2007年5月30日 星期三

盡在不言中的刺 - 轉載

前天,停車在一棵老樹下,
老樹上攀著枯死的九重葛藤蔓。
恰好有一段枝子斷裂掉落在引擎蓋上,一時心懶,
不想下車拿開,便讓它隨著車行而自動抖落。

沒想到,今天先生告訴我,輪胎被一根小刺刺破了。
他還特別把那小截刺拿給我看。
真的,那麼小小的根不起眼的刺,
恰恰就刺入了輪胎最薄的部分。

車行說,這個部分沒法補,因為在胎壁最薄的地方,
補了也承受不了胎內的高壓,反而會有爆胎的危險,
所以只好整個輪胎換掉。

看著這根半公分不到的小刺,
很難想像就這樣毀了一個厚重的輪胎。

先生說,他原先不以為意,隨手一拔,
沒想到隨之而來的便是極細但很明確的洩氣聲。
氣雖然洩得慢,一旦洩盡,就麻煩了,
所以趁著還有氣的時候,趕快開去車行。

我把這根小刺,放在心頭,提醒自己,
再怎麼深的情誼,也有不堪一刺的部分。

言語中的小刺看似無關緊要,實則不可輕忽;
與人來往,最好能除盡言語中輕忽一根刺與一個輪胎,
不過是生活中的一件小插曲,
然而卻在我心頭泛起陣陣漣漪。

人與人之間,有時自以為交情深厚,
因此不免在言語間彼此笑謔。
一不留意,一點言語上的輕忽就恰恰刺中對方最在意的地方,
於是友情的氣漸漸消盡,終於成為不再交心的陌生人。

車輪可以再換一個,朋友似乎也可以再交往,
但總有什麼是無法追回的。

車輪可以再換一個,
只是現有的車輪已非先前的車輪;

朋友也可以再交往,
只是新人已非故友。

2007年5月28日 星期一

比較

其實而個本來係睇左ck老闆最新post既留言,不過越寫越長,乾脆變成一個post.

當大家都讀緊書既時候,係好單純既,比較既,最多咪係成績.到大家都畢左業出來做野之後,每個人都有唔同既際遇.有人一帆風順,有人跌跌撞撞.

話完全無比較,咁就真係無可能.我都有段時間,會問點解依個朋友份份工都做唔長,果個朋友個乜唔鍾意份工又吾轉工;倒轉頭又睇,點解出來做左三幾年野,有d朋友已經買左樓兼升做manager,我又都仲係打份牛工呢?

但係近兩年,我開始發覺自己咁樣比較真係好on居.

咁我有d朋友無乜事業心咁又點呢?佢地開心又豁達,對人真誠吾勢利,我地年紀都吾細囉,仲可以保持到依份真,都算係一項成就嫁.

我有朋友自己做生意仲越做越大,但係個過程既辛苦壓力我又願唔願意承受?我可以收工就係收工,話唔做就辭工,做老闆既朋友又得唔得呢?

依個世界,永遠係人睇你好,你睇人好.在依座山時想去對面既山,比你去到對面山頭時,又會回頭睇返好似都係以前好d.點解唔享受依家擁有既一切,而要周圍同人比較呢?

我地好彩既係,一班朋友都吾係太注重一物質方面既野,去吃飯,係志在食同聚一聚.以前都仲係比較注重去邊度吃得好d坐得舒服d,但係而家,我自己就真係比較想找一個地方坐低,可以傾下計.

前兩個禮拜,我地一班中學同學出來一齊燒野食,在小欖,位位六十八蚊.

服務就一d都無嫁啦,除左會幫你起爐之外,其他攞野食,加炭,揾枱揾凳全部自己來.不過一下子有成十幾廿個舊同學出現,都咪話吾熱鬧呀.只係say hello同update近況,講返d咸豐年既舊事同無聊爛gag,已經好鬼嘈同好開心.

一個人除左揾幾多錢,睇幾大盤生意,有冇專業資格同豪宅之外,其實仲有好多野傾既.我地真係需要咁多物質既比較嗎?

要鬥,不如鬥邊個最開心好過啦!

2007年5月24日 星期四

停經

各位女仕,依個吾係科幻小說,未到更年期之前,我地可以揀永遠停經

仲記吾記得未有月經既日子呢?可以自由自在無拘無束,吾駛在office永遠有準備以防萬一,吾駛去日本台灣之前一直計住究竟有冇得浸温泉,吾駛有果幾日好攰但係都要頂住眼訓返工既日子?

