2008年12月30日 星期二

Never say Never

依個世界,真係Never say never。

比如,次次行街時,我一講親「依間店d野唔岩我。」咁就多數好邪地,唔知點解會買一大袋野走。

比如,昨日先講完報紙有強力negativity bias,只有見死不救先可以上頭條,今日報紙頭條就係:醫生醫好人!

Wow...蘋果繼報導免費送長者早餐既東菇亭之後,又一次帶出暖流!

我相信,醫生、急救員、同熱心途人合力救人既感人故事天天在發生,我自己都試過在街見到有個男人頭暈,食店立時攞出椅比佢坐,jump水比佢飲,街坊七嘴八舌問佢駛唔駛睇醫生,佢話ok咁我就攞佢手機call佢個仔落來接佢。

有時候,報導一下依d事,先至係反映真實社會既各種情況。

=====


昨天有一個勁搞笑既新聞,就係陳水扁在自己再次被收押前一日,唔係花多d時間陪自己年老病弱既母親,唔係花多d時候陪自己老婆仔女,亦唔係又搞煽情群眾運動...佢竟然係運用依個咁寶貴既自由時光,買左面額2500萬冥鈔,到嘉義市地藏庵,燒給地藏王菩薩,化解他上世同邱毅的宿怨。

面額2500萬冥鈔有幾多?多到塞滿一架車,搬到佢既警護索晒氣...乜陳水扁唔係基督徒來嫁咩?

真係:好Dry!


邱毅何許人也?佢係國民黨籍立委,仲係台大經濟學博士,美國康乃爾大學博士後,讀書人來。邱毅被台灣傳媒封為爆料天皇,扁家既貪污洗錢案邱毅差唔多日日有新料爆,仲要單單都係堅料,所以邱毅一出,一定有大班記者去圍佢。

佢同陳水扁既交手自「三一九槍擊案」起。記唔記得2004年陳水扁競選連任總統時,本來國民黨既連戰在民意調查係領先既,但係,在選舉之前一日,發生一單疑似槍擊案,有人向陳水扁同呂秀蓮各開一槍,當時情況同消息一片混亂,而陳水扁亦都係一團亂局之中,以些微票數,出奇地羸左大選,連任總統。

依單咁既槍擊案,真係超多疑點,比如,個槍手話咁快就比人滅口,話畏罪自殺喎。仲有好靈異既係,陳水扁件外套無穿,但係佢又可以中彈喎,真係....用Quantumn Mechanics加「超弦理論」(即係String Theory)都無辦法解釋到依個物理現象!

咁,邱毅份人有獵犬一般既性格,就當然死咬依單野不放啦!佢在三一九之後既兩日,三月廿一日就帶領群眾沖擊高雄法院,仲因為依單野,被控「首謀聚眾妨害公務罪」(係,我都以為依個咁騎呢既罪名在大陸先會有,點知,well,原來台灣都真係中國既一部份囉),坐左七個月監。

中間打官司時,邱毅既老婆同佢離婚。入到監,邱毅話,陳水扁特登搞佢,有好多小動作。比如,成日都揾d癮君子同佢同倉。大家都知,毒品依家野真係「不可一,不可再」,食得多,真係會痴線,會發癲,會打人,而且,仲嘔到周圍都係!

Well,咁,大家都唔難估計,邱毅最愛既小說係...《基度山恩仇記》啦!

邱毅一出監,就立時開始佢既調查同爆料。佢既料,亦都促成今時今日陳水扁一家人被起訴!


咁依單野,明明係今生今世陳水扁自己做既好事,阿扁又會低能到賴什麼前生宿怨。咪玩啦,咁樣賴法,真係完全不負責任!

今朝東森新聞去訪問在地藏庵幫陳水扁燒冥鈔既婆仔,問佢燒左冥鈔有冇用。婆仔好有point地講,依個唔係恩怨問題,而係是非問題,如果陳水扁有貪污就打唔甩!

依d道理,婆仔都明。但係,一世聰明,台大法律係第一名畢業既陳水扁竟然睇唔通....


今日,陳水扁又要返入去坐,我同阿媽兩個追依單新聞追到上左癮,雖然十分不齒陳水扁一家人既所作所為,但係,我地兩個都不免有d唏噓。阿媽話,佢咁樣出一出來又要返入去,真係寧願無出過來,今次入去佢既感覺真係會好悽涼,好慘。

阿媽雖然一把年紀,但係都好天真好傻。佢在度講,可能陳水扁經過今次之後,真係會開智慧,真係會參悟一d人生既道理,可能...連陳水扁都可以改邪歸正!

嗯,我呢,都有d贊成嫁。佛說點解人間會有苦呢?兩個字---無明

佛就比較善良,用詞温和,我講得白d,其實,人會受苦,就係因為無知

我地被自己所蒙蔽,迷失左,所以做左一d害人害己既野,所以無論係咪大隻佬,都一樣要唯有業隨身。

但係,今日做錯,唔代表一定永永遠遠無得救,雖然,「放下屠刀,立地成佛」依d事件真係非常少見,咁只係因為做到依樣野好難,但係,唔係話無可能嫁喎。

所以嘛,都係Never say never,個個人呢,始終都係有希望既。


我諗。

2008年12月27日 星期六

禮物

唔知有冇人留意到在平安夜發生依單新聞

當日既電視新聞之中,亞視同有線都有報導依件事,但係最多人睇既無線新聞無報導。

因為,唔夠「新聞價值」吧!

醫生醫好人,又點可以成為新聞?醫護人員見死不救先至可以做頭條嫁嘛。依位蔡源文醫生行醫十年,其實已經救左五六個在佢診療所門外暈倒既病人,但係,之前一次都無人報導過佢喎。今次,蔡醫生同一班醫療人員救途人,可以出到報紙同電視新聞,依個先至係真正既「明愛效應」吧!

在大家在睇新聞時,請記得,所有既新聞編采都有Negativity Bias既,正所謂No news is good news,好人好事既「新聞價值」極低,大部份時間都只可以「掹車邊」,上下陽光版呀花絮依d唔起眼既版面,佔郵票咁大既地盤。

咁,新聞報憂不報喜本身無乜問題,我都唔想香港有朝一日好似中央台咁,唔係講黨八股就係高官去邊度出訪,人地點樣讚佢同送左乜野禮。

但係,如果你當左報紙講既野就係現實之全部,咁就好大鑊啦!你會以為依個世界只有仔打老豆,男盜女娼,強姦亂倫,殺人放火,同埋,終於都因為聖誕節而停左幾日既「金融海嘯下的日子...」囉。

在依個資料爆炸既時代,我地更加要保持清醒,明白世界仲有好多默默無聞既人,盡心盡力地做好自己本份,仲有好多人,願意在冷冬之中送暖。

蔡源文醫生同一班醫護人員,在發生左明愛依件咁令人心痛既事件之後,在平安夜救左途人,以行動證明人間有情,醫護人員仍然是仁心仁術...就彷如送比所有香港人一份聖誕節禮物...

問題係:你收唔收到?

人生補時

人生有如什麼,咁係足球比賽啦。

就算已經吹左鷄,係咪仲有補時呢?

如果...人死左之後,比你補返幾個鍾頭以前做人虛渡既時間,你會做乜野???

依個日劇好有趣呀,每集都係個單完故事,訴說唔同既人生,包括:一直誓言要在現場殉職既攝影記者,剛做第三日警察既新扎師兄,十分慳家既家庭主婦,為情自殺既護士,剛出道既漫畫家,黑道世家之女既大家姐(常盆貴子好靚呀!),過勞死既經理,同埋,哈哈,隱匿青年...

睇得好感動呀!

個翻名有d怪怪的,叫做:損失,時間,生命

我依個唔睇日劇既人都睇,因為真係好好睇!

誠意推介。

2008年12月24日 星期三

還記得四年前的Boxing Day發生了什麼事嗎?

是捲席南亞的大海嘯。

比起真正的海嘯,依家日日都有人講既「金融海嘯」,真是小兒科。

我們還是很幸運吧。

只要超越左赤貧線,真正重要既野,比如,健康,平安,家人齊整,友情,愛心,正直,勇氣,赤子之心...樣樣都唔係可以用錢買到既...原來,錢其實係最容易既。



祝各位聖誕快樂!

2008年12月20日 星期六

爆樽

本來呢,我開blog時比自己既規定就係,依度只講正面既野,負面野大家睇報紙就得。

但係,周小姐同佢所衍生既一連串言論,令我超級火爆,不吐不快,而且覺得我如果見到d咁既野都唔出聲,形同幫凶。


周小姐如果真係覺得感情係佢地兩個人自己既事,咁就唔好分手又要出聲名,結婚又要出聲名啦。你出得聲名就預左比人知,比人睇,比人講----周小姐依種犯賤既行為,真係影衰晒全體港女。

作為港女一份子,我對周小姐其實仲「興」過倪震。倪震不過係一個好普通既LOSER,四十幾歲人一事無成,勉強識寫字有d小聰明就自封才子,依d人其實周街都係,如果佢唔係有個出名既老爸同女友,應該晨早被人完全遺忘。但係,周小姐依種唾面自乾,任飛任聚既自甘作賤行為,實在令一眾同樣身為女人既觀眾一d同情心都吱唔出,仲令一眾賤男大叫什麼人地就係鍾意大滾友,關卿底事?!

嘿,再無恥一d既男人中要沾沾自喜地講,寧被人知,莫給人見,出來滾時低調d未無事囉!個潛台詞係:「我就滾得有技巧啦,嫖左咁多年我老婆都唔知!」

如此下流,實在無野好講。


====

依期有個超級不知所謂既新名詞:「性工作者」。

我還算好彩,第一次接觸依個term係睇報紙,白紙黑字前文後理,都仲明白佢係指一樓一鳯。我阿媽就無咁好彩,第一次聽依個咁既名係睇電視新聞,聽到佢一舊雲,仲差d以為唔知係社工定心理醫生被嫖客所殺。

依個名實在很趣緻,如果一樓一係「性工作者」,咁d嫖客豈不是「性消費者」?咁講落佢地既召妓都係一個花錢既行為,咁阿爺救港政策之中,係未應該加第十五項,鼓勵「性消費」呢?睇來有朝一日香港渡過金融海嘯,嫖客功不可没。

駛唔駛咁偽善呢?

乜老作一個懶中性既名堂,就可以掩飾到召妓本身淫人妻女既本質咩?

麻煩都係叫返佢地既學名「妓女」(既係,對應「嫖客」),又或者坦白d講出自己心中果句「鷄」(對應「鷄蟲」)算把啦!

做得出d咁既野 + 長篇大論文過飾非 = 文棍。


P.S.:依個世界只有一個周小姐,某毒男都係等比人飛啦!


PPS:講出心中的老實說話,實在很痛快。

2008年12月8日 星期一

之前係太忙定點,完全唔知有個咁既天文奇境喎,連張相,都係在朋友個blog度偷的!

:D

我做乜會唔知呢?明明我平日無端端都會舉頭望明月嫁!

真係有如蘇先生講:「何夜無月,何處無竹柏?但少閒人如吾兩人耳!」

雖然錯過左,但係以後月圓時係圓滿,圓缺時未變成笑口常開囉。

依個世界真係完全由得你點睇,你可以話清風殘月,又可以哈哈笑。

決定權,完全在「你」!


P.S.:全公司最有耐性斯文温柔好脾氣既「家嫂」由關島結婚返來啦!!!曬得紅粉菲菲仲要笑得2x甜美,真係識行識走的幸福呀!都不枉我同潮童因為佢放假而做到扖晒地。


家嫂,祝你幸福呀!

:D

i-Bank

當年S剛出來做野,坐在隔離既數佬部有位大隻哥哥,洋名叫做(好打得既)韋思理,但係,佢係好討厭依個佢阿媽改既名,所以大家都翻譯左個名做中文,叫佢阿西。

阿西十分跳脫,會懶活潑可愛地,行行下無端端跳兩步,有一次在我個位旁邊跳時,落地果下,我個位都震一震,好似地震,很可怕的。講比阿西知,阿西就流留出狗仔比人掉石頭既受傷的眼神,既衰既怨;但係呢,就乖乖無再動如跳兔啦,well,起碼唔夠膽再在S旁邊跳啦!

阿西亦十分姿整,日日都查濃烈古龍水返工。S呢,由於天生一個狗鼻子,其實朝朝唔駛望,只係聞下都知佢有冇返工...但係,依樣野雖然S同阿西講左n次,韋思理都係依然故我,日日都係一陣味咁返工...S暗暗估計,阿西應該有強力臭孤!

阿西呢,中學年代移民美國,屋企都ok有錢...依個係講,比起S依d平民啦。但係,阿西自己呢,就成日覺得自己窮,比起「真正」有錢既人來講囉。

阿西唔鍾意美國,覺得中國人在果度無得發圍,所以讀完書就既刻返來香港,做依份工呢,都係暫時嫁姐,佢真正想做既係:i-banking!

阿西真係好努力...地揾工...嫁,佢有次仲好失望地同S講,佢已經見到個End User,睇下大家有冇Chemistry,佢自己就覺得言談甚歡!但係,結果都係無消息,灰爆喎。

不過,皇天不負有心人,在揾左成兩年幾之後,阿西終於入到i-banking啦!一班人,實在係十分為阿西高興的,阿西咁多年來咁高調地揾工,一朝終於理想達到,真係有d感人肺腑的。

但係,大家熱烈地farewell完阿西之後,阿西就無晒消息。

半年之後,S在街遇到阿西,但係阿西一句Hi,就鷄咁腳走左....

佢d兄弟話佢發左達唔識人喎.....

S有d聽唔明,又有幾發達呢吓?

當年,科網bubble仲未爆破,e-commerce如火如荼,係生意都要在前面加個e或i字,如果唔係就會比人話係Old economy......

S一直以為i-banking係.................
係....................................
.....................................................
..............................................................
.....................

.....
係....internet-banking....(唔準笑!)

仲一路都唔明,阿西一界數佬,點解要入電車銀行.....

唉,唔知阿西仲係咪「艾崩卡」呢?

2008年11月15日 星期六

聰明女人必做的 10 件事

一、儲蓄友誼
靠得住的友誼是今生最溫暖的一件外套。它是靠妳的人品和性情打造的,在這個年齡一定要好好地珍惜它,如果到目前為止,還沒有幾筆,那麼,從現在用心去儲存還來得及。

二、學會放手
這個年齡已經不允許不成熟,當妳無力把握命運中的某種愛、某種緣、 某種現實,就要學會放手。給自己一個全新的開始,只要信心在,勇氣就在; 努力在,成功就在。

三、播種善良
一定要極盡自己所能,讓那些比妳苦、比妳難過的人感受到這世上的陽光和美麗。這樣的善良常常是播種,在不經意間,就會開出最美麗的人性之花。

四、懂得音樂
一定要學會一種樂器,它會洗滌你的身心,打開你的記憶和想像,更會帶來意想不到的寧靜...?另外還有攝影、收藏,它們都能讓我們的生活增添滋味。

五、避開兩種苦
塵世間有兩苦,一是得不到之苦,二是鍾情之苦。前者在妳付諸努力的前提下,就把一切當作一場賭,勝之坦然,敗之淡然,好在這年齡還有一定的資本得以捲土重來;至於後者可說是世間最苦,如果把這時還有這樣的情愫,一定要像清除灰塵般,把它從心屋裏掃出去。

六、學會承受
有些事情需要無聲無息地忘記,經過一次,就長一次智慧;有些苦痛和煩惱得要默默地承受;歷鍊一次;就豐富一次。這個年齡不該再像小時候那樣大喊大叫, 痛哭流涕

七、常懷感恩心
當我們參加完葬禮,總會湧起一些感慨;當我們大病初癒,總會有萬般珍惜。 感恩的心一定要時時保留,它不僅讓你憐惜身邊事物,還能平撫欲望和爭鬥, 甚至幸福的感覺也往往源自於此。

八、熱愛工作
儘管它不像喝茶、聊天那般愜意,但它檢驗著我們的智慧和能力,得以讓我們體現價值及獲得成就。一定要全心愛它,畢竟它讓 妳大半生有事做、有飯吃。

九、勤於學習
讀書和學習都是在和智慧聊天,每年至少要讀五十本書(),它不僅保證你的記憶力、感悟力,還能讓你維持個性魅力,這可是練瑜珈做美容所不能達到的效果。

十、享受運動
善用時間運動享受自然。妳的體重就不會因懶惰而上漲,你的容貌也不會因歲月而減少生動,在某種程度上更能保存青春、快樂與健康。

*****

依個係一年前post出來既,點解要推返上來呢?嘿嘿,因為我今年已經睇左47本書,第九項竟然達成!

而第一項呢,無論係我自己定一班中學同學仔,今年應該都有重新的體會。

我的一個中學同學之前check到身體有些問題,都有一翻周折,才在今個禮拜做了手術。今日去探望她時,真是很高興閃閃雖然被迫行路坐低都要慢動作,但是很精神,仲要好精靈!我地呢,唯有忍手唔好咁搞笑,引到閃閃笑到爆線未大鑊?

雖然報告仲未出,應該是無事了。

真係好!只要好好休息,我地又可以去食去玩去hea啦!

我地依d中女橫跨兩個世紀既友誼,在朋友生病時,大家都好深地感到依d友誼既珍貴。

之前唔肯定病情時,大家都七上八落。

好!
驚!
呀!

一班人不停地轉流sms閃閃,搞到閃閃最後忍唔住要出email話,雖然佢近排瘦左,但係都實在唔駛加咁多油...

我呢,係閃閃入醫院前同佢傾電話,先發現,原來我真係太過take her for granted,無真係留心聽佢講既野。雖然我一直都知政府工雖然係鐵飯碗,仲有做又三十六唔做又三十六既惡名,但係箇中既辛苦同壓力,其實分分鍾仲大過我依d隨時會比人裁既工廠妹。但係,平時佢講工作講得咁輕描淡寫,我唔知道原來佢已經搞到成日要做到十點,仲要面對好多匪夷所思既人同事。

原來,閃閃依排工作得咁辛苦。

我依家呢,真係心懷感恩。閃閃呀閃閃,你快d好返啦,我地仲有排山倒海既河鮮宴、聖誕暴飲暴食派對、日本東京以北之旅等緊你嫁。


係都要講:

加油!

****

閃閃,我仲想講:多謝你呀!

上次我地去日本時,我又唔開心又唔舒服,全程都勁扭計。落雨會扁嘴,鞋濕左會扁晒嘴;行街都會嫌攰,半路要返酒店午睡,睇中野又要反來覆去,買唔到野又要唔開心...煩到咁,你都無柄我,仲當我係你兒外甥仔咁tum,係差無買玩具比我...同你旅行真係好呢!

2008年11月13日 星期四

朋友,笑下啦!

話說有個男人發夢見到有個天使送左桶金比佢,男人醒左之後,剛好係清晨點。

佢老婆又煮左條油炸鬼,個波羅包,再加雪左年既斤大閘蟹比佢做早餐;男人一打開報紙,原來今日係日星期,男人靈機一動,翻去馬經,果然今日第場既第隻馬個名仲叫做「天使」!

男人立時落街去銀行第個櫃員機攞左萬蚊出來,再去第街既投註站號窗買晒萬「天使」。

結果,個夢實在真係好靈:



天使」跑第


出自,永遠講野都咁好笑既Ajahn Brahm: Opening the Door of your Heart

2008年11月11日 星期二

嘻嘻哈哈

嘻嘻哈哈的後續:

今日聽返來既真人真事。

他和她同期進入公司。她已經工作多年,他是剛剛畢業的第一份工作。

他因為工作勤勉仔細用心,今年升上和她一樣的職位。

上個禮拜大老闆寄電郵給她,copy他,要求一個Report。

她做好report後,只給大老闆,沒有給他。

他需要用這個report,今天很有禮貌地走過去問她拿這個report。

她問:「你要個Report做乜!」

他正在解釋:「我要這個Report來consolidate.............。」話未說完,她拿起水杯,扭頭便走。

他呆在當塲。

Well....她不禮貌都算啦,但是,他還是要用Report的。




神算S立時估計,她平時最friend的一定是秘書和阿嬋....

差少少:她最friend的是receptionist和阿嬋,整天在講是非。




神算S立時屈指一算,二年後,他會升做她的老闆。




完。

2008年10月27日 星期一

食物銀行

愛民邨粥檔老闆派粥比老人家既善舉,相信感動左好多人。連日來,不停有人損錢損食物去幫襯加油打氣,真係人間有情。

老闆,真係好野!


其實我地如果想幫助有需要既人,其實仲可以考慮直接向食物銀行捐款。

其中一間,係聖雅各福群會既既眾饍坊

眾饍坊只會接受由團體轉介,證明真係有需要既非綜援的低收入家庭、失業、家庭遇突變的家庭、露宿者、「五無」人士。佢地會乜野叫做五無人士呢,就係即無強積金、無退稅、無老人金、無兒童及無直接交電費的人士。

香港今次又威到盡啦,香港既貧富懸殊係亞洲第一,堅尼系數0.533!除左老人家之外,在職貧窮係另一個問題,佢地唔想攤大手板同政府攞綜緩,但係真係窮到無錢開飯,如果等特首出手,掟多一籮蕉都無用,靠曾蔭權真係等到餓死都未等到啦!

捐款可以下載表格之後去7-11比錢,寄返收據比佢之後,除左有正式收條等你可以退稅,仲會送一隻靚靚水杯比你添呀!

2008年10月23日 星期四

回購兩隧.范鴻齡下台

因為中信泰富一已私利,抬高西隧同東隧既價錢,搞到紅隧永世都塞車,依家佢個公主抄Accumulator爆煲,要努力撲水,分分鍾要賤買大倉行,咁,點解唔可以在依個時候政府買返兩條隧道???

仲有,范鴻齡仲有乜野面目留在行政會?依家佢間公司蝕左足足155億,唔係活性乳酸菌喎,係港幣喎,如果佢係日本人,就應該90度鞠躬,頭頂個轉對住鏡頭足足一分鍾來比人影像啦。我懷疑范生既能力喎(操守都懷疑),佢有乜野資格在行政會為香港人做決定先?

而且,成個范鴻齡坐在度,行會點傾回覆兩隧先?

范鴻齡,無謂再戀棧權位啦,自己返去中信執返d蘇州啦!

