2008年2月20日 星期三

雜談

嗯,第樣就話唔識寫姐,拉拉雜雜我平時都已經係咁。


************************************************************


生肖書話我鼠年驛馬星動...錯!係驛馬星暴動就真。


我由落雪既上海返到得十度八度既香港,再去到廿幾三十度既墨爾本,再返來跑埋十公里,終於病倒了。唉,最怕係出trip之前病,好有叫天不應叫地不聞既感覺。今晚仲要係團拜,難得咁齊人,好掙扎去唔去好,點解次次我都係d咁既時間病?


************************************************************

CM哥哥指返一篇上年既文,叫做包拗頸的春天。依篇文即時勾起我上年依段時候既回憶喎。已經連續幾年,我都係在春天病一鑊甘既兼且工作遇上完全不能抗拒既逆境...一次半次就話巧合姐,但係,等我諗吓...已經連續三年啦,出現Pattern。


咁我都忍唔住會諗何解年年冬天都係好地地,但係一到春天就會忽然之間四分五裂呢?而且,如果我一直都驚會出事,咁我既期望就會變為事實。今次我又可唔可以突破宿命呢又?


實情我唔多信命既,我覺得人生好似行山咁,你既起點同面前既路線係一早就定好,係,依樣係無得揀;但係,條條路都會有一d分义,選擇行邊一條路,係自己有意識加無意識既決定。仲有一d少數既勇者,可以堅韌地行前人未行之路,開山劈石,走出自己既路。


有人話,人一過三十歲,就要對自己個樣負責,我諗,唔止個樣囉。


無人係受害者,就算天生有什麼不公,小時候有什麼童年陰影,工作上有什麼不幸,愛情上點樣比人欺騙,友情上點樣比人出賣,都應該自己一步步走出來。

我知,講就易,但係抱怨逃避就更加唔係解決辦法。


************************************************************

港女丁丁,已經派駐在上海足足一年,適應良好。佢話,佢成年之中既Best Buy係~~~電氈。


當丁丁做到十點幾返屋企,第一樣野就係開暖氣,跟住就係開電氈;;天寒地湅之際,入去暖笠笠既被竇...丁丁話:「好幸福!」...仲有句更勁既係:「好過男人...」


加上丁丁有四個學位、係網球嬌娃、竟然真係可以一個禮拜睇一本書...仲有一個更加fatal既係佢個廚房係裝飾,成年都未用過,佢飲蒸餾水,連水都唔煲...

好明顯,丁丁比雷劈中既機會大過佢嫁得出。


************************************************************


記唔記得李榮峰?無錯,就係果個恐嚇自己前女友,仲將女友裸照及兩人交歡片段上載互聯網既毒男,個超低能勁白痴既法官黃崇厚唔知要邊隻天眼見到李榮峰有悔意,竟然唔駛佢坐監!!!

依單野已經係上年九月既事,黃仁龍忽然諗起原來佢d靚之前判錯案,應該要李榮峰坐監,咁就當然係因為淫照事件完全挑戰警權,而且立下歪風,男人如黃仁龍都開始覺得唔妥,要加判返李榮峰

李榮峰要坐監係一定無冤枉佢。

又,所謂既奇拿以為自己伸張正義,揭穿偽人真面目?收皮啦你(地)!

你(地)只係膽小如鼠既賊仔,偷左野之後周圍派賊贓。黃Sir雖然豬,但係難保佢傻人有傻福,有朝一日捉到你班鼠輩。BTW,你地d甜相我一張都無睇,鍾意甜野係個人喜好我無意見,不過睇不法途徑攞到係相對我來講等同接賊贓,所以拒絕。不過全香港既人都已經覺得好悶啦,我都係見無人再寫先會提下你(地)。

睇你地唔起!

