2008年8月6日 星期三

雜想

香港有幾何打8號丫,我竟然在上海!!!

當人人都在屋企睇電視時,我就跑來跑去見客返工,沮喪.....


不過,有驚人發現....................在上海睇到蘋果,唔係iPod,真係蘋果日報wow!!!問朋友,佢話,係,如果要在奧運村睇到蘋果既話,就要全中國都唔Block佢既Website。真係估唔到有朝一日我可以在大陸上到蘋果網,真係奧運帶來的奇績!嘿,不過,要睇就依家好睇啦,奧運一過,我寫包單蘋果又會封鎖。

昨晚呢,我第登坐地鐵由東方明珠去新天地(其實主要係因為放工時間好塞車),奇怪地,無傳聞中既查袋喎,我經既都係大站來,不過丁丁話前兩日佢就見到喎。

新疆既恐怖襲擊,真係令人震驚,兩個狂漢,可以一下子殺死十六個武警,一方面,都反映左我地習慣於平安的生活,少有咁既恐怖吧,所以被殺個措手不及。

其實都唔駛好耐之前,只係十年前呀,你諗都唔會諗到有朝一日中國人會變成恐怖襲擊既目標...但而家時不時都會聽到中國人比人在非洲、中東被擄人勒贖...依個係「中國掘起」的代價嗎?

坦白講,當年當奧委會宣佈2008年係北京時,我係非常開心既,我地既國力,終於都出到可以主辦奧運既程度,中國人呢,唔再係一窮二白了!但係,當我地唔再係無足輕重時,就係會有搶火炬、恐怖襲擊依d咁樣既事,既然鎂光燈照到了中國,除左好事之外,壞事亦都一樣會被吸引過來。

又,中國人始終都係信心不足吧,否則對於火炬時既反對聲音唔會有咁大既反應。一個人有自信時,就會有包容別人不同意見的能力。信心係一點一滴地建立的,下次中國申奧時,應該是上海了吧,到時候,中國人既自信應該會高得多,不會因為有人反對示威而大動肝火。

我呢,雖然覺得上海地鐵既人迫車時如狼似虎勁無禮貌;我亦覺得大部份中國人都需要toilet training,要搞好衛生,唔知醜陋的中國人中有冇提到「可以用鼻子來找」、「有中國特色」既厠所;仲很討厭上海奇醜無比既東方明珠,覺得係將暴發同bad taste熔為一體;但,就算十年文革有幾大破壞,都不能殺死一個傳承了五千年的文化吧,有朝一日,中國可能會有佢自己既「文藝復興」,等依個千年文化,再次影響世界。

10 則留言:

C.M. 提到...

呵呵,香妹,祝你係上海玩得開開心心,工作順利 =p

(大家咁話,我都好有期待。樂觀,係好事。)

Derek 提到...

你拿拿臨番唻香港啦咁。

又,無限小唔係tends to negative infinity呀,應該係tends to zero呀

Derek Greyhound 提到...

師妹,祝工作順利。

中國人懂排隊及管好洗手間,就真的有機會大國掘起。

ah-yun 提到...

我覺得你呢篇好。好。笑。

> 我亦覺得大部份中國人都需要toilet training

哈哈!!


> 但而家時不時都會聽到中國人比人在非洲、中東被擄人勒贖

嗯﹐好似一向都有﹐可能只不過係冇報道囉。

Samsara 提到...

CM哥哥:我呢,係無可救藥既樂觀主義,因為總有希望嘛。

Derek哥哥:你係咪講緊我個anobii呀?我一個失手,delete左本書同我既comment呀555。但係-1唔係細過0咩?我鍾意睇科普書但係有時佢地會跳左d數字演算,搞到我明d唔明d。

大力哥哥:排隊同洗手間,讚成呀,看似小事,但其實係反映一個人點睇自己,有乜野人可以忍受依d臭氣沖天既toilet,可以忍受到處打尖迫來一齊呀?中國人要掘起,第一樣野就係,明白自己deserve better than living like a rat!中國人永遠都只重面子不重裏子,但其實clean toilet比表明既LV東方明珠更重要。

小雲:Toilet我係有切身之痛,我之前真係好認真地諗過辭工,因為我支持唔住上海office個toilet,真係臭到入唔到去,真係忍忍忍,會搞到膀胱炎...都係佢終於搞好衛生我先至可能生存落去,好辛酸嫁其實。

匿名 提到...

Samsara 不如考慮係 toilet 兼個職, 提倡下 howto 改善 toilet. 又或者巴結下, 揾個 disable (if any) toilet 自己私家用.

買枝香水算把啦...

seikomatic 提到...

師妹,

D 尚 hair where 典?

上海仔又有錢又易呃,luli下。

鎂光燈系唔夠既,要陽光,拔陽光都有未日處。

俺都系好怕國內既廁所,亦寫過廁所保養先系體驗企業進步程度。

至於東方明珠系咪咁樣衰...........俺反而覺得外灘要做得 high class d,而家平民大達地,先系橙不忍睹...

PS食住好過香港啦?

http://i14.photobucket.com/albums/a320/seikomatic/shanghai/IMG_0644.jpg

seikomatic 提到...

http://hk.myblog.yahoo.com/seikomatic/article?new=1&mid=1747

Derek 提到...

Samsara:

會take absolute value架。

寫過啦,唔怕啦,我唔小心delete親嘅post之後寫嗰篇通常都好過之前。

Samsara 提到...

大師:係喎,上海妹呢,top priority係老外,港男次之,所以上海仔十分滯銷,所以,個個都係新新好男人,唔介意做家務仲煮得一手好菜!

你d相好靚呀,但係都係夜晚,你試下日光日白睇東方明珠呀,包你嚇親。

Derek哥哥:原來如此,我寫多次啦,得閒幫我睇下仲有冇野寫錯呀唔該。