........

在印度時，有個女孩子問我："Do you like poem?"

如果係有人用廣東話問：「你鍾意詩嗎？」

S一定會跌倒在地，久久不能爬起身。

在康港，你只會問人，如：「你鍾意劉華嗎？」

不過在印度、孟加拉，讀過吓書既人都鍾意詩的，人地可是在三千年前已經有文學經典的吠陀經的。又因為印度無ｄ什麼自卑又白痴既「新文學運動」，文學詩賦體裁文字都無中斷，所以到今時今日，讀書人都會寫詩的！

所以，問我如此勁問題的少女，係隨身帶有一本小小的簿本，抄底自己喜歡的詩，仲會靈感到時寫下大作的。

印度文學氣氛之重，真係令人艷羨。

****
咁，印度人唔只文學勁，佢既科學先係一流。

唔講第樣，單係發明左「阿拉伯數字」已經夠晒勁！

阿拉伯數字令到小學生已經可以學識加減乘除！如果唔係，你試吓用羅馬數字做加數，CXVI加IXX等於幾多呀～　Well，實情，用羅馬數字寫出39451已經夠你搔爆頭啦掛，仲要做加數添，仲難過計微積分呀！

（不過依個問題對中國人不適用，因為我地有～～～算盤！）

到左今時今日，印度醫生都係東亞出名既；美國仲有好多醫療測試同報告都係「外判」比印度既，因為時差既關係，美國醫院臨收工時send data比印度，第朝一返工就有結果...真係平靚正快啦！

印度既IT就唔駛講，直頭世界級啦。

****
對於S來講，印度最科學既貢獻，唔駛講都係二千五百年前既佛陀啦！

「不要只是因為有人這麼說、或是傳統如此，或是約定俗成，或是經典記載就輕易相信。不要只透過演繹或推論、或是只看表象、或是因為某種偏見、或因某種見解值得稱許、或是因為你的老師這麼說，就輕易接受。只有當你自己直接了知：『這些作法是不好的、引人非議的、智者不取的；若是照著去作就會導致傷害及痛苦』時，就應當捨棄。而只有當你自己直接了知：『這些作法是好的、無可非議的、智者讚許的；若是照著去作就會帶來幸福快樂』時，就應當接受並實踐。」

以上唔係現代科學家所講既，而係佛陀比各位既建議，totally scientific, right?

佛陀教我地：要客觀如實地觀察自己，首先用觀察自己既呼吸來訓練集中精神，然後由觀身體既各種感受來了解身心之間既互動關係，當我地既心越來越細微，就能夠親身體驗身心既實相，而可以去除一切不淨同痛苦既智慧亦會生起！

所以，佛陀係叫各位做自己既主人(Be your own master!)，唔需要盲信，只要以自身既努力，就可以看清一切實相...

實情，「佛教」真係唔可以稱之為宗教，佢都無「神」依樣野，又要全部都靠自己努力，所以，只可以理解為：「佛陀既教導」。

****
Oh，越講越遠添。

雖然在出來做野之後，S對印度同孟加拉商人既印象十分差，佢地出名唔找數既...但係，當諗返當年既「尼泊爾孟加拉印度極度艱苦團」，忽然會有一種類似鄉愁既柔軟感覺...

前攝行為 ( 轉載)

所謂前攝行為-意即：
遭遇困境時，反過來控制局面，而不被局面所牽制。

一對夫婦在婚後十一年
生了一個男孩，夫妻恩愛，
男孩自然是二人的寶。


男孩兩歲的某一天早晨，
丈夫出門上班之際，
看到桌上有一瓶打開蓋子的藥水


不過，因為趕時間，
他只大聲告訴妻子記得把藥瓶收好，
然後就關上門，上班去了。


妻子在廚房裡忙得團團轉，
卻忘了丈夫的叮囑。


男孩拿起藥瓶，
被藥水的顏色所吸引，
覺得好奇，
於是一口氣都給喝光了。
藥水成份劑量很高，
即使成人也只能服用少量。

由於男孩服藥過量，
雖然及時送到醫院，
但仍舊迴天乏術 。

妻子被突如其來的意外嚇呆了，
不知如何面對丈夫。
更害怕丈夫的責難。


焦急的父親趕到醫院，
得知噩耗非常傷心，
看兒子的屍體，
望了妻子一眼，
然後說了四個字。
作者讓讀者猜猜，
這丈夫說了四個甚麼字？

















答案是：
I love you darling !


