2007年11月30日 星期五

..

咁在起程之前,我都有去保健處打針,仲有帶淨水丸,不過無用過。

剛剛到埗時,都一定飲樽裝水,唔會餐廳jump比你既滾水。但係你都見我地個行程幾咁漫長兼艱辛嫁啦,之後口喝起上來,滾水都唯有照飲。所以,我地全部人都試過肚瀉…除左我。我總有一個『唔可以客死異鄉』既強烈意志,支撐我一路都無病過…不過一返到來香港,日日訓起碼十個鐘兼足足瀉左一個月。

除左水其實都仲有好多野飲既,印度有隻同國際品牌可口可樂抗衡既土炮汽水,叫做Thums Up Cola,一於同巴菲特死過。


我當時都飲左好多Thums Up,味道都幾Thumbs up。烈日當空又瀕臨中暑前飲枝冰凍既Thums Up,然後ur返d二氧化碳出來,身體立時降温,成個人都精神返晒。

除左汽水之外,仲有勁yummy既mango lasi啦、即開椰青啦(可惜無雪涷),同埋,令人懷念既奶茶。

在印度既火車上,有好多人拿住一個勁大既長咀水煲來賣奶茶。唔知係咪火車附返有火爐,奶茶新鮮熱辣,又香又滑,印度人一樣要水滾茶靚嫁。唔記得幾錢,不過好平,一見到茶煲,好多本地人都會幫襯。最特別係佢地唔會用紙杯,而係用一d紅色泥燒出來無耳仔既陶杯。陶杯肯定係人手一隻隻整出來既,因為隻隻既形狀大小都有d唔一樣。

一有人買奶茶時,就見到好瘦既奶茶哥哥隻手非常定地舉起熱騰騰既大茶煲,jump奶茶落去小小既紅陶杯,又快又滴水不漏,真係好技術。唔知咁樣小本經營,佢一日又可以賺到幾多錢呢?

隻陶杯大家係飲完奶茶之後就會掉落火車,用完既棄又環保過紙杯。我好鐘意依個磚紅色既陶杯,雖然無上光軸又手工粗糙,但係望住杯口人手既壓痕,簡直可以想像出可能奶茶哥哥既老婆係度用陶泥一隻隻咁揀出來。

我結果都留左一隻杯,仲完整地帶返來香港…不過,依家隻杯去左邊呢?…唉!

因為在火車好多人飲奶茶,在火車軌上佈滿紅色既陶杯碎片。地上既紅泥被挖出來再燒成杯子,然後再扔回大地,又從新化為塵土。

又是一個循環。


P.S. 不過頭先查Wiki,原來Thums Up已經比可口可樂收購左lu。

2007年11月29日 星期四

答客問

客:「喂,唔該揾Doris呀。」

S:「Doris講緊電話。」

客:「咁揾陳小姐呀。」

S:「Doris即係陳小姐。」

客:「咁,唔該揾Doris呀。」


嗯,先生你係咪麥黎。


係呀,係呀,就係依個漫畫啦!小雲果然厲害,咁都揾到出來:

依件,當然係真人真事啦,不過聽電話既係我個妹妹來。

佢地比客蝦又或者有d乜野好笑野都會講返出來,大家一齊笑下又或者硏究下次應該點樣答客。

開返留言lu,麻煩Internet之神唔好spam我。

.

無獨有偶,我同三點一樣,在大一時去過印度、尼泊爾、孟加拉。

我既大一就緊係上個世紀既咸豐年啦,果時印度仲係一窮二白,仲未經濟起飛;Grameen Bank開始上軌道,Dr Yunus仲未攞諾貝爾和平獎;我就仲係無神論者,對於尼泊爾依個佛陀出生的聖地,只有一個印象───好跑得既『啹喀兵』。

