2008年2月18日 星期一

墨爾本

本來墨爾本一直落雨,但係我一到就天清氣爽,可見我突破宿命,唔再係雨女,各位,麻煩稱我為晴女。










嬌嫩綠色樹葉+蔚藍天空...好漂亮既顏色,有冇人會攞來印花布?...可惜都係影唔出果個顏色。




墨爾本既火車站,正門有一大排顯示各國時間既鍾,佢地約人,都係話See ya at "The Clock".




依個唔係樹熊,而係袋熊,一樣日日訓足廿個鍾。



係啦,係個係樹熊。





依隻小袋鼠好得意,餵佢時佢會捉住你隻手,咁可愛,唔駛問我結果成盒比晒佢啦。




白色袋鼠。



好啦,我地講返成個墨爾本最精采既Philip Island啦,佢住左幾千隻企鵝,晚晚企鵝出完海返來都會一齊返來。澳洲既企鵝係最細既一隻品種,成年企鵝都只有33cm高,得1kg重,又稱Fairy Penguin。

依個係佢地個巢,入面有隻無出海揾食既企鵝,我只有傻瓜機,zoom到盡,麻煩運用自己既想像力搭救。




Philip Island要成九點先天黑晒,我地坐在觀影台,離遠見到幾集企鵝小心翼翼地登岸,佢地慢慢走過來,confirm無事,跟住就有成幾百隻企鵝上岸,佢地仲要一上岸就開始跑...仲要跑得好快。在巢入面等到好肚餓既小企鵝呢,就開始吱吱叫,仲會走出來;仲見到有兩集小企鵝爭住食先,勁得意呀!

不過企鵝視力好敏銳,為左保護佢地,全部人唔準影相。

6 則留言:

seikomatic 提到...

突破宿命.........

o希,你去左南半球嘛!

Barry 提到...

青天白雲!

Karen (Sze) 提到...

在晴朗的一天出發(去墨爾本)!

亦聽聞企鵝怕人喎, 所以唔俾影相!

Bacakara 提到...

D 相好正

匿名 提到...

姐姐,
果隻肥嘟嘟既袋熊, 我好想咬佢一啖啊 !!
好好享受呢個假期啊 !

hitcake

Samsara 提到...

係呀,藍天白雲,夜晚仲見到好多星星。唔係假期來嫁,係出trip時迫出一日去玩...都幾好玩。d企鵝唔怕人,佢地係我地面前惦得惦過,可能保護得好啦,佢地應該無吃過人類既苦頭。我n年前跟團去澳洲玩,遇上特大颱風,去唔到大堡礁,個颱風仲要大到吹倒大堡礁既浮台,之後成日月既遊客都出唔到海...所以今次真係有突破宿命既感覺。