************************************************************

明報報導

男子發布前女友裸照律政司申請加刑判囚 2008年2月19日

【明報專訊】去年情人節發布前女友裸照及性交影片的29歲男子,原本被李榮峰社會服務令240小時,在服務令幾近完成之際,律政司昨日申請加刑,指男子為求報復,在網上發布照片及公開事主身分,發布一次足以在社會引起難以估計的迴響,要求法庭重判男子即時入獄,以阻嚇同類案件。

社會服務令已完成七成 控方代表陳辭時表示,被告李榮峰(29歲)主動發布女方裸照及二人性交片段,再在討論區內列明女方中英文姓名、工作地區,甚至每星期往某大廈看醫生等個人資料。控方又引述被告在討論區對話紀錄,指網友曾勸阻但不果,被告反稱「她先對我不忠,我自然對她不義」,又自稱是「有仇必報的傻人」,犯案明顯是清晰的報復行動,情節嚴重,理應加刑。
官指挑戰社會道德 應上調量刑 控方又援引3個發布淫褻物品罪行的案例,指向公眾展示明目張膽的性愛行為,是挑戰社會的道德規範,量刑起點應為入獄9至12個月,上訴庭案例更闡明,利用互聯網或雜誌發布淫照以擴大目標受眾,量刑更應上調。

同類案件亦多番指出,互聯網的受眾極廣大,包括小童及心智不穩定的人,影響超越國界,必須受到阻嚇。

辯方大律師則反駁,控方列舉案例涉及的淫褻程度與本案不同,被告亦於去年9月判決後完成近七成、即160小時義工服務,事件始於被告「因愛成恨」的激動作為,若判處監禁對被告不公。裁判官黃崇厚最終表示,需索閱被告社會服務報告以考慮判刑,押後至下月3日宣判。

任職金舖售貨員的被告,去年9月在荃灣裁判法院承認刑事恐嚇、發布不雅物品及發布淫褻物品等3項罪名,案情指他於去年2月14日要求與前度女友復合不果,當晚及隨後兩天分別將對方6張裸照及8段二人性交片段,上載至兩個網站,再被轉載至第3個網站。
【案件編號﹕TWCC1410/07】

************************************************************

寫blog首要條件係自己寫得開心,如果變左責任負擔就唔好玩lu,始終身體要緊,老編既工作真係唔係人人做到。

我都係提早收爐,乖乖地休息,希望快快好反。

祝各位聽日元宵節猜多d燈謎,食多d湯丸!遲d見。

2008年2月18日 星期一

墨爾本

本來墨爾本一直落雨,但係我一到就天清氣爽,可見我突破宿命,唔再係雨女,各位,麻煩稱我為晴女。










嬌嫩綠色樹葉+蔚藍天空...好漂亮既顏色,有冇人會攞來印花布?...可惜都係影唔出果個顏色。




墨爾本既火車站,正門有一大排顯示各國時間既鍾,佢地約人,都係話See ya at "The Clock".




依個唔係樹熊,而係袋熊,一樣日日訓足廿個鍾。



係啦,係個係樹熊。





依隻小袋鼠好得意,餵佢時佢會捉住你隻手,咁可愛,唔駛問我結果成盒比晒佢啦。




白色袋鼠。



好啦,我地講返成個墨爾本最精采既Philip Island啦,佢住左幾千隻企鵝,晚晚企鵝出完海返來都會一齊返來。澳洲既企鵝係最細既一隻品種,成年企鵝都只有33cm高,得1kg重,又稱Fairy Penguin。

依個係佢地個巢,入面有隻無出海揾食既企鵝,我只有傻瓜機,zoom到盡,麻煩運用自己既想像力搭救。




Philip Island要成九點先天黑晒,我地坐在觀影台,離遠見到幾集企鵝小心翼翼地登岸,佢地慢慢走過來,confirm無事,跟住就有成幾百隻企鵝上岸,佢地仲要一上岸就開始跑...仲要跑得好快。在巢入面等到好肚餓既小企鵝呢,就開始吱吱叫,仲會走出來;仲見到有兩集小企鵝爭住食先,勁得意呀!

不過企鵝視力好敏銳,為左保護佢地,全部人唔準影相。

......