除左香港到加德滿都同埋新德里返香港既兩程係坐飛機之外,其他全部都係用當地人既陸路交通,旅程極度艱辛。

我地經常要坐通宵長途巴士。巴士上面當然無冷氣啦,連風扇都無,好熱好多人。在一d連我坐都會賺窄既座位上一整晚,椅背直不甩,好硬,就咁訓一晚。其實有得坐已經唔錯,在中途上車既人,連位都無得坐,就咁坐地下,甚至企足一晚。

最印象深刻既,係有當地農民帶住一大盤既雞上車。

佢地唔係用我地中國人既一個個方形小竹簍來裝,而係用竹編成一個大如水車既圓盤,厚度剛好足夠一隻鷄站立,入面塞滿鷄。咁大個圓盤就當然攞唔上巴士啦,農民就會成『餅』鷄平放在車頂上,綁好,單層巴士就一下子變成雙層。。。

有成一百隻鷄在你頭頂成晚,咁會點呢?我當時己進入左Life Saving Mode,太恐怖既事都會記憶模糊。只記得鼻子自動失靈,聞唔到任何大大或小小既味道。鷄也是夜伏晝出的呢,所以夜晚都訓晒覺,没有很嘈地喀喀叫,你想忘記它們的存在,也是可以的。又因為全部都是母鷄,天明時没有鷄啼喎;不過就算有,都無可能叫得醒我地依班剛剛訓得着既人。

在孟加拉因為有好多好河流(所以佢年年水浸),巴士行行下就會一架架地上船渡河。巴士貨車密密麻麻地排在船上,車廂內好焗,大家都會下車在船邊吹風。我地呢,就會爬上車頂(好似有人幫手拉我上去),在大圓餅鷄籠旁邊坐。車同車泊得好近,你仲可以在一架車跳過去第架車咁樣散下步。