之不過,你又係咪真係敢試先?

人體其實比我地想像之中複雜得多,好多以前以為無用既野,結果發現原來有用.比如盲腸咁呀,以前大家一直都以為佢只係一個退化左既器官,仲有d醫生會「好心」地在幫病人開肚做手術時,順手割埋盲腸,話反正盲腸無用,割左佢就吾駛有盲腸炎喎.

結果,之後既硏究發現,盲腸係免疫系統既一部份.身體會將d細菌痛毒同毒素集中既盲腸度打仗,如果盲腸發炎,其實係指依個戰塲告急,吾夠d病菌打.咁我地正確既做法係要幫拖,而吾係剷左依個戰場.

割左盲腸,其實就好似因為嫌個煙霧警報器太嘈而熄鬼左佢,咁吾駛問,身體好快就會出現沖天大火災.

其實月經係乜野呢?依個其實係子宮每個月準備懷孕既一層營養層,但當女性無懷孕時,依層營養層就會自動脫落,形成經血.

我之前讀Bio時,就成日諗,點解咁浪費地將營養排走,而吾重新吸收返體內呢?

人類在漫長既進化之中,其實大部份時間都係處於營養不良既狀態嫁喎.以前果種Hunter-gatherer又或者逐水草而居既生活,真係好難講下餐幾時有得吃,營養係好珍貴既.每個月都有一次大流血,對身體係一個好大既負擔,點解咁都要有月經呢?

會吾會月經仲有一d未發現既功能呢?會吾會對心理健康有好重要既作用呢?依個惠氏藥廠既新藥兼識生金蛋既鵝「來不了」(講開又講,個名譯得真掋死),食得耐又會吾會有d乜野估吾到既副作用呢?

姊妹們,都係諗清楚先好試!

2007年5月22日 星期二

考試

我既正能量偶像Andrew Matthews曾經講過:

"We are here to learn lessons, and the world is our Teacher.
When we fail to learn a lesson, we get to take it again...and again!
Once we have learned the lesson, we move on to the next one.
(And we never run out of lessons!)"

如果咁講,我依一堂就成日都肥佬,所以每一年都要re-take.一次又一次地lum班,直到我學識為止..

依家,又到左考試既時候.

我可以又肥佬,搞到要再take過.

我可以低空掠過,搞到下次take返一個進階課程,內容一樣,只係難度高左.

我可以終於漂亮地pass,等我終於可以升班,讀過第二個課程.

出面,仍然下雨;但係,吾需要因為咁而困住自己.

要解決問題:面對它,接受它,解決它,放開它.


立此存照.

2007年5月20日 星期日

下雨

在射鵰中講到蓉兒知道靖哥哥一定要回大漠聚華箏公主,大家終要分手,便爭取同靖哥哥一齊既每分鐘,每日都要跟佢一齊,直到自己支持吾住才去睡覺.又到處撩事鬥非,希望同靖哥哥有多d共同經歷,供以後回憶.

一日下起雨來,行人紛紛向前跑,但蓉兒卻仍慢慢走.

既然前面一樣落雨,咁,跑去前面又如何?

讀射鵰係我小學既事,但係對依個故仔好深刻,我直頭好似可以見到前面灰濛濛既雨.

有陣時落雨我都會諗,我地又做乜要向前跑呢?前面咪一樣都係度落雨.

2007年5月18日 星期五

一個女人的故事

在二千五百多年前的印度舍衛城,有一個生於富有婆羅門家庭的女孩,名叫Patacara。

Patacara非常美麗,受盡萬千寵愛,過着奢華而無憂無慮的生活。

在她十六歲時,Patacara愛上了她的家僕;當她知道父母要為她安排婚事時,兩人決定私奔。

離家出走後,兩人在鄉間務農為生。

不久,Patacara懷孕了.當時印度的風俗,是產婦都會回去娘家待產。Patacara第一次生育,心中很害怕,很想回娘家,在母親的照顧下生子。

Patacara對丈夫說:「我肯定爸爸媽媽會原諒我們,不會趕我們走。」

但是丈夫很害怕見到自己背叛了的前主人,遲遲不肯起行。

直到Patacara快要臨盆時,她終於忍不住,自己一個人前往舍衛城。她的丈夫發現後,連忙去追她。但當追上Patacara時,她已經開始陣痛,結果在路上生了一個男孩子。既然已經生下孩子,也不用再去舍衛城,兩夫婦便帶着孩子回家。