2008年10月17日 星期五

大撒把

在古時,古代到仲有影藝戲院既年代,我破天荒第一次…自己一個人睇戲,睇左一部叫「大撒把」既戲(因為無人肯倍我睇)。

依部係大陸戲,馮小剛導演,仲有葛優做男主角。葛優雖然唔靚仔,但係好戲,仲可以好cute。

大撒把係北京話,佢地踩單車技術好高,勁到可以放開兩隻手來落斜,咁就叫大撒把啦!

嘩,舉高雙手來落長命斜,咁未十足飛一樣?依個境界真係高。


我之後呢,有一次同朋友去北海道自由行,旅遊書話美瑛既道路只係有「暗斜」,建議有時間(又唔識渣車)既人可以試下踩單車遊美瑛,仲有一條畫得好精美既「美瑛花花單車路線圖」。咁我地竟然咁岩四個人都識踩單車,又想趁大家都仲未係好老,都叫做踩得郁時候,就決定豁出去,一於踩單車!

點知,租左單車之後,一出到去就發現出事,什麼「暗斜」呀!佢果度根本就無平地,唔係上斜就係落斜,一座座全部都係山,d長命斜長到呢,真係可以天比高,一條落斜就可以落你幾分鍾,上斜就更加唔駛講,轉gear都無用,踩兩步就開始無力,要落地推...

好在我地有號稱人肉GPS既方向王在度,全程都係靠佢睇地圖指路,一到分义路就大家都會等佢指示。Well,不過因為太攰,所以佢指我地落斜時大家就一枝箭咁衝落山,但係佢一話係要上斜呢,我就立時會質疑佢!!!!...有冇搞錯又係上!

嗯,踩到半路,仲要...唉...有我雨女在度...仲有乜野呀,落雨囉!

唉,咁樣日晒雨淋地上長命斜,真係為乜呢?

但係,藍天白雲綠草地真係好靚,因為做運動呼吸到好多清新空氣,落完雨之後仲有淡淡草木香氣。我地仲去到拍Mild Seven廣告既幾棵樹,仲有好多好得意既草,毛絨絨咁十足貓尾。仲有好好心既d本地人呢,見我一枝二枝地插左d細細枝貓尾草在背囊,就比左我幾枝好大棵既草呀!

其實落斜雖然舒服過上斜,但係落斜其實都幾驚嫁。你一落去就會越來越快,d風呼呼咁吹,你就會越來越驚,哇會唔會車毁人亡嫁,我又唔係北京人,踩單車唔係好叻咋喎。在恐懼既時候,個人就係特別清醒既,我呢,會好大力地捉住兩個扶手,我如果一捉唔穏就會跌嫁啦!

到再快少少呢,我就會開始踩break。踩break呢係要有技巧既,一下子大力踩落去一定會炒車,所以,我次次落斜,都會忍忍忍忍忍一陣,直接快到我真係好驚,個軚已經開始捉唔實先至會開始踩break。

到左下午,食飽午飯之後,有氣力,我呢,終於揾左條唔係好長既斜,由頭到尾無踩break,一直向下衝....

好驚!但係,依個一於同你死過,乜都唔諗,只係全心全力踩單車,只係感受好涷好涷既風吹到自己對手疆晒...好爽呀!!

真係Free Faaaaaaaaaaalliiiiiiiiiiinnnnnnnnnnnggggggggg呀!


唔知,有朝一日,我會唔會真係夠膽,可以放手,完全豁出去,來個「大撒把」呢?

2008年10月16日 星期四

開不了心



(張相同內容無關,不過我喜歡)

(From:無常哥哥




一想起再累也是要做人 我的思緒便繃緊
誰又要大家比我還擔心 胡亂地鼓勵人
一想起往日某段抱憾 不要用笑話迫我暫時興奮
難道怕我一不快便輕生 輪流伴我談心 放心


不開心就不開心 也別勉強的慰問
但求隨著我的心 灑脫地尊重我的傷感
別要 不開心便找開心 去避過我的良心
消化憂鬱後 才令我拾回自信心


一想起戰亂破壞了文明 我怎可以沒知覺
告訴我幸好這裡沒飢荒 難道便可快樂
一想起我們有話要講 未曾被聽見便閉幕
猶幸我愛惜這個地方 仍然盛放


不開心就不開心 也別勉強的慰問
但求隨著我的心 灑脫地尊重我的傷感
別要 不開心便找開心 去避過我的良心
消化憂鬱後 才令我拾回自信心


不開心便找醫生 吃藥吃到不會恨
但求藍調更興奮 迫我大笑情況更傷感
不開心未必不堪 快樂也要找原因
一瞬間低落 然後我自然又再生

最後塵埃跌定 我便會翻生




***
林夕呢,果然係由焦慮憂鬱地獄爬返上來既人。唔係有自己親身既經歷,又點能夠寫出咁樣既歌詞呢?



有時候,我地會對自己有太多既要求,我地會要求自己名成利就、朋友滿天下,甚至會要求自己一定要時時都pleasant, cheerful,在人面前唔可以鼓埋泡腮,唔可以唔開心。

點解唔比人唔開心姐?開心唔需要原因,唔開心都一樣。

唔開心係唔需要考牌攞資格囉。

比如有好似哥哥咁,靚仔有錢有愛佢既fans同男朋友,但係,佢都係唔開心。

比如林夕咁,年年攞奬才氣迫人,佢都係唔開心。

有d笑話講話去睇心理醫生既都係闊太,講到好似闊太咁有錢,就無資格唔開心。咁講,係咪真係覺等於講有錢大晒,有錢就無得唔開心呢?

唔開心依個事實,係一個人自己最清楚既,亦係實實在在既感覺,外人唔可能講話「你無理由唔開心喎」。而當事人呢,如果佢唔承認自己感覺,甚至因為自己唔開心而覺得抱歉,咁只會令自己心情一直一直沈落去。


有時,唔開心,就由佢唔開心。

都係無謂迫自己點樣振作,點樣cheer up。接受自己依一刻就係唔開心嫁啦,唔開心犯法嫁咩?不如,真係感受一下唔開心既感覺,嗯,原來就係如此酸酸楚楚既滋味。

當心情終於觸底,就會反彈,「一瞬間低落 然後我自然又再生 最後塵埃跌定 我便會翻生」。

2008年10月15日 星期三

冬甩佬

記得Freakonomics入面既冬甩佬嗎?佢本來打份政府工,在一次改組之後,佢決定提早退休,轉行在紐約賣冬甩。


佢無開鋪頭,而係每日一早送一籃冬甩去各大寫字樓,然後再擺低一個錢箱,采取良心制,等人食左冬用之後自動自覺放返一蚊錢落錢箱;冬甩佬讀經濟,本身係一個數怪,所以佢由第一日開始就記錄低每一日擺低幾多冬甩、食剩幾多,又收返幾多錢。佢每星期送8400個冬甩去140間公司...咁佢每一日既記錄,就變成依d公司既「誠實指標」。


依個誠實指標都有好多有趣既Pattern,比如,佢發現高級職員樓層既回收率一定低過普通職員既樓層,嘿,到底係個人升左所以開始唔誠實,定係因為佢地唔誠實先有得升呢?記住個故事發生紐約...你有冇諗起Enron、WorldCom同Tyco?

仲有呢,越多人既公司,個回收率反而會低喎。依個現象表面上來睇好奇怪,明明人越多,你比人見到你食野唔比錢既機會就越高,點解人少少既公司仔,d人反而比較老實d肯比錢呢?有個理論係,因為人少少,所以大家之間既bonding更強,好似你住在一個小村落咁,人人你都識,個個都認得你,你自然會因為有羞恥心而behave一d。但係你如果在一個幾百人既環境之中,咁,個人就只係蒼海一栗,就無左依個力量lu...如果咁講,高級職員既樓層就更加過份啦,因為高級職員既房都大d,佢地果層一定少人d嫁喎。

回收率呢,仲會隨住大時大節而波動。有d節日會令回收率升高,但有d節日反而會令回收率下降喎。比如在勞動節、國慶之前,人人因為有假放而心情輕鬆,就唔會想扼東甩佬果1蚊美金,回收率就自然高。但係在一d鬼佬大節比如復活節、聖誕節、感恩節,人人忙於準備過節,又要揾人來倍自己過節,壓力大,仲有人反而覺得更寂寞,所以,回收率會跌......估唔到,大節之前,唔開心既人反而多左...仲有,唔駛問阿貴,情人節前一定大跌。

天氣呢,亦都對回收率有直接既影響。如果天氣出奇地宜人呢,食客就會誠實d;但係如果天要下雨啦喎,阿東甩佬就倒霉啦!

咁,估下冬甩佬平均可以收返幾多錢?係87%。而在九一一之後,升左2%而無再跌過。

雖然,打開報紙你見到依個世界上有人偷有人搶有人殺人放火姦淫虜掠背信棄義,但係,報紙無講既係,絶大部份人都係誠實既。

起碼,有89%既人係誠實既。

2008年10月14日 星期二

比爾蓋茨的做人十理

蓋茨的十條" 金口玉言"
(1) 社會充滿不公平現象。 你先不要想去改造它,只能先適應它。(因為你管不了它 )。

(2) 世界不會在意你的自尊,人們看的只是你的成就。 在你沒有成就以前,切勿過分強調自尊。(因為你越強調自尊,越對你不利 )。

(3) 你只是中學畢業,通常不會成為 CEO,直到你把 CEO職位拿到手為止。(直到此時,人們才不會介意你只是中學畢業 )。

(4) 當你陷入人為困境時,不要抱怨,你只能默默地吸取教訓。 (你要悄悄地振作起來,重新奮起 )。

(5) 你要懂得:在沒有你之前,你的父母並不像現在這樣 "乏味 "。你應該想到,這是他們為了撫養你所付出的巨大代價。( 你永遠要感恩和孝敬他們,才是硬道理)。

(6) 在學校裡,你考第幾已不是那麼重要,但進入社會卻不然。 不管你去到哪里,都要分等排名。(社會、公司要排名次,是常見的事,要鼓起勇氣競爭才對 )。

(7) 學校裡有節假日,到公司打工則不然,你幾乎不能休息,很少能輕鬆地過節假日。 (否則你職業生涯中一起跑就落後了,甚至會讓你永遠落後 )。

(8) 在學校,老師會幫助你學習,到公司卻不會。 如果你認為學校的老師要求你很嚴格,那是你還沒有進入公司打工。因為,如果公司對你不嚴厲,你就要失業了。( 你必須清醒地認識到:公司比學校更要嚴格要求自己)。

(9) 人們都喜歡看電視劇,但你不要看,那並不是你的生活。 只要在公司工作,你是無暇看電視劇的。(奉勸你不要看,否則你走上看電視連續劇之路,而且看得津津有味,那你將失去成功的資格 )

(10 )永遠不要在背後批評別人,尤其不能批評你的老板無知、刻薄和無能。 ( 因為這樣的心態,會使你走上坎坷艱難的成長之路)。


***
依十條唔知係Bill Gate幾時講既,特別係第一點,阿Bill自己都退出Microsoft,要用自己再加上Warren Buffet既錢,一齊來改變世界...唔理?乜人類真係可以對其他人類既痛苦和傷害完全視若無睹咩?佢自己就係一個明証啦!


(不過覺得4,5,8,9,10幾岩)

2008年10月12日 星期日

麥琪的禮物

O Henry既故仔,你永遠係要睇到最後一句,先至會知道,啊!原來係咁!

仲有,依個好可愛既故事:【麥琪的禮物】


****

一元八角七。全都在這兒了,其中六角是一分一分的銅板。這些分分錢是雜貨店老板、菜販子和肉店老板那兒軟硬兼施地一分兩分地扣下來,直弄得自己羞愧難當,深感這種掂斤播兩的交易實在丟人現眼。德拉反復數了三次,還是一元八角七,而第二天就是聖誕節了。

除了撲倒在那破舊的小睡椅上哭嚎之外,顯然別無他途。

德拉這樣作了,可精神上的感慨油然而生,生活就是哭泣、抽噎和微笑,尤以抽噎占統治地位。

當這位家庭主婦逐漸平靜下來之際,讓我們看看這個家吧。一套帶家具的公寓房子,每周房租八美元。盡管難以用筆墨形容,可它真真夠得上乞丐幫這個詞兒。

樓下的門道裡有個信箱,可從來沒有裝過信,還有一個電鈕,也從沒有人的手指按響過電鈴。而且,那兒還有一張名片,上寫著“詹姆斯•迪林厄姆•楊先生”。

“迪林厄姆”這個名號是主人先前春風得意之際,一時興起加上去的,那時候他每星期掙三十美元。現在,他的收入縮減到二十美元,“迪林厄姆”的字母也顯得模糊不清,似乎它們正嚴肅地思忖著是否縮寫成謙遜而又講求實際的字母D。不過,每當詹姆斯•迪林厄姆•楊回家,走進樓上的房間時,詹姆斯•迪林厄姆•楊太太,就是剛介紹給諸位的德拉,總是把他稱作“吉姆”,而且熱烈地擁抱他。那當然是再好不過的了。

德拉哭完之後,往面頰上抹了抹粉,她站在窗前,痴痴地瞅著灰蒙蒙的後院裡一只灰白色的貓正行走在灰白色的籬笆上。明天就是聖誕節,她只有一元八角七給吉姆買一份禮物。她花去好幾個月的時間,用了最大的努力一分一分地攢積下來,才得了這樣一個結果。一周二十美元實在經不起花,支出大於預算,總是如此。只有一元八角七給吉姆買禮物,她的吉姆啊。她花費了多少幸福的時日籌劃著要送他一件可心的禮物,一件精致、珍奇、貴重的禮物——至少應有點兒配得上吉姆所有的東西才成啊。

房間的兩扇窗子之間有一面壁鏡。也許你見過每周房租八美元的公寓壁鏡吧。一個非常瘦小而靈巧的人,從觀察自己在一連串的縱條影像中,可能會對自己的容貌得到一個大致精確的概念。德拉身材苗條,已精通了這門子藝術。

突然,她從窗口旋風般地轉過身來,站在壁鏡前面。她兩眼晶瑩透亮,但二十秒鐘之內她的面色失去了光彩。她急速地折散頭髮,使之完全潑散開來。

現在,詹姆斯•迪林厄姆•楊夫婦倆各有一件特別引以自豪的東西。一件是吉姆的金表,是他祖父傳給父親,父親又傳給他的傳家寶;另一件則是德拉的秀發。如果示巴女王也住在天井對面的公寓裡,總有一天德拉會把頭髮披散下來,露出窗外晾干,使那女王的珍珠寶貝黔然失色;如果地下室堆滿金銀財寶、所羅門王又是守門人的話,每當吉姆路過那兒,准會摸出金表,好讓那所羅門王忌妒得吹胡子瞪眼睛。

此時此刻,德拉的秀發潑撒在她的周圍,微波起伏,閃耀光芒,有如那褐色的瀑布。她的美發長及膝下,仿佛是她的一件長袍。接著,她又神經質地趕緊把頭髮梳好。躊躇了一分鐘,一動不動地立在那兒,破舊的紅地毯上濺落了一、兩滴眼淚。

她穿上那件褐色的舊外衣,戴上褐色的舊帽子,眼睛裡殘留著晶瑩的淚花,裙子一擺,便飄出房門,下樓來到街上。

她走到一塊招牌前停下來,上寫著:“索弗羅妮夫人——專營各式頭髮”。德拉奔上樓梯,氣喘吁吁地定了定神。那位夫人身軀肥大,過於蒼白,冷若冰霜,同“索弗羅妮”的雅號簡直牛頭不對馬嘴。

“你要買我的頭髮嗎?”德拉問。

“我買頭髮,”夫人說。“揭掉帽子,讓我看看發樣。”

那褐色的瀑布潑撒了下來。

“二十美元,”夫人一邊說,一邊內行似地抓起頭髮。

“快給我錢,”德拉說。

呵,接著而至的兩個小時猶如長了翅膀,愉快地飛掠而過。請不用理會這胡謅的比喻。她正在徹底搜尋各家店鋪,為吉姆買禮物。

她終於找到了,那准是專為吉姆特制的,決非為別人。她找遍了各家商店,哪兒也沒有這樣的東西,一條樸素的白金表鏈,鏤刻著花紋。正如一切優質東西那樣,它只以貨色論長短,不以裝潢來炫耀。而且它正配得上那只金表。她一見這條表鏈,就知道一定屬於吉姆所有。它就像吉姆本人,文靜而有價值——這一形容對兩者都恰如其份。她花去二十一美元買下了,匆匆趕回家,只剩下八角七分錢。金表匹配這條鏈子,無論在任何場合,吉姆都可以毫無愧色地看時間了。

盡管這只表華麗珍貴,因為用的是舊皮帶取代表鏈,他有時只偷偷地瞥上一眼。

德拉回家之後,她的狂喜有點兒變得審慎和理智了。她找出燙發鐵鉗,點燃煤氣,著手修補因愛情加慷慨所造成的破壞,這永遠是件極其艱巨的任務,親愛的朋友們——簡直是件了不起的任務呵。

不出四十分鐘,她的頭上布滿了緊貼頭皮的一綹綹小卷發,使她活像個逃學的小男孩。她在鏡子裡老盯著自己瞧,小心地、苛刻地照來照去。

“假如吉姆看我一眼不把我宰掉的話,”她自言自語,“他定會說我像個科尼島上合唱隊的賣唱姑娘。但是我能怎麼辦呢——唉,只有一元八角七,我能干什麼呢?”

七點鐘,她煮好了咖啡,把煎鍋置於熱爐上,隨時都可作肉排。

吉姆一貫准時回家。德拉將表鏈對疊握在手心,坐在離他一貫進門最近的桌子角上。接著,她聽見下面樓梯上響起了他的腳步聲,她緊張得臉色失去了一會兒血色。她習慣於為了最簡單的日常事物而默默祈禱,此刻,她悄聲道:“求求上帝,讓他覺得我還是漂亮的吧。”

門開了,吉姆步入,隨手關上了門。他顯得瘦削而又非常嚴肅。可憐的人兒,他才二十二歲,就挑起了家庭重擔!他需要買件新大衣,連手套也沒有呀。

吉姆站在屋裡的門口邊,紋絲不動地好像獵犬嗅到了鵪鶉的氣味似的。他的兩眼固定在德拉身上,其神情使她無法理解,令她毛骨悚然。既不是憤怒,也不是驚訝,又不是不滿,更不是嫌惡,根本不是她所預料的任何一種神情。他僅僅是面帶這種神情死死地盯著德拉。

德拉一扭腰,從桌上跳了下來,向他走過去。

“吉姆,親愛的,”她喊道,“別那樣盯著我。我把頭髮剪掉賣了,因為不送你一件禮物,我無法過聖誕節。頭髮會再長起來——你不會介意,是嗎?我非這麼做不可。我的頭髮長得快極了。說‘恭賀聖誕’吧!吉姆,讓我們快快樂樂的。你肯定猜不著我給你買了一件多麼好的——多麼美麗精致的禮物啊!”

“你已經把頭髮剪掉了?”吉姆吃力地問道,似乎他絞盡腦汁也沒弄明白這明擺著的事實。

“剪掉賣了,”德拉說。“不管怎麼說,你不也同樣喜歡我嗎?沒了長髲,我還是我嘛,對嗎?”

吉姆古怪地四下望望這房間。

“你說你的頭髮沒有了嗎?”他差不多是白痴似地問道。

“別找啦,”德拉說。“告訴你,我已經賣了——賣掉了,沒有啦。這是聖誕前夜,好人兒。好好待我,這是為了你呀。也許我的頭髮數得清,”突然她特別溫柔地接下去,“可誰也數不清我對你的恩愛啊。我可以做肉排了嗎,吉姆?”

吉姆好像從恍惚之中醒來,把德拉緊緊地摟在懷裡。現在,別著急,先讓我們花個十秒鐘從另一角度審慎地思索一下某些無關緊要的事。房租每周八美元,或者一百萬美元——那有什麼差別呢?數學家或才子會給你錯誤的答案。麥琪帶來了寶貴的禮物,但就是缺少了那件東西。這句晦澀的話,下文將有所交待。

吉姆從大衣口袋裡掏出一個小包,扔在桌上。

“別對我產生誤會,德爾,”他說道,“無論剪發、修面,還是洗頭,我以為世上沒有什麼東西能減低一點點對我妻子的愛情。不過,你只消打開那包東西,就會明白剛才為什麼使我楞頭楞腦了。”

白皙的手指靈巧地解開繩子,打開紙包。緊接著是欣喜若狂的尖叫,哎呀!突然變成了女性神經質的淚水和哭泣,急需男主人千方百計的慰藉。

還是因為擺在桌上的梳子——全套梳子,包括兩鬢用的,後面的,樣樣俱全。那是很久以前德拉在百老彙的一個櫥窗裡見過並羨慕得要死的東西。這些美妙的發梳,純玳瑁做的,邊上鑲著珠寶——其色彩正好同她失去的美發相匹配。她明白,這套梳子實在太昂貴,對此,她僅僅是羨慕渴望,但從未想到過據為己有。現在,這一切居然屬於她了,可惜那有資格佩戴這垂涎已久的裝飾品的美麗長髮已無影無蹤了。

不過,她依然把髮梳摟在胸前,過了好一陣子才抬起淚水迷蒙的雙眼,微笑著說:“我的頭髮長得飛快,吉姆!”

隨後,德拉活像一只被燙傷的小貓跳了起來,叫道,“喔!喔!”