在尼泊爾有一個不丹難民營。不丹國王實施既高壓統治,強迫國內少數係尼泊爾改想佛教、穿不丹服,全民「不丹化」,最後仲被趕離不丹,流亡尼泊爾。

我去尼泊爾之前,從來無聽過依件事,由當時到依家,不丹都係亳不起眼既國家,不丹唔係蘇丹,無石油(利益),所以咁耐正義既美國都無由專政皇朝又或者中國共產黨手上解放佢地,我唔係話中共做得岩呀吓,不過要令國際關注,都真係要有d牙力,有好多令人髮指既事件,都只係被輕輕帶過。不丹又無好似昂山蘇姬咁樣既代表性人物,一生傳奇可以成書,再加上漂亮面孔、温柔而堅定的眼神、窈窕身型、永遠穿著顏色低調的傳統緬甸服裝、頭髮向後高高挽起再插上一朶鮮花...活脫脫是民主女神的形象,不正是傳媒渴求既"Story"嗎?不丹呢,不丹除左好多人攞來講笑既GNH之外,只是地上在中國同印度之間既一片空白。

就算我當年真係參觀過不丹難民營,都係對不丹依個國家一片空白...依個在1999年先有電視睇既國家,果然唔係宣傳同PR。抱歉用「參觀」依兩字,但係我地依班生於太平、活於安逸既香港人,又點會明依班難民因為係國王唔鍾意佢地,而被迫離開家園,流離失所既心情呢?我地咁樣打個白鴿轉,聽下當地NGO(全部男人)既申訴,同幾個識英文既精英不丹人(全部男人)傾下計...咁又點呢?我地又做到d乜野呢?我地咁樣行一圏,除左感性d之外,同「參觀」博物館又有乜野唔同呢?

最記得係,我地在難民營中走動時,有一個年青的男人(男孩?)塞左封英文信比我,佢話佢係學生,好想離開難民營去美國或英國讀書,求我帶依封信去領事館。

我既第一個反應係不知所措,心裏面其實好想推走依封信,仲想問點解同行咁多人唔比,係都要比我?...而且一連串問題立即在腦中出現,佢話佢係學生,所以想出去讀書,咁,其他人呢?小朋友需要讀書,病人需要藥物治療,無人想過依種籠窂生活。如果只可以幫到一小部分人既話,應該幫邊個?年青既學生就比一個老人重要嗎?讀書識字既就比其他唔識英文既重要嗎?咁一個目不識字既母親想帶比子女更好既生活又點計呢?...等等,一連串無答案既問題,只係在腦中轉來轉去,轉來轉去,好似攪動湖水一樣,表面上好似有好大既進展,但其實毫無寸進,只係翻起湖底既泥土,令本來清澈既湖水變成泥漿...又或者,清水只係將人們唔願意見到既事實強壓下去既假象,泥漿才是本來面目。

封信我結果都係收左,比左同行既主辦人。唔知佢結果點處理,佢可能已經收過無數咁多依d信,問過同我一樣既問題,一樣揾唔到答案。

面對如此覆雜龐大既問題,只令人更覺渺小...回首前塵,剩下既,只有無力感。

2008年2月17日 星期日

Feed

請問有冇人知如果用Feed來睇蘋果,佢頭版既path係乜野呢?我只揾到港聞、國際同財經咋。

又,希望頭條好快會係一d真正重要既新聞啦,已經好悶啦。

咁係大陸,又有冇辦法睇到Wiki同You Tube呢?

渣打馬拉松

今年第四年跑lu,十公里姐,時限係兩小時。

人類平均步行速度係一小時五公里...既係話,只要急急腳行已經可以在兩小時內完成十公里,其實各位當係行兩個鍾頭街未得囉,我成日都諗其實我地行一個下午街,已經行左十幾廿公里啦。全場有大量醫療輔助隊同物理治療師,封晒路又有大班義工同警察維持秩序,其實比起穿斗零踭過馬路仲安全啦!