幾年後,Patacara再次懷孕,又想回娘家.但丈夫仍然不願意回去,Patacara又一次廷着大肚子,自己帶着幾歲大的孩子,回去舍衛城。

當丈夫追上時,Patacara又開始陣痛。

但今次下着傾盆大雨,Patacara叫丈夫找一個可以避雨的遮蓋,讓她可以生產。

但當丈夫在砍樹時,不幸被毒蛇咬傷而暈倒。

Patacara一直都等不到丈夫回來,只好在風雨交加下生下另一個孩子。在大雨滂沱之下,Patacara抱着大兒子和初生嬰兒,讓他們不會被淋濕。

到雨停時,Patacara帶着兩個孩子,到處找丈夫。但當找到丈夫時,他已經毒發身亡.Patacara見到丈夫的屍體十分傷心,她怪責自己,認為丈夫因她而死。

但在手無縳雞之力,又有兩個孩子的情況下,Patacara没有辦法埋葬丈夫,只有留下丈夫的屍身,帶着兩個孩子,繼續去舍衛城找母親。

路上有一條河,因為大雨而泛濫。Patacara只好留下大兒子,先抱着嬰兒先涉水過河。

到了岸上,Patacara放下嬰兒,回頭再去接大兒子。

但當Patacara走到河中央時,看見有一隻大鷹俯衝下來,明白大鷹是為什麼而來,Patacara立即大叫,想趕走大鷹。但徒勞無功,大鷹叼走了她的嬰兒。

而在另一邊岸的大兒子聽到母親的聲音,以為是在叫他,便立即跳下水,結果淹死。

一下子失去了兩個兒子和丈夫,Patacara悲慟慾絶,如行屍走肉般向前走,只想回去娘家。

但是在路上,Patacara聽到消息,昨晚因為大雨而山泥傾瀉,埋住她的娘家,她的爸爸,媽媽和哥哥都同時離世。

Patacara真是完全崩潰,她瘋子似地大唱大叫,連衣服全部掉下也渾然不覺。村民看見這個不穿衣服的瘋婦,便罵她,打她,向她吐口水,用垃圾扔她,這令她更瘋狂。

後來有一個好心人引領她去見佛陀。Patacara捧着佛陀的腳,求他幫助。

佛陀對她說:「要正念。(Be Mindful)」

Patacara冷靜下來,發現自己赤身露體,有人便拿衣服給她遮上。

佛繼續向她開示,解釋世事無常,每個人遲早都要死去。

Patacara在聽完開示後,決定出家,潛心修行。

有一天,她打坐時觀照萬事萬物的無常本質,也就是萬物的生滅,一直到深夜。

她回去茅舍時,因為平時赤足而先要在屋外洗腳。

Patacara倒第一次水在腳上,看見水在地上流走。

再倒一次水,她看見水流得更遠。

再倒第三次水,她看見水流得再遠些。

看着水的流動,Patacara進入定境(Mind Concentrated)。

她走進茅舍,屋內亮着一盞油燈。

Patacara把燈芯壓下,當她看着火光熄滅時,一下子了悟真理,證阿羅漢果。

從此超越生死。


佛聞此消息,說:

「知見五蘊生滅者的一天,
勝過不能知見五蘊生滅者的百年生命。」

巴利原文:
Yo ca vassasatam jive
apassam udayabbayam
ekaham jivitam seyyo
passato udayabbayam.


出自【法句經】千品第十五

=====

Patacara成為阿羅漢後,一生致力幫助其他人,她帶領很好困苦的女人走上正法的道路,她們在不懈的努力,亦成為阿羅漢...其中一位是:Canda

林妹妹出家




妙真法師於二零零七年五月十三日,因乳癌病逝.終年42歲.

就算現代科技昌明,一樣有不治之症.

世事無常,人身難得.應該點樣善用我地有限既歲月,令自己在最後一刻,可以坦然面對生死呢?

會開既花朵就有淍零既一日,有生則有死.

