2008年11月15日 星期六

聰明女人必做的 10 件事

一、儲蓄友誼
靠得住的友誼是今生最溫暖的一件外套。它是靠妳的人品和性情打造的,在這個年齡一定要好好地珍惜它,如果到目前為止,還沒有幾筆,那麼,從現在用心去儲存還來得及。

二、學會放手
這個年齡已經不允許不成熟,當妳無力把握命運中的某種愛、某種緣、 某種現實,就要學會放手。給自己一個全新的開始,只要信心在,勇氣就在; 努力在,成功就在。

三、播種善良
一定要極盡自己所能,讓那些比妳苦、比妳難過的人感受到這世上的陽光和美麗。這樣的善良常常是播種,在不經意間,就會開出最美麗的人性之花。

四、懂得音樂
一定要學會一種樂器,它會洗滌你的身心,打開你的記憶和想像,更會帶來意想不到的寧靜...?另外還有攝影、收藏,它們都能讓我們的生活增添滋味。

五、避開兩種苦
塵世間有兩苦,一是得不到之苦,二是鍾情之苦。前者在妳付諸努力的前提下,就把一切當作一場賭,勝之坦然,敗之淡然,好在這年齡還有一定的資本得以捲土重來;至於後者可說是世間最苦,如果把這時還有這樣的情愫,一定要像清除灰塵般,把它從心屋裏掃出去。

六、學會承受
有些事情需要無聲無息地忘記,經過一次,就長一次智慧;有些苦痛和煩惱得要默默地承受;歷鍊一次;就豐富一次。這個年齡不該再像小時候那樣大喊大叫, 痛哭流涕

七、常懷感恩心
當我們參加完葬禮,總會湧起一些感慨;當我們大病初癒,總會有萬般珍惜。 感恩的心一定要時時保留,它不僅讓你憐惜身邊事物,還能平撫欲望和爭鬥, 甚至幸福的感覺也往往源自於此。

八、熱愛工作
儘管它不像喝茶、聊天那般愜意,但它檢驗著我們的智慧和能力,得以讓我們體現價值及獲得成就。一定要全心愛它,畢竟它讓 妳大半生有事做、有飯吃。

九、勤於學習
讀書和學習都是在和智慧聊天,每年至少要讀五十本書(),它不僅保證你的記憶力、感悟力,還能讓你維持個性魅力,這可是練瑜珈做美容所不能達到的效果。

十、享受運動
善用時間運動享受自然。妳的體重就不會因懶惰而上漲,你的容貌也不會因歲月而減少生動,在某種程度上更能保存青春、快樂與健康。

*****

依個係一年前post出來既,點解要推返上來呢?嘿嘿,因為我今年已經睇左47本書,第九項竟然達成!

而第一項呢,無論係我自己定一班中學同學仔,今年應該都有重新的體會。

我的一個中學同學之前check到身體有些問題,都有一翻周折,才在今個禮拜做了手術。今日去探望她時,真是很高興閃閃雖然被迫行路坐低都要慢動作,但是很精神,仲要好精靈!我地呢,唯有忍手唔好咁搞笑,引到閃閃笑到爆線未大鑊?

雖然報告仲未出,應該是無事了。

真係好!只要好好休息,我地又可以去食去玩去hea啦!

我地依d中女橫跨兩個世紀既友誼,在朋友生病時,大家都好深地感到依d友誼既珍貴。

之前唔肯定病情時,大家都七上八落。

好!
驚!
呀!

一班人不停地轉流sms閃閃,搞到閃閃最後忍唔住要出email話,雖然佢近排瘦左,但係都實在唔駛加咁多油...

我呢,係閃閃入醫院前同佢傾電話,先發現,原來我真係太過take her for granted,無真係留心聽佢講既野。雖然我一直都知政府工雖然係鐵飯碗,仲有做又三十六唔做又三十六既惡名,但係箇中既辛苦同壓力,其實分分鍾仲大過我依d隨時會比人裁既工廠妹。但係,平時佢講工作講得咁輕描淡寫,我唔知道原來佢已經搞到成日要做到十點,仲要面對好多匪夷所思既人同事。

原來,閃閃依排工作得咁辛苦。

我依家呢,真係心懷感恩。閃閃呀閃閃,你快d好返啦,我地仲有排山倒海既河鮮宴、聖誕暴飲暴食派對、日本東京以北之旅等緊你嫁。


係都要講:

加油!

****

閃閃,我仲想講:多謝你呀!

上次我地去日本時,我又唔開心又唔舒服,全程都勁扭計。落雨會扁嘴,鞋濕左會扁晒嘴;行街都會嫌攰,半路要返酒店午睡,睇中野又要反來覆去,買唔到野又要唔開心...煩到咁,你都無柄我,仲當我係你兒外甥仔咁tum,係差無買玩具比我...同你旅行真係好呢!