今次改左跑東區走廊,真係好過西隧好多。上斜落斜少左,路闊左,仲要成條路封晒,唔駛食塵,仲要唔駛入焗到頭都暈既西隧,好正呀!

今次大會仲嚴格左,一定要有號碼布先可以跑,無左d唔知做乜係度陪跑既人。我仲係跑5:40第二場,咁早,大家都係來跑既,都係到好後先見到有人太攰會行囉,唔多人影相,跑步氣氛好好!

雖然條跑易跑左,但係我既時間都係差唔多喎...嗚...依個世界都係一分耕耘,一分收穫既,我依排都無乜點練,好難有乜突破。不過仔細d諗,又唔係話一d進步都無囉,我第一年跑完時係十分虛脫既,血糖低,頭暈暈,要食條香蕉先好d。今年呢,一直都唔會話太辛苦,而且到終點時仲有力衝幾步;耐力好左,下年要加強速度。

不如,下年大家都試下跑啦,好開心嫁!

又,第一次跑都係十公里開始啦,十公里唔駛點練都可以完成,但係半馬(21公里)同全馬(42公里)就真係要有充足準備同有系統訓練先至安全。

P.S.,我跑完攞返野時,聽到有個女仔話一路跑都好涷,心諗唔係掛,我跑幾步已經全身開始出汗喎,跑完勁熱,條街人人都著羽絨時,我就T裇短褲都唔涷,幾咁自豪呀。同個女仔四目交投,呆一呆先可以彼此相認...原來係出名怕涷既三點!嘿,大家都紮辮再加面紅如爆血管,真係幾難認既又。成五萬人之中都撞到,可見有緣啦掛,遲d等我返來一定要約埋阿生野一齊出吓來啦!

2008年2月14日 星期四

今晚...

上個禮拜起飛前一日,老闆先出training schedule,仲好有心機地,連我晚餐都照顧到...不過,星期四同會記&佢老闆食飯...吓,聽講佢地個個都有老婆仔女,情人節唔陪老婆走來同我食飯,佢地仲想唔想見到星期五既太陽呢?

原來,佢地三個男人都唔記得左星期四係情人節!Well,你睇澳洲既商場幾失敗,在香港,d宣傳鋪天蓋地,想扮唔知都唔得啦!

咁,好正常地,今晚我要自己食啦!今早商店仲要延長服務時間到九點,終於可以shopping下...不過,澳洲d野,咪又係Made in China,又大件,都係買左手信就算...嘿,在鋪頭入面見到唔少慌亂既男士,在最後一刻好苦惱地揀禮物。

又,街頭好好少女仔攞花喎,而且都係細細既束紅玫瑰,隨隨便便塞在大手袋入面,唔會好似香港咁層層疊疊既花紙絲帶再加公仔氣球金沙,真係抱佢唔住。

好啦,今晚真正既難題來啦,在邊度揾野食呢?情人節真係仲旺過年三十喎。我結果係China Town入左無十間都有八間餐廳,唔係book滿,就係只有二人套餐,嘩,比人咁樣一次又一次reject法,好灰。我都知中國餐廳實有位,但係澳洲d中國餐好可怕嫁,又多油又多鹽,真係唔想虐待自己。

到最後,終於在一間台灣人開既日本居酒屋揾到位。嗯,點壽司既豉油唔係日式又唔係中式,應該係澳式豉油,比較鹹同濃;天婦羅既炸漿就似攞來炸薯條多d喎,不過唔好當係日本野來食都ok既,特別係諗到因為依間餐廳有位,所以我唔駛搞到要返酒店叫room service,真係感動!

好,都消化得差唔多,我去酒店旁邊既公園盡最後努力練跑啦,仲有三日咋!大家都要努加呀!

祝各位,有冇情人都情人節快樂!

2008年2月5日 星期二

習慣

多謝師兄文章...

請問,法師有冇講點樣可以將壞念頭熄滅呢?

