2008年9月1日 星期一

丫!!!

丫!!!
我依世人都未試過咁重呀!好想打爛個磅呀!

睇埋BMI仲大鑊,係22.4!再行上一步,就係肥胖的深淵。

我有個做物理治療既靚太朋友同我講:「xx磅?我有左既時候先至有咁重!」

吓!兩個人加埋先至咁重?我當然發晒癲打左靚太一身啦,喂,聽講我係做文職,唔係好似佢咁日日都係體力勞動嫁喎!

唉,靚太教過無數咁多個減肥班,學佢話齋,減肥無shortcut,只有平衡:均衡飲食、運動、戒左d壞習慣。

唉,自己的健康自己負責,肥胖=不健康。


P.S.致各位Under-weight既美少女:姐姐係因為BMI就快超標先至話自己肥嫁,你地要計清楚自己個BMI先,千祈唔好郁d就食肉減肥呀!

10 則留言:

ah-yun 提到...

咦﹐又來玩呢個啊。好在我仲未超姐﹗ :p

係啊﹗我今日見到間鋪叫「SAMSARA」啊﹗﹗﹗

匿名 提到...

哇‧‧‧我竟然係 24 呀,好驚呀!

不過我其實唔知自己有幾高既‧‧‧但係都係要食少 D 野先得囉。

〝Samsara〞究竟真係姐姐你既英文名,定係真係如字典入面既解釋呢?因為見你都好似幾信佛教咁喎。

Samsara 提到...

小雲:我係22.4,要22.9先叫超標...0.5就係0.5,你諗奧運差0.5就係金同銀既分別。不過,我係唔會比自己超標既,太多人一失守就兵敗如山倒啦,我唔要做大肥婆呀!

我呢,前個禮拜都去南丫島睇雲...D雲行得好快呀!


獅子哥哥:你已經Overweight啦!快d做運動呀,同埋唔好食咁多肥膩野呀!

原來你唔知嫁,samsara係巴利文,生死輪迴咁解...我仇家太多,依個係筆名...又,巴利文中係無m音既,在巴利文中亦都應該在m上名加一點...samsara既正確讀音係sang-sara。

匿名 提到...

BMI唔係咁準架咋, 睇埋脂肪比例先知係咪過重.

Samsara 提到...

k1...tks!不過,除左大隻佬之外(因為muscle重過脂肪好多),BMI應該都仲準確。

其實又駛乜d咁fancy既脂肪計呀,你度下腰圍都已經知道自己駛唔駛減。

Samsara 提到...

仲有一個「腳趾測試」:企直向下望,如果你見唔到自己既腳趾,就...

匿名 提到...

哈哈哈‧‧‧我之前用網上字典查過,知道 Samsara 係解輪迴,不過係唔知呢個會唔會真係你個名嘛,因為字呢樣野係識唔哂嘛。咁呢個字係〝Sang-沙拿〞定係〝Sang-沙華〞?

我都知自己已經超重架喇,但係有 D 野又好難忍口。有幾樣野我真係忍唔到,例如可樂、啱啱個星期六去左 Outback 同人食生日飯,你知 D 美式餐廳食既野係幾大份量架喇,我仲叫左杯可樂,好似 Re-fill 左三次我都清哂,有個 Friend 仲笑我話你飲咁多可樂又唔見你肥喎,食完飯仲去左酒吧飲啤酒,可能一晚已經食左幾日既熱量落肚。我而家已經轉左飲 Zero 架喇,唔好迫我喇。

小女子 提到...

減肥 ... 減完又肥 ...
我一向唔信 BMI ... 條數太簡單黎 ...

seikomatic 提到...

師妹,

You're what you eat 真系明言至理。

食得飯多似舊飯,食完麵飽變蛋散。

食得豬多變聰明,食得牛多.....

Samsara 提到...

獅子哥哥:係Sa-ng-sa-ra...真係R音。

你飲三杯Outback既可樂再隊啤??嘩,你有冇成晚去toliet?

嗯,我諗要成功一定唔可以有d太難為自己既改變,所以我唔會戒咖啡唔會戒可樂,只會飲少d,咁我明知飯咖啡係會唔舒服同埋訓唔著,未要控制自己囉...見到自己既豬腩肉越來越厚,未要做運動囉!

又又,代糖仲衰過真糖呀,可能可以引致好多病嫁...你不如照飲Classic Coke,但係一定要玻璃瓶既,咁就可以飲少d啦...要玻璃瓶既先好味!

小女子妹妹:我呢,未試過減肥嫁其實,只會講下咁,今次呢,我係來真的!

大師:我在度諗,植物呢,就係靠光合作用來制造carbohydrates...咁我食生菜,咪係食光囉!我要d金黃色既光。