20 則留言:

獅子皇 提到...

Samsara 姐姐,

我相信呢十點不單止是對女性而言,男性亦應如此吧。

人生從來不容易。

七十樓危危下望 提到...

向師姐學習

Samsara 提到...

各位姊妹共勉之。

七十樓危危下望 提到...

我其實想話你知夢見邊幾個字
整整下唔記得左

匿名 提到...

好重要的十點啊!

老五

ak 提到...

Samsara姐姐,

AK最近又遭遇左一d事,所以對其中既第二,第五同第六點比較有感觸...(唉...試過好多次啦...錯完又錯,錯完又錯,講極都唔聽,無鬼用...)

五十本書...?一年三百六十五日,即係差不多一個星期一本??又要懂得音樂,熱受工作,享受運動...依個唔止係女人...應該係鐵人囉...

癲狗 提到...

我成日都覺得呢d必做乜乜乜唔係幾等洗
感情的唔講, 8,9好難啫

8...份工理想就講得輕鬆
9...漫畫算唔算先?一年先得48個禮拜, 睇50本書?咁本書睇怕都要幾薄下

Samsara 提到...

王哥哥:儘力嫁咋,做到就十全十美。

AK哥哥:你唔係應該對二比較有感觸咩?...五十本...所以我都打個感嘆號囉,如果依篇唔係翻譯,咁應該係台灣人寫嫁囉。音樂...叫一個唔聽音樂既人學樂器,實在強人所難。

癲狗弟弟:你大個d就會明嫁啦...8...我覺得有份工可以有飯食同過日晨,都真係應該心存感恩...雖然我都成日抱怨吓...9...我都係諗計唔計漫畫?不過如果計,五十本又太少喎...又,一年有52個禮拜,你依個幸福學生係咪減左暑假?

癲狗 提到...

相反XD 52 - 2個mid term - 2個exam = 48
(其實係除錯數)

嗰50本書好視乎你點計^^? 今日放學冇嘢做卒之就因為講睇書同玩樂器呢兩樣嘢寫咗個entry,不過我啲字眼好offensive, 哈哈

Karen (Sze) 提到...

除o左那50本書, 其餘的, 進行中。

HollyCow 提到...

嚇鬼得我,一向過目不忘,明明讀咗这编東東。友情最重要。
向各位請安!

Samsara 提到...

牛牛:我肯定閃閃會好快好返,因為,佢第一件事同我地報告既係:個麻醉師好靚仔...

HollyCow 提到...

現在需要治愈她的大腦!

The following was written because of CM and you.

http://hollycowplanet.spaces.live.com/blog/cns!8C175A4F3A013628!502.entry

s-pig 提到...

Samsara,

全收,會盡力,多謝你!

除左係聰明女人要做之外,呢度大部份,都係令人活得快樂之道...

Marshmallow 提到...

1. 小女子自小都冇乜,真係要改善下...不如就由你開始? :-P

2. 對份工,小女子已經放晒手!

3. 咁講,小女子又一向都純如綿羊既...

4. 係呀係呀,近排唔知點解,又攞咗個小提琴出黎玩,可能係壓力實在太大啦

5. 得不到既野,付出過以後還是得不到既,就應該放棄啦...唔知呢,可能有啲人有衡心啲啦,小女子就容易放棄...咁,都可能唔係唔好既

6. Hmm...呢樣又真係要學下!

7. 珍惜眼前人,視今天如未日,好似好消極,但係咁,先會令人珍惜

8. 小女子以前都熱愛工作,不過以家既感覺反而係,做野,為兩餐啫...

9. 做人活到老,學到老.冇話讀完書就唔洗學既.所以係架,乜都學啲,但係,記得要專注囉

10. 其實做完運動,真係好鬼舒服!

小女子 提到...

我只係知道 … 我已經有兩個生活係一個無生活架生活入面 …

所謂十項 … 我只知有一項,就係做功課 …

Barry 提到...

師姐,男同樣要學。

Holly 提到...

Sam同學, 失踪多日???

Samsara 提到...

同學們:我之前係好懶,來緊係會忙....都係遲d大腦無咁閉塞既時候再寫啦!

Internet business at home automated system 提到...

有個"網路兼職"機會替自己加薪,增加存款!
給自己一個機會深入瞭解吧!
免費索取在家網路兼職資料 。
http://joe80411.weebly.com/
祝~天天都是有美好的一天˙快樂與您同在
PS:謝謝您的閱讀。如果您不感興趣,很抱歉打擾您!!