新年快樂

就快新既一年,都係時候清潔地方...包括電腦,一d唔應該存在既相,不如真係Delete左佢啦。

又,銀行真係好多人,如果想捐助紅十字會來幫助內地雪災災民,可以去緊有一間在左近既7-11,捐錢後將在7-11既receipt寄返比紅十字會,佢地會寄返收據比你,可以扣稅既。

紅十字會既地址係:
香港夏愨道33號
香港紅十字會
國際及賑災服務部

我以前聽過一個講法,話我地捐錢比有需要既人係代表我地不害怕,代表我地不怕自己有一天會無錢駛,搞到要執紙皮過活。。。依個世界就係咁,你越逃避越唔去諗就越可怕,但係到你鼓起勇氣來面對時,就會發覺其實都無乜大不了,有能夠幫人,真係一種福氣。


祝各位身體健康,和喜吉祥。

2008年2月4日 星期一

聖嚴法師2008年新春開示

~ 好願在人間 ~

南無觀世音菩薩!南無阿彌陀佛!

諸位菩薩,我在這裡為大家祝福,為這個世界的人類祝福,為全台灣社會祝福,更為我們法鼓山所有菩薩們祝福:祝福大家身體健康、事業如意、萬事順利、家庭平安、社會和諧。

◎體系各項事務,順暢運作

在新的一年開始,我首先把過去一年來,我們法鼓山的人事安排做個報告。大家知道我已退休到幕後,不再是法鼓山體系的負責人,只是一個創辦人。目前法鼓山主要有六、七個基金會在運作,在這些基金會之中,我只保留了人基會的董事長,其餘皆未擔任任何職位。現在法鼓山各方面的運作,不論是軟體、硬體,主要負責人是由我們的新任方丈主其責。

在教育人事部分,去年有兩項新安排,其一是法鼓佛教研修學院校長,邀請到惠敏法師擔任,他也是我們僧團的首座和尚;另一項是法鼓大學校長,聘請到劉安之先生擔任。在僧團執事部分,由果暉法師及果品法師擔任副住持,果廣法師接任都監,這些是去年度法鼓山非常重要的人事安排,由於各執事適才適所,整體運作非常順暢,因此,請大家不要認為任何事非師父來處理不可。我已經退休,但我們法鼓山所有活動,沒有一樣減少、沒有一樣衰退,都還在積極進行中。
在工程方面,去年一年,我們完成了法華公園與全山的照明和音響設備;正在興設中的工程,則有華八仙朝山步道。這條步道位於園區聯外道路的溪濱左側,以來迎觀音公園為起點,沿溪而上,穿過華八仙公園。另外還有法華公園步道和法華橋,則已經完成。

接下來,我們最主要的工程就是法鼓大學。為了建設法鼓大學,去年年初,護法總會副總會長劉偉剛菩薩,提出一個「5475」募款方案,希望在三年之內,號召一百萬人來參與響應──每個人每天捐五塊錢,三年圓滿5475元,用以護持法鼓大學。這個方案如能順利達成,三年內有一百萬人的具體支持,我們辦法鼓大學,就沒有後顧之憂了。

突破時代創舉:水陸法會、生命園區
回顧去年一年,我們做了很多事,也辦了許多活動;往未來看,我們的重點就是把法鼓大學辦起來。法鼓大學的工程進度,預計今年內可以看到建築物的輪廓,明年起招生。在校本部建築尚未竣工啟用前,會以位於台北市區的德貴大樓興辦「法鼓德貴學苑」,先行招生。

僧團在去年也有不少成長,甚至可說是法鼓山建僧以來,極具突破性的一年,例如農禪寺的改建工程,已在進行之中。去年農禪寺改建之前,辦了幾場大法會,特別是梁皇懺法會,最後一天達到一萬多人;農禪寺雖小,法會卻非常殊勝。在僧教育方面,僧團早期的僧眾只有二、三十位,經過近年來的培育,尤其這六年多來僧伽大學的養成教育,現在僧眾有兩百多人,而由我們佛學院培養出來的學僧,就有九十幾位,這是非常高的比例,對僧團來講,是非常具有突破性意義的一年。