當時周圍好黑,河水都是黑漆漆的。望住船頭既大光燈,吹住唔係好涼快既風,我有d唔相信自己真係置身孟加拉既河上,成個人好似被黑甜夢所抱住。聽住河水拍打船身既聲音同遠處既人聲,忍唔住呆呆地想:我都係第一次坐住車來搭船。

~~~~~~~~~~~~~~~~~~~~~

有一次巴士延誤,我地去到印度邊境時海關已經閂左,一下子滯留左在關口。附近無旅館更加唔會有酒店,只有幾戶人家,我地只好問主人借宿,就咁在佢門口既幾張木凳上訓一晚。雖然訓在戶外,驚我其實就唔驚既,當地村民十分純樸,但係木凳十分之硬,而我整日在三四十度下舟車勞頓,真係全身臭汗,痴立立到d衫完全黏在皮膚上,好酸好臭好想沖涼。

但係我地去到時主人的一家老小其實已經睡覺了,借了人家地方,怎麼也不好意思要人張羅洗澡的事吧。而且屋裏黑漆漆的,入面好像有很多人,我們又言語不通,連想借個地方換件衣服也無辦法,只好臭臭黏黏地入睡。

所以,第二朝在海關附近一見到有個公用水嚨頭,同行既男士們立即跑過去,除了上衣抺身兼洗頭。當時,我望住四濺既水花,十~分~眼~


(一發不可收拾,今次一定變成大長篇,容許我,透下氣再講。)

2007年11月28日 星期三

Three Words - Andrew Matthews

What is the theme of almost every song ever sung -
and almost every movie ever made?

LOVE.

Lost love, found love, risky love, scorned love.
It's endless!

We just want love!
Almost everything we do is an attempt to get more love.
We buy cool clothes and flash cars.
We climb the corporate ladder.
We do crash diets, get Botox and pierce body parts.

Everyone you pass on the street and everyone who has ever
walked into your office is aching for love and acceptance -
and some of us are doing crazy things to get it.

We figure:
"If I look sexy, people will love me."
"If I am clever, people will love me."
"If I am successful and 97% wrinkle free, people will love me."

We can get so busy trying to find love that we forget
to love the people we care about …

Fred says, "I told my wife last month that ! I love her.
Doesn't she remember?"
She remembers, Fred, but she wants to be told every month.
Actually, she wants to be told every day.

Children want to hear it.
Little Johnny is born.
Dad hugs him daily and tells him,
"Daddy loves you!" … until he's about six.
Then Dad decides, "My son is becoming a man."
He stops telling Johnny, "I love you."
He stops cuddling Johnny.
And Johnny wonders, "Doesn't Dad love me any more?"

I've lost count of the number of grown men
that have told me at one time or another:
"All I wanted my whole life was for my Dad to tell me
he was proud of me - that he loved me."

It is in times of tragedy that we are
reminded about what matters most.
That's when people say "If only I had told him …"


IN A NUTSHELL
To say "I love you" costs so little and means so much.
And whenever it is too hard to say, "I love you",
"thank you" is a good start.


Extracted from Happiness Now!

2007年11月24日 星期六

月亮,忘記了

在那天上高掛着的月亮,圓滿、寧靜,散發淡淡銀色的光華,如此乾淨,又如斯温柔。如果你一天不小心跌下來,我會在水中撈到你嗎?我一定會把你帶回家,好好地照顧妳、愛錫你。我們會成為最好的朋友,形影不離,一起去草地上捉蜻蜓,一起在打傘聽雨點打下來的聲音,你還會帶我在天空飛翔,一起看地上的田野和河流。你有了我,我有了你,不用再尋尋覓覓,我們都不會再寂寞,多麼美好啊!

