2008年8月24日 星期日

加油

人同人之間既緣分,真係好奇妙既,有乜野好得過,同自己由細玩到大既同學仔,到左今時今日都仲可以一齊聚舊?又邊度會有朋友好得過鬧晒交拍晒枱反晒面之後,過左無耐,都係無事,照樣你有你講,我有我唔理。

我成日都覺得,識得我最耐既朋友係最慘既,因為,嗱嗱,各位有目共睹,我係咪越來越温柔善良過中學時先?Well,已經好左都仲係咁既樣,既係講,細個時完全係洪水猛獸,個個都受過我唔少拳腳啦...幸存既,都係難能可貴既內功高手。有你地依班朋友一路不離不棄,我呢,其實真係覺得自己好好彩。

依壺人參烏龍真厲害,洗左成機衫,成四點幾我都仲係眼光光,越來越唔知自己想講乜。嘿,我訓唔著絶對唔係因為d鬼故呀吓。

朋友,我只係想講呢,難關始終會過去既,可能,好快就會雨過天清,分分鍾,再轉埋前面既路口,就會轉入大直路呢。

加油!

5 則留言:

ah-yun 提到...

我都覺得我D朋友好慘。點會頂得順我呢?!

:P

seikomatic 提到...

番泥未...............???

船到橋頭自然直,
人到無欲心會靜。

Morca 提到...

已經過咗大石鼓...

Juicy Runners 提到...

>>人參烏龍?

都係BATMAN BEGINS個一句:
Why we fall? Because falls make us stronger!

匿名 提到...

SAM,

係做運動對身體好!不過忠言逆耳,所以咪唔聽囉!

您都話您有長大啦,唔似牛頸的人,唔去大(我認細"架",唔好同我爭!)。咁您就大人有大量,唔好記住小人過。(係攞您"著"數啦!)

希望各方友好,把困擾的問題交給您們相信的信仰上吧!唔好樣樣事都攬上身,有時問題可能是出在別人身上的,即是話您會無能為力。

若沒有信仰的,請記住明天會更好!

小人
麥太