吉姆還沒有瞧見他的美麗的禮物哩。她急不可耐地把手掌攤開,伸到他面前,那沒有知覺的貴重金屬似乎閃現著她的歡快和熱忱。

“漂亮嗎,吉姆?我搜遍了全城才找到了它。現在,你每天可以看一百次時間了。把表給我,我要看看它配在表上的樣子。”

吉姆非旦不按她的吩咐行事,反而倒在睡椅上,兩手枕在頭下,微微發笑。

“德爾,”他說,“讓我們把聖誕禮物放在一邊,保存一會兒吧。它們實在太好了,目前尚不宜用。我賣掉金表,換錢為你買了發梳。現在,你作肉排吧。”

正如諸位所知,麥琪是聰明人,聰明絕頂的人,他們把禮物帶來送給出生在馬槽裡的耶穌。他們發明送聖誕禮物這玩藝兒。由於他們是聰明人,毫無疑問,他們的禮物也是聰明的禮物,如果碰上兩樣東西完全一樣,可能還具有交換的權利。在這兒,我已經笨拙地給你們介紹了住公寓套間的兩個傻孩子不足為奇的平淡故事,他們極不明智地為了對方而犧牲了他們家最最寶貴的東西。不過,讓我們對現今的聰明人說最後一句話,在一切饋贈禮品的人當中,那兩個人是最聰明的。在一切饋贈又接收禮品的人當中,像他們兩個這樣的人也是最聰明的。無論在任何地方,他們都是最聰明的人。

他們就是麥琪。

<英文原文>

兩個感恩節的紳士

原來就快感恩節,仲有人食左大餐添

講到感恩大餐,又點可以唔quote返O Henry既短篇小說【兩個感恩節的紳士】呢。


********
有一天是屬於我們的。到了那一天,只要不是從石頭裡迸出來的美國人都回到自己的老家,吃蘇打餅干,看著門口的舊抽水機,覺得它仿佛比以前更靠近門廊,不禁暗自納悶。祝福那一天吧。羅斯福總統把它給了我。我們聽到過一些有關清教徒的傳說,可是記不清他們是什麼樣的人了。不用說,假如他們再想登陸的話,我們准能把他們捧得落花流水。普利茅斯岩石嗎?唔,這個名稱聽來倒有些耳熟。自從火雞托拉斯壟斷了市場以後,我們有許多人不得不降格以求,改吃母雞了。不過華盛頓又有人走漏消息,把感恩節公告預先通知了他們。

越桔沼澤地東面的那個大城市使感恩節成為法定節日。一年之中,唯有在十一月的最後一個星期四,那個大城市才承認渡口以外的美國。唯有這一天才純粹是美國的。是的,它是獨一無二的美國的慶祝日。

現在有一個故事可以向你們證明:磊洋此岸的我們,也有一些日趨古老的傳統,並且由於我們的奮發和進取精神,這些傳統趨向古老的速度比在英國快得多。

斯塔弗·皮特坐在聯合廣場噴水泉對面人行道旁邊東入口右面的第三條長凳上。九年來,每逢感恩節,他總是不早不遲,在一點鐘的時候坐在老地方。他每次這樣一坐,總有一些意外的遭遇——查爾斯·狄更斯式的遭遇,使他的坎肩脹過心口,背後也是如此。

但是,斯塔弗·皮特停今天出現在一年一度的約會地點,似乎是出於習慣,而不是出於一年一度的飢餓。據慈善家們的看法,窮苦人仿佛要隔那麼長的時間才遭到飢餓的折磨。

當然啦,皮特一點兒也不餓。他來這兒之前剛剛大吃了一頓,如今只剩下呼吸和挪動的力氣了。他的眼睛活像兩顆淡色的醋栗,牢牢地嵌在一張浮腫的、油水淋漓的油灰面具上。他短促地、呼哧哧地喘著氣;脖子上一圈參議員似的脂肪組織,使他翻上來的衣領失去了時髦的派頭。一星期以前,救世軍修女的仁慈的手指替他縫在衣服上的鈕扣,像玉米花似地爆開來,在他身邊撒了一地。他的衣服固然襤褸,襯衫前襟一直豁到心口,可是夾著雪花的十一月的微風只給他帶來一種可喜的涼爽。因為那頓特別豐富的飯菜所產生的熱量,使得斯塔弗·皮特不勝負擔。那頓飯以牡蠣開始,以葡萄干布丁結束,包括他所認為的全世界的烤火雞、煮土豆、雞肉色拉、南瓜餡餅和冰淇淋。因此,他肚子塞得飽飽地坐著,帶著撐得慌的神情看著周圍的一切。

那頓飯完全出乎他意料之外。他路過五馬路起點附近的一幢紅磚住宅,那裡面住有兩位家系古老,尊重傳統的老太太。她們甚至不承認紐約的存在,並且認為感恩節中介為了華盛頓廣場才制訂的。她們的傳統習慣之一,是派一個佣人等在側門口,吩咐他在正午過後把第一個飢餓的過路人請進來,讓他大吃大喝,飽餐一頓。斯塔弗·皮特去公園時,碰巧路過那裡,給管家們請了進去,成全了城堡裡的傳統。

斯塔弗·皮特朝前面直瞪瞪地望了十分鐘之後,覺得很想換換眼界。他費了好大的勁兒,才慢慢把頭扭向左面。這當兒,他的眼球驚恐地鼓了出來,他的呼吸停止了,他那穿著破皮鞋的短腳在砂礫地上簌簌地扭動著。

因為那位老先生正穿過四馬路,朝他坐著的長凳方向走來。

九年來,每逢感恩節的時候,這位老先生總是來這兒尋找坐在長凳上的斯塔弗·皮特。老先生想把這件事形成一個傳統。九年來的每一個感恩節,他總是在這兒找到了斯塔弗,總是帶他到一家飯館裡去,看他美餐一頓。這類事在英國是做得很自然的。然而美國是個年輕的國家,堅持九年已經算是不壞了。那位老先生是忠實的美國愛國者,並且自認為是創立美國傳統的先驅之一。為了引起人們注意,我們必須長期堅持一件事情,一步也不放松。比如收集每周幾毛錢的工人保險費啦,打掃街道啦,等等。

老先生莊嚴地朝著他所培植的制度筆直走去。不錯,斯塔弗·皮特一年一度的感覺並不像英國的大憲章或者早餐的果醬那樣具有國家性。不過它至少是向前邁了一步。它幾乎有點封建意味。它至少證明了在紐——唔!——在美國樹立一種習俗並不是不可能的。

老先生又高又瘦,年過花甲。他穿著一身黑衣服,鼻子上架著一副不穩當的老工眼鏡。他的頭發比去年白一點兒,稀一點兒,並且好像比去年更借重那支粗而多節的曲柄拐杖。

斯塔弗·皮特眼看他的老恩人走近,不禁呼吸短促,直打哆嗦,正如某位太太的過於肥胖的獅子狗看到一條野狗對它呲牙豎毛時那樣。他很想跳起來逃跑,可是即使桑托斯—杜蒙施展出全部本領,也無法使他同長凳分開。那兩位老太太的忠心的家僕辦事情可著實徹底。

“你好。”老先生說,“我很高興見到,又一年的變千對你並沒有什麼影響,你仍舊很健旺地在這個美好的世界上逍遙自在。僅僅為了這一點幸福,今天這個感恩節對我們兩人都有很大的意義。假如你願意跟我一起來,朋友,我預備請你吃頓飯,讓你的身心取得協調。”

老先生每次都說這番同樣的自豪感。九年來的每一個感恩節都是這樣。這些話本身幾乎成了一個制度。除了《獨立宣言》之外,沒有什麼可以同它相比了。以前在斯塔弗聽來,它們像音樂一般美妙。現今他卻愁眉苦臉,眼淚汪汪地抬頭看著老先生的臉。細雪落到斯塔弗的汗水淋漓的額頭上,幾乎咝咝發響。但是老先生卻在微微打戰,他掉轉身子,背朝著風。

斯塔弗一向納悶,老先生說這番話時的神情為什麼相當悲哀。他不明白,因為老先生每次都在希望有一個兒子來繼承他的事業。他希望自己去世後有一個兒子能來到這個地方——一個壯實自豪的兒子,站在以後的斯塔弗一類的人面前說:“為了紀念家父。”那一來就成為一個制度了。

然而老先生沒有親屬。他在公園東面一條冷僻的街道的一座敗落的褐石住宅裡租了幾間屋子。冬天,他在一個不比衣箱大多少的溫室裡種些倒掛金鐘。春天,他參加復活節的。夏天,他在新澤西州山間的農舍裡寄宿,坐在柳條扶手椅上,談著他希望總有一天能找到的某種撲翼蝴蝶。秋天,他請斯塔弗吃頓飯。老先生干的事就是這些。

斯塔弗抬著頭,瞅了他一會兒,自怨自艾,好不煩惱,要是又束手無策。老先生的眼睛裡閃出為善最樂的光亮他臉上的皺紋一年比一年深,但他那小小的黑領結依然非常神氣,他的襯衫又白又漂亮,他那兩撇灰胡髭典雅地翹著。斯塔弗發出一種像是鍋裡煮豌豆的聲音。他原想說些什麼;這種聲音老先生已經聽過九次了,他理所當然地把它當成斯塔弗表示接受的老一套話。

“謝謝你,先生。非常感謝,我跟你一起去。我餓極啦,先生。”

飽脹引起的昏昏沉沉的感覺,並沒有動搖斯塔弗腦子裡的那個信念:他是某種制度的基石。他的感恩節的胃口並不屬於他自己,而是屬於這位占有優先權的慈祥的老先生;因為即使不根據實際的起訴期限法,也得考慮到既定習俗的全部神聖權利。不錯,美國是一個自由的國家要是為了建立傳統,總得有人充當循環小數呀。英雄們不一定非得使用鋼鐵和黃金不可。瞧,這兒就有一位英雄,光是揮弄著馬馬虎虎地鍍了銀的鐵器和錫器。

老先生帶著他的一年一度的受惠者,朝南去到那家飯館和那張年年舉行盛宴的桌子。他們給認出來了。

“老家伙來啦,”一個侍者說,“他每年感恩節都請那個窮漢吃上一頓。”

老先生坐在桌子對面,朝著他的將要成為古老傳統的基石,臉上發出像熏黑的珠子似的光芒。侍者在桌子上擺滿了節日的食物——斯塔弗嘆了口氣(別人還以為這是飢餓的表示呢),舉起了刀叉,替自己刻了一頂不朽的桂冠。

在敵軍人馬中殺開一條血路的英雄都沒有他這樣勇敢。火雞、肉排、湯、蔬菜、餡餅,一端到他面前就不見了。他跨進飯館的時候,肚子裡已經塞得實實足足,食物的氣味幾乎使他喪失紳士的榮譽,但他卻像一個真正的騎士,打起精神,堅持到底。他看到老先生臉上的行善的快樂——倒掛金鐘和撲翼蝴蝶帶來的快樂都不能與此相比——他實在不忍掃他老人家的興。

一小時之後,斯塔弗往後一靠,這一仗已經打贏了。

“多謝你,先生,”他像一根漏氣的蒸氣管子那樣呼哧呼哧地說,“多謝你賞了一頓稱心的中飯。”

接著,他兩眼發直,費勁地站起身來,向廚房走去。一個侍者把他像陀螺似地打了一個轉,推他走向門口。老先生仔仔細細地數出一塊三毛錢的小銀幣,另外給了侍者三枚鎳幣做小賬。

他們像往年那樣,在門口分了手,老先生往南,斯塔弗往北。

在第一個拐角上,斯塔弗轉過身,站了一會兒。接著,他的破舊衣服像貓頭鷹的羽毛似地鼓了起來,他自己則像一匹中暑的馬那樣,倒在人行道上。

救護車開到,年輕的醫師和司機低聲咒罵他的笨重。既然沒有威士忌的氣息,也就沒有理由把他移交給警察局的巡邏車,於是斯塔弗和他肚子裡的雙份飯就給帶到醫院裡去了。他們把他抬到醫院裡的床上,開始檢查他是不是得了某些怪病,希望有機會用屍體解剖來發現一些問題。

瞧呀!過了一小時,另一輛救護車把老先生送來了。他們把他放在另一張床上,談論著闌尾炎,因為從外表看來,他是付得起錢的。

但是不多久,一個年輕的醫師碰到一個眼睛討他喜歡的年輕的護士,便停住腳步,跟她談談病人的情況。

“那個體面的老先生,”他說,“你怎麼都猜不到,他幾乎要餓死了。從前大概是名門世家,如今落魄了。他告訴我說,他已經三天沒有吃東西了。”

<英文原文>

2008年10月6日 星期一

巴利文

無錯,我死性不改,又再re-take巴利文初班。

Somehow我開始相信,真正有意義既野,都係好難得既,中間跌了兩交,很正常啦!不過係讀一次唔識姐,未讀多次囉,咩姐?

但係,又係來到noun既18個Declenation啦,同一個Noun,因為唔同既preposition再加上Singular同Plural,竟然有咁鬼多個樣,真係好攞命!仲要更大鑊既係,巴利文之中,係分Masculine, Feminine同Neuter,每一類入面再分唔同既尾音,每個尾音有唔同既declenation rule.............真係晴天霹靂呀!好多好多好多declenation呀!

仲有Verb呢?在唔同Part of Speech又唔同,仲有唔同Tense呢?....又好想打爛部電腦呀!

我呢,由細到大都知自己記性唔好,所以中三選科時,亳不猶豫地揀左理科班,如果讀文科,好有可能畢唔到業。而且呢,我係記唔到自己討厭既野既,比如一d肉麻當有趣既新詩、滿字謊言既文章,真係直接反彈,一d入唔到腦。

我記有一d關於記憶力既硏究,話呢,要記性好,首先就唔好口口聲聲話自己記性差。哈哈,即係呢,我唔應該不停地reinforce自己既記性唔好啦。跟住,係要令自己不再抗拒記野,你如果唔鍾意一樣野,係無可能做得好囉,我一面背Declenation,一面暗暗地肚子裏非議點解幾廿百萬個奇奇怪怪既grammar,咁記到就有鬼啦!

唉,細個讀書時,記性唔好就當然很吃虧啦,但係呢,去個做人,有時候唔好樣樣都記得咁清楚,將d恩怨情仇放開d,個人既精神健康一定會好d。嘿,很奇異既平衡法,估唔到無記性都有佢既好處。


咁,我可唔可以選擇地有記性,只係記得巴利文呢?

.......

我地中國人呢,點頭代表是,搖頭代表不是。但係印度一帶既人呢,搖頭代表是...

有冇玩過口是心非,哈,如果印度人玩,咁佢就一定嬴晒啦。

我同行有個朋友話我知,佢第一次去印度演講,講到興起時,見到台下全部人都搖頭,真係幾驚自己講錯野呀!


印度人除左有萬惡既種姓制度之外,仲要男女有森嚴既界別,佢地係唔會同女人握手既。Well,咁我又唔係話有幾鍾意同人握手,但係比人當係病菌咁又唔多舒服。遇着有d特別歧視女人既人,我既同伴,仲會好曳地,同佢握完手之後fink佢隻手過來,係都要局佢同我握手...


當年仲後生,只要係未去既地方,都有興趣過去看一看,又唔會咁怕幸苦污糟。不過,正正因為唔係太多旅行既經驗,所以亦都無乜遊客心態。我當時一直都無諗過話要點樣尋幽探勝,或者影d乜野異國風情既相,我仲豬到,其實連個詳細既行程都唔知,反正我又唔識當地人既說話,只係跟住人行,人地叫你坐車就坐車,等就等,有飯就食,到地方就訓。依家諗返,咁樣去外地其實都幾好嫁,簡直係無憂無慮呀。

如果行人生既路程都係咁,你話幾好呢?

渣打馬拉松

一年一度既渣打馬拉松又開始報名啦!

我今次會係第五年跑十公里lu…完全無意圖或企圖”Upgrade”去跑半馬,我呢,志在有運動目標姐,半馬係要有訓練先得既。

依個目標其實好重要,一報左名之後,你就唔可能比自己太懶,一定要去練下跑至得。

我呢,嗯,會在天氣再湅d先開始路跑,所以,真係好佩服肥龍哥哥竟然在之前酷熱警告既日子都一樣跑足十公里!!!依個就係意志啦,我自問無咁強意志,所以一定要參加比賽先可以「督」自己跑囉!

又好似On Dog哥哥話齋,年年跑都有唔同既原因,不過跑完之後都係會好開心!

跑啦,跑啦!

2008年10月2日 星期四

雜雜雜想

今日同妹妹食飯時,潮童話佢睇報導,大陸各省巿都要申報因為三聚氰胺而引發既賢石個案,各省巿為左自己有個「乾淨」既報告,所以將賢石既定義大幅調高,搞到明明有賢石都變左無,咁佢地就可以安安樂樂繼續玩樂。

上有政策下有對策依個情況,都唔係話今日共產黨先有,咁多歷朝歷代,未都係咁。但係,依家偉大的中國人連太空漫步都做埋,話自己全球排第三,小小既食物安全同行政能力,都仲係同清帝差唔多,係咪真係好瘀呢吓?

***

我呢,今次中晒招,我在公司用蒙牛來沖咖啡,足足飲左一年,仲要為左今自己飲少d咖啡,所以杯杯都係多奶少啡既latte。

唉,都係等小朋友check左先啦,真係可憐天下父母心。

***

近幾年大陸食品既問題,真係全民化學科普教育,連我阿媽都可以好流利地講出「三聚氰胺」依個咁難讀既term,仲要我一話唔返屋企食飯時,佢就大力恐嚇我,話出面食野樣樣都有加三聚氰胺喎…

仲要當我考佢化學常識時,一講「蘇丹紅」,佢就接話「孔雀綠」。哇,對得幾咁工整!

***
有朋友話,做臣子既,「恐其見棄,死其見疑」喎。

我其實不過打份工姐,唔係古代伴君如伴虎既大臣,駛唔駛咁戰戰兢兢、鞠躬盡瘁呢?

又何解人同人之間有咁多衝突呢?

好耐之前PK_寫過類似話我地做細既,其實都係serve緊老闆既insecurity。因為老闆自己無安全感,所以proposal, back-up plan, report無日無之,寫完一個又一個。因為老闆們擔心自己既地位不保,所以公司分黨分派,辦公室政治之下,日日都在度打不流血既戰爭。

打生打死,為乜呢?除左升職加薪依d比較solid既野之外,好似都係為左安全感。

***
之前聽過一句說話:「如果你怕死既話,你就怕生存」。

係喎,Life is uncertain, death is certain嘛。魯迅講過一個故仔,話有一家人生左小朋友,在擺滿月酒時,有個客人話BB一定大個左聰明靚仔彈琴勁過郎郎跑步快過劉翔,仲會成為第一個登陸火星既人類,主人家聽到就相晒喎,請個客人去貴賓席。

另外一個客人一見到BB,就話:「依個bb遲早一定會死。」主人家一聽到就好嬲,一d都唔信,即刻趕佢走…

其實,要講無安全感,真係無乜野得人驚過死掛,但既然Death is certain,咁我地一日到黑在度驚都係無謂謂啦!如果下下活在自己既不安恐懼之中,咁我地就從來無真真正正生活過,白過一生。

***
我有個朋友既爸爸過左身,今日出殯。

雖然,佢患癌已經一段時間,大家都有心理準備,但係生離死別始終係一件令人難過既事。

死者已矣,最重要既,係仲在生既人吧。可以把握既時候,就好好把握,好好享受同處既日子,千萬唔好:愛得太遲。





***
題外話,我上個禮拜在上海係上到蘋果日報既,連殘奧都完左都未block蘋果網,係咪,都仲有少少既改善呢?

2008年9月29日 星期一

的士司機

我今次在上海幾經艱苦截到一架的士,一打開車門,就見到座位上既白布椅套已經發黃,仲要佈滿五頻六色既污漬,唯有努力地找出一塊乾淨少少既地方坐依,而且,第一時間挍下車窗,吹走車廂入面可既煙味。

我一講出目的地之後,司機就立時開始投訴,話咁近做都要坐車...well,上海的士起標11蚊,己經可以去好遠,如果唔塞車,,由城中到城西都只係廿幾蚊,我依程要15蚊,行路係分分鍾要成個鍾,佢係咪有生意唔想做先?之不過,只要的士大佬唔好踼我落車,佢依d「中男前更年期全世界都欠左佢怨氣沖天生意失敗候郡症」,我係可以當係耳邊風既。(我之前真係試過有個的士司機話佢唔識去淮海中路,吱一聲停車,之後自己落車幫我打開車門,「請」我落車。要知道,淮海中路繁華有如彌敦道。)

但係,今次大佬真係病發,一路上抱怨由牌費的士租貴、周圍塞車、個個都係短程客、成日落雨...總之就係天地不仁之類。司機大佬一面罵得口沬橫飛,一面渣車渣得如狼似虎,在繁忙既路面上寸步不讓,仲差d撞到一架電單車,之後同個鐵騎士互相怒啤一陣,再各自上路...

突然,大佬在我既哼哼哈哈既回應之中發現我既香港口音,就即刻改變話題,問比如「香港人都很有錢吧!」、「你過來上海做生意嗎?」之類關你鬼事既問題,仲要在我落車時遞上佢既咭片,叫我去機場時call佢的士....

張咭片,在我發現第一個垃圾桶時,既刻掉左入去。

2008年9月20日 星期六

2008年9月9日 星期二

真歷史比假小說來得有趣

我已經封左做偶像既歷史學家唐德剛先生講:真歷史比假小說來得有趣!

真是高見高見,唐先生既《晚清七十年》仲好睇過金庸小說,真係黐手,捱眼訓都要掙扎睇埋佢。

而依家真人真事既新聞,仲好睇過肥皂劇。

比如,泰國總理沙馬捱過反對黨的彈劾,亦都無視人民佔領總理府高呼要佢下台,但係,勢估唔到,沙馬最後下台既原因係:佢上電視教人煑佢最拿手既咖喱鴨胸...講真,我最先在網上面見到以為係講笑...如果肥皂劇有d咁既情節,一定比人her死。

真事有時候比故仔更加離奇。


今晚睇鳳凰衞視一個講台灣政情既節目,睇到下面陳水偏在2000年第一次競選總統既廣告:



今時今日聽到阿偏講佢既親友「都没有外國護照,從來没有想過要把錢存在國外...」...哈哈,真係好笑過什麼獎門人。陳家洗錢風暴的鬧劇正在上演,我承認,我真係有追東森電視新聞,就係因為佢日日新鮮鑊鑊甘,峰迴路轉過推理小說,台灣新聞總有辦法將新聞報導得引人入勝,就算八卦,都八得好睇。

講返依個廣告,如果諗返陳水偏係出身自極度貧窮既家庭,苦學成才,佢後生時仲係一個正義既「維權律師」,真可謂係一個活生生的台灣傳奇。廣告入面一張張純樸既面孔,誠懇既呼籲,再加上台灣當年在江選澤民既文攻武嚇不停軍事演習下,陳水偏講不要戰爭,希望台灣平安...真是很温情感人的廣告,連長得很抱歉的阿偏都立時順眼左。

到左2008年,台灣人在「阿偏八年」之下搞得經濟倒退,人民生活困苦,在馬英九對決謝長廷既總統之戰,網上流傳依個廣告「讓我們好好的投」:



姑乜論依個廣告係咪真係獨立製造,但係,真係拍得好好。用一個女孩子既由二十歲到廿七歲,串連台灣既政經變化,其中講到既招考清潔員既李叔叔,係前兩年台灣失業率很高,一個政府清潔員既招聘廣告,竟然引來超過幾百倍既申請,由於求職既人太多,當局乾脆舉行一個扛沙包跑步既比賽,最終勝出者就可以「嬴」得依份清潔工作;想當年我在東森電視睇到依個新聞時,除左覺得當局連d咁creative既請人辦法都諗到之外,睇到滿頭大汗揹住沙包、只為了一份掃街既工作而拼命狂奔的台灣人,一樣係心有惻側然。

到左依家馬英九上台一百日多d,佢既政府同佢本人就連連講錯說話做錯事,結果好快有人講出一句:「走了一個壞蛋,來了一個笨蛋,我們就完蛋」。

嘿嘿,台灣人既文字功力,真係遠勝香港。


反觀我地呢?很醜的poster,很悶既選舉,更悶既新聞報導。

「讓我們好好的投」...又有幾多個係揀得落手嫁呢?...講來講去都只有三十席直選,全面雙普選仲可能搞到2046,好未來吓。曾特首個樣越來越似董伯伯,令人忍唔住諗曾生會唔會有朝一日宣佈佢腳痛...