作者說：
這種反應稱之為 Proactive 的行為
前攝-
即反過來控制局面
而不被局面所牽制


作者讚揚丈夫是人類關係的天才
因為兒子的死亡已成事實
再多的責罵也不能改變現況
只會惹來更多的傷心
而且不只自己失去兒子
妻子也同樣失去了兒子


這則故事，
主要的是在彰顯人類
有能力選擇「自我層次」


面對一件不幸的事件，
你可以大發雷霆，
怨天尤人，
甚至責難一干人等，
但事情卻不會因這些而有絲毫改變

不幸的是，
它只會伴著你往後的生活，
負著疤痕的活下去。


相反的，
如果能放下怨恨和懼怕，換一個角度看事情，勇敢的活下來，
可能事情的境況原來並不如想像中那麼遭，
這就是作者所要闡釋的Proactive Behavior(前攝行為) 。

=======
佛家也常說：
「由內心來轉變境界，
而不是讓身外的境界
影響內心的清淨與智慧」

言知之易 ，行之難。

『 I love you darling 』這句說話，是一個仿如聖徒般的人才能說出來的吧！

但，並不代表平凡人就一定做不到。

其實，
個人在遭逢不幸的事件時，
如果不能選擇
最適當的方式去面對，
又怎麼能面對未來
以及週邊的人、事、物呢？


在生活中，不妨養成：
『能有，很好；沒有，也沒關係』的想法，
便能轉苦為樂，便會比較自在了。

而， 遭逢一切事 ：
「面對它、接受它、處理它、放下它 」


是心隨境轉，還是境隨心轉，最終是自己的選擇。

原來我們是這樣走過來的

S知道自己係一個好幸運既人，雖然生性刁蠻燥底自我惡死，但神奇地，仲有一班由中學一齊玩到依家既朋友。

其實，真係唔明，我地點可能做朋友咁耐嫁呢？比如好簡單地大家出來一齊食飯咁，點菜已經係一個超級高難度------

S有幾偏食，係要成篇文先至講得完。

偶然會在S個已經無乜人睇既blog現身的麥太，係一點點點點辣都不食的。係一點辣都不能。仲記得當年中學時，好似係S提議去食印度野........麥太連個湯都話有辣味，全程乜都無食過，塊面黑既程度，到依家當時在場既人都記憶猶新.......

豬豬油油就最fuzzy，唔食一條條既魚，但係就食魚柳飽；唔食蝦，但係蛋黃蝦佢又食喎；龍蝦肯食，但係賴尿蝦又死都唔食喎...總之，佢係女人，女人到其他女人都唔明。

粉紅怪呢，就最就得人，除左因為愛護海洋生態而唔食魚翅之外，樣樣都食。


不過，請看上面張不食清單，依四個人坐埋一齊，仲有ｄ乜野菜可以點呢呀吓？如果再來多幾個同學仔，就.......都唔明，點解次次我地都可以食幾個round？？？


******
咁多年來，其實我地除左無可抵賴地老左之外，都真係成熟左的。

記得以前讀書時約出街，如果因為要陪屋企人而唔出得來，係會唔好意思講的；S當年會覺得好瘀，陪屋企人好似好老土。

出到來做野就唔同囉，如果因為其他原因而唔出來聚會呢，可能有人會投訴，但係如果係因為要陪屋企人，咁就一定無問題，無人會有任何怨言。

去旅行時，如果同學係想買野比自己，咁大家都係反應普通，有就有無就無啦。但係如果係想買手信比世伯伯母，咁就大件事囉，全部團員都會十分上心，周圍睇周圍揾，一定要買到先至擺休！

