2007年6月4日 星期一

SUN

唔好意思各位,由於我confirm左近排個天真係玩緊我,所以我d正能量真係用晒,而且我仲要sun.

好鬼負能量嫁吓,跟住d野,如果心情唔好,真係咪睇,費事比我傳染.


事情係由一個人辭工開始,新人請唔到,我老闆又死都唔肯借人比我,又係爆血大旺季,咁,就開始連鎖反應...

於是,我一星期之內收左七封辭職信,仲有人係即走既.

同時,有兩個大肚婆前後腳去生仔.

再加上有個同事入左醫院做手術,本來話一星期可以返,但係情況比較嚴重,要兩個星期.

今朝,佢確認生cancer,要十月先返.

之前既所以backup plan全部都用唔到啦.

而我,亦頂唔順辭左工.

有趣既係,我老闆之前死都唔借人比我,到我辭工,就借到人來...但係已經太遲,都係唔夠cover.

最慘既係我有焦慮症既同事,要幫手pick up我d野.我真係好唔好意思,但係我既身體先係最要緊.我已經做到雙手不停出汗,兼心跳想嘔,再做落去我真係驚連我都焦慮症埋一份.我同個同事一講,佢就鬧鬼我,話我都走兼會去旅行,係無可能有焦慮症既.

咁又係.

我個replacement聽日會出現來傾吓個情況,我會出盡法寶令佢肯來既.



希望我患癌既果位同事,要樂觀積極面對,祝佢快d好返!

寫到依度,我又忽然明白,其實個天都仲係對我好好.

起碼我平平安安,身體健康,咪已經係好大既福氣囉.

一d小挫折姐,無乜大不了.

而且,咪趁機放暑假囉,好好休息同整理一下自己.

嗱,各位唔駛擔心,我無野,而且會好好地鍚自己,你地肯聽我sun吓,我已經好開心嫁啦!

27 則留言:

ak 提到...

Samsara姐姐,

依d戰線大崩潰既局勢,有時係天意黎既...去到依d位,可以守就守,唔可以守,就只有走...

走左出去,可能又有一片新天地...留得青山在,那怕無柴燒...

姐姐唔好辛苦自己啦...祝一切順利!

seikomatic 提到...

師妹,

阿彌陀佛,算是緣盡,辭工也好,堅持也好,無人會珍惜你既健康,承受你身體將來的問題,除左你自已。

俺上次一生金錢最大的上落,到頭來都系用呢個意念:【唔可以因為錢(工作)而得個病!根本唔值得!】

由是更加體驗無常無我。

唔駛系希望事情好轉,希望有人幫你,只要自已心結釋懷,所有事情的角度感受都唔同晒。

【船到橋頭真系自然直!】

得病果位同事,如果有宗教信仰,可以叫佢努力加持,無的話,而家都o岩時候。

SUN=呻

http://kaxiu3.wuhan.net.cn/modules/1048555579/sunny.gif

Yun 提到...

我常日覺得﹐工作唧﹐唔晒搵條命去搏既。同埋﹐最緊要係要做得開心囉。

祝你有個愉快既暑假﹗^^

數怪 提到...

我以前個team都係咁,先天下之憂而憂,其他team有事我地都要幫佢地睇埋/諗埋點拆,成日廿四小時standby,搞到脾氣好差,又成日同老細鬥氣.

最近兩三年轉左team先好左咋!

怒火眼睛 提到...

正能量用晒呢家野, 好明白, 近半年我都係咁情況. 唉.

好好休息一陣, 叉足電再上場啦.

等你番黎過能量俾大家呀.

Karen (Sze) 提到...

Samsara:

我不是敎徒, 但時時記住呢句話:

休息, 是為了走更長的路。

上天其實對您(或者各位)很好, 可以每朝起身都可以張開眼睛。

人生無常, 所以會珍惜一切一切。

您所遇到"收左七封辭職信"的事, 我都試過, 最後呢......老闆咪叫大老闆出多少少才搞掂!

現在的您, take a break啦!

七十樓危危下望 提到...

支持師姐

同埋
唔好俾棄船既內疚感過份擴張呀

一了百了辭左先算
係破釜沈舟
我舊年暑假都係咁
所以我明白師姐的心情呀

師姐師姐師姐師姐師姐師姐師姐師姐師姐師姐師姐師姐師姐師姐師姐師姐師姐師姐師姐師姐

tungpo 提到...

保重呀,妹妹!

Gideon 提到...

喂,咁啱呀
我又係....

Samsara 提到...

AK哥哥:我都唔知係咪天意,不過真係過哂位,咁我就只有退.剛剛又收左封辭職信,依家有人入來揾我,我都會睇下佢手中有冇渣著信封.真係受左d刺激.

大師:做乜你咁有智慧嫁呢?我都好明白份工發生既事只係一個現象,真正既問題係我既態度,我點睇依件事.

心一轉,環境就轉,我之前都試過,希望今次既試煉我可以更上一層樓.我都知無人可以幫到我,只有我自己先可以改變依個心境.

位同事,好似係基督徒,希望佢既信仰可以幫到佢.

小雲:
命只有一條,我會小心平衡自己.