在依個悶局之下,我係咪應該轉睇花好月圓算呢?

2008年9月8日 星期一

手拿玫瑰花的婦人 (轉載)

手拿玫瑰花的婦人威廉•布里多是三O年代美國紐約的新聞記者。

他常回憶在少年時代所經歷到的一段感人故事,使他的一生受到很大的影響。
當他十歲的時候,母親早逝,接著父親也去世,留下七個孤兒,其中六個被送到孤兒院,只有他一人被親戚收養。但那親戚非常窮苦,所以他每天一早必須到紐約中央車站廣場賣報紙,賣三份報紙才能賺到一分錢。

有天早晨,當他照常在廣場前售報時,看見市內電車靠站便趕快擠到電車旁兜售報紙。有位中年乘客從窗口探出身體,叫報童遞給他兩份報紙。但那人卻將報費的五分鎳幣夾在指間,叫威廉自己來取。車子慢慢開動,威廉越是慌張,懇求那人將鎳幣投下。那人故意作弄,越是大聲笑說:「有辦法就來拿呀!」威廉一手抱著大捆報紙,一手伸長拼命的追、用勁的跳躍,結果所抱的報紙散落滿地,市內電車漸漸離去。他不禁悲從中來,站在街頭流淚\哭泣。突然有一輛豪華馬車靜靜地停在他身邊,車上坐著一位高貴美麗的婦人,手裡拿著一支玫瑰花,用慈祥溫柔的聲音告訴他:「剛才那一幕,自始至終我都看見了。放心,你暫時在這裡等我,我去為你討回道。」於是就向車夫說:「麥克,趕快追過去,我們要把那塊鎳幣討回來!」

大約經過十分鐘,那輛豪華馬車果然回來了,貴婦手裡果真拿著五分鎳幣,並吩咐馬夫將剛才經過述說給威廉聽。婦人叫少年報童上她的馬車,將那五分鎳幣放在他小小手上,另外給他一張一元的紙幣,還有那一支玫瑰花。

婦人用親切的話對他說:「威廉,你千萬不要因為被那壞人欺負而懷恨所有的人喔!要記得世界上不都像那人那般壞心腸;要知道大部分的人都像你跟我一樣心地良善。不要忘記,我們要常作合宜的事,因為上帝是仁慈與公義的。」

威廉•布里多後來才知道那位貴婦原來就是當時大名鼎鼎紐約百老匯的知名女演員,名叫玫.艾雯。

以後他仔細回想那天早上所發生的往事,越想越覺得奇怪,怎麼一輛馬車能在短時間內追上那輛市內電車?必是他們只在街道繞了一圈就回來。她為了安慰一個被人欺負、心靈受傷的孩童,演出了這一齣戲。不過,威廉認為在她所演過的戲中,那天所演的是最精彩、最有價值的一齣。
威廉雖然沒有受過很高的教育,但他認真做事,以後成為一位成功的新聞記者,又被擢升為主編。不久那些失散的兄弟姊妹也得以相聚在一起。

威廉說:「我相信上帝能救我們脫離任何苦難,我曾遇到很艱辛的事,但最後上帝都能使之轉為祝福。尤其我要感謝那一位手拿玫瑰花,以那滿有慈愛憐憫、眼睛含著淚水安慰我的婦人,她救我不至於陷落在仇恨的深坑裡。」

2008年9月6日 星期六

快樂小小姐

依部戲個中文名有d古怪,都三十歲,唔係小小姐啦。反而英文名Happy -Go-Lucky比較有道理,你幾時見過苦口苦面、印堂發黑既人會走運嫁?

Poppy最大既特點,就係佢超強既同理心。

我相信同理心係一個主要來自後天既能力,一個人可能天生特別聰明、有運動神經,又或者好似當代「小莫札特」咁,兩歲半就可以坐低在鋼琴前面就可以彈出瑪麗有隻小綿羊但係唔會話一出世就可以想像到別人既感受。一個小朋友自己未試過整損手,又點可能想像到媽媽切傷手會有幾痛呢?有d人會天生對其他人既情緒、面部表情、身體語言特別敏銳,但係佢一定要有足夠既經驗同閱歷,因為自己都嘗過箇中嗞味,先至有可能對其他人既喜怒衰樂有身同感受。

所以,同理心呢,係一個學返來既美德。

又,Poppy果種natural high呢,令我想起以前一個Supplier既老闆呢。老闆既招牌「哈、哈、哈」笑聲,係全天不絶的。

老闆佢在大陸有一間工廠,工廠旁邊又有一間佢既酒店,所以,佢由自己工廠放左工之後,就會返自己既酒店,既做客人又返工。咁佢就一定兩份工都十分鍾意啦,佢在工廠呢,就主力搞開發,由硏究、做實驗、買機器、QC全部親力親為。我親下覺得佢同工廠係佢既Big Toy,在入面不停地玩遊戲,有時候解決左d好困難既問題,佢仲要獻寶似的,會立時call我講我知 ...佢返到酒店時,第一次事就係睇魚,well,賣出幾多貴價魚係佢最想知既野,跟住佢就會同部長開始講笑啦。佢依兩份工,根本就係佢既興趣囉。

雖然好多人會諗,老闆梗係開心啦,佢咁有錢!

但係我唔係咁諗啦,老闆比起我依d窮苦人家就當然既有錢人啦,但係有錢過佢多多聲既大有人在,人比人既,佢都可以覺得自己好「窮」嫁。何況,有太多太多事例證明有錢同開心無乜關係啦掛,就連要錢有錢、要靚有靚,仲要有齊愛情友情既哥哥都一樣會憂鬱啦,邊個話有錢就會開心嫁姐?

我諗,以老闆咁既性格,就算佢一窮二白都一樣會係咁笑口常開既!佢成日都話:「係呀,我好開心嫁,我成日都咁開心。」

係囉,你想開心,未會開心囉。

又又,快樂小小姐會睇得你好開心呢!睇啦,睇啦!

2008年9月1日 星期一

丫!!!

丫!!!
我依世人都未試過咁重呀!好想打爛個磅呀!

睇埋BMI仲大鑊,係22.4!再行上一步,就係肥胖的深淵。

我有個做物理治療既靚太朋友同我講:「xx磅?我有左既時候先至有咁重!」

吓!兩個人加埋先至咁重?我當然發晒癲打左靚太一身啦,喂,聽講我係做文職,唔係好似佢咁日日都係體力勞動嫁喎!

唉,靚太教過無數咁多個減肥班,學佢話齋,減肥無shortcut,只有平衡:均衡飲食、運動、戒左d壞習慣。

唉,自己的健康自己負責,肥胖=不健康。


P.S.致各位Under-weight既美少女:姐姐係因為BMI就快超標先至話自己肥嫁,你地要計清楚自己個BMI先,千祈唔好郁d就食肉減肥呀!

2008年8月26日 星期二

上海求生錦囊

酒店:c-trip

海版中原地圖:丁丁地圖


海版Open Rice:大眾點評網


海版文化中心:上海大戲院 (硬件一流)

香港完全無既--專門表演中國戲曲既舞台:天蟾逸夫舞台

短途旅行

咁多website,都係要打簡體字,唔識打?就去繁簡體轉換

2008年8月24日 星期日

加油

人同人之間既緣分,真係好奇妙既,有乜野好得過,同自己由細玩到大既同學仔,到左今時今日都仲可以一齊聚舊?又邊度會有朋友好得過鬧晒交拍晒枱反晒面之後,過左無耐,都係無事,照樣你有你講,我有我唔理。

我成日都覺得,識得我最耐既朋友係最慘既,因為,嗱嗱,各位有目共睹,我係咪越來越温柔善良過中學時先?Well,已經好左都仲係咁既樣,既係講,細個時完全係洪水猛獸,個個都受過我唔少拳腳啦...幸存既,都係難能可貴既內功高手。有你地依班朋友一路不離不棄,我呢,其實真係覺得自己好好彩。

依壺人參烏龍真厲害,洗左成機衫,成四點幾我都仲係眼光光,越來越唔知自己想講乜。嘿,我訓唔著絶對唔係因為d鬼故呀吓。

朋友,我只係想講呢,難關始終會過去既,可能,好快就會雨過天清,分分鍾,再轉埋前面既路口,就會轉入大直路呢。

加油!

2008年8月8日 星期五

雜雜想

實情,今次係我第一次睇晒成個奧運開幕典禮,連長到嘔,204個國家運動員進場都有睇。我呢,仲未搞清楚十二碼係乜,不嬲唔係點睇運動比賽。


很喜歡畫軸既概念,打開一軸軸畫來講故事;仲有十足matrix既活字印刷,拼出不同既「和」字。不過中國既文化歷史實在太多太豐富啦吧,只可以樣樣講dd。而且,有冇搞錯,崑曲表現時,竟然用古箏來伴奏...咪玩啦!...唔駛急,中國絶對仲會再舉辦奧運既,唔駛真係將五千歷史壓縮在一個鍾頭內講晒。


運動入場時,你會見到富國與窮國既分別,加拿大有幾多人口?但派出三百幾個運動員,仲要上次只係攞到幾個奬牌。而窮國呢,小貓三四隻,國家名都未聽過,要評論人介紹,依個國家在非洲或者係太平洋小島。

運動員入場時,我一直在留意,有冇國家係只有一個運動員呢?真係有,坦桑尼亞。


一個人的奧林匹克會下星期在香港上畫,1932年,中國當時都已經有幾億人口了吧,只有一個人,孤獨的奧運會,好似好好睇呢。劉長春在日佔時期差d比日本人老屈要代表偽滿州國出席奧運,搞到要流亡海外,坐廿幾日船先去到洛杉磯單刀赴會,但係旅程太辛苦,體力不繼而攞唔到奬牌。

唉,比人踩到上心口就係咁。

到1984年,已經十億人口既中國,先至有射擊手許海峰羸到第一面金牌。哇,搞到要1984年前至有零的突破,真係估唔到咁遲!

今年2008,體操王子李寧在北京代身男版飛天,以Skywalker姿態點燃聖火。王子雖然有小小啤酒肚,頭髮又有d稀疏,但係,仍然寶刀未老,吊住威也圍住鳥巢跑咁大個圏都一樣係咁瀟灑有型。對於李寧,我最記得既唔係佢勝利時既風采,而係佢失手在吊環跌下來,仍然燦爛既笑容。

百年蒼桑,人間冷暖。


不過蒼桑既不只中國,在栢林奧運會時,希特拉一心認為優良人種阿里安人一定可以嬴田徑項目,結果呢,比美國既黑人運動員Jesse Owens嬴男子一百、男子二百、跳遠同男子4x100接力,一個希特拉心中只配做奴隸既低賤種族,嬴晒高貴優種德國選手,恨恨地傷了希特拉脆弱既ego,搞到依個小家種,在眾目睽睽仲要有電視錄影之下,唔肯同Jesse Owens握手,傳為千年笑柄,哈哈,很爽。



如果真係有同一個夢想,就是和平吧。

不如一齊放和平鴿啦。

2008年8月6日 星期三

雜想

香港有幾何打8號丫,我竟然在上海!!!

當人人都在屋企睇電視時,我就跑來跑去見客返工,沮喪.....


不過,有驚人發現....................在上海睇到蘋果,唔係iPod,真係蘋果日報wow!!!問朋友,佢話,係,如果要在奧運村睇到蘋果既話,就要全中國都唔Block佢既Website。真係估唔到有朝一日我可以在大陸上到蘋果網,真係奧運帶來的奇績!嘿,不過,要睇就依家好睇啦,奧運一過,我寫包單蘋果又會封鎖。

昨晚呢,我第登坐地鐵由東方明珠去新天地(其實主要係因為放工時間好塞車),奇怪地,無傳聞中既查袋喎,我經既都係大站來,不過丁丁話前兩日佢就見到喎。

新疆既恐怖襲擊,真係令人震驚,兩個狂漢,可以一下子殺死十六個武警,一方面,都反映左我地習慣於平安的生活,少有咁既恐怖吧,所以被殺個措手不及。

其實都唔駛好耐之前,只係十年前呀,你諗都唔會諗到有朝一日中國人會變成恐怖襲擊既目標...但而家時不時都會聽到中國人比人在非洲、中東被擄人勒贖...依個係「中國掘起」的代價嗎?

坦白講,當年當奧委會宣佈2008年係北京時,我係非常開心既,我地既國力,終於都出到可以主辦奧運既程度,中國人呢,唔再係一窮二白了!但係,當我地唔再係無足輕重時,就係會有搶火炬、恐怖襲擊依d咁樣既事,既然鎂光燈照到了中國,除左好事之外,壞事亦都一樣會被吸引過來。

又,中國人始終都係信心不足吧,否則對於火炬時既反對聲音唔會有咁大既反應。一個人有自信時,就會有包容別人不同意見的能力。信心係一點一滴地建立的,下次中國申奧時,應該是上海了吧,到時候,中國人既自信應該會高得多,不會因為有人反對示威而大動肝火。

我呢,雖然覺得上海地鐵既人迫車時如狼似虎勁無禮貌;我亦覺得大部份中國人都需要toilet training,要搞好衛生,唔知醜陋的中國人中有冇提到「可以用鼻子來找」、「有中國特色」既厠所;仲很討厭上海奇醜無比既東方明珠,覺得係將暴發同bad taste熔為一體;但,就算十年文革有幾大破壞,都不能殺死一個傳承了五千年的文化吧,有朝一日,中國可能會有佢自己既「文藝復興」,等依個千年文化,再次影響世界。

2008年7月15日 星期二

科技

據說,我地生活在科技一日千里又資訊爆炸既年代,如果大家好似我咁有返咁上下年記,回憶往事時,就係十足婆仔咁,講緊一個完全唔同既世界。

記唔記得未有手機未有傳呼機之前既世界係點運作呢?當年一家只有一個電話,頂多係加個分機,但係都只有一條電話線,仲要無call waiting,阿女煲電話粥時,全家就成為孤島,當年成日打成幾個鍾頭電話都唔通,就係因為同學仔既阿哥家姐煲緊粥。

因為大家一出左街就無辦法揾到你,當年約人都係會先去一d好簡單易去既地方等齊人先既,我都真係好耐無聽過約人在「旺地恆」、「老地方」見依d咁老土既事囉。而且,因為無得call人話要遲d到,所以,反而大家都比較準時d,否則如果你遲半個鍾頭既話,朋友仔就真係要在度好徬徨地乾等。

又,仲記唔記得以前在茶樓永不間斷既廣播:「陳xx先生,陳xx先生,請聽2號線」?當年我係好恨有朝一日會call我名嫁!哇,連你飲茶時都要揾你,咁你一定係好重要啦!


之前睇左篇文章,係一個男人講帶佢九十幾歲既祖母返去鄉下既經歷。在坐飛機時,祖母唔識校張椅,唔識打開張枱出來,唔識打開toilet門,入到去唔識上鎖,仲要最大鑊係唔識點樣拉開度toilet門出返來...祖母話,佢覺得自己唔屬於依個世界,世界已經變得陌生而可怕,佢完全唔明白發生乜事。佢既朋友都走得七七八八,自己都ready....

係科技走得太快,定我走得太慢呢?Okok,我承認比部3G手機舞到暈駝駝...但係,我地都要分清楚莊閒嫁,一部手機最緊要係乜野呢?未就係打電話囉!點解我以前按一個制就可以call到個Phone Book出來,依家要成四個唔同既制先至去到Phone Book呢?莫非...不過係一部手機我都要攞本user manual出來硏究?我作為史前人類,始終都係唔明,有乜咁緊要既事,要搭車時都上網呢?咁未仲勁過在茶樓有人嗌咪揾佢?

咁搞法,如果我有幸活到九十歲時,唔知會唔會連門都唔識開呢?

2008年7月13日 星期日

Hancock, etc

依部戲唔知搞乜鬼,上半截明明好地地講緊燥狂症既街頭超人點樣改過自新,下半截突然變成一個拖拉左幾千年既愛情故事...真係似肥皂劇第一集咁,兩條線一齊開,即係佢想好似超人咁,永永遠遠拍落去。

姐咁,如果兩個人在埋一齊係會攬住一齊死既話,男女超人真係寧願分開好過。

有一本暢銷書叫做【別為小事抓狂】,一睇個書名已經連攞起來翻一翻既興致都無,依個書名真係荒謬,生活中既小事先係最折磨人!

其實要Hancock救火救人又有幾難為佢呢吓?

又,Will Smith個樣衰鬚根look,型過佢個緊身橡膠衫look囉。

****

星期五,當全世界講緊iPhone既時,S靜靜地走去攞佢部Nokia N82。

N82姐,已經係上年既出品,但係對S來講,已經係一個緩慢而痛苦既過程。據說,S係一個連WiFi都唔識串既Low Tech怪。S用開果部Nokia不知名型號既手機,係無得影相、無得聽歌、無得聽收音機、無得上網、無萬用刀既「齋機」,一下子變成個3G電話,個革命程度,有如大耀進。

本來,S對於用慣左既野,係死都唔轉既,但偏偏Nokia既電話雖然㩒跌㩒撞㩒花,但係佢舊電只係可以用到一年起兩年止,S打破記錄,用左兩年半,結果已經半死不活,兩日就用晒電,接收又差,唔換唔得。

S一去電話鋪呢,又如常有入錯男廁既感覺...Nokia在銅鑼灣既新旗艦店,係裝修成好一個令人不安既Cyber look,在死白既牆上透出藍光,在外面一望,S好明顯地感覺到自己唔屬於依個電車異空間。而店內面泛藍光又熱情如火既電車呢,捉住S就開始嘰嘰瓜瓜地「@%&*#X#@#」,唔會理你眉頭越皺越埋;仲要十分Thick地,完全無視S越來越黑既面色,問S既問題一個深過一個。喂,S不過係想買個可以影相既手機咁大把姐,駛唔駛玩百萬富翁先?

於是,S係好受打擊地剪羽而還。

唉。

之後,唯有改變策略,問電車M買乜手機好。電車M第樣唔知姐,依樣極度流利,第一句就係:「唔好買iPhone,一定有bug」....今日睇報紙,蝦,又懝似比佢講中。

就係咁,S為免再入男廁,於是打電話去用開既service provider「數字公司」,訂左部N82,由本來講既一個禮拜就有貨,結果等左三個禮拜,在iPhone全球發行果日先攞到機囉。

今時今日,在依個電車的世界,要保持人身真係唔容易。

2008年6月26日 星期四

「成功」如此boring

<給畢業生的一封信>

賺錢救世界

王文華

「成功」如此boring

親愛的學弟妹:

在你們畢業之際,我想寫一封信給你們。

告訴你一個秘密:從小到大,我都是為自己。

我猜你也是。

凡事為自己,不是因為我們自私,而是大家都鼓勵我們這樣。爸媽不都說:「你什麼都不用管,把書念好就好了!」

但書念完了,進入社會,我還是為自己。汲汲營營,搶最好的研究所、最好的公司、最好的女友、最好的基金。

這樣走來,到38歲,我終於達到了社會和我對自己的期望:名校學位、外商公司總經理、漂亮聰明的女友、獲利豐厚的基金。但令我驚訝的是……

我並不快樂。

也許是我個性古怪,也許是我貪得無厭。但我問了一下身旁比我更「成功」的朋友,他們更不快樂!

天啊,從來沒人告訴我們:當一切都得到後,感覺竟如此boring!