以前講得最多既係工作同是非，依家就最關心健康同屋企人。

******

我地都慢慢學識，慢慢明白，乜野先至係真正重要的吧！

明天又係我地一年一度，地獄式馬拉松大食會的時候啦。經過有同學仔病倒又好返之後，S是很珍惜很珍惜很珍惜的。

所以，就算依個禮拜S咳到聲線（難得地）柔弱，都一定會出席，而且會毫無愧色地幫個盤菜加料！！！



祝各位身體健康，新年愉快！

無常

有乜理由渣打馬拉松已經全部滿左呀！！！！！

以前不嬲係過左Early Bird優惠都仲有得報名嫁！！！今年Early Bird優惠仲有一個月，就已經滿晒！！！！！！

我仲未報呀！！！

我仲好老定，跑全馬喎，邊有咁多傻佬會癲到想跑夠42.195公里呀！

點知，康港人真係越來越傻。

今次無得跑啦！！！！！！！！！！！！！！！！！！！

唉。拖啦拖啦，結果．．．．

＝＝＝＝＝＝＝

然後，去志蓮上法句經時，Annurudha法師話，佢唔舒服，今堂係最後一堂，下年九月前至再教。

我知道法師遲早會唔教的，但在腦裏面想像同真係發生係唔同的，好突然。

在思維上，人人都明白，變幻才是永恆。但係到變化真係發生在你身上時，仲可以哼得出歌仔既人有幾多？


好在，由師兄知道，法師只係牙痛。法師都已經牙痛左兩個幾禮拜啦，下個禮拜仲要去剝牙。

不過，法師仲會留在香港，休息一個禮拜後，仲會再教巴利文翻譯組。

真係鬆一口氣。


但願法師身體健康，早日康復。

打仔有理(?)

話說，有個心理學家去到戰機飛行學校去講motivation，主張教學時應該要多鼓勵，因為獎勵會增強正面作為，但係懲罰唔能夠減少錯誤行為。

但係有個教官立時彈起身，講話：「唔係喎，我既親身教學經驗係：每當我一讚完學生飛得好之後，下次一定飛得差；但係，如果我鬧爆一個飛得唔好既學生呢，佢下次一定會改善好多。」

佢一個教官咁講就話偏見姐，但係其他教官都附和佢喎。

心理學家係一個真正有科學精神既科學家，佢好肯定佢既「奬賞有效，懲罰無用」在各種實驗之中都證明正確，但係，點解依班教官個個都有相反既經驗呢？

佢諗左好耐，突然靈光一閃：雖然鬧爆之後學生有改善，但係，個改善唔係因為鬧爆....


點解？

因為，Regression toward the mean（呵！放心，我唔係數怪，唔會寫formula出來）。

渣飛機係一個非常難掌握既技術，當然考到入來既學員都有潛質可以渣好飛機，但係在學習同訓練既過程之中，有好多隨機既因素都會影響佢地既表現。所以在未滿師之前，學員都真係好漂忽，時好時壞。

而特別好又或者特別壞既飛行，都係因為佢果日去運，或者倒霉...

咁，每當有超完美又或者差ｄ擋左指揮塔之後，下次多數都係會飛返自己平常既水準。所以，雖然好似係因為教官讚完之後個學生就讚壞，好似係因為教官運真氣狂柄學生佢就終於開竅....實情，我地係fooled by randomness囉。

依位心理學家由此啟發，一直硏究因為隨機事件而引致既謬誤，終於，在2002年攞左諾貝爾獎（仲要係好唔啦家既經濟學獎），佢係Daniel Kahneman。


故仔來自The Drunkard's Walk，唔係講酒，而係....原來我地真係好迷信又易扼。