在歷史既長河裏面,我地不停地漂流.

在每次生死中我地不停地循環.

可能,我地不停地遇到同一班人,做同樣既事,犯同樣既錯,抱同樣既遺憾.

跟住,我地又發同樣既願,再次歸來.

開始另一回循環.

要打破宿命,

就要超越自己.

============================================

2/28/2007
在八十年代的大陸電視戲紅樓夢主演林黛玉既女星陳曉旭,証實二月廿三日在長春百國興隆寺舉行了剃度儀式,從此青燈長伴,潛心修佛.

因為家母係紅樓夢粉絲,依部在亞視轉播既長編連續劇,我當年都強迫收看左好多集.當時只覺得服飾很漂亮,眾多美女,寶玉實在太裙腳仔,林妹妹就刁蠻得聰明可愛.

之後在媽子既威迫利誘下,睇左原著.嗯,好難頂,做乜搞到好似d連續劇咁戲劇化老土兼前文不對後理?無端端老太君忽然吾鍾意林妹妹,寶玉short左誤聚寶釵,黛玉含恨而終,死前遺言仲要係好女鬼地:「寶玉,寶玉,你好...」真係可惜了寶釵,抺黑了黛玉.

後來知道原來只有頭八十回係曹雪芹所寫,後面既全部係高鶚鼠尾續貂,咁至無咁嬲.吾知,曹雪芹既原竟到底係甚樣安排呢?

好多人話黛玉應該係淚盡而亡,咁,欠債還錢,前世欠左寶玉依個神瑛侍者既一定要還,還完未走得囉.之後先到寶釵頂硬上,嫁左比寶玉.

如果黛玉生在今時今日又如何呢?依家醫學倡明,肺癆之嘛,好易醫.以黛玉咁聰穎,如果健康既話,會吾會就好似陳曉旭咁,活得精彩而理直氣壯,無論名、利、美貌、才華、氣質、男人通通擁有,然後看破紅塵,放下過億身家同廣告王國,追求真正的和喜自在.

以陳曉旭自己既說話來講:「我曾經很專注於財富的積累,但之後發現物欲的增長並沒有給自己和家人帶來真正的快樂.」


祝願妙真法師無漏吉祥,法喜充滿.


網上新聞

2007年5月16日 星期三

Samsara Daily - 情色二級不雅網上版

1. Good Taste淫褻電影
http://pkblog.org/?p=1670

嗱,在我copy依條hyperlink既時候,都仲係一個好正常無裸露既poster來嫁.但係如果轉頭PK_哥哥覺得Woody Allen吾夠靚仔吸引,轉左張裸女照(其實我prefer裸男),就定額罰款五千蚊,貴過亂抛垃圾好多.

PK_哥哥,不如一人一半啦.

2. 真正下流訪問
 http://appledaily.atnext.com/template/apple/art_main.cfm?iss_id=20070516&sec_id=4104&subsec_id=11866&art_id=7106616

 令人髮指啊呵,真係同弒父娶母有得輝.

妖,依條友仲要係中大舊生添,今次我真係覺得比人影衰哂.

3. 下期預告
我會寫好情色版


各位有link落來依個blog既朋友,包括最近被迫要link我既果位先生,你地真係要諗清楚係咪要remove左我呀,你吾知係咪已經犯左法嫁啦.

我依d不學無術既人都學人寫野,真係學「歷史文藝青年」咁講:清風不識字,何苦亂翻書.

2007年5月12日 星期六

量度

依個社會其實仲有冇量度,仲有冇可以容納不同人既胸襟呢?

一份學生出版、在大學之內流通既報紙,可以被學校以「有損校譽」之名,被勒令停止出版情色版.甚至情色版被送交淫褻及不雅物品審裁署,被評為二級不雅刋物,中大學生報既編輯可能要負上刑責,最高刑罰是40 萬罰款和一年監禁.

一個網民在討論區,因為貼上顯示淫褻物品的hyperlink,被裁定發布淫褻物品罪名成立,罰款五千元.  

依兩件事件係顯示我地社會有超高道德標準,還是我地完全無容人之量呢?每個人有不同既見解、口味,更何況食色性也,就算禮教保守既咸豐年代,一樣有金瓶肉蒲一類既「淫書」.如今社會風氣開放左,又係資料爆炸隨手可得既年代,但係我地又其實有冇真正地進步呢?