「我」是一只怪獸

Boring的原因,是因為我們除了自己,一無所有。

100%只有自己的生活,就像100%的檸檬汁,令人反胃。

很多煩惱,都是因為我們的自我太強,把自己無限膨脹,看不到自己以外的人和事。分手痛苦,因為她離開「我」了。工作挫折,因為老板可能會fire「我」。家人吵架,因為爸媽都不了解「我」。朋友絕交,因為他做了對不起「我」的事。

「我」,像一只臉長得跟我們一樣、體格卻比我們魁武百倍的怪獸,一輩子跟在屁股後面,甩也甩不掉。

當這只怪獸跟在身後,我變成驚弓之鳥。事事為自己考慮,時時為自己算計。算計著每一個動作,能不能為自己帶來名,或利。開始幾年,這很過癮。久了之後,變得空虛。空虛也不是因為名利不好,而是因為到了某一個程度,再多的算計或努力,也不能帶來名利。

空虛多了,最後會窒息。所以38歲那年,我替自己人工呼吸。

我辭去了總經理,重新學習人生。我迷失了一年,一事無成。唯一的收獲,是留了胡子,並且從習慣到喜歡,別人的忽視。

但這並沒有讓我真正解脫。真正讓我甩掉那只怪獸,是在一年前,我和趨勢科技的董事長張明正創辦「若水公司」,開始做公益。

做了一年,坦白說,我還沒造福任何人,只造福了自己。因為做公益,於是我可以暫時忘掉自己、只想別人。忘掉自己、只想別人,就像脫光了衣服,輕松舒適。

先去賺錢再說

「若水」有幸感召了一些人。一位年輕朋友說他要加入若水,並且願意因此放棄到美國念書。

我說:「你發神經啊!」

他困惑地看著我,我平靜地對他說:「你有機會到美國念書,是千載難逢的好機會。你應該去,練就一身本領。最好畢業後在美國做幾年事,把世界一流的東西學到手。更重要的是要賺一點錢,因為將來做公益的薪水不高。這樣將來你回來,才能放手一搏,大干一場!到時候不是你加入我的公司,而是我加入你的公司!」

「可是我現在就想獻身公益!」

「你剛畢業,能做什麼?你現在去做公益,只能付出勞力,搞不好還礙手礙腳。你到江湖上混一圈,將來會有更大的貢獻。」

「可是我要改變世界、幫助人群。」

「大部分立志要改變世界的人,最後都憤世嫉俗。很多立志要幫助別人的人,往往是越幫越忙。你真的要改變世界,先把資產負債表學好。真的要幫助別人,先充實自己!做公益比賺錢還難,你連賺錢都做不到,怎麼做公益?」

「可是,你不是說要忘掉自己嗎?」

「你要先有自己,才能忘掉自己。有了自己再忘掉自己,是耶穌。沒有自己就忘掉自己,是幽靈!」

他黯然離開,我後悔話說重了。事後我E-mail給他,告訴他在美國做志工的信息。

我知道這一屆的畢業生,很多將來會改變世界。大部分改變世界的人,對這世界都有第一手的、深刻的了解。都曾在現實世界中跌跌撞撞、滿身創傷。因為唯有如此,他們才能找到杠杆,一舉把世界舉起。

對耶穌來講,那根杠杆是用自己的鮮血來洗滌罪孽。對比爾蓋茲來講,那跟杠杆是用科技來治療瘧疾。耶穌和比爾蓋茲都曾在紅塵中打滾,在人世間浮沉。

改變世界不是學術辯論,只靠滿腔熱血和思緒清晰。改變世界是要打敗「現狀」這個敵人,要打敗敵人,你必須先與敵人共枕。

所以親愛的學弟妹,卷起袖子,跳進染缸吧!去挑燈夜戰、瘋狂加班。去爭權奪利、壯大自己。在這過程中,你也許忙得沒有時間濟弱扶傾,沒關系,你忙你的,但我希望你偶爾手下留情,給些余地。相信我,你如果夠優秀,那贏得勝利,就不用趕盡殺絕。達到目的,未必要人面獸心。在這殘酷的世界維持些許的人性,是現階段你能做的最大的公益。

假如你真的做了不義之事,希望你記在自己的帳上。有一天,當你38歲,或更早,功成名就,感到窒息了,拿出賬本,和這一路累積的財富和功力,然後忘掉自己,做一些利他的事。也許你會因此得到快樂,而進一步改變了自己。那時你會發現:改變世界容易,改變自己難。拯救世界容易,拯救自己難。

那時,我們才算真正畢業。那時,我們才終於變成,自己生命中的,新鮮人。

文華


-完-



***


真係,越來越喜歡王才子。當王才子成立若水既時候,佢就已經由一個普通情情塔塔既才子,升格為閃閃發光的社企才子。

若水成立了一年,真係如才子所言,未見到有什麼重大的計劃呢,若水甚至連一個方向或者具體既服務對象都無...才子已經四十歲,就算浪漫細胞多過普通人,始於都係要找到可行而有效的社企路吧...正在納悶時,才子已經講出,社企第一件事係幫到自己,『我』細一d,人就即刻開心d。

又,要幫人呢,首先要make sure自己有足夠能力。今次四川大地震之後,我都收到義工招募喎,講真,其實都幾動心。但係,自己又唔似肥醫生咁有專業知識,去到就可以分擔當地醫護人員的壓力;我又唔係無國界工程師,可以第一手檢查學校係咪豆腐渣,又或者幫佢地計劃重建工作。但係就算係咁,我都想去嫁,同自己講,我唔係為左幫人,而係為左幫自己,為左令自己體驗災民既生活,為左做一d自己力所能及既野,為左令自己感覺良好...但係當睇到佢其實要求義工要「體格強壯」...仲要上四川話速成班...唉,好明顯我就算去到,都只係會為義工組織同當地民眾「添煩添亂」,阻頭阻勢啦。

之前成日有某自願團體揾我幫佢義賣,我都其實十分努力地,唔放過任何路人,如果有熟人不幸地遇到我,更加係一定要留下買路錢...但係咁辛苦,在烈日當空之下賣足成日,晒到中暑咁濟,都只係可以籌到幾百蚊...賣左幾次之後,我寜願直接捐錢比佢,都唔會幫佢義賣...每個人善長既野唔同,要揾一d真正發揮到自己能力既地方囉,而中間呢,係需要一個摸索既階段。

我果個寫左一大半既窮人的銀行家呢,係會寫埋佢既。

2008年6月23日 星期一

選擇題 (轉載)

朋友拿了一份報紙要我作個實驗,我同意了。

問題一:如果你知道一個女人懷孕了,她已經生了8個小孩子了,其中有3個耳朵聾,2個眼睛瞎,一個智能不足,而這個女人自己又有梅毒,請問,你會建議她墮胎嗎?

我剛要回答,朋友制止了我,又問我第二個問題。

問題二:現在要選舉一名領袖,而你這一票很關鍵,下面是關於3個候選人的一些事實:
候選人A:跟一些不誠實的政客有往來,而且會星像占蔔學。他有婚外情,是一個老煙槍,每天喝8到10杯的馬丁尼。

候選人B:他過去有過2次被解雇的紀錄,睡覺睡到中午才起來,大學時吸過鴉片,而且每天傍晚會喝一大跨特威士忌。

候選人C:他是一位受勛的戰爭英雄,素食主義者,不抽煙,不喝酒。從來沒有發生婚外情。

請問你會在這些候選人中選擇誰?

我把答案寫在紙上,然後朋友告訴我:
候選人A是富蘭克林羅斯福,
候選人B是溫斯頓丘吉爾,
候選人C是亞道夫希特拉。


我聽了答案張大了嘴巴。朋友問我你是不是為人們選擇了希特拉?那你會建議那個婦女去墮胎嗎?

我說:這個問題不用考慮,我們受優生優育教育多年了,都生那麼多歪瓜劣棗了,就別在添亂了。我建議她去墮胎。 朋友告訴我:你殺了貝多芬,她是貝多芬的母親。

我又一次長大了嘴巴。朋友說:嚇一跳吧?本來以為你認為很好的答案,結果卻扼殺了貝多芬,創造了希特拉!

在人的一生中,我們常常要面臨著作出一個個的決定,而我們又往往會被表面的現像和既定的價值觀所迷惑,最終做出了錯誤的決定。所以不要被表面的現像所迷惑,也不要用既定的價值觀來思考事情,要慎重選擇,別輕率作決定,不然你會扼殺貝多芬,創造希特拉的。

延伸選擇題

2008年6月18日 星期三

活著的名額

其實王才子寫社企呀、人生呀,好睇過佢果d喋喋不休既既愛情自白好多...簡體字實在太醜,都係copy過來轉成正體中文。

人生苦短,生命無常,一定要搞清楚乜野先係真正重要既事。

***


活著的名額
王文華


災難沒有邏輯

四川地震的那天,我在台北。聽到惡耗之後,我一直想著近年來重大的災難。

2005年10月8日早上8點50分,巴基斯坦的「喀什米亞」地區發生大地震,估計8萬6千人罹難。

2003年2月1號早上9點,哥倫比亞號航天飛機返回地球時在德州上空解體。七名航天員全部罹難。

2001年9月11日早上8點46分,一架美國航空的767撞上紐約的世貿中心北樓。9點02分,一架聯合航空的767撞上世貿中心南樓。當天在世貿,2,872人罹難。事後的美伊戰爭,4,096名美國人和估計約上百萬名伊拉克人死亡。

這些悲劇的共同點是:壞事,隨時隨地、毫無原因,發生在任何人身上。受害者和災難,沒有因果關系。

四川同胞勤奮善良,為什麼遇到這樣的天災?

巴基斯坦地震時一所校舍倒塌,250名學生罹難。孩子了做錯了什麼?他們只是乖乖去上學而已。

哥倫比亞號,是設計最精密、最安全的飛行器,可以飛行100次,但在第28次的第16天,都已經經歷過外太空的嚴格考驗,卻在返回地球的最後階段爆炸。

世貿大樓是全球最雄偉的建築,裡面有2,872名美國金融界的精英,他們努力地念書、工作、早睡早起、扶養家庭。他們一大早就去上班,沒想到這成了他們遇難的原因。

這些不幸讓我想起大學時念的莎士比亞悲劇。同樣是城邦崩壞、王子公主受難的故事。但在那些故事中,性格決定命運,主角的悲劇,是他個人某些性格特質造成的。看了那些悲劇我被洗滌、產生警惕、告訴自己:如果我不怎樣怎樣,就不會怎樣怎樣。在古代的世界,不幸可以被控制和預防。

但在21世紀,悲劇是突發而隨機的,你歸納不出道理,湊不出起承轉合的戲劇。現代災難的受害者的個性跟他們碰到的意外有什麼關系?完全沒有!只是命運在抽考,他們剛好被抽到。而命運出的題目,誰也回答不出來!

如過是這樣,他們走得多無辜?

如過是這樣,我們怎麼活下去?

我不知道答案。但我願意分享,我去尋找答案時,所發現的事。


繼續走下去

911後,我回到曾住過五年的紐約。

世貿中心的周圍,架起了好幾個觀望台。兩旁的街道,懸掛了來全世界寄來的紀念品。牆上貼著一張紐約地圖,地圖上世貿中心被一個紅色的愛心圈起來,上面寫著「妳會永遠在這裡」。旁邊引述聖經的話:「我雖然行過死陰幽谷,也不怕遭害。因為你與我同在。」

除了表達對大樓的感情,很多信和照片是給受害者的,例如Michelle Henrique。Michelle是誰,我不知道,你也不知道,但對某個人來說,她曾是一切。照片上的Michelle是一名年輕的金發美女,原本可以有一個快樂的人生,懷念她的人寫著:

「我抱歉 為了所有我曾說過 或來不及說的話
 我抱歉 為了所有我曾做過 或來不及做的事
 我抱歉 如果我曾忽視你
 我抱歉 如果我曾輕視你
 請給所有你愛的人一個擁抱
 因為明天可能不會再來 」

沒錯,對罹難者來說,明天沒有來。對活下的人,明天更辛苦。災難總是來得太快,而抱歉和覺悟,總是來得太遲。

2003年哥倫比亞號失事時,我正在紐約。接下來幾天,我都關注這則新聞。在NASA記者會上,發言人威廉瑞迪說:「我們會找出爆炸的原因、改正它,『and move on』。」

「and move on」這三個字觸動了我。它可以勉強翻成:「我們會找出爆炸的原因、改正它,然後繼續走下去,做我們原本該做的工作,過我們原本該過的人生。」


繼續走下去

這當然是不可能的事!對罹難者的家屬,他們能「改正」什麼?「繼續走下去」,又談何容易?很多人可能人生就此暫停,一輩子都活在失去的陰影中。我若是罹難者的家屬,也許就是這樣。

但不管再怎麼難,「繼續走下去」是一個值得努力的目標。逝去的親友不希望我們跟他們一起離開,他們希望我們替他們把沒有活完的人生,淋漓盡致地活出來。

今天是壞日子,這是一手爛牌,我們輸了,但明天是新的一天。我們哭過後必須站起來,維持常態。因為只有日出日落、早睡早起的常態,才有足夠的柔軟來包裹人生無常、瞬息萬變的悲哀。

繼續走下去,但要走得更好。因為受害者,某種程度上是為你我而犧牲的。

因為每一次有這樣的悲劇,我們就突然警覺到生命的脆弱和可貴。他們犧牲,讓我們能從醉生夢死中復活過來。

如果今天我碰到巴基斯坦和川震受難者的家人,我不知道該說些什麼。我因為他們親人遇難而驚醒,但我甚至不知道他們的姓名、沒有任何可以回報的東西。

也許只有一個回報的方法:「請給所有你愛的人一個擁抱」,然後好好活著!人生充滿悲劇,他們頂替了不幸的角色。我們至少不要辜負了,這個活下來的名額。

-完-

2008年6月17日 星期二

父親

對於父親節呢,巿面上一面倒地比起母親節冷淡,不過,我卻看了兩篇很令人感動的文章。

我的童年2

狗屋

2008年6月9日 星期一

快樂多角度(11) - 尋找快樂的故事?

Dr Frankl的Men's Search for Meaning是心理學書中的經典,出版以來,已經被譯成多個文字,買出超過三百萬本,以一本學術的非小說來講,真係一本十分成功的書。

但是,其實Dr Frankl在寫這本書時,完全没有想過要打上暢銷書榜。當時,是1945年,Dr Frankl剛從集中營死裏逃生,因為一股心痛,Dr Frankl只花了九天,幾乎是一口氣地寫了出來。Dr Frankl只想用自己親身經歷告訴讀者,生命無論在任何情況下都有著意義,就算在人間煉獄的集中營亦一樣存在意義,Dr Frankl想告訴大家,無論在任何情況之下,都不要絶望。

由於Dr Frankl很討厭病態裸露式的展示傷口,所以從一開始寫這本書時,已經打算要匿名發表,而事實上在第一次印行時,Dr Frankl才在朋友力勸之下,才在書頁中加上自己的名字,仍然不願意在書面上寫上自己的名字。但是,就是這本作者從來没有指望會為他帶來名利的書,成為Dr Frankl一生中最成功的書。

Dr Frankl因此經常告誡自己的學生,不要以成功為目標,你越是努力地瞄準成功而視之為目標,你越會失準。成功和快樂一樣,都是不可以追求的,兩者都是在人們在追求一些更偉大無我的目標、又或者在無私奉獻自己過程之中的副產品。而且,無論是成功或快樂,只有在你唔care他們時,他們才可能出現。Dr Frankl希望大家要聆聽自己的良心要你做什麼,而儘一切的努力來做好這些事,如此,在長線~~~係長線~~~成功(和快樂)就正正會在你忘記去想他們的那一刻,自然地出現。

所以,Dr Frankl說:Happiness CANNOT be pursued, it must ensue, and it only does so as the unintended side-effect of one's personal dedication to a cause greater than oneself or as the by-product of one's surrender to a person other than oneself.

我再回看自己一年多前寫的這一篇文章,不知不覺間,原來我已經由起點走得這麼遠...我真是,為此而感到十分自豪。

又,如果你好忙又或者其實麻麻地睇書,今年之內只打算睇一本書既話,誠意推薦你睇Dr Frankl用自己生命寫成的Men's Search for Meaning

快樂多角度(10)- Man's Search for Meaning

Man’s Search for Meaning這本書的作者Dr. Frankl是住在維乜納的猶太人,本身是一個精神科醫生,一直致力防止自殺。他在二次世界大戰時進入集中營,足足三年。

在集中營這個煉獄之中,Dr Frankl是怎樣走過來的?又有什麼體驗?書的第一部份者將自己的心路歷程詳細寫出。他將一個正常人由住入集中營到重獲自由的精神狀態分三個階段。

第一階段是初入營既震驚期,由被扔上囚車開始,Dr Frankl及其他猶太人在死亡恐懼下,走向茫然不知會如何的未來,他們有一個很奇怪的反應,就是會無由來地相信自己會得救、會有奇蹟出現、會有人來拯救他們…直至他們全部被剃光頭、被迫要脫光所有衣服、放下所有財物,在大型澡堂中終於看見喉管噴出來的是水而不是毒氣時;當他們真正是手空空無一物時,有的只是自己赤裸的存在時;他們的反應,很吊詭的是,爆發出優默感,全部都在笑。伴隨而來的,是很強烈的好奇心,好奇想知道自己到底在這樣的冷天下會不會著涼,好奇自己最後會變成怎樣…而幾日後,好奇心會轉化為驚訝…自己竟然没有著涼!原來九個人是可以迫在一個車軚上睡覺,而且仲訓得著!他們没有牙刷而且嚴重營業不良,但竟然牙肉前所未有的健康!…而自殺的這個念頭,都曾或長或短在每個人的腦海中閃過,而且有人真的實行。

但在集中營的時間久了,正常人會被非人化,進入第二個階段,變得麻目不仁,不就覺得自己是人,而是變成那個刺在自己身上的號碼。這個非人化其實是為了保護自己,大腦自動關上感情的總開闢,免得被可怕的現實迫得燒Fuse───發瘋。

他們看見同胞被虐打時,不會再覺得殘忍而轉臉不看,面對這些殘酷的畫面,他們根本没有感覺;我想,這個就是為什麼魯迅在日本流學時看的影片中,當中國人被日軍槍殺时,其他被俘虜的中國人會面無表情地、直直看,没有情緒,放棄反抗。

Dr Frankl自己有一個經驗,就是,有一次他在集中營的病房當值完畢,坐在地上飲他那天分到的熱湯時,碰巧看見有一個剛死了的病人屍體,正被人拉着雙腳在地上拖行。Dr Frankl的視線,正好對上死者已經無神的眼睛…在兩個鍾頭前,Dr Frankl才跟這個病人談話,但現在,Dr Frankl可以若無其事地,繼續喝湯…而且,如果不是Dr Frankl的專業本能而對自己的「無感覺」而吃驚的話,他根本不會記得這件事,因為實在有太少情緒或感覺了。

但,就算在如此麻目的情況下,他們都有憤慨的時候,而引發如此強烈情緒的的原因,往往不是鞭打之類的肉體折磨,而是因為獄卒的侮辱。

由於長期捱餓和營養不良,他們最常做的夢是:蛋糕、麵包、香煙和熱水澡。他們都會在做白日夢,緬懷以前美好的日子,告訴自己這一切都不是真的。當Dr Frankl在冰天雪地下修建鐵路時,就會幻想自己的新婚妻子就在面前,想像自己和她談天;他又會想像自己終有一天被釋放,在一個光線明亮又温暖的講堂之中,向很多聽眾講述自己心理學上的新理論…

就算在如此惡劣的環境下,仍然有人能保持善良與同情心,幫助及安忍同伴,散發終極的人性光輝。Dr Frankl還記得當同伴自己省下食糧,偷偷地塞給他一小塊麵包時,他那一刻的激動,除了因為同伴的慷慨而感動外,他因為這一小塊麵包而感到自己仍然是一個人。



統計顯示,集中營的生還率只有28份之1,而Dr Frankl的觀察是,活下來的往往不是身體最健康或最強壯的人,而是有支持他們生存落去的人。比如Dr Fankl他自己,除了希望有一天能跟妻子重聚、再有一天踏上講台教學之外,他要完成一本書。在最初入營時,Dr Frankl一直帶着他剛完成的一本關於精神科的書的手搞。手搞當然在一入營時已消毁,但Dr Frankl在營中時,在一張紙片寫下關鍵單詞,重新在腦海中再寫出這本書。要發表這本書的信念,支持Dr Frankl活下來。

而Dr Frankl為了鼓勵其他營友的生存意志,往往會讓他們找到對未來的目標。在集中營,最令他們沮喪的是永遠不知道到底要囚禁多久,永不超生的監獄生活,令他們失去了對未來的盼望。但是只要一個人能看他還有生存下去的原因,他就能克服最惡劣的現實環境,努力生存下去。只要一個人知道自己「點解」要生存,佢就幾乎可以解決任何「點樣」生存的問題。


到有一天,集中營豎起白旗,納粹投降,他們被釋放了!Dr Frankl與營友會否像荷里活電影般狂喜歡呼、抱頭慶祝、奔向自由、勇闖玫瑰色色未來,然後打出字幕...The End呢?

唔係喎。

他們是拖住瘦弱既身體,走向集中營大門,小心翼翼地踏出營門。今次没人鬧、没人打他們,而且他們差認不得那些獄卒,他們換走納粹製服,而且還遞香煙給他們添。

他們繼續行出去,第一次用自由人的身份看集中營外的四周,他們不停跟自己講:自由!但是「自由」這兩個字一直都無辦法進入意識,雖然他們在集中營入面這麼多年都夢想自由的一天,但當自由真正來到時,他們感覺不到自由真是屬於自己既。

當晚大家一齊集合時,有人問:「話我知,你今日開唔開心?」

他的朋友由於不知道原來大家都有類似既感覺,所以有d羞愧地答:「講真,唔覺得開心。」

他們已經喪失左快樂的能力,要重新學回。他們由人變成數字,而現在進入第三階段,要由數字變回人。

這一個情況在釋囚身上都會發生,他們以前晚晚都在發夢見到自己重獲自由,正在高興時,集中營的警鐘就會響起,叫醒他們起來面對殘酷的生活...他們怎麼知道今次又係是不是發夢,會不會又再次被夢境所欺騙呢?一切都如夢似幻,没有真實感。

Dr Frankl本人的經驗係在釋放後幾日,他一個人由集中營行去附近的巿集,在佈滿野花的草地上步行了好多好多公里,有幾隻雲雀在天上歌唱。四野無人,有大地、天空和雲雀愉快的歌聲。Dr Frankl停下來,極目四周,望向天,然後跪下來。

那一刻,他腦海中只不停地響起一句說話:「我在自己窄小的監牢向主祈禱,祂以自由的空間回應我...」

Dr Frankl不記得自己跪著重覆這句說話幾耐,但他知道,他的新生命由那一刻開始,他一步步地向前,直至自己重新變成人。

2008年6月8日 星期日

藍色緞帶

我們很容易看到別人的優點。像是某人很漂亮啦,工作能力很強啦,人緣很好啦, 但我們很少能看到自己的長處及自己的價值。

這也許是一種傳統教育下過度謙虛的表現,因為要嚴以律己,所以對自己的要求與批評就很多,期望也就過高,常常造成否定自己的心態;認為自己很多地方都不夠好,久而久之,就產生了自卑感,失去了自信心,
認為自己的存在沒什麼價值,因而活得非常消沉,甚至厭世。

有鑒於此,美國的布里居絲Helice Bridges發起了一個叫做藍色緞帶的運動,希望能在西元二千年的時候,每一個美國人都能拿到一條她設計的藍色緞帶,上面寫著"Who I Am Makes A Difference",也就是「我可以為這個世界創造一些價值」的意思,她處處散發這樣的緞帶,鼓勵大家把緞帶送給家人和朋友, 謝謝這些在我們四周的人。她也四處演講,強調每個人的價值。結果因為這些緞帶的傳送,引發了許多感人的故事,也改變了許多人的生命。

其中有一個故事十分發人深省:

有一次這位女士給了一個朋友三條緞帶,希望他能送給別人。這位朋友送了一條給他不苟言笑、事事挑剔的上司,他覺得由於他的嚴厲使他多學到許多東西, 另外他還多給了一條緞帶,希望他的上司能拿去送給另外一個影響他生命的人。
 
他的上司非常的訝異,因為所有的員工一向對他是敬而遠之。他知道自己的人緣很差,沒想到還有人會感念他嚴苛的態度,把它當做是正面的影響,而向他致謝, 這使他的心頓時柔軟起來。

這個上司一個下午都若有所思的坐在辦公室裡,而後他提早下班回家,把那條緞帶給了他正值青少年期的兒子。他們父子關係一向不好,平時他忙著公務,不太顧家,對兒子也只有責備,很少讚賞。

那天他懷著一顆歉疚的心,把緞帶給了兒子,同時為自己一向的態度道歉,他告訴兒子,其實他的存在帶給他這個父親無限的喜悅與驕傲,儘管他從未稱讚他,也少有時間與他相處,但是他是十分愛他的,也以他為榮。

當他說完了這些話,兒子竟然號啕大哭。

他對父親說:他以為他父親一點也不在乎他,他覺得人生一點價值都沒有,他不喜歡自己,恨自己不能討父親的歡心,正準備以自殺來結束痛苦的一生,沒想到他父親的一番言語,打開了心結,也救了他一條性命。

這位父親嚇得出了一身冷汗,自己差點失去了獨生的兒子而不自知。 從此改變了自己的態度,調整了生活的重心,也重建了親子關係,加強了兒子對自己的信心。

就這樣,整個家庭因為一條小小的緞帶而徹底改觀。

一條藍色的緞帶為什麼有這麼大的魔力?因為它是一個提醒,提醒我們看到自己的價值。提醒我們要接受自己、關愛自己。

我們是可以創造奇蹟、創造不同的人,不論我們是誰,都有這樣的能力。

也只有如此,我才能看到這世界的美好、光明的一面,也才能生活得愉快,真正的去愛,去創造生命。



我們每個人都像小丑,玩著五個球,

五個球是你的工作、 健康、 家庭、 朋友、 靈魂,

這五個球只有一個是用橡膠做的,掉下去會彈起來,那就是 工作 。

另外四個球都是用玻璃做的,掉了,就碎了 。

2008年6月7日 星期六

照顧自己

有個男人生活得唔開心,於是佢去揾佢好有智慧又成功又開心既叔叔,問佢點解佢可以咁成功開心。

叔叔敎佢話,要愛人,首先要學識愛自己。首先,要比d時間,真正聆聽自己既感受。唔駛多,只要比一分鍾自己,問:在依一刻,我可以點樣照顧自己?