此外,為了維持法鼓山全山的營運,去年(二○○七年)十二月我們首次舉辦了一場「大悲心水陸法會」,這是我們的一項創舉。其實,梁皇懺法會原先我們也不會,為了紀念我的師父東初老人,而在一九九七年,正是在我師父往生二十週年時,首度舉辦;今年是老人往生三十週年,我們辦了這場水陸法會,除了感報老人的法乳之恩,對於道場的維持、大學院教育事業,以及對社會民眾的普化教育,也都有很大的幫助。

另外,去年我們法鼓山的另一項創舉,就是十一月份,我們跟台北縣政府共同合作的金山環保生命園區,在法鼓山上正式啟用。這對全台灣,乃至全世界來講,都是一個新的里程碑。十一月二十四日啟用當天有十位往生者的骨灰圓滿植存儀式,包括我師父東初老人一部分的骨灰,也植存在此。植存,就是把往生者的骨灰,置入生命園區已完成鑿設的洞穴裡,與大地日月星辰常相為伴。此外,我們也舉辦了第一屆「關懷生命獎」以及全面防治自殺的活動,並且推出「心六倫」運動。這是我們去年度推展的工作。

至於今年,有什麼新的規畫?應該做的,還是要繼續推動。比如我們辦的法會,能突破傳統,又賦予新的時代意義,要繼續辦下去;去年推出的「心六倫」運動,以及前年發起「你可以不必自殺」防治自殺活動,也要全面繼續推廣。這兩個運動,引起社會很大的迴響,大家都非常贊同,這是由人基會策畫,需要我們全力支持。至於國際學術活動及各項國際交流計畫,也已在規畫之中。

發好願,把法鼓大學辦起來!

接下來我要報告個人的近況,相信也是大家想知道的。我這一輩子都在病中;一直以來,大家都不看好我,都認為我活不長久,隨時可能死亡。可是我還是一年一年撐過來了,到今年,我已經七十九歲,體能的衰退無可否認,畢竟我已到了這個歲數。但是,在我的心願未了以前,我相信我還會繼續活下去,這最後的一個大心願,就是把法鼓大學辦起來。

我的病,究竟是什麼病?我現在向大家公布,是腎臟病。我的左腎長了瘤,已經割除,剩下的右腎,功能很差,無法有效排除體內的毒質,所以這兩年多來,我固定洗腎,在洗腎過程中,我還去了一趟美國。洗腎對我沒有多少妨礙,但是這種病,不可能完全治好,只能藉洗腎來延長壽命。我每星期要到醫院三天,洗完腎以後,還是像普通的正常人一樣,可以做點事,並不是什麼都不能做。

自洗腎以來,有人建議我換腎,也聽到有人私語,說我已換了腎。我告訴大家,我沒有換腎,如果換了腎,就不需要每星期到醫院三次。為什麼不換腎?因為我老了,一個健康的腎,如果置換在一個年輕人或者中壯年人身上,它可發揮的功能和時間較長,而我今年七十九歲,來日無多,用一個腎等於浪費一個腎,這是非常不慈悲的事,所以我拒絕換腎。我問了醫生,洗腎之後能維持生命多久?他們說,視病人的情況而定,最短的大概幾個月,最長的可帶病延年二十幾年。現在我也不知道自己還能有多少時間,但我還是要把最後一個心願完成──把法鼓大學建起來。