我地吾一定贊同學生報情色報既內容同手法,佢地亦的確有好多需要改善既地方;但係我地又需吾需要對依班剛成年、仲未踏出社會既年青人喊打喊殺,要拉人封艇?二級不雅刋物有幾嚴重?之前東周刋登劉嘉玲裸照果一期,都係被評為二級不雅刋物.

何況,點解不雅物品審裁署要管一份只在學校流通既報紙?咁樣係咪侵犯左學校既自主同言論自由?如果在大學都吾可以有寬鬆的環境同可以暢所欲言既風氣,我地既社會仲有d乜野空間?

網絡上一直有如恆河沙數既三級網站,我地既執法機構吾去打擊發放兒童被性侵犯照片既不法之徒,吾去封殺xxx Enlargement既spam,竟然花公帑來告一個貼Hyperlink既人???真係要麻鷹吾捉捉雞仔?定係要恐嚇我地依班網民吾好亂睇、亂講、亂寫、亂諗、亂貼?

我係咪應該揾返d祼男網站,貼返條hyperlink在度,表示我仲比得起五千蚊呢?

請支持言論自由,保護香港開放包容既風氣,依個先係香港既核心價值.

請聯署以下聲名:

要求影視處判決中大學生報無罪聯署聲明

保障網民權利」網上簽名運動

2007年5月9日 星期三

情色

中大學生報在我既年代係傻瓜集中地,你可以話佢地無知天真on居,有左仔,有環保戰士.佢地都會討論各種各樣爭議性題目---粗口次文化,性傾向,妓女,性暴力...

今次學生報情色版提到亂倫、人獸交,我覺得題目本身無問題,但係報導既內容同手法就好吾OK.

前幾年科學雜誌Discover都有講人獸交,係講有個男人因為同羊性交而染上動物既性病,跟住傳染佢太太,從而推論到人同動物疾病既另一個傳染途徑.

至於亂倫,就係哲學、心理學同人類學既恆常課題.Blogger哲學家没有翅膀近來都有論述

敢講社會上既忌諱題目,敢講一d冷門無巿塲既議題,本來係學生報既優勢,亦係大家努力保護既言論自由同思想自由;但係佢地依家低俗既內容同手法,簡直係濫用社會資源同對佢地既信任.

兩個字:Bad Taste

====================
乜野叫做Bad Taste?大師既留言真係好鬼勁,一定要貼出來.

精工大師曰:

大佬、諸君、閣位,同好:

Taste 當然好主觀,但都有D共識呱。

難聽D好果你見到條友開口埋口,句句先一定講 DLLM...(sawlee Sam),唔通你又話個人言論自由,個人品味,個人意志選擇!

請問當初佢地構思呢個偉大既題目時,真真正正想得到乜野效果呢:

(1)彰顯中大學生報言論自由的超然地位;

(2)為香港大專學界渣旗,帶領學界再闖文化禁區;

(3)重新五四學界對社會文化啟迪的使命;

(4)體現中文校方對言論自由的包容性冠絕香江;

(5)真實反映今日中大學生的性取向及狀況;

(7)為校園中遭性壓迫的一群提供出口;

(8)為同學們宣示性愛生活的多元性;豐富同學們對性的認知;

(9)鼓勵參與,體驗性的題目,積極面對性的G點;

(10)舒解嚴肅沉悶既大學生活,為同學們帶來校園一般清淫之(淫者多也)風;

(11)表演中大同學的文字創意及前瞻;

(12)收左避孕套公司讚助。

以上唔駛選擇,因為全部答案都系正確的。

=====================
延伸閱讀:
學生報
面就人地比
辯才無礙

2007年5月8日 星期二

母親節:一朵玫瑰花

我諗左好耐,都係決定推返依篇文章上來.

對吾住呀學霖哥哥,但係,父母恩重難報,又就快母親節,我只係想提醒各位,愛,就要說出口,不好愛得太遲.