男人同叔叔講拜拜之後,渣車返屋企,就問自己:在依一刻,我可以點樣照顧自己?男人一面問自己,一面睇住路面,忽然發覺,架車既玻璃好污糟!其實,佢已經想洗好耐,但係佢成日都理到;其實,d玻璃水己經用晒,但係佢成日都無理到;其實,渣架咁污糟又亂七八糟既車,令男人覺得自己都係一團糟。

於是男人駛入加油站,加油順手洗車。好快,架車乾乾淨淨,入滿晒油又加滿晒玻璃水,男人心情立時好晒。但係入油果個阿叔,係都唔收佢張信用咭,一定要收現金。如果係平時,男人一定大動肝火,但係今次因為心情大好,佢只係攞左現金出來找數,開開心心地返屋企。

****

有日,男人收左工之後,帶住老婆比佢既購物清單,去超級巿場買一大堆野。佢仲記得佢好有智慧既叔叔教佢,要愛人,首先要學識愛自己,所以佢都有照顧自己,買左隻自己好喜歡既CD比自己。

男人推左一大車野出來,放落自己個車尾箱,渣車返屋企...渣車途中,男人忽然好想好想聽自己剛買返來既CD!!!但係男人又覺得唔得喎,佢好趕時間,老婆同小朋友都等緊佢返屋企食飯。

男人又諗起佢叔叔教佢,要聆聽自己既感受;於是,吱!!!男人在路邊停低架車,在車尾箱度揾隻cd出來,用左五分鍾都唔夠,男人就可以一面渣車一面開開心心地聽音樂。

佢返到屋企時,心情大好又精神奕奕,同老婆仔女愉快地食飯,過左愉快既一晚。

男人知道,如果佢唔係攞左隻cd出來既話,佢返到屋企時一定會又攰又覺得自己係可憐苦命既男人,一日到黑為口奔馳,為左養頭家而做到隻狗咁,佢會覺得自己係受害者,佢可能比老婆臉面睇,佢可能鬧d小朋友。

但係,只要男人聆聽自己既感受,不過係攞左隻cd出來聽,就已經有咁大既分別,佢令自己開心,就可以令自己屋企人都開心。

故事出自:One Minute for Yourself

2008年6月4日 星期三

十九、二百

又一年,已經十九年,下年就真係二十年。

究竟下年仲駛唔駛在滂之中坐在維園集會,要求平反六四呢?

好難講囉。

有人比喻依個世界既變化其實好似將一大舊零下100度既冰放入煲度加熱,加熱左好耐好耐,你都唔見有任何反應。心諗,車,未只係一舊硬掘掘既白色石頭,無特別呀,無料到喎。可能在你傻更更地周圍揾樹枝木柴時,仲有路人會在度冷言冷語,笑你做乜在度浪費功夫,唔去做d更有建設性既野。

如果你在依個時候熄火,咁白色石頭就真係一直都只會係白色石頭囉。

但係,好神奇地,如果你夠耐生,一直加熱,忽然之間,白色石頭開始溶,然後,變成一煲水!

轉變依家野,有時係漸變,但係呢,亦好多時會係突變。


你點知下一刻會發生乜事先?


*****

又,拜讀唐德剛先生既袁氏當國,真係有矛塞頓開之感,當年悶絶人寰既中史堂講到清未民初,真係只有兩個字:鬰悶。只有一堆xx條約,割地xx,賠償白銀xx両...同埋一大串人名!睇完除左知道比人踩到上心口之外,都係唔知發生乜事!你都好難怪我中三一畢業,逃離中史之後就打死都唔睇。

但係唐先生呢,可以將一片混亂既資料整理出來,將個故事講出來,學唐先生佢自己話齋,真歷史遠比假小說來得有趣!唐先生唔只鍾意說書,仲會加埋評論,同埋將各唔同時空既歷史人物作比較,哇,唔係講笑,真係好睇過八掛雜誌(依個係讚美)!

但係唐先生認為呢,中國行左二千幾年既帝制,要走向共和,中問一定要經過漫長而痛苦既轉型期,有如長江流向三峽依個瓶頸,中間既怒濤洶湧在所難免!

唐先生估計,依個轉型期,由清未計起,總共要二百年。點解係二百年而唔係一百五十或者三百年呢?我只睇唐先生一本書都仲未睇到喎,如果要二百年既話,就要等到二十一世紀中葉,先至全部轉型成功。

但係,估勿論駛唔駛二百年先過晒歷史三峽,平返六四依件事係唔駛等過晒既。倒轉講,真正面對歷史同埋承擔責任,先至可以進步,向前繼續走下去。


希望好快唔駛年年維園見啦,真係好大雨!


****

昨晚出乎意料地無落狗x,只係落左少少雨粉,連傘都唔駛開!

其實呢,一次咁既集會,用左好多candle、紙杯、banner、傳單,個台同影音設備又要起又要拆,個地下好鬼死硬,又熱又焗又落雨搞到全身臭汗,實在又唔環保又辛苦。依dkarma唔該全部入晒鄧小平數。

我呢,下年一d都唔想去啦,所以呢,學陳日君話齋,就趁下年就二十周年,快d平反六四啦!!!

2008年6月2日 星期一

愛自己

有一天,橋薩羅國的波斯匿王問其妻未利夫人說:「愛卿,有誰對妳的愛,跟好對自己的愛一般多?」未利夫人笑了,答道:「我親愛的丈夫,有誰比你自己更愛你?」

次日,他們把之前的對答跟佛陀講,佛陀於是說:「你們說的很對。全宇宙中,没有人比自己還親密。心也許會朝數千方向游走,但它絶找不到更親密的人了。理解到愛自己的重要後,你就會停止使別人受苦難了。」

波斯匿王和佛陀成為好朋友。有一天,當他們在祇樹給孤獨園中坐著的時候,波斯匿王跟佛陀:「至尊,有些人以為他們愛自己,但他們的想法、言語、行為總是在傷害自己。這些人是自己的最大敵人了。」佛陀同意說:「用自己的想法、言語、行為來傷害自己的人,的確是自己的最大敵人。他們只給自己帶來苦難。」

通常,我們都以為我們的苦難是他人引起的,例如:父母、伴侶、敵人。然而,出於健忘、忿怒或是嫉妒,我們會說出、做出一些事情,給自己或他人製造苦難。

又有一次,佛陀告訴波斯匿王:「人們常常以為他們愛自己。但,因為没有正念,他們的言語卻給自己製造了苦難。當明白這點真理時,我們就會停止怪罪他人,不再把他們當成我們的苦難的始作俑者。反而,我們會試著去愛、去照顧自己,並且滋養自己的身心。」

想引用《清淨道論》來修行慈觀,首先要平衡地坐著,讓你的肉體和呼吸都平靜下來,然後諗道:
「願我的身心和諧、快樂、輕鬆。
 願我安詳、不受傷害。
 願我了脫忿怒、痛苦、恐懼、焦慮。」



修行慈心有十一種好處:
1.好眠
2.醒來時,感到心境光明
3.不受惡夢騷擾
4.廣受喜愛
5.可見或不可見的生命都喜歡與之親近
6.受諸神護佑
7.不受火、毒、刀劍傷害,更不需特別防範
8.很容易就可達到禪觀境界
9.容貌光明清淨
10.過世時,心清念明
11.往生梵天,繼續修行

摘自:一行禪師《你可以,愛:慈悲喜捨的修行

2008年5月27日 星期二

樹 (二)

樹的圖像

依本書,真係好好睇呢!

原來呢,森林係地球既肺就人人都知,但係其實地球一半既氧氣都係由海洋中既algae在光合作用之下製造出來嫁。森林大火一方面破壞,但係依本書既主人,一棵花旗松就係依個時候出生呢。大火其實每二三百年就發生一次,但係森林中千幾二千歲既老樹有好多,即係講,有好多樹既樹皮夠厚,可以防火。

咁,燒晒森林又有乜野好處呢?都有嫁   

(1)燒晒d高樹,等樹苖可以照射到陽光,有陽光樹木先可以有光合作用,生產糖份,糖份唔止提供樹木能量,仲可以轉化為澱粉同纖維。   

(2)燒出來既灰燼,其實有好豐富既肥料,等小樹笛可以快速成長

森林呢,真係可以浴火重生。



原來差唔多所有既樹根上面都會有Fungi同佢共生,共生唔同寄生,同生係對雙方都有利益既。Fungi可以生得好遠,幫助樹根吸水,仲會製造出天然既anti-biotic,幫樹殺蟲殺菌。而樹木就為唔識光合作用既Fungi提供糖份。Fungi係乜野?香港腳就係因為Fungi,而我地食既東菇磨菇,甚至美食之最松露都係Fungi。

講開又講,松露生在地底好深既地方,同松樹杉樹共生,原來佢可以產生雄激素,佢既味道可以引各種生物將佢由地底挖出來,等佢既苞子可以傳播...亦都因為咁,只有母豬先可以揾到松露出來,公豬唔得...

樹同樹仲會有夥伴合作關係,佢地既根會連埋一齊,互相傳送養料、水同antibiotics;當一棵樹比害處襲擊時,仲會發出信息警告其他樹,其他樹呢,就算未有害蟲走來,都一樣會生產antibiotics來預防。- 所以,森林真係antibiotics既天然工廠,所以科學家對消失中既熱帶雨林真係痛心疾首,因為入面分分鍾有防治各種絶症既antibiotics在入面,靜待人類發現。



我地依棵樹,結果在500幾歲時就死左,有好多樹,係可以活到幾千歲呢。

點解樹會死呢?一來有個紅心女皇候群症,樹越長越高,越長越大,需要既營養越多,亦都需要將水引上越高既葉子,佢已經有成60米咁高,即係20層樓...當樹負擔唔到時,佢就會慢慢死亡。

另外一個死亡原因,就係病菌,樹如果感染之後無有效既辦法對抗,就會慢慢枯萎。有一種病毒,甚至令美洲栗子絕種。

又,大俠今次依張相呢,真係可以見到樹葉反射出金光呢;而且個構圖,又真係幾有西洋畫feel喎,特別下面攞住枝樹枝既細路。



人同大自然如果可以和平相處,你話幾好呢?

The Missing Piece 3

The Story Never End.... Version 3

2008年5月26日 星期一

你喜歡樹嗎?我就很喜歡呢!

細個時都唔係對樹有乜太大既感覺,但係到左鄉大時,校園基本上係一個郊野公園,周圍都係樹。一到秋天呢,仲要周地都係大大粒、好靚既松果,有人就會拾d松果返宿舍做裝飾。依d松果在鋪頭,只係油下金油銀油,就竟然可以當係聖誕裝飾來賣錢!!! 我地依d鄉下妹真係睬佢都傻。

果時仲take了個藝術概論,成日都會睇西洋畫,睇佢入面畫既樹,你先至會發現其實原來樹係咁樣既。比如,我一直都無留意,大部份樹幹唔係好似小學畫公仔時係啡色既,有翻咁上下大既樹,樹幹都已經變成深啡甚至黑色。又比如,有畫家畫樹係會發出金光既,我以為係畫家美化啦,結果睇返如果陽光燦爛既話,樹葉真係會反射出好耀目既金光嫁,加埋樹葉既深深淺淺綠色,真係好靚嫁。


當年宿舍門前有好多棵樹,但係有一棵呢,我就特別鍾意。佢在我返宿舍既必經之道,每日都見佢幾次。佢十足十這個殺手不太冷入面,Leo形容佢棵盆栽咁,係又靚又Alway Happy!天晴時夥樹有得曬太陽而開心,落兩時佢有水飲而又好開心。咁夥樹就好高啦,放唔落盆栽,但係你會覺得佢永遠都在果度,開開心心既樣同你say Hi!

吓,唔知下世可唔可以做樹呢?

又,講起樹,就一定要提下我喜歡既Shel Silverstein送比佢媽媽既The Giving Tree啦!

好感人!


真係好感人嫁吓!



又,落雨走唔到繼續講。

我依家睇緊依本書,係講一棵生於明朝既樹的一生呢,仲要攞到2004年The Royal Society Prize for Science Book添,好好睇既科普書。


又又,雖然同樹無關係,當年鄉大周圍都係怕羞草,我隔離房直頭挖左一棵種在房,所以人人去佢間房,都會搞下棵怕羞草先。

2008年5月25日 星期日

The Missing Piece

Shel Silverstein係一個繪本作家,佢最出名既兒童繪本,就係The Missing Piece同埋The Missing Piece Meets the The Big O。

睇YouTube漫畫化左既卡通當然好睇,但係睇完Shel Silverstein原著既繪本呢,更加強烈地感受到Shel Silverstein既童真同智慧...係囉,又有智慧又可以Keep到童真,真係好勁囉。

我地都係去片,睇埋The Missing Piece先。



要睇繪本,可以去Times Square Page One兒童書部打書釘。

2008年5月24日 星期六

自成方圓



The Missing Piece Meets the Big O
--- by Shel Silverstein

2008年5月22日 星期四

運動

十分破天荒地,我帶左班妹妹去做GYM!

更激既係,仲去上傳聞中既霹靂單車

係,我知我好out。但係依間單車房就算閂實晒門,都會聽到非常強勁既音樂,而且仲要校暗晒到好暗,放的士高式五顏六色轉來轉去既燈,最最攞命既係,不時個教練同Fit男Fit女會傳出陣陣狼嗥…真係行過都驚,從來無玩。

OMG,乜辛苦成咁,好驚爆血管!當個教練好High地叫,我地由個輕既開始…Gear 6…Gear 8… Gear 10… Gear 13…都係唔睬佢,推到上Gear 13我係踩唔郁既;但係佢跟住然要我地企在度踩單車喎,仲要快喎,最高要去到130RPM!!!吓,真係人都癲。

有人在度狼嗥呀又真係,真係好氣力,我地只有好努力地狂踩咋,邊有餘暇搞氣氛?

漫長既四十五分過後,潮童個頭仲濕過電車M兼面青青,爛Gag女皇想嘔,家嫂就話全部gear同速度都幫佢打五折先至無中途離場…結果,我地彼此好似幫BB掃風咁掃背脊,er返d氣出來先好d!

S呢,雖然人到中年,出奇地burn既卡路里最高,除左中間覺得個心跳得咁快唔知有冇事之外,無野喎…嘿,你以為跑十公里既鍛鍊係流嫁。


丫,依排睇緊本書講到一個實驗,話如果白老鼠日日都跑果d藤藤轉既treadmill呢,就會生多d腦細胞出來!

我細個時一直都聽話人既腦細胞只得咁多,成年之後就唔會分裂,死左就無得補充,心諗咁無野講啦,d腦細胞死晒咁我就唔死都唔得啦,仲要越老就因為無乜腦細胞剩而越蠢添,真灰!但係,最新既硏究發現,腦細胞都一樣會有新Supply既!新細胞係由海馬體生出來,連七八十歲既老人家都有新腦細胞生出來不斷補充。我依d中年老鬼唔駛咁驚,如果多d做運動,一樣可以老得來好精靈既。

又,海馬體除左負責記憶之外,仲有個重要功能,就係調節情緒。好多憂鬱症既病人,海馬體都比正常人明顯收縮,到底係海馬體收縮引致憂鬱症,定憂鬱症引致海馬體收就未有結論,但係腦細胞再生可能可以根治憂鬱症既既方向有唔少neurologist正在硏究中。

所以呢,唔開心既話,RUN! Forrest, RUN!



又,潮童又有潮語,係~~~~ OSIM。

OSIM點解?咪係好Old既阿嬋既簡稱囉!


又又,真真竟然係男人....仲要係小學教師....滴晒汗。

2008年5月19日 星期一

緊急呼籲

今日收到聯合國兒童基金會來信,緊急呼籲向緬甸風災災民伸出援手,捐款支持,令佢地可以為災民提供醫療藥品、淨水器、帳篷等物品,以應該燃眉之急。

聯合國兒童基金會好少會出緊急呼籲既,佢提供既數字係到目前為止:
  • 超過22,500人喪生
  • 超過41,000人失蹤
  • 超過100,000人流離失所

希望各位慷慨解囊,聯合國兒童基金會係一個非常有經驗既組織,會盡量保障善款有效地運用:

匯豐銀行 567-354014-001
中國銀行 012-875-0-021868-3
永隆銀行 020-601-003-7634-8

網上捐款

**********

5月3日緬甸風災已經發生兩個多禮拜了,佢地同四川災民既最大分別係,中國政府全力救人,緬甸政府冷血拒絶援助,由得難民自生自滅。

今日開始中國全國哀悼四川死難者,災民生活雖然困苦但起碼知道自己並不孤獨,全球人民都關心他們;但緬甸既人民,只有靠自己勉力為生存而爭扎,有多少人,在絶望無助中死去。解放軍本住自我犧牲精神去救人,而緬甸軍才剛剛於數月前,血腥陣壓因為挨肚餓而走出來和平示威既民眾,連僧侶都一樣暴力對待。

我一方面好慶幸四川地震之後,萬眾一心地抗災,可見天地無情,人間有愛;但係另一方面見到緬甸軍政府喪盡天良、視百姓為魚肉,唔單止見死不救,仲要阻止其他人來救自己既同胞!

而更令人不安既係,中國政府同緬甸軍政府素來交好,中國在聯合國好多次阻止對緬甸踐踏人權既討論,亦係緬甸好大既貿易伙伴,對緬甸軍政府有好大影響力。胡温政府可唔可以本住人溺己溺既精神,向緬甸軍政府施壓,開放比國際救援組織入緬甸救災。

胡錦濤一直講中國要「和平掘起」,但係我地只注重「掘起」而忽略「和平」,如果中國政府見死不救既話,又算係乜野和平?如果中國係一步步走向強國之列既話,我絶對唔願意見到中國成為美國一樣既霸權國家。

2008年5月14日 星期三

天災...人禍

七年前,當九寨溝仲未通飛時,我去過一次四川。飛機去到成都,跟住坐車經都江堰,上臥龍睇熊貓,跟住入九寨溝,再出返去成都返香港。

果次雖然係跟永安團,但係絶對係辛苦團。大部份時間都係坐車,而且山路十分難行,一有塌石就會封路,唔知幾時會通。因為團友眾多,我地由兩個導遊分別帶住坐乘兩架車,我地坐既果架車水滾而司機無留意,結果跪低左,果時雖然有手機,但係山區接收不良,一直都聯絡唔到另一班車,最後都要司機行好遠去到有電話既地方先至揾到令一架車來接我地。中間我地坐在路上足足六個鍾,夜晚到餐廳時,已經係深夜,先有得食飯。

全程既飲食,真係好差,山區資源貧乏,餐餐都係一d肥肉,無青菜,更加唔會有豆腐同魚,山上雖然周圍都係係河,但係好似話因為礦物太重,根本無魚既。搞到餐餐大家爭住食既,係炒蛋,好快比人食完之後,只好食白飯。我係唯一一次返大陸會搞到無得食,亦都係唯一一次希望自己有帶罐頭囉。

四川其實在古代係好窮的,唔係乾旱就係水浸,但係戰國時李冰做既水利工程都江堰,既灌溉又防洪,即四川先至成為「水旱從人,不知饑饉,時無荒年」既天府之國咋。但係富裕既只限平原地帶,山區從古至今,都係一窮二白。


今次7.8級地震,有好多人都比喻強度有如1976年既唐山大地震。

在三十二年後既今天,應該同唐山大地震有進步吧!唐山大地震時因為仲係文革,真係個腦有病既四人幫為左面子,拒絕外國緩助,由得難民自生自滅,死左足足廿五萬人。好多人,本來係有得救既,我地真係曾經付出左好沉重既代價,先至去到今次有温總親自出動,中國都放下奧運既亢奮,都起碼肯承認有特大天災,解放軍出動救人。當然仲有好多問題啦,但係我地由三十二年前既草菅人命,走到今日,真係走左好長既一段路...而且仲有好長既路要走。

唐山大地震時中國政府既所作所為,反而今日聯想到今日既緬甸政府,個情形,就好似當年中國,乜有『三年自然災害』依件事嫁咩?緬甸既人民,幾時先至可以攞脫咁殘暴既高壓統治呢?