數怪哥哥:
我都只係sun下,都知每個人都有d好甘既情況既,只係依一下我真係頂唔住囉.

火火:
我同自己講,見到最低點就會反彈嫁啦,我今鑊之後,相信正能量會仲加強添.

Karen妹妹:
我都覺我其實好幸福嫁啦.我果d妹妺,真係錢都留唔到,有人揾到工,有人burnt out要休息.我都睇得有d心痛,打份工姐,唔駛搞成咁既.

七十:
棄船既感覺真係好差,我都會諗,如果我再硬淨d,再tough d,再有能力承受更大壓力,咁係咪就會捱得過?

通寶哥哥:
多謝你呀,我會小心身體嫁啦.

Gideon:
你都決定左?岩呀,身體要緊,如果唔係,你點可以照顧到心愛既人?

又,咁你咪可以做gym練大隻囉.不如遲d post d腹肌相出來比大家睇呀.

C.M. 提到...

香水妹妹:

(稍事遲來,請諒。)

船可棄,心不可棄。

而且,做船長既你,已經係最後一個棄船,你已經盡左最大努力。至於無棄船既,都係自己既選擇,而且上天亦必會因為你而眷顧佢地,放心。

你既決定絕對正確。好好休息。願你的同事早日康復。

Gideon 提到...

何止,我仲會日日去曬太陽,陽光與海灘,藍天與白雲,美女與野獸﹗

Samsara 提到...

天呀,CM哥哥,我又收一封呀,今日已經兩封啦.我都覺得我既決定係岩呀,咁既情形之下,我老闆都係唔肯再比人我呀,而家真係推骨牌咁呀.

Gidoen,休息下先再工作,我好期望我果trip呀.

C.M. 提到...

香水妹妹:

小弟突然有個不可取的念頭:若果你呢幾日返工,時時刻刻都係度 blogging,小弟會覺得幾安慰...

(當然,你班好同事都希望你能夠幫佢地交接...)

某程度上說,如果要“推動改進”,推波助瀾(or 雪上加霜/火上加油)可以係其中一種辦法。

洛克 提到...

samsara 妹妹,

人生本是無常, 有好多事只有用平常心待之.

辭工都可能係好事, 支持你呀.

一間公司同一時間有咁多人走, 必有因由, 這是"業"黎.

有咩老闆就有咩公司....

麥太 提到...

Sam:

Good Luck!

匿名 提到...

悠長假期玩得開心d!

王老五

火鶴 提到...

sara sara,
放大假, 不如一齊去玩丫.

on dog 提到...

Sam姐:

妳可以CHOOSE走, 經已係最大既褔氣! 上天對妳已不錯!

小9有同樣經驗, 故好明白"可以CHOOSE走"既幸福!

Wishes you all the best, and enjoy the Sun...shine!

學霖山莊 提到...
作者已經移除這則留言。
學霖山莊 提到...

Samsara,

暑熱天加上令人氣結的事情, 每每令我火上加火...
也有一絲去意萌生...
當然, 妳情況不同, 也經深思熟慮...

昨天要戶外工作...
透過"生滋", 只看到頭一句... 便hang咗機
來遲了...

當時烈日當空, 我看到這幅景像...
耳聽夏蟲之呼喚...

祝妳 萬事順遂 + 旅途愉快...

米都話唔搞咯 提到...

"棄船既感覺真係好差,我都會諗,如果我再硬淨d,再tough d,再有能力承受更大壓力,咁係咪就會捱得過?"

我都試過棄船,轉個頭人工高左人又開心左...至於留低口既同事,都咁大個人,自己識執生架啦!而且可能會益左佢地加人工呢!

Samsara 提到...

CM哥哥:我無諗過可以改革到依度lu,可以做既已經做晒.

洛克老闆:估唔到你會用"業"依個term來形容喎,平常心,係呀,我只係當緣盡啦.

麥太:Thanks!

王老五:我會呀,好謝.

火大俠:好呀,一齊去玩呀,但係你幾時走先?

On Dog哥哥:你講得真係岩,我好好彩,有"走"依個選擇.無錯,我用sun而唔用呻,就係呻得來都要sun...ny.

學霖哥哥:啊,可以靜落來諗清楚d先決定呀,又,大自然真係美好.

米搞:多謝鼓勵,明天會更好!

C.M. 提到...

Elaboration on 推波助瀾(or 雪上加霜/火上加油)...

全體跳船、放pair 雙手、話之你死... 等等。雖然都幾唔負責任,但係,能夠比公司一個好大既教訓(仲係一個將來比較容易被吸取既教訓)

Samsara 提到...

CM哥哥:

其實上年我一join依間公司時,已經有一個逃亡潮,有成絛team既人全部走哂,費盡我九牛二虎之力先至擺平.但係依間公司依然固我,應該改既野一樣都無做,仲不停cut我headcount,搞到依家不可收拾...

情定大飯店 提到...

我都經歷過幾次好似你咁嘅case....每一次我都唔忍心走....所以攪到自己身體比較差....

依家, 唔同喇....
如果再有咁嘅case, 我一定會走....

好彩, 終於搵到一份好嘅工....

你要加油呀 !!!!

Samsara 提到...

情定姐姐:多謝鼓勵,我會向前望.