=======================================

一朵玫瑰花 (轉載)

有位紳士在花店門口停了車,他打算向花店訂一束花,請他們送去給遠在故鄉的母親。  

紳士正要走進店門時,發現有個小女孩坐在路上哭,紳士走到小女孩面前問她說:  
「孩子,為什麼坐在這裡哭?」  
「我想買一朵玫瑰花送給媽媽,可是我的錢不夠。」孩子說。紳士聽了感到心疼。  
「這樣啊……」於是紳士牽著小女孩的手走進花店,先訂了要送給母親的花束,然後給小女孩買了一朵玫瑰花。走出花店時紳士向小女孩提議,要開車送她回家。  

「真的要送我回家嗎?」  
「當然啊!」  
「那你送我去媽媽那裡好了。可是叔叔,我媽媽住的地方,離這裡很遠。」  
「早知道就不載妳了。」紳士開玩笑地說。  

紳士照小女孩說的一直開了過去,沒想到走出市區大馬路之後,隨著蜿蜒山路前行,竟然來到了墓園。小女孩把花放在一座新墳旁邊,她為了給一個月前剛過世的母親,獻上一朵玫瑰花,而走了一大段遠路。  

紳士將小女孩送回家中,然後再度折返花店。他取消了要寄給母親的花束,而改買了一大束鮮花,直奔離這裡有五小時車程的母親家中,他要親自將花獻給媽媽。
.....................................................................


為逝者舉行盛大喪禮,不如在他在世時善盡孝心。


============================================

延伸閱讀:支票人生

我都有一排諗到有朝一日爸爸媽媽會走先,都真係一諗到依樣野,就喊出來.

但係又諗,吾係我送佢地,吾通要佢地送我咩?吾通要白頭人送黑頭人?

之前都有人問Ajahn Brahm點睇親人離世.

法師話,當佢爸爸去世既時候,佢十六歲,一次都無喊過.

過左好耐之後,佢先明白果個係咪野感覺.

佢話就好似去完一個好正既音樂會之後,心情興奮,走出會塲時外面又涷又黑又落雨,自己一個人回家.

但係,根本吾駛為左天氣而吾開心,應該為自己曾經去過一個咁好既音樂會而高興.

佢好高興自己有機會同爸爸一齊咁耐,爸爸既生命好精彩,法師好高興自己有份參與.

==========================

我又問大乘法師,佢個答案出奇地雷同.

佢母親今年剛去世,但係佢母親既善良温柔令佢好感動.

當佢媽媽臥病在床時,全身都在痛時,聽到探望鄰床的男士没有雨傘,都會借自己的傘出來.

法師好感謝佢母親.

==========================

好文章,不妨一睇再睇:
學霖哥哥:

2007年5月7日 星期一

母親節: 劉墉----看穿老人家裝出來的客氣

我常在文章裡談起蘭嶼的風景,但蘭嶼給我印象最深的卻不是山水,而是海邊遇到的一家人。

那是個傍晚,我在蘭嶼的海灘散步,看到原住民一家人正蹲在地上整理剛網到的魚,他們小心地分成四堆,也可以說是四種等級。

「為什麼把魚分開來擺呢?」我當時好奇的問。

男人用生硬的國語,指最好的一堆魚說:「男人魚!」又指剩下的兩堆:「女人魚!小孩魚!」最後指著顯然又少又差的魚說:「老人魚!老人吃的。」

十五年了,那海邊一家老小的畫面,至今仍清晰地映在我的眼前,甚至可以說深深烙在我心上。我常想:『為什麼老人要吃最差的東西,又為什麼當時那老人家,竟抬起頭來對我一笑?』

今天我到朋友家做客,再一次遭到這種震撼!

晚餐之後,我指著餐桌上的殘羹剩菜,對主人客氣的說:「你準備的太豐盛了,剩下這些多可惜!」

豈知主人才六、七歲的小孩竟毫不考慮搭了腔:「不可惜,奶奶吃的。」

「我婆婆等一下會下來吃。」女主人說。

看見我十分驚訝,又解釋:「她不喜歡一起吃,叫她吃好的,她還不高興,只有剩下來的,她才吃,而且吃的很開心。」

現在我坐在桌前寫這篇東西,想到今晚的畫面,禁不住流下淚來,我要再一次問:『為什麼?』

只因為老人家沒有了生產力,就該吃剩的?就該吃壞的嗎?只因為老人家「自願」、「高興」,我們就任他自生自滅嗎?

