好迫既關係,所以都幾Close同好著重Sharing.每個人都會同其他人笑,而就算有人演講,都不停要大家講意見.

集會完畢之後,大部份仲一齊吃飯同糖水.不過真係冇乜特別炸喎,咪好似平時同d吾識既人吃飯咁囉.咁多人,你都只可以同附近三幾個人傾嫁啦.而且我肯定餐廳其他人吾會睇得出依個係Lesbian集會囉,大家無論話題同行為都十分正常.

咁我地就無驚無險地交論文同Present,睇其他組比老細插個問卷設計有問題,sample抽得吾夠random,data分析得吾正確...我地就好自豪地諗我好彩我地醒目揀依個題目,好輕易地就過到骨.

而最出乎意料既係我由於不停地同人講我而個功課既內容同活動,有一個大我一年既師姐結果話比我知佢係Lesbian.師姐真係樣靚身材正,電一個好性感既短頭髮,戴藍色Contact Lens,著衫自然又靚,仲有超強電力.佢對眼真係識講野,無論男女都會比佢電親.

嚴格d來講,佢係bi-sexual.之前同佢拍拖既都係男人,但係佢發現自己都係鍾意女人多d.果次Lesbian集會佢都有去,佢咁靚女,真係見到吾少人approach佢,而結果佢真係同其中一個拍拖囉.

我吾係太肯定師姐究竟係因為之前d男友令佢太失望先有依個轉變,定係佢不嬲都有Lesbian傾向而吾自覺.佢自己就話佢中學既時候已經開始覺得自己有d鍾意女人既傾向喎,而且佢都好明顯地同果個女仔一齊之後,個人開心同積極左.咁,佢開心就得啦.

而家同師姐因為各有各忙,我又吾見幾次電話,已經無再聯絡囉.不過我有時都諗,如果愛真係無私同盲目既,咁一個人咁岩愛上一個同性既人又有乜咁出奇呢?

如果一個人話愛一個人既時候,佢吾介意對方既地位,身家,外表我地就話佢偉大;但係如果一個人話佢愛一個人時吾介意佢既性別,點解就會比人話佢濫交呢?

又,如果你在自己十零歲青春期最需要朋輩支持既時候,發現自己同其他人吾同,咁你話幾驚同難受呢?

我地又可吾可以比多少少包容,吾好咁歧視佢地呢?

水仙


納西斯(Narcissus)是希臘神話裡的一位美少年,他拒絕了女神Echo的追求,只愛上自己在水中的倒影,最後憔悴而死, 化為水仙花.

2007年3月6日 星期二

We Will Rock You

三月六日:好慘地,我識既Blog界人,只有兩個有去渣打馬拉松;

On Dog
Justin

下年多d人一齊玩啦!

============================================
三月四日,上午十一時五十九分

今日渣打馬拉松──十公里,時間打破我既記錄,1小時47分,有史以來最慢...因為,同阿媽一齊跑.

阿媽見我之前兩年好似幾好玩,自己又想減肥,所以比我遊說兩句,就參加左.

佢話佢有練跑喎,不過我見佢似行多d.到左昨晚,佢開始緊張又興奮,問左我一百個問題───駛吾駛帶水,去洗手間點算,手袋放在邊,著一對定兩對襪,幾點起身,我穿在佢鞋上面果舊黑色野係乜...

今朝佢三點鍾就起身,五點鍾抄醒我,仲要催命咁,搞到我個早餐真係倒落去,仲連頭髮都吾比時間我扎,唯有攞住頭繩,一邊行一邊扎.結果,六點三已經到尖沙咀,我地係跑七點一嫁大人.

依個十公里,咪就係急步行囉.今次真係好多好多人,而且因為七點一係十公里中最遲既一塲,好多報左五點鍾既都來跑依塲,依塲明明係女子十公里,但係有鬼死咁多男人喎.真係成個旺角咁,想跑都跑吾郁,比人踩,又比人撞.d人仲要身水身汗,真係Yuck.

阿媽雖然行路多,但係在落斜既時候又會忽然狂跑兩步.喂,咁多人,好難追嫁,真係難服侍.去到會展就係最煩既位,要不停地兜來兜去,行極都吾到.

阿媽已經無力啦,到最後見到終點,聽到“We will rock you”先再發最後一點力,跑住過終點...

Yo,阿媽其實你已經好惦嫁啦,我睇暈全塲真係最老係你呀.多數好似你咁既年紀都係來打氣同映相炸!

嗱,最多吾嫌你煩,下年一齊再跑啦.

2007年3月1日 星期四

石頭記

作詞:邁克/陳少琪/進念二十面體 
作曲:劉以達

看遍了冷冷清風吹飄雪 
漸厚鞋踏破路濕透
再看遍遠遠青山吹飛絮 
弱柳曾獨醉病消瘦

聽遍那渺渺世間輕飄送 
樂韻人獨舞亂衣鬢
一心把思緒拋卻似虛如真
深院內舊夢復浮沉
一心把生關死劫與酒同飲
焉知那笑晏藏淚印

絲絲點點計算 
偏偏相差太遠兜兜轉轉 
化作段段塵緣
紛紛擾擾作嫁 
春宵戀戀變卦
真真假假 
悉悲歡恩怨原是詐
(花色香皆看化)


門徒

門徒真係好好睇,加埋肥醫生d勁專業兼好精采既解說,就真是好好好睇.

1

2

3

4

不過如果你仲未睇部戲,就睇左先去睇影評啦.