但是,我忘記了月亮有圓也有缺,你有時躲在陰影中,只想顯示你一小部份;有時甚至還會躱起來,如何敲門都不應。我更加忘記你是立體的,對我笑着散發銀光的只是你的其中一面,你還有永遠不會表露出來的另一面。無論我圍着你怎麼繞怎麼轉,都只能看見你向光的一面,你那背光的一面我永遠看不見。那一面只是你自己的。這樣的話,你還是我的嗎?又,我真的想看那背光、陰暗的你嗎?

不過,我又何嘗是玻璃呢?心念喜惡變化之快,有時連我自己都措手不及。既控制不了,也解釋不到為什麼明明此刻如此沈迷喝求,下一刻卻雲淡風清、水過無痕。我也不是完美的,我會發脾氣、會猜疑、會悲傷,有時候也會什麼人都不想見,只想躲起來一個人靜靜地獨處。

你也感覺到吧?你是否也在承受同樣的痛苦?我...是困住了你嗎?

嗯,既然時刻相伴仍然排遺不了彼此心中的寂寞,我不如放開雙手,讓你不再受到羈絆,輕輕地飄回天,回到屬於你的地方。回到天上,你又開始散發淡淡的銀光,照耀大地。人們在痛苦時都可以抬頭看到你,分享你那無條件的温柔。而我,當目光不再只跟蹤着你轉後,才發現世界如此之大,等着我去做的事如此之多。

在忙碌過後,我也會抬起頭來,看着你。

2007年11月18日 星期日

東京鐵塔:我的父親母親

內含大量劇情...還看什麼blog呢?趁未落畫,買飛去睇戲吧...記得帶tissue,無得sun鼻涕好難看的。


部戲無大場面、大時代、大人物,正如主角雅也,說日子有如流水般一日日地,過人都被沖清得開始麻木。 不過,觸動人心的,往往是平凡人身上的一些不起眼的小事,一些小小的片段。

比如,雅也的女友贊成他接老媽去東京與他同住,雅也那刻的興奮雀躍,跑着說這是他到東京以來最快樂的一天...老媽聽到兒子要她過去東京同住,不知所措得掛了電話,然後再打過去再確認是真的,然後說好...雅也第一次牽着老媽的手過馬路...要早餐食到好味的醬菜,一定要在深夜時醃好...老媽知道老爸要來探病,第一個反應係要剪頭髮...老爸從未完成的佛像、船模型、事業、婚姻...還有,老爸一dead air,唔知應該講乜好時,就講生髮水...同埋,最後雅也在老媽床前寫笑話同畫插畫,係呀,老媽最開心既,係雅也過得快樂過得好。

雅也其實是很幸福也很幸運的,生離死別雖然難免也令人難過,但他在老媽還算健康時接她到東京,與女友一起,三個人到處去玩,到處去,食晚晚招呼朋友,過了愉快又熱鬧的一年,讓老媽覺得一年就像兒子照顧了她一生,讓兒子全了孝道...不過,請留意,說到底都是雅也主動接老媽過去東京,才把握到這一段大家都很高興的快樂時光。幸福,也是自己爭取的。

係,雅也真係有超奇怪既審美角度。一個鬍鬚luk突既麻x佬,竟然留左一個不曲不直既及肩掃帚頭。你如果覺得劇照中雅也的長風褸加棋頸巾的T字造型騎呢,咁,坐穏,戲中雅也仲勁爆,總喜歡穿與毛衣同色的西褲,所以,有粉紅色毛衣+粉紅色西褲,橙色毛衣+橙色西褲,豆沙紅毛衣+豆沙紅西褲,等等等等。

嗯,實情雅也老爸仲有型,怪不得老媽當年只同佢跳一次舞,就因為一隻爛鬼玻璃介指而跟佢走啦。


吓,咁鬼長既文篇你仲睇?快d去來硬牽老媽的手,打電話比老爸吧!

最好再肉麻一點,回家吃飯後,關了電視和電腦,一起落樓散散步,聊聊天,乘機攬頭攬頸吧!

人同人之問最重要既四句說話係『對不起』、『我唔再嬲啦』、『多謝』同『我愛你』,不過依四句說話好難開口,係要比d時間心機先開到口。

雅也依個日本大男人實在太內歛啦,老媽都就快死,就應該豁出去鍚鍚媽媽,鍚到媽媽滿面口水,鍚到媽媽d粉都花埋…咁肉麻既野,個止痛效果一定好過嗎啡,媽媽都一定笑得更開懷。

一直在身邊的就會一直存在嗎?明天會發生什麼事真是天曉得,珍惜所有,把握今時今刻吧!

仲等?

2007年11月14日 星期三

呀~~~

『如果你對大人們说:“我看到一幢用玫瑰色的磚蓋成的漂亮的房子,它的窗户上有天竺葵,屋頂上還有鸽子…”他們怎麼也想象不出这種房子有多麼好。必须對他们说:“我看见了一幢價值十萬法郎的房子。”那麼他們就惊叫道:“多麼漂亮的房子啊!”

要是你對他們说:“小王子存在的证据就是他非常漂亮,他笑着,想要一只羊。他想要一只小羊,这就证明他的存在。”他們一定会聳聳肩膀,把你當作孩子看待!但是,如果你对他们说:“小王子来自的星球就是小行星B612”,那麼他們就十分信服,他們就不會提出一大堆問题来和你纠缠。他們就是這样的。

小孩子們對大人們應該寛厚些,不要埋怨他們。』

---小王子


=====================
究竟我應該講:

巴利文真係好鬼深,語法同中文英文完全唔同,一句句子既次序竟然好似日文咁,動詞放在最後!!!一個字又可以有好多唔同既form,仲要個個係唔同意思,一搞亂就完全唔明係乜野意思...其實d form有時轉到你根本認唔到個字。

我不過學左兩個月之麻,乜唔係係咁意學吓Ball同Umbrella就算嫁啦咩?點解我既功課要譯"Builders of the bridges bought bamboos from the lord"依d咁鬼深既句子???

======================
定係我應該講:

巴利文既名詞有3大類,每個名詞又可以轉換成為7種cases同2種數量(單數&覆數)。

動詞就有4大類,每個動詞又可可以轉換成為3種tense(過去、現在、未來),3種persons(你我他)同2種數量(單數&覆數)。

依家學左既單詞係236個,其中名詞131個,動詞48個。

計晒所有唔同既combination,總共有2698個生字要記。

=======================
邊種講法比較可憐d?

仲駛問?緊係兩種都好可憐啦!做一份功課都閒閒地用我兩個鐘,我仲有兩份功課未做呀!

好抓狂呀我。


=======================
Sun完,温書。