相信不少人讀過我在「點一盞心燈」裡寫的「愛吃魚頭」那篇文章。

老人家臨終前,幾位好朋友燒了她最愛吃的魚頭去。

卻聽到她老人家瞞了十幾年的祕密:「魚頭雖然好吃,我也吃了半輩子 ,卻從來沒有真正愛吃過,只因為家裡環境不好,丈夫孩子都愛吃魚肉,只好裝作愛吃魚頭。我 這輩子只希望能吃魚身上的肉,哪曾真愛吃魚頭 呀!」

這是千真萬確的事,故事中的老人家有幸臨終時說出心裡的話,問題是這世上有多少為家庭犧牲 的父母、尊長,就在晚輩們的一句「她自己喜歡」的漠視下,慢慢淍零了!是的!他們是在笑,因為他們的犧牲有了成果,而快樂的笑!

但晚輩們看到那笑,是不是也該笑 呢?還是應該自慚地哭呢?!

最近我為公視「中國文明的精神」進行評估,在讀了一百多萬字的專家論文後,印象最深刻的, 竟是論文裡提到西方社會學家,於民國二十六年起,在中國多年的調查結果:「不要以為中國農 村有許多三、四代同堂的大家庭,事實上幾乎沒有!主要的原因是農民壽命太短,平均在五十歲 以下,活不到多代同堂的年齡,又因為貧窮而缺乏維持大家庭需要的財富。」

我們能相信嗎?這個中國人常以為自古就盛行多代同堂的說法,竟然錯了,那是理想,並不是事實!父母、尊長平均活不到五十歲,這是多麼可悲的事!

問題是,父母不能甘旨無缺、安享天年、這 又難道不是子女的恥辱嗎?過去窮,我們沒話講。今天富,我們該多麼慶幸?可是在我們慶幸的時候,是否該想想自己有沒 有真盡孝,抑或又創造了一種假象!?

記得有一次,我的兒子抱著一碗魚翅湯當粉絲喝,我很不高興的說:「那是留給奶奶的!」

年輕 人理直氣壯地講:「奶奶說她不愛趷,叫我吃光算了!」奶奶是真不愛吃嗎?還是因為「愛他 」,才特意留下來?   

每年冬天,我的窗台上都排列著一大堆柿子。為什麼柿子一買就是十幾個?因為我發現只買幾個的時候,母親知道我愛吃,總是先搶著吃香蕉,等我叫她吃柿子時,則推說自己早吃過了水果。只有當她發現柿子多到不吃就壞的時候,才會自己主動去拿。

當我為老母挾菜,她總是拒絕,說不要吃,我就把筷子停在空中,直到挾不穩而要掉在桌上,她才不得不把碗伸過來。問題是她哪次不是高興地吃完呢?相反地,當菜做鹹了,大家不吃,她卻搶著挾,我只好用筷子夾壓住她的筷子,以強制的方式,不淮她吃,因為血壓高的人,最不能吃鹹!

「瞧!有這樣的孩子,不淮老娘夾菜!」她對著一家人高興地抱怨。

我認為當我們小時候,長輩常用強制的方法對待我們,叫我一定要吃什麼,又不淮吃什麼,他們這樣做是因為愛護我們。而在他們年老,成為需要照顧的「老小孩兒」時,我們則要反過來模仿他們以前的做法,用強力的愛!這不是強迫,而是看穿老人家裝出來的客氣,堅持希望他們接受晚輩的孝敬。

如此當有一天他們逝去,我們才可以減少許多遺憾!因為我們為天地創造一種公平的回饋,以及無怨、無悔的愛。

-----------------------------------------------------
我讀依篇文章既時候,以為只係以前窮先會有d咁既事.

結果,昨日我先知我阿媽都會見到我鍾意吃既野,自己就一d都吾食,全部留比我.

我一直都無留意,覺得好羞愧.

2007年5月3日 星期四

絮絮不休

其實有冇人知點解今日都己經係農曆十七,個月光都係仲咁圓咁光咁大呢?我依三晚一直睇,覺得個月光真係好大呀,係咪我既錯覺?

--------------------
我有個朋友既細佬行樓梯跌親,其實只係兩三尺高,但係可能無情力太大,腳踝骨碎裂,入左醫院二個禮拜,今日剛剛做完第二次手術,未知幾時可以出院.

佢係做一個外支架手術,即係要用金屬釘打穿d骨來固定位置,等骨可以生返,係一個幾複雜既手術.原來咁大件事,我最先仲好on居地問個手術痛吾痛添.

