2009年12月30日 星期三

原來我們是這樣走過來的

S知道自己係一個好幸運既人,雖然生性刁蠻燥底自我惡死,但神奇地,仲有一班由中學一齊玩到依家既朋友。

其實,真係唔明,我地點可能做朋友咁耐嫁呢?比如好簡單地大家出來一齊食飯咁,點菜已經係一個超級高難度------

S有幾偏食,係要成篇文先至講得完

偶然會在S個已經無乜人睇既blog現身的麥太,係一點點點點辣都不食的。係一點辣都不能。仲記得當年中學時,好似係S提議去食印度野........麥太連個湯都話有辣味,全程乜都無食過,塊面黑既程度,到依家當時在場既人都記憶猶新.......

豬豬油油就最fuzzy,唔食一條條既魚,但係就食魚柳飽;唔食蝦,但係蛋黃蝦佢又食喎;龍蝦肯食,但係賴尿蝦又死都唔食喎...總之,佢係女人,女人到其他女人都唔明。

粉紅怪呢,就最就得人,除左因為愛護海洋生態而唔食魚翅之外,樣樣都食。


不過,請看上面張不食清單,依四個人坐埋一齊,仲有d乜野菜可以點呢呀吓?如果再來多幾個同學仔,就.......都唔明,點解次次我地都可以食幾個round???


******
咁多年來,其實我地除左無可抵賴地老左之外,都真係成熟左的。

記得以前讀書時約出街,如果因為要陪屋企人而唔出得來,係會唔好意思講的;S當年會覺得好瘀,陪屋企人好似好老土。

出到來做野就唔同囉,如果因為其他原因而唔出來聚會呢,可能有人會投訴,但係如果係因為要陪屋企人,咁就一定無問題,無人會有任何怨言。

去旅行時,如果同學係想買野比自己,咁大家都係反應普通,有就有無就無啦。但係如果係想買手信比世伯伯母,咁就大件事囉,全部團員都會十分上心,周圍睇周圍揾,一定要買到先至擺休!

以前講得最多既係工作同是非,依家就最關心健康同屋企人。

******

我地都慢慢學識,慢慢明白,乜野先至係真正重要的吧!

明天又係我地一年一度,地獄式馬拉松大食會的時候啦。經過有同學仔病倒又好返之後,S是很珍惜很珍惜很珍惜的。

所以,就算依個禮拜S咳到聲線(難得地)柔弱,都一定會出席,而且會毫無愧色地幫個盤菜加料!!!



祝各位身體健康,新年愉快!

12 則留言:

Morca 提到...

加料???!!!

Karen 提到...

姐姐,

新年愉快呀!

又, 原來您都報唔到馬拉松, 可惜呀(唔知係咪同我有關, 因為事先張揚話今年要返學考試, 所以唔報)!

2011年馬拉松才報啦!

AK 提到...

祝新年快樂!

多保重:)

Ebenezer 提到...

Happy new year:)

Carole 提到...

sa妹

新年快樂!

南區肥龍 提到...

祝新年快樂呀!!

C.M. 提到...

Sam 妹,上次一飛,不知何年再會。

祝你新年快樂呀!

匿名 提到...

真係......叫人難堪呀!SAM.....
完來你咁掛住我地。唔通呢D叫,每逢佳節倍思"恩"/"怨"?!

不過,如果下次你再

1/. 提醒人(包括我在內)有幾成"熟"。(等人食呀?人食人好殘忍啫!)

2/. 指明道姓(暗名都計)提別人個性(是非者也)。(正所謂:人怕出名豬怕肥,到時妹仔大過主人婆就唔好啦。:> 我好怕俾人起底"架")

3/. 不停說自己的壞處。(你有冇聽過,近朱者赤,近墨者黑。你正抺黑"緊"你身邊的人。小心俾人淋你油,哦...點解我隻手咁多油...)

....... (太長了無力寫啦!)

好唔覺意咁去做咗以上的事,咁你就要心甘情願。咁做我地個"老細"去大食大喝(香港係美食天堂嘛:>)。

只想吃與睡的
麥太

匿名 提到...

還幸已認清生命中各樣事情的優先次序...要珍惜眼前人啊!

粉紅怪

MAC Cosmetics 提到...

Thank you for sharing. Glad to see you.It is really a good post.

gucci outlet 提到...

I really like what you have posted here, it is a very well written and great article that gets right to the point. You could use a little reworking of the blog layout though, but the design is overall very nice. Great job, Thanks!

Tiffany Jewelry 提到...

Thanks a lot for enjoying this beauty article with me. I am apreciating it very much! Looking forward to another great article. Good luck to the author! all the best!