我們今年的春聯祝福語是「好願在人間」,這是延續去年的「5475」大願興學計畫,今年仍將繼續推動,而且要全面廣大地推展開來。因此,我邀請大家發願,方式很簡單,每人每天存五塊錢,三年圓滿5475元,共同來護持法鼓大學。這是為人間發一個好願,為人間儲存一份至善的心願。如果不發願,事難竟成;只要發願,就一定能心想事成。例如前年底,我發了一個願:以我的書法勸募建校經費。去年我在病中寫了五百幅字,辦了五場書法展,名為「遊心禪悅」,真的因此募集了一筆辦學經費。所以,我鼓勵大家,發一個好願;也祝福大家,期勉大家發好願。阿彌陀佛!


~~~~~~~~~~~~~~~~~~~~~~~~~~~~~

法師身體一直唔好大家都知道,如果聖嚴法師要換賢,絶對有人願意損比佢,但係佢唔肯。

兩年前農曆年有幸在台灣見到法師,佢果時已經講,人始終都要離別既,大家不用傷心,一下子全場動容,很多人攞紙巾。

依家開始明了,反正始終要離別,做乜仲浪費時間來婉惜同擔心,過好每一日,做好自己本分,有能力時扶其他人一把,就係咁。

2008年2月3日 星期日

香港去上海,只係遲左一個小時,心諗好彩...但係返來就大件事。

上海晴天左廿四小時,跟住由星期五中午開始一直落雪,星期六都一直無停,下午一點去到機場,人多到水洩不通,連車仔都揾唔到一架,座位就更加無。據說大雪涷到停在上海機塲既飛機機翼都結冰,解涷需時,機塲唔夠停機坪比飛機降落,所以上海機場根本唔比香港既機起飛。港龍到三點只飛左三架機,其他全部都delay,連check-in都唔比,亦唔知幾時可以飛...連十一點機既人都在度等check-in,我搭三點四機既,只有等。

結果,我在機場等到六點開始check-in,入到侯機室,一直等到夜晚十二點先上到機,返到香港已經深夜兩點半...足足遲左十個鍾。

其實我已經好好彩,我前面有幾架機被取消,我之後既所有港龍機都取消,機位一比人取消就只有等消息,天公不造美既話,真係唔知幾時返到來。雖然滯留左咁多人在機場,都只係零星地有既人同地勤人員理論,但係氣氛都尚算平和,無人大哭大鬧,無人在機場示威拉banner。碰到既香港人都係同一句:「等唔緊要,返到香港就得嫁啦!」

連日既新聞報導,令大家都好清楚今次既天氣反常災情嚴重,比起在廣東車站被踩死民工,比起因為等太多日同火車太擠迫而產生幻覺跳車既夫婦,比起湖南在暴風雪下已經停水停電九日既災民,我地依班在機場等候,有暖氣、有水飲、有飯食、仲有乾淨toilet既人,真係排隊要抱怨既話,真係點都輪唔到我地,只可以隨遇而安,但係一諗到萬一風雪唔停,可以搞到返唔到香港過年...我真係有d明白民工思鄉既心情,我只係離家幾日姐,佢地一年先可以返屋企一次,家中有父母,甚至有自己既兒女,仲有一大班親朋戚友同埋熟悉既環境,能不歸心似箭嗎?

中國講什麼大國掘起?起什麼好大喜功既磁浮列車?可唔可以搞好基礎民生建設,改善交通鐵路同鄉村道路,改善電網開發再生能源造好節能同減低環境污染呢?今次胡錦濤去油田礦坑激勵士粂,温家寶四出去到重災區指揮救災兼向全國人民道歉,依d都係非常負責同有承擔既做法,連雙大巨頭都親身出動,下面全地官員亦都一定會上行下效,加把勁去救災,依個就叫Leadership。

但係雷鋒式口號同救災熱情只可以燃燒一陳子,熱情冷卻之後就無以為繼,而且長貧難顧,今次受災最嚴重既湖南、湖北、貴州地區,始終係要自己諗辦法長遠解決問題。n年前既華東大範圍水災,歸根究底,發現係因為長江一帶樹木過度砍伐,一有大雨時無左樹林吸水同抓起泥土,引致全國南部大水災,中國政府痛定思痛,重新植林同嚴厲打擊非法伐林,咁先無話再來一次更大既水災。

這次暴風雪過後,政府真係要learn the lesson吧!下年春運仲係咁既話,真係點對得住咁多人民?