佢要三個月先可以拆個外支架,成六至九個月先可以完全康復.好彩既係,吾會有後遺症,只係需要比d骨多d時間慢慢生返.

朋友話,其實健健康康已經好幸福,人真係會有無莽之災既.

係囉,做乜我地要坐在度sun依樣,sun果樣呢?

---------------------
今日聽左一個好悲傷既故仔,雖然吾包一定係真人真事,但係我都當左係真既咁聽. 人生都真係幾話吾埋嫁,可以一下子失去晒所有你最重要最愛既親人.

---------------------
最低工資我都仲諗緊既,依排d腦力震盪真係厲害,我仲搞到寫blog寫到要揾返我d封晒塵既舊課本出來睇資料添,d比反晒先生既野都返返來,真係誇張.

2007年5月2日 星期三

供求




記得以前上經濟堂時,好多時候黑板上面都係依個大交叉.向上既供應同向下既需求,而兩條線既交叉點,就係價錢.

無論係微觀定宏觀經濟,都可以用依個交叉來解釋.需求突然增加,價格提升;而利之所在,吸引更多人加入生產,供應增加,價格調頭下跌.在一個完美既巿場中,供求好快可以從新調節,回覆平衡.

我既老師係一個好熱心教學既人,每堂都準備充足,解說條理分明,好受學生歡迎.我都係佢既小粉絲,報吾到佢既班,寧願走堂,都要去sit佢堂.

老師係自由經濟既忠誠支持者,好多香港既經濟問題,佢都會用個制度「干預巿場運作」來解釋,比如香港既經濟不振,係因為聯係滙率令到我地失去利率既控制權,在經濟低迷時都吾可以減息來刺激經濟.

在課堂入面,一切都係咁整齊簡單,依個咁複雜既世界,可以用一個咁簡單既圖就解釋得到,真係好似物理世界既理論咁,可以用Beautiful來形容.

但係,當我一走去課堂,一扭開電視睇新聞既時候,都會問自己,係咪真係咁簡單?如果真係只要捍衛自由巿場就得,點解香港作為依個世界上其中一個最自由開放既經濟體系,仍然可以有足足八年既大衰退?


又,商家真係會因為請個文員最少要比五千蚊而撤出香港?


我地既競爭力吾係在於夠平囉,不嬲香港都貴嫁啦,我地從來都未平過,學我同d客話齋,我地一定吾係巿場上最cheap果個,不過我地既質素有保證.


我地係咪就咁用依個大交叉來解釋一切既事情?我只知道,離開左象牙塔之後,我見到在香港,要生存既話,二三千蚊係吾夠既.


CM哥哥,我同意最低工資有好多問題,但係對我來講依個已經係一個社會公義既問題.我係一個中間偏左既異類,如果要選邊站既話,我支持最低工資.

各路英雄:

強力推荐:

母親

母親真係好偉大既,懷胎十月,又要無覺好訓喂夜奶.換片依d咁壓惡性既工作,母親都係無怨無悔地做既.而且我吾只一次聽到有母親話佢可以對住d便便笑既,因為BB已經幾日無大大.

其實,真係只有前四後六都真係吾咁足夠既,可能加多一兩個禮拜會好一d,等母親既身體更好地回復,又可以多d時間照顧BB.

但係,點解我咁旺既?已經有兩個大肚婆啦.

第一個大肚婆星期日順利產子,仲好開心地打電話返來報平安添呀.

佢之前個肚真係一個鑼咁大,加上佢身形嬌小,真係好震撼嫁.我地個Tea Lady仲話佢會早生,搞到我幾驚呀.真係睇左佢個裝著必需品既手袋在邊,仲攞埋佢老公電話,準備萬一佢在公司作動時可以通知佢屋企人.

好彩佢都係在預產期先生咋,如果吾係都真係幾手忙腳亂.

下一個大肚婆會今個月放產假,我仲未請到人.

今日,又收到令一份醫生紙,又多一個大肚婆啦.

而家足足有三個大肚婆啦,有冇人想生仔呀?不如來我公司做啦,好旺嫁!

2007年5月1日 星期二

勞動節

在勞動節,向各位在公立醫院既醫護人員致意.

多謝你地既辛勞同專業服務,希望真正既醫療改革好快會誔生.