起程之前，S問兩老外如果蕩失路既話，佢地會點，會唔會問人？
老外B：「我地從來唔會蕩失路．．．（接觸到S懷疑目光）．．．就算蕩失路都唔會問人。」
老外M：「係囉，就算你問人，可能ｄ人都係指錯你路，都係自己睇地圖好過。」
S：「男人真係麻煩，蕩失路時自己唔問人，又唔比女人問人。」
M：「如果比女人問路既話，就衰多兩錢重，令男人仲難堪。」
B：「係囉，仲有呀，有時女人仲會搞錯左右，明明人地係指去左，佢會話轉右．．．」
Well，兩個老外中文字一個都唔識（雖然佢地話自己學緊），流落上海，結果都係要靠一個女人來帶路。仲要明知依個女人係果種明明曾經識點去，都可以忽然之間唔記得路既超級路痴。
女人S咪一樣係咁周圍問人，老外又阻止到咩？
姐咁，咪又一樣準時到達所有目的地，S仲要好成功地帶佢地由黃埔灘頭行到去豫園添。
路痴=/=白痴，ok?
19 則留言:
呢個咪又係男人的自尊心作祟囉。
在美國﹐呢個係眾所週知的問題。好些男人都是路痴的(when driving)﹐好在現在有GPS。
S?
sara
唔係sonia呀死人長頸鶴
噢, sor sor.
係呢S, 點解你成日睇穿我嘅?
水晶鶴...
Samsara 姐姐
有時睇你寫既野會令我覺得你好可愛。
如果我唔識路，睇地圖又唔明既話，我係絕對唔會阻止身邊既任何人去問路既。何必要阻止呢，盞令大家受苦。
Sara姐姐，
好多書都寫過啦，迷路時，男人係靠睇地圖，女人係靠問人...因為接收能力不同也...男人係用眼(所以鐘意睇女)，女人係用口(所以八卦)...嘻...
Well...
男人同女人係生活係兩個WORLD到, 係咁既啦~~~
有否食小籠包? (my favourite!)
小雲：係啦，要應酬依ｄ脆弱既manhood真係好麻煩，所以我晨早講定比佢地聽囉。
火大俠：對於港女來講，無花崗岩就乜都唔駛講。
七十：你係咪有心靈感應嫁。
學霖哥哥：你隻眼好返未呀？
獅子哥哥：係呀，我唔發脾四時都幾鍾意扮可愛，仲要懶好笑．．．兼迫人一定要笑添，你有冇笑？
AK哥哥：好多書係寫男人揾唔到路時，女人點樣諗辦法自救又唔傷男人自尊喎．．．路痴依家野我都未講完。
On Dog哥哥：唉，我在上海食左兩餐KFC...我都係第一次在香港以外既地方去KFC。
如果唔係揾唔到牡丹樓既話，都一定會去。無食小籠包（我都好鍾意），無食蟹。
不過老外B晚餐帶我地去全上海最高既金茂食自助餐，個夜景真係靚到叮一聲，有ｄ似維港景．．．仲有一個老翻中國銀行。
我好想影返張相比大家睇嫁，但係玻璃太反光，影來影去都只係影到自己。
Sara姐姐 and On Dog兄，
可惜香港沒有做得真正似樣的小籠飽...如果唔係下次中童聚會就可以有著落了...等AK check下先...
Sam姐, AK兄:
豬肉!係D豬肉~~~
國內既小籠咁好食, 係豬肉既因素, 香港冇架~~~
黃埔鼎泰X同台灣的, 味道又大大不同...都係城皇廟的最正!
(gluttony...)
On Dog 兄，
側聞鼎泰X的小籠飽好味，不過我話過呢世都唔會係香港幫襯鼎泰X，因為之前一次極不愉快既經歷，淨係企門口個兩位門神，我已經俾個零分呢間野，不過當時我未知原來鼎泰X係咁出名食小籠飽。
對唔住 Samsara 姐姐，借左你少少位。
小籠包，我至鍾意係台北鼎泰豐，我一個人可以食一籠（！）．．．而且一定要去老店，新店完全唔同味，係比旅行團去既。只有小籠包最好食，其他蟹粉小籠同小籠湯包都無咁正。
香港，真係唔知邊度有好既小籠包喎。
香港南翔ｄ小籠包唔得，仲有種好大既小籠湯包，有飲筒比你飲ｄ湯．．．好腥。
死囉，gluttony我中晒。
獅子皇/Sam:
頂太瘋香港+台北都去過, 冇咩感覺...
似終上海南翔是食過最好!
(gluttony...gluttony...gluttony...)
獅子皇/Sam:
頂太瘋香港+台北都去過, 冇咩感覺...
似終上海南翔是食過最好!
(gluttony...gluttony...gluttony...)
(...sorry...點解出左兩次...)
若果撇去小籠包，綠楊邨（CWB World Trade）又可唔可以呢？
果度d醉雞、清炒蝦仁、干煸四季豆等都好正（七年前）。
好!
下次中童會地點有著落了...
好呀,緣楊邨真係好耐未去過。
張貼留言