都係,行動最實際。施比受,更有福:

捐助緬甸風災:
香港紅十字會 (Hong Kong Red Cross)
聯合國兒童基金會 (UNICEF)
樂施會 (Oxfam Hong Kong)
救世軍港澳軍區 (The Salvation Army)
香港世界宣明會(Worldvision Hong Kong)

捐助四川地震:
香港紅十字會 (Hong Kong Red Cross)
聯合國兒童基金會 (UNICEF)
樂施會 (Oxfam Hong Kong)
救世軍港澳軍區 (The Salvation Army)
香港世界宣明會(Worldvision Hong Kong)

2008年5月12日 星期一

脾氣

小妹不得不承認既係,本人實在係十分之燥底。因為病情嚴重,久病成醫,所以對治脾氣依家野,真係收集左唔少原因方法,在佛誕之日列出來,一來懺悔,二來提醒自己有咁鬼多方法對治就唔該唔好再犯。


點解會發脾氣呢,好多時係逃避自己不願承認既情緒/事實既方法。一係因為Ego受傷,為免感到痛楚所以先下手為強,進攻左前;另一個係因為自己恐懼,但為左divert自己,就發左脾氣先,情況就有如野獸受驚時,就係佢地攻擊性最強、最惡既時候。

脾氣仲係會上癮既,凡會上癮既壞習慣(比如嫖賭喝炊),自有其強力吸引之處。而脾氣之所以吸引,係因為發脾氣會令人覺得自己好Powerful,可以操控你發脾氣既人,滿足自己既Control Freak;因為自己想要控制一切事情,所有當天要下雨、塞車、前面個阿婆行得慢阻住你條路...更小既事,都可以令你發脾氣。脾氣仲會令心跳加速,血壓上升,令自己覺得Lively,十分有快感,所以吸引人一次又一次地發脾氣。有時呢,我甚至懷疑發脾四其實係為左證明自己仲活著。

如果唔控制脾氣,發脾氣係會養成習慣既,而倒轉來講,如果養成心平氣和既習慣,亦可以寛厚待人。習慣既可養成,就可以改。我地可以選擇唔做習慣既奴隸。


咁有脾氣時又點算呢?慈悲同脾氣係兩個完全相反既情緒,勢不兩立。所以只要慈心一生起,脾氣自然消失得無影無踪。

咁,點可以有慈悲心呢?個人體驗最有效既方法係提醒自己,無論一個人表面上睇來幾強悍或邪惡,骨子裏,其實都只係凡人,一樣會覺得痛,內心充滿不安,渴望別人重視,渴望別人無條件既接受。生老病死無人躲得過,仲有比如怨憎會、愛別離、求不得等等既苦楚人人都有,睇表面有人好似乜都有,但係佢實際上既生活,真係如人飲水,冷暖自知。活在世上本來就唔容易,又何不對人好d?有時候,打生打死,其實都只係為左一句好說話,一個贊同既眼神。

而仲有一招呢,係應該只針對事,而不針對人。比如有兩個小朋友倒瀉野,媽媽A講:「你真係一個笨蛋!」,而另媽媽B就講:「你真係做左件蠢事!」

依兩句說話既分別就大囉。

媽媽B只針對小朋友既依個錯來講,只對事,並唔係好似媽媽B咁,因為小朋友既一件錯事而人身攻擊,釘死佢做笨蛋。如果我地一直記得依個分別,只針對事而不針對人,就唔會輕易地評價別人。

如果我地真係好誠實地問自己,我到底有冇做過一d壞事蠢事?個答案係乜野呢?...唔該老實d...好多錯事呀哩,你可能仲有十萬個原因解釋添,既然自己做錯事有千萬個理由,人地未又一樣係咁,點解唔可以原諒人別呢?

人呢,其實分分秒秒在變,今日既千古罪人,難保下一刻就會放下屠刀,立地成佛。

Ajahn Brahm曾經講過:

There is no idiot; it is just a person who did stupid things.

There is no terrorist; it is just a person who did terrorizing things.

There is no rapist; it is just a person who raped.

There is no criminal, it is just a person who committed crime.

There is no cheater; it is just a person who cheated.

所以,當生氣時,唔好再諗令你生氣既人的樣子,咁只會令自己更生氣。

而我聽過無數咁多法師對治脾氣既辦法,都係話要觀察脾氣。觀察脾氣既生起,觀察脾氣既熄滅,只要正念生起,脾氣自然消失得無影無踪。Well,我既修為有限,從來無試過成功...如果有朝一日我真係成功既話,一定會仔細報告。

戰無義戰,脾氣亦無「正確」既脾氣。脾氣只係自己情緒失控既証明。即係話,發脾氣係又一次打敗仗既証據。依個世界上,如果我地真係有d乜野敵人既話,敵人應該就係自己。

願各位都可以戰勝嗔怒,令世界和平!

2008年5月10日 星期六

覆獅子哥哥:活在當下

「活在當下」依四個字越來越多人講,雖然用詞一樣,但係所指既意義又唔係好同。有時我見有人直頭將盡情享樂都一樣撥於「活在當下」依個Banner下面。

佛教對於「活在當下」既其中一個解釋係,食飯時食飯,走路時走路。聽落好似簡單得無聊,但實際上,我地食飯時就算唔睇電視、唔傾計,都會諗下依樣諗下果樣,從來無全心全意地食野,無將心放在嘗味咀嚼吞嚥上;走路時,唔係左望右望就係胡思亂想,從來無將心安住於腳步。

試下揾次真係走路時將心全部都放在腳上呀,真~係~超~難!多數行幾步就已經神遊太空。


有位法師比喻,人生好似一部錄影機,好多人呢,唔係rewind,就係fast forward,好少會play...

我地唔係回憶過去,就係幻想(恐懼)將來,好少真真正正地活在今時今刻。

The Law of the Seed - Andrew Matthews

The first book I ever wrote was a children’s book. I have heard that getting a book published can be tough, so I got the addresses of sixty children’s publishers, made sity copies of my manuscript and sent them all over the world.

I felt really smart! I thought, “Worst case scenario I will get fifty rejections and then choose from the rest.”

Guess how many rejections I got! Sixty-One!! One publisher wrote to me twice!

So I wrote another book and sent that one out to publishers.
Eventually someone said, “Yes!”

If we really want to make something happen, we usually need to try more than once.

It is a principle of nature.

Let’s say an apple tree bears five hundred apples, each with ten seeds, We might say, “That’s a lot of seeds! Why would you need so many seeds to grow just a few more trees?”

Because most seeds never grow.

In your life this principle might mean:
You’ll need to attend twenty interviews to get one job.
You’ll interview forty people to find one good employee.
You’ll talk to fifty people to sell one house, car, vacuum cleaner, insurance policy, idea.

And you might need to meet a hundred acquaintances to find one special friend.

When we understand the “Law of the Seed”, we stop feeling like victims. We don’t get so disappointed.

The laws of nature are not things to take personally. We just need to understand them – and work with them.




Wow, I LOVE Andrew Matthews!

2008年5月9日 星期五

Life is uncertain, Death is CERTAIN

今晚去上堂時,發現安排很不平常,法師没有出現,反而開始播帶。

原來,志蓮另一位老師已經過身,影帶係志蓮各法師向同學宣佈消息時所錄下。各法師亦帶領各同學唸經和結束依位馬老師既課程。

錄影帶播完後,法師才來到課室,告訴我們馬老師是他的朋友,馬老師突然離世令佢好難過,今晚唔上堂。法師再次提醒各位佛陀的教導:

Life is uncertain

Death is CERTAIN 

我呢,由於在影帶中法師宣佈時講得太快,我一直都唔清楚佢究竟係講緊邊位老師,一邊唸經時,一直不停地諗,到底是誰?會唔會係Anuruddha法師?法師已經八十多歲,雖然身體很好,記性好過我地後生,但係,死亡既然係必然,又有誰能躲得過?

直到法師出現,我才鬆一口氣。

本來好似必然又總在等你既野,可以隨時消失。

*****

其實,我在寫依一篇既時候,已經發現,無論係游水定倉頡,我都學過好多次才學識。

要做成一件事,根本就係好困難既事。

既然係咁,雖然我今次學巴利文失敗,咁,咪再讀一次囉。乜姐,我係記性唔好呀。

法師唔會一直等我嫁。

*****

上個禮拜西貢既車禍,我最難過既,其實係睇到有死者既兒女,哭訢母親節變成「無」親節,哭訢母親一輩子辛勞,都未享過福就已經走左。

我呢,乘阿媽自己講話自己依幾年都幾開心,而立時打蛇隨棍上,同佢講:「你自己話嫁,你有過過好日子嫁!」

我依家仲要白紙黑字寫出來,作為記錄。

星期日就係母親節呢,祝願天下母親都過得開心。



*****


啊,還有,很喜歡依張相,很喜歡藍天。寫blog咁耐既經驗係,喜歡的東西,還是copy到自己blog上吧。



2008年5月7日 星期三

緬甸風災

上個星期五吹襲緬甸既颱風,已經做成22,500人死 ,41,054人失蹤,100萬災民無家可歸 。


災情可能會比三年前南亞大海嘯 更嚴重。


有人用一九九一年孟加拉既颱風來比喻今次既災難,上次孟加拉既風災足足引致143,000人死亡。Dr Yunus在佢既新書形容一九九一年既風災係災難性,亦引起Grameen Bank一連串既改革,務求更有效地扶貧。


孟加拉有Grameen Bank,咁緬甸呢?只有一個亳無血性、見死不救既軍政府,雖然風暴已經令到屍橫遍野,仍然不聞不問。

依家,緬甸既災民活在水深火熱之,有多個組織都正在籌款,請慷慨解囊:

聯合國兒童基金會

宣明會 (宣明會捐贈運用

2008年5月5日 星期一

我感恩

























我感恩






















游水

講起游水,諗起以前讀鄉村大學既一件好笑事。

首先要講下個地理環境,大學既學生泳池係在本部Snack bar對面,附近仲有銀行超巿學生事務所coffee corner大字報,所以從早到晚都係人山人海。天氣好時,仲有人乾脆攞碟飯坐在泳池上面既石級,一邊坐一邊晒太陽。可能大學生既生活實在太忙啦,平時甚少人游水,特別係好少見有女仔去游。

當年同宿舍有個ABC Exchange,長得好甜美嫁,仲要好好身材。佢就唔同,成日都去游水,仲要著住鮮紅色比堅尼再塗上不脫色鮮紅唇膏,仲要...游背泳

根據S既觀察,每憑Exchange去游水時,都有好多人坐在泳池邊食飯。

2008年5月4日 星期日

立立雜雜

睇左Iron Man,得喎,好刺激。之前睇poster已經覺得依個唔係超人果類既英雄片,因為個大俠個樣唔只唔正氣,仲似反派吸血資本家多d...又真係咁囉,節奏快,劇情都算合理,仲有好未來既科技,仲有殺人魔王軍火商Tony Stark既從良心路歷程,幾新鮮,仲會有續集添。

又,潮流興懷舊,睇trailer講到就來會上Indiana Jones!!!! Well,福伯有冇六十歳?佢肥肥地喎,出拳好明顯幾慢下。想當年,我都係Indiana Jones既粉絲來,覺得佢呢,好英。

*********

買左台灣才女吳淡如既新書:
時間管理幸福學的圖像

我呢,其實對d自號女人專家、愛情專家既才女作者十分感冒,不嬲都唔睇,但係吳小姐有d唔同,台灣好似無乜台男台女既爭辯,吳小姐唔單止毫無怨婦氣息,仲超級識得照顧自己同安排生活,正能量充滿。當有人問佢咁忙,點解仲有時間寫作,佢話寫作係佢既興趣,可以用來減壓,仲話自己好似電車打機上癮咁,幾日唔寫唔舒服。有人見佢在做兩個訪問之間既空檔都攞出notebook來寫野,覺得佢既工作精神真係好厲害;吳小姐自己解釋呢,係做訪問需要高度集中精神,好大壓力,寫野令佢開心又放鬆。

經吳小姐一提,我先諗起,其實不過在五個月之前,我係勁鍾意寫野既,覺得寫野本身已經係動力同奬勵,完全唔需要任何外來既鼓勵就已經好開心,仲試過寫神來到時,乾脆揾個位坐低,攞張爛紙出來就寫呢。

點解,咁快,寫作對於我有時會變成交功課甚至係工作呢,我又唔會兼無可能靠枝筆揾食。學吳小姐話齋,管理自己同減肥一樣,唔可以對自己太嚴,又唔可以太鬆。

嗯,明白。

*****
仲有一樣唔記得左既係,吳小姐提倡呢,人要保持活力同心景年青,就要一年學一樣唔同既野。唔同既野唔係話打爆一隻新Game,而係學一d自己從來未試過、甚至自己最唔惦既野。佢自己就身體力行,學左油畫、陶瓷、攝影、佛朗明哥舞(乜來?)、潛水...

我呢,好贊成呀,都學左游水同...(唔準笑)...倉頡。Well,游水係我咁多年來比人恥笑左無數咁多次既野,我中一到中七都有游水堂,全班同學不論男女,只要唔係中六插班生,個個都識游水,大家開開心心玩水時,只有我一個人好辛苦地攞住浮板踢水,仲要戰戰兢兢唔敢去深水既地方,次次考游水都要經歷一次瀕死經驗,仲要默默忍受體育老師既搖頭同白眼,果時,真係有d自卑...所以,我估都估唔到,我已經係第次學游水竟然學識左,真係開心到我死呀,開心到果年由夏天直至冬天都不停游水。冬天喎,就算有暖水池,上水果下都一樣係涷到入骨嫁!果時仲會一游完水就出去泳池外面既粥店,食沙煲上熱辣辣既皮蛋帶子粥添,幸福到流晒鼻水。

今年呢,就唔多順利lu,鬼知巴利文d grammar咁深咩,中間仲要去左上海成個月無上堂,已經完全放棄啦,唉。

******

又,吳小姐對於感情之事,都有佢一套好鬼正能量的睇法,可以揾本來睇睇。吳小姐既書好易睇,兩個鍾頭內可以搞惦。我對上次睇佢既書,係在台北巿到機場果程車中睇完,即刻可以還返比丁丁等佢自己揹返香港...

丁丁,我地幾時再去台北飲飲食食不務正業打書釘姐?

*****

講到愛情觀呢,我地都係受左細個時候睇既愛情小說所影響,我見大部份人都係睇亦舒,都好呀,點都摩登d呀,我呀,仲大鑊,細個時睇既係...真係唔多想承認...瓊瑤....滴汗呀呢!

係還珠格格之前,文藝大悲劇時期既瓊瑤喎!我依家淨係睇佢d書名,什麼「庭院深深」、「卻上心頭」、「一簾幽夢」已經飽晒。更慘係,瓊瑤筆下既女人,永遠都係被命運捉弄楚楚可憐既弱者,就算最後大團圓結局,中間可憐媳婦要肴成婆既過程都係艱辛得賺人熱淚兼波折重重。記得佢有個短篇故仔,講有個比丈夫拋棄既女人一手養大三個女兒,母親因為自己既經歷,教導女兒千萬唔好相信男人,結果,大女因為母親從中作梗而失去至愛,二女因為不安感懷疑自己男友不忠而自殺,三女呢...嗱,全個故仔最反動既內容來啦...好聽阿媽話,只讀書唔拍拖,結果有日突然頭痛欲裂,醫生話佢讀書太多燒壞腦,以後都唔可以用腦喎。

有冇搞錯!瓊瑤阿姨請問依個係乜野病來?其實瓊瑤都唔係老,點解仲封建過張愛玲蘇青?今時今日,瓊瑤果d什麼「悲劇女主角」已經好out嫁啦,睇吳淡如啦!

****

又,我終於都跑返步,仲一連跑左兩日,Yeah!

2008年5月3日 星期六

大師指到,前日在西貢發生既車禍令人好不安,十八死四十四傷,真係近年少見既嚴重車禍。而佢地成車人都係打算去拜觀音,真係要問,惦解拜觀音都會受此一劫?

我呢,一早已經睇新聞見到依件新聞,睇住死亡人數由十個一直上升到十八個,都不安,仲攞返由那爛陀長老所寫既The Buddha and His Teaching出來睇返關於既解釋,節錄如下:

**********

業(kamma)在巴利語,原意為行為或造作。一切身口意所造作的有意念的活動統統稱之為業。它包羅了“思想、語言和行為”中的方方面面。一般來說,一切善惡活動構造了業的全部。但是從最高意義上講。業是所有善惡意念活動的總稱。非自覺,無作意,缺意念的行為,雖也可被稱為動作,但不構造成為業,因為,決定業的至關重要因素意念沒有參與其中。
  
佛說:“諸比丘,我說行(cetana)為業。眾生通過意念,由身口意作業。”

業不一定是指過去的行為,它包含了過去和現在的行為。因此從某種意義上講,我們是我們過去的結果,我們的未來又將是我們現在的結果;從另外一種意義上講,這一點應得到補充:我們的現在不完全是我們過去的結果,我們的未來又不會絕對無誤的是我們現在的結果。毫無疑問,現在是過去的延續,又是孕育未來的父母。但是,現在不總是過去或未來的索引。業的運作是如此的盤根錯結。例如,今天的罪犯也許是明天的聖人,昨天的行善之人也許會成為今天的邪惡者。

同類相聚。善有善報,惡有惡報,這就是業的規律。  

簡而言之,業是倫理領域中的因果規律,或正如西方人所說的“作用影響”。  


業與果  
kamma指行為;vipaka為果或結果,是業的相應行為。正如萬物皆有影隨形,一切有意念的行為肯定有其效應的結果相隨。業好比是具有潛在力的種子,樹上結出來的果實為果(報)。業有善惡之分,果報亦然。業為心力,果也是如此。根據業種子的性質,而有快樂喜悅,痛苦憂惱之感受。如此,於有益身心的物質環境相並行之法,如富裕、健康、長壽等名為善報(anisamsa)。  
當相行的物質環境不順時,它們就叫做惡報(adinava),以貧窮、醜惡、疾病、短命等形式出現。
kamma--意為世間意識的善惡形式,vipaka為世間意識之結果。

種什麽樣的業種,收獲什麽樣的果報,無論何時何地,今生來生;今天的收割是我們今生或前生種下的種子。  

《相應部》云:  
依所種之種,獲應得之果;  
行善者積德,作惡者聚怨;  
善種種子者,必將享其果。  

業的本身就是一種法規,它自己運行,不受外界獨立主宰體壟斷。  

業力繼承了將會產生相應結果的潛在能力。因生果,果釋因。種子生長果子,果子說明種子。這就是它們之間的相互關系。業與果亦復如是。  

快樂與痛苦是人類共同的命運。這正是如是原因的必然結果。從佛教的觀點來看,所有這些並不是萬能者或無所不知的主宰者對行善作惡之靈魂的懲罰和賞賜。神學家們試圖以此短暫的一生和永恒的未來解說萬事萬物,從而忽視了過去。他們也許會相信死後的最終裁決,也許會認為無所不在,無所不知的上帝高高地坐在天堂之上,掌管著人類的命運。人類的快樂和幸福就是它對再生者的恩賜和詛咒。佛教斷然否認平空臆造的不死靈魂,相信自然法規和正義,而這些又不是萬能的上帝或慈悲無礙的佛陀所能終結、取消或阻攔的。根據這一自然規律,行為本身給行為的造作者帶來善惡報應,無論人類的正義得到伸張與否。  

有些人平白無端地指摘:你們佛教也同樣對貧窮者灌輸業力果報的鴉片,說什麽:  

“你生來窮困是因為你前生作惡業,他生來富貴是因為他前世行善。因此。你就認了你這一賤命吧,今生行善積德,以期來世富有。”  

“由於你過去的業障,你今生受到壓迫。這是你命中註定的。規規矩矩地忍受你的不幸,從現在起做好事。你肯定會在來生中好一點,快樂一點。”  

佛教的業力之說並不解說這種宿命觀點,也不茍同最後的審判之說。大慈大悲的佛陀無我無私,教授業力的真理,不是想以許諾未來虛幻不實的快樂來維護富有者,安慰貧窮者。根據佛教的業力說,人們並不總是讓一成不變的需求所逼迫,因為,業不是神秘莫測的力量強加在我們頭上的命運,也不是必須服服貼貼地順從上帝所造,它是自己所作所為對自身的反應作用。所以,在一定程度上,

人有力量來使業力的軌跡改道。改變的程度完全依靠自己的努力。


業的本質

一個人是否註定要決定無誤地受報於所做的一切?  

沒有這個必要!

在《增支部》中,佛陀說:  

若有人說,人們必然依其行業而受報,則無梵行,亦無獲徹底滅苦之機緣。但是,若有人說,人們依其行而受其果,則有梵行,亦有獲徹底滅苦之機緣。”  

因此,在佛教中,一個人的業力是可以被改造的。

雖然《法句經》云:“空中海中及山中,世間無有藏身處,欲求逃遁惡業者,世間無有可覓處”。但是,一個人並不是註定了要百分之百地償還過去所作之業。如果真是這樣的話,解脫就會成為一句空話,恒久的受苦將會是不幸的結果。  

一個人既不是自己業力的主人,也不是它的奴隸。即使是罪惡滿盈之人,也可以通過自己的努力改造成為最為善良之人。我們總是在改變自己,而這些改變依我們的行為為基礎。我們隨時可能使我們變好或變壞,即使是最為邪惡之人也不應因其歹毒本性而受到傷害和憎惡。他應得到同情,因為責罵他的人說不定在某一時期也會有同樣的處境。其他人能夠棄惡從善,他也可以,說不定比他們更快。誰知道他具有多大的善業?誰又知道他潛在的善德?

鴦掘魔,一個屠殺了上千個自己鄉親的強盜和劊子手,成為一阿羅漢,以此說來,則消除了他過去的一切逆行。

阿育王由於殘暴地擴張他的帝國,被人指稱為暴君,但後來成為法阿育王,或正道阿育王,徹底地改變了他的人生,乃至今天“於此聚集於歷史長河中成千上萬的君王,他們的威嚴,他們的仁慈,他們的寧靜,他們高貴的王族,以及其它,唯有阿育王的名字如同一顆恒星,仍然輝煌閃爍。”

所有這些是強有力的例證,說明了堅定不移的信念可以徹底地改變一個人的性格。  

在一些情況下,小惡也許會產生相應的果報,而大惡之報則被削弱。  

佛說:  

“於此,諸比丘,有人不於身、戒、意、慧嚴於律己,少善缺德,痛苦地以小小不善之業報為住。即使他造作的小惡也會把他帶到惡道之中。”  
“於此,諸比丘,有人於身、戒、意、慧嚴於律己,多行善業,精神高遠,對一切眾生施於無限大慈,並以此為住。”  
“此人所作同樣的惡業報成熟於今生,即使小惡也不於後一生顯果,更不用說大惡了。”
“如同一人,將一把鹽丟進一只小盆裏,眾比丘,你們會怎麽認為?此水是否會因太鹹而無法品嘗?”  
“是的,世尊。”  
“為什麽?”  
“因為,世尊,盆中只有一點點水,所以放入鹽後,它就變得太鹹而無法飲用。”  
“如果說,一個人把一塊鹽巴拋入恒河,眾比丘,你們將如何認為?此恒河之水是否會因一塊鹽巴之故太鹹,而不能飲用了?”  
“不會,肯定不會,世尊。”  
“為什麽?”  
“因為,世尊,恒河之水浩渺無窮,它將不會變成鹹味而無法飲用。”    
“正是如此,有些眾生少做惡業墮入惡道,或另有些眾生造作同樣的惡業,但他此生即得果報此業,來生不再感受小小報應,不用說大的報應了。”

正相信業報規律的佛教徒不向其他任何人祈禱,以獲拯救,而是信心十足地相信自己能得到解脫。他將依靠自己的意誌力量,為了大眾的幸福快樂不懈的服務,而不是自我降服,或迎合任何超人的神力。  

這種對業力的信仰“使其精進獲得效應,點燃了他的熱切之火。”因為它教導了每個人必須對自己負責。  

對一般佛教信徒而言,業報作為一種遏制力;對於智者而言,它又是對奉行善業的鼓勵。  

此業力之說解釋了痛苦的問題,命運的神秘,以及一些宗教的宿命觀點,更為主要的是解釋了人類的不平等。  

我們是自己命運的設計師。我們是自己的創造者。我們是自己的毀滅者。我們創造自己的天堂。我們建立自己的地獄。


我們所想的,所說的和所做的構成我們的一切。正是這些思想、語言和行為假構成業,生生世世相續傳承,於此娑婆世界的輪回中使我們崇高或墮落。  


佛說:  

於此所造諸善惡,是為其屬己所為,
如影隨身緊相從,自為它生修福報。  
未來世界真實臺,等待善良福德人。

《雜部》

**************

我的路,由我創造,我做既事,自己負責。

共勉。

2008年4月25日 星期五

貧窮

貧窮係未真係離我地咁遠,一定要好似劉喜玲咁,去貧民窟度訪問小朋友先揾到?

其實,貧窮真係就在你身邊,只差到你有冇心去留意。

我上年剛去依家間公司時,同老闆攞到d錢去做Team Builing,同妹妹一齊去海洋公園。爛Gag女皇超緊張,不停地問要準備乜野。去到時,佢唔知道海洋公園分上下兩層,唔知道海洋公園曾經有集古村、水上樂園,未聽過海威...佢唔係從來未去過海洋公園,就係上次去時好細個,唔記得晒。

爛Gag女皇係土生土長香港人,只有二十歲。

唔心痛就係叻你既,我知未去過海洋公園、廿幾歲先第一次搭飛機無乜大不了,我地既年代大把人係咁啦;但係社會一直富裕進步呀聽講,我點可以要求一個生於八十年代未既女孩子過我依d老鬼既童年生活呢,做乜貧富懸殊得咁緊要。


阿Eason問,你見到阿婆推住一車既紙皮在街上行時,有冇問候下佢?

問候?我之前在上環依個舊區返工時,經常見到婆仔執紙皮,有一次食lunch後,在唐樓既樓梯口見到有個婆仔放左一大堆紙皮在車仔,好努力地拖上樓,我終於鼓起勇氣,幫阿婆在樓梯下面託住車仔,結果婆仔正在發力時突然車仔輕左,差d失去平均,見到我依個不速之客,係好惡地鬧左我一餐。

個問題唔係問唔問候呀嘛,就算要幫,都要用岩辦法,如果唔係,只係嚇親阿婆兼激嬲佢,只會好心做壞事。


好多時候,現實係令人難受既;特別係赤裸裸既現實,特別係當你將佢地既生活同自己比較時。
面對d咁雖以忍受既現實時,只可以化為怒火。

點解你唔讀書?我細個時都窮,依家讀到書揾到野做,未有錢囉,我得你做乜唔得?

點解你後生揾到時唔蓄錢,依家搞到臨老唔過得世?

香港有綜援嫁喎,你自己衰好啦,做乜搞到d細路要跟你一齊捱?咁叫有骨氣咩?係On居咋!


我明,真係令人好無力難過,但卻始終係現實;而且,要知道香港人已經係衰極都仲有個譜;在世界仲有好多人係要挨餓,無乾淨水飲,無厕所用...

我地可以選擇唔聽唔睇唔理,又或者嘗試睇下自己可以做到d乜,唔一定有d乜野成效,而且九成九只會加深自己既無力感添。無乜野道德高地值價判斷,只係個人既選擇。

又諗起依個我當年開blog第一個post上面擺既依條Thread,難得時不時有人推下佢,仲未沈。

2008年4月24日 星期四

窮人的銀行家(五)點解只借錢比女人?

Grameen最先借款時係主要借比男人既,在孟加拉依個超級重男輕女既保守回教國家,男人係一家之主,手執財政大權,借比男人係好正常既決定;但Dr Yunus好快發現應該借比女人先岩。

依個真係超級反傳統,在孟加拉,莫講話窮女人,就算有錢女人都好難借到錢,銀行會要求女人帶埋佢老公來一齊借錢,佢地根本唔相信女人有獨立理財能力。Dr Yunus決定要借錢比女人,唔單止為左兩性平等咁簡單,佢發現借錢比女人對社會影響更大更快。

在孟加拉,女人承受既窮困同饑餓比男人大得多。母親係在在一家人食完飯之後先可以食既,如果有人要挨餓,一定係母親挨。男人仲隨時可以休妻,只要連續講三次:「我要休妳、我要休妳、我要休妳」就搞惦,連寫休書同羅列七出之罪都唔駛,方便過中國男人好多,女人被拋棄後,只能自生自滅。因為萬惡既Dowry比得唔夠,令到丈夫不悅而被虐待至死既女人不知凡幾,亦無人覺得有乜問題,警察亦唔會理。女人承受既痛苦,亦都可以在孟加拉人平均壽命既統計數字中睇出,孟加拉女人既平均壽命係短過男人既,女人明明天生就長命過男人,男人長命過女人依個情況在全世界都絕無謹有,孟加拉女人生活之困苦可見一班。

因為受苦太深,孟加拉女人要爬出窮困深淵既決心,比男人大得多。而當有任何機會時,女人既表現,比男人大為優勝。女人有強烈既動力要建立安全感---財政安全感。

另一方面,當借完錢做既小手工買賣揾到錢後,男人傾向將d錢駛到自己身上,Dr Yunus稱之為"Enjoy himself",即係嫖賭飲吹既上下;但當女人揾到錢時,佢地會立即將錢用在孩子身上,改善下一代既飲食健康教育。要脫貧,就係要切斷隔代貧窮,既然借錢比女人有咁多好處,仲點解要借錢比男人?所以Dr Yunus決定Grmeen只借錢比女人,到左依家,Grameen既借款人都仲係97%女人,在孟加拉依個地方真係非常唔容易做到......請拍手!




(待續)

窮人的銀行家(四)非一般的銀行運作

借貸生意要成功,第一件事係要d人有借有還。聽過有人講話Grameen Bank之所以可以保持98 - 99%還款率,係因為孟加拉人講信用,如果在中國就無可能云云....嘿,咁講既人肯定從來未接觸過孟加拉人。

孟加拉人出名走數既!我從來無聽過有任何香港公司肯比孟加拉公司一毫子Credit,佢地係會用任何方法來走你數,就算係好少錢,佢都一樣唔找,直至你hold左佢account,下次佢無辦法,一定要來你公司訂貨,你扣住唔肯出貨,佢地先會乖乖地找左上次同今次既數。抱歉咁樣講全孟加拉既人民,但孟加拉人既信譽,真係超低。

Dr Yanus當然唔會唔知道依樣野,佢仲好仔細地硏究孟加拉銀行既借款流程,發現銀行都係要求借款人要一筆過還晒d錢,一下子攞出咁大筆錢出來,在心理上會好肉痛,就算有錢還都會諗盡方法拖延,拖拖下就會變左唔還。所以在設計Grameen Bank既Mirco Credit時,Dr Yanus為左克服肉赤依個問題,決定要借款人日日都還錢,每日還少少,唔肉痛仲會養成習慣,所以要還365taka,就要一日還1taka。之後發現日日收錢實在太麻煩同行政費用太高,改為每個禮拜還錢,實行到依家;而且由於個個星期收錢,如果有人還唔到既話,Grameen亦都立時可以發現問題,睇下可以點幫手,執行上成為:

1.一年借貸
2.每個星期攤還
3.借款後第一個星期開始還款
4.利息固定為20% pa

另外,佢地發現一支竹仔易折彎,幾支竹仔斷折難既道理,所以並唔接受個人借貸,要借錢既話,借款人一定要揾到五個人組成一組,最先只有兩個人可以借款,到依兩個人可以連續六個星期都成功準時還款,其他人先可以開始借錢。原因係個人借錢時,佢一個人要承受所有風險,個人行為亦會比較飄忽不定;但團隊就可以互相支援,同中和難以預料既行為。而依d團隊亦無形向各人產生朋輩壓力,要佢地準時還款。到左今日,當有調查問到Grameen借款人點解佢地會準時還錢,最重要既原因就係佢地唔可以令自己既組員失望。

仲有既係,任何組員要借貸之前,一點要得到其他所有組員既批准,依個一來令到佢地可以互相硏討,諗到最好既辦法賺錢。Grameen深相窮人在咁惡劣既環境仍然可以生存既依個事實,已經係佢地能力既最佳證明,佢地先係最有創意最了解自己本地情況既人,所以Grameen從來唔會干涉窮人借左錢來點用,甚至當女人們走過去問Grameen員工應該點用錢好,佢地員工既訓練係會答話,「你知啦,我地好蠢嫁,就係唔知點用d錢先至會借錢比你地,我地Grameen就有大把錢,等你地諗到點樣用時我地就會借比你。」

由於點樣用錢係五個人共同硏究出來,質素相對有保證,而又由於係大家共同批准時Joint Decision,當一個組員有困難時,其他人都覺得自己有義務幫忙,互相扶持之下,共同渡過難關。

還款率高達98%喎!因為咁,Grameen Bank可以自給自足,甚至仲有盈利;因為咁,Grameen Bank既人唔需要分出人手來做籌款,可以專心做好扶貧工作;因為咁,Grameen Bank有穏定可靠既收入;因為咁,Grameen Bank可以做到一系列既社會企業。

窮人的銀行家(三)一個女人的故事

Ammajan Amina係其中一個最早既Grameen借貸人,佢既故事可以講到Micro-credit點樣幫到一個街頭乞丐。

Ammajan有六個孩子,四個因為饑餓或疾病而早夭,只剩下兩個女兒在生。佢既丈夫年齡大過佢好多,病得好緊要,Ammajan不繼變賣家產來幫佢丈夫治病。當佢丈夫過世時,只剩下佢地住緊既屋比Ammajan,佢既叔仔想趕走左佢同小孩,霸佔間屋,但Ammajan唔肯走。

佢每日都整d蛋糕餅干逐家逐戶去賣,賺一點錢維生。有一日佢返到屋企時,發現佢叔仔拆左佢個鐵皮屋頂去賣。無左屋頂,又到左孟加拉既雨季,Ammajan太窮亦無錢再整餅干來賣,佢只有行乞。

有一日佢返到屋企時發現因為佢已經無頂,大雨吹倒左佢屋企,Ammajan發瘋地找佢兩個女兒,發現大女兒已經被壓死。

當Dr Yunus既學生發現Ammajan時,佢抱住自己唯一剩下既女兒,饑餓、心碎、絶望。

任何銀行甚至大耳loan都唔會借錢比佢,但憑住Grameen既借款,Ammajan活過來,用借來既錢整竹簍來賣,佢既女兒而家係Grameen既成員。

直至2008年,Grameen有730萬個借款人,有730萬個唔同既故仔。

窮人的銀行家(二)鄉村銀行是如何建立的

咁,點幫呢?

Dr Yunus首先去走訪農村,想揾出佢地貧窮既原因,有一個叫做Sufiya Begum既村婦解答左Dr Yunus既疑問。

好似好多當地村民一樣,Sufiya同佢丈夫及小孩住在一間漏晒水既泥屋,佢丈夫做散工,一日只賺到幾亳子美金,仲要唔係日日有工開。為左揾食,Sufiya在屋企手編竹凳,d竹凳好漂亮實用,但係,Sufiya既辛勞工作並唔能夠令佢一家脫貧。

點解?因為Sufiya無錢買做竹凳既原料---竹枝,佢唯有向佢村入面既大耳loan借錢,大耳loan唔單止利息高,仲有一個好苛刻既條件,要借錢既話,Sufiya既竹凳只可以賣比大耳loan,價錢隨大耳loan喜歡而訂價...大耳loan當然好識做Profit Maximization,務求令到Sufiya每日只有幾毫子收入,吊住佢條命,餓唔死繼續做依種奴隸工作就好。

Dr Yunus知道竟然係因為d咁既原因令到Jobra入面有咁多窮人永無翻身之日,真係嬲到震,亦都唔敢相信信今時今日仲有d咁樣既吸血鬼存在。Dr Yunus同一個學生收集在Jobra到底仲有幾多個大耳loan既受害者,結果一共係42個人,總共欠耳loan...估下幾多錢?856 taka...既係USD 27。

只係港幣200蚊就令到42個家庭永世活在貧窮既無間地獄!!!Dr Yunus即刻攞出兩舊水比佢地,佢當時都無諗過要佢地還,只係想做自己應該做既事。Dr Yunus亦都做唔到依兩舊水可以帶比42個家庭咁大既歡樂,佢地既喜悅令Dr Yunus決定要繼續做落去,既然依d借款可以切中要害,真正有效地幫到窮人,點解唔做多d?

咁Dr Yunus佢老豆又唔係李+x,無可能攞出大舊大舊錢來幫村民贖身嫁。Dr Yunus於是走去孟加拉一間政府銀行,想幫村民借錢...well,你都可以想像銀行會有乜野反應嫁啦!借錢比d一文不明既窮人?...無抵押!!!...嚘,每個人借幾蚊至幾十蚊美金?咁少?...要填FORM嫁喎,吓?佢地連自己個名都唔識寫!!!

如果Dr Yunus唔係一個有頭有面既大學教授,可能晨早比人當係傻佬咁掟出去。

咁,Dr Yunus唔係善男信女,更加唔係一個輕易放棄既人。足足搞左六個月之後,在1976年12月,最後係由Dr Yunus作擔保人,由佢d學生幫村民填FORM,咁先可以開始幫村民向銀行借款。

Dr Yunus覺得,銀行既體制完全將窮人拒於門外,令佢地變成Financial Untouchable!但係,依班Untouchable竟然唔止Touchable,仲係Huggable!!!佢地既還款率,竟然高達98%!因為窮人深深知道,要脫貧,依個係佢地既唯一機會,佢地拼了老命,都要還到錢,咁先可以再借一次錢,令自己遠遠逃離貧窮既深淵。

睇下Dr Yunus佢自己點講:

2008年4月19日 星期六

窮人的銀行家(一)Dr Yunus

Dr Muhammad Yunus,孟加拉人,2006年諾貝爾和平奬得主,對人類和平既主要貢獻,係設立Grameen Bank(鄉村銀行),專門向窮人借貸(Micro-credit)既窮人的銀行家

Dr Yunus生於1940年East Bengal,在十四個兄弟姊妹中排行第三,在孟加拉接受教育,攞到奬學金去美國讀PhD。1971年,孟加拉在九個月既獨立戰爭中勝利,脫離巴基斯坦立國。1972年,Dr Yunus由美國回到孟加拉,在Chittagong University任教,打算在學術方面為建設祖國作出貢獻。

Well,人生往往有出乎意料既轉折,1974-5年,孟加拉發生近代最嚴重既全國大饑荒。

饑荒既貧民由鄉村湧入城市,乞求一點糧食。佢地並無(力氣)大吵大鬧,遊行示威,而係靜靜地乞食,靜靜地挨餓,靜靜地餓死。

睇住街頭廋骨如柴既饑民...甚至屍體,Dr Yunus覺得自己唔可以再留在舒適既象牙塔中,教授Elegant既經濟理論,同在黑板上畫著完美既供求既大交义;佢組織學生走出校園,到大學附近既鄉村,睇下點解自己既祖國會搞成咁,有d乜野可以幫助到窮人。

Dr Yunus第一個Project係在附近既農村Jobra搞水利工程。雖然提高農作物收成,但Dr Yunus並唔滿意,佢發現,水利工程只幫到擁有農地既貧窮農民,但係幫唔到更窮既、連立錐之地都無既村民。窮人都唔係鐵板一塊,之中仲可以再細分擁有一小塊農地或者夠錢租地既農民;同埋再窮d既「屋無半片瓦,缸無半柆米」既赤貧人民。

咁佢地點樣維生呢?做散工、做手工藝品、乞食。令Dr Yunus印象深刻既係,有一次稻米收成時,農民請左好多女人來做散工幫助打谷,Dr Yunus見到依d女人迫在打谷車上,拼命地踏車,雙手青筋畢露地捉住扶手保持平衡,又你推我ong地希望迫去比較有利既位置,可以無咁攰,為左霸好位佢地日日鬥早起身去返工。嫌辛苦?妳唔願做大把人爭住做,女人們其實好開心可以散工做,今日有工開即係今日有錢,家中既孩子可以開飯。

Dr Yunus望住佢地依種有如牲畜地做苦工既女人,腦中閃出兩個字:奴隸!

要幫,就要幫窮人中既窮人。

2008年4月16日 星期三

無聊野時間

在腦汁用盡,火滾如食左炸藥既時候,最好係講無聊野。


公司妹妹潮童攞左盒傳聞中既香港潮語學習字卡返來,潮童係邊個?未就係好想買紫色素菲果位狂野小姐囉。又,素菲已經比人買左lu,不過潮童睇中第二架銀色既Stephen。


一攞出來,爛gag女皇就老作多個潮語:Oct Cut Vege....


負責我地公司IT Support既電車M哥哥下午來到我地office,為左洗刷佢之前同其他電車連線失敗,同埋IP搬到天一半地一半既失威紀錄,電車M竟然破天荒.............Gel頭


Oh no!實在d gel可能唔駛錢,一見到電車M,唔係以為出面落雨,就係以為電車M為下年渣打馬拉松練緊跑。


咁就當然要在傳聞中既香港潮語學習字卡之中,抽返張"KEI"字卡比電車M啦!


依套傳聞中既香港潮語學習字卡始終唔夠潮,連電車依張卡都無,下次出加強版時,一定要加返:


電車

英文: Tram

意思: IT Freak / Communication Handicap

例句:010101100010010010001100010011001010000001000000100100111111101010010100111010101010101010101000001101111010101010010101010100101010101

-完- 

*********
報告

電車M今日來到office,唔單止仲保持佢個wet look頭,仲終於換左佢個用左十年以上既backpack,竟然識用Porter斜揹袋。

雖然電車M死都唔認係有人幫佢買,但係以佢果種不知購物為何既性格,一定係有人終於睇唔過眼,捉住佢去買既!

電車M好幸福啊。

2008年4月4日 星期五

崑曲表演---湯顯祖

介紹及購票


有進念既加入,希望係會令部劇易睇左而唔係仲難明啦,崑曲,真係好靚好聽好優雅嫁。


湯顯祖係邊個?佢既來頭就勁囉,係明萬曆年間既進士,因為佢個人實在太正直啦,唔肯埋堆又夠膽犯顏直諫,一生仕途坎坷,最後頂唔住官場黑暗,四十八歲時放低辭職信就走左,真係正宗既劈炮唔撈,回鄉專心從事自己熱愛既崑曲創作。


佢既代表作,首推牡丹亭,此劇一炮而紅,當時走去睇牡丹亭既盛況,簡直係萬人空巷,湯顯祖可以在自己有生之年能夠見到自己成功,相信都老懷安慰。巧合既係,湯顯祖同莎士比亞係同一年代,仲要係同一年1616年死,究竟湯顯祖係東方既莎士比亞,定莎士比亞係西方既湯顯祖?

湯顯祖雖然失意於世途,但正因為如此,佢可以將所有時間精神用在戲曲創作之中,成就一代大文豪,人生既得失,其實都係絲絲緊扣,一體兩面。想湯顯祖寫牡丹亭時,真正發揮自己既天才,一定會開心過做官時...掛。


湯顯祖份人咁有型反叛,所以牡丹亭個故仔其實十分之咁YEAH同勁爆!話說南宗年間南安太守既女兒杜麗娘有一日在花園中遊玩後睡著,夢中與一名年輕書生柳夢梅在夢中相遇,共墬愛河...哇,依一出牡丹亭之遊園驚夢,講得白d,其實係夢中幽會喎,五百年前講一個咁樣既愛情故事,真夠疆!

個故仔仲好長,真係要睇晒全劇既話要成九個鍾,之前由白先勇策劃既牡丹亭青春版,要分三晚來演。


中央電視台制作左一個八集既記錄片【崑曲六百年】,其中依一集就係講湯顯祖同牡丹亭:







什麼是「如花美眷,似水流年」?請在下面既片由第五分鍾開始看...睇啦睇啦,只要兩分鐘,真係美之極致。




「越優美的東西它越留不住,我們喜歡花,喜歡青春,但是喜歡的是真實的東西,而不是假花和冒充的青春。這些東西我們希望它永遠的美好,但它必須跟着它生命的過程,慢慢地結束。


崑曲,我想它也是這個樣子,我們留不住它,似水流年,像水這樣的過去了,我唱崑曲唱的很投入時,我父親曾很感慨地說:『你們是如花美眷,我呢,只剩下似水流年了。』...等我的學生唱得很好的時候,我也會很感慨很油然地說:『你們是如花美眷,多美呀,我呢,只剩下似水流年了,但是我不悲哀,水會這樣的流過去,藝術會傳下去,崑曲會永遠的美好下去。』」