2008年2月20日 星期三

雜談

嗯,第樣就話唔識寫姐,拉拉雜雜我平時都已經係咁。


************************************************************


生肖書話我鼠年驛馬星動...錯!係驛馬星暴動就真。


我由落雪既上海返到得十度八度既香港,再去到廿幾三十度既墨爾本,再返來跑埋十公里,終於病倒了。唉,最怕係出trip之前病,好有叫天不應叫地不聞既感覺。今晚仲要係團拜,難得咁齊人,好掙扎去唔去好,點解次次我都係d咁既時間病?


************************************************************

CM哥哥指返一篇上年既文,叫做包拗頸的春天。依篇文即時勾起我上年依段時候既回憶喎。已經連續幾年,我都係在春天病一鑊甘既兼且工作遇上完全不能抗拒既逆境...一次半次就話巧合姐,但係,等我諗吓...已經連續三年啦,出現Pattern。


咁我都忍唔住會諗何解年年冬天都係好地地,但係一到春天就會忽然之間四分五裂呢?而且,如果我一直都驚會出事,咁我既期望就會變為事實。今次我又可唔可以突破宿命呢又?


實情我唔多信命既,我覺得人生好似行山咁,你既起點同面前既路線係一早就定好,係,依樣係無得揀;但係,條條路都會有一d分义,選擇行邊一條路,係自己有意識加無意識既決定。仲有一d少數既勇者,可以堅韌地行前人未行之路,開山劈石,走出自己既路。


有人話,人一過三十歲,就要對自己個樣負責,我諗,唔止個樣囉。


無人係受害者,就算天生有什麼不公,小時候有什麼童年陰影,工作上有什麼不幸,愛情上點樣比人欺騙,友情上點樣比人出賣,都應該自己一步步走出來。

我知,講就易,但係抱怨逃避就更加唔係解決辦法。


************************************************************

港女丁丁,已經派駐在上海足足一年,適應良好。佢話,佢成年之中既Best Buy係~~~電氈。


當丁丁做到十點幾返屋企,第一樣野就係開暖氣,跟住就係開電氈;;天寒地湅之際,入去暖笠笠既被竇...丁丁話:「好幸福!」...仲有句更勁既係:「好過男人...」


加上丁丁有四個學位、係網球嬌娃、竟然真係可以一個禮拜睇一本書...仲有一個更加fatal既係佢個廚房係裝飾,成年都未用過,佢飲蒸餾水,連水都唔煲...

好明顯,丁丁比雷劈中既機會大過佢嫁得出。


************************************************************


記唔記得李榮峰?無錯,就係果個恐嚇自己前女友,仲將女友裸照及兩人交歡片段上載互聯網既毒男,個超低能勁白痴既法官黃崇厚唔知要邊隻天眼見到李榮峰有悔意,竟然唔駛佢坐監!!!

依單野已經係上年九月既事,黃仁龍忽然諗起原來佢d靚之前判錯案,應該要李榮峰坐監,咁就當然係因為淫照事件完全挑戰警權,而且立下歪風,男人如黃仁龍都開始覺得唔妥,要加判返李榮峰

李榮峰要坐監係一定無冤枉佢。

又,所謂既奇拿以為自己伸張正義,揭穿偽人真面目?收皮啦你(地)!

你(地)只係膽小如鼠既賊仔,偷左野之後周圍派賊贓。黃Sir雖然豬,但係難保佢傻人有傻福,有朝一日捉到你班鼠輩。BTW,你地d甜相我一張都無睇,鍾意甜野係個人喜好我無意見,不過睇不法途徑攞到係相對我來講等同接賊贓,所以拒絕。不過全香港既人都已經覺得好悶啦,我都係見無人再寫先會提下你(地)。

睇你地唔起!

************************************************************

明報報導

男子發布前女友裸照律政司申請加刑判囚 2008年2月19日

【明報專訊】去年情人節發布前女友裸照及性交影片的29歲男子,原本被李榮峰社會服務令240小時,在服務令幾近完成之際,律政司昨日申請加刑,指男子為求報復,在網上發布照片及公開事主身分,發布一次足以在社會引起難以估計的迴響,要求法庭重判男子即時入獄,以阻嚇同類案件。

社會服務令已完成七成 控方代表陳辭時表示,被告李榮峰(29歲)主動發布女方裸照及二人性交片段,再在討論區內列明女方中英文姓名、工作地區,甚至每星期往某大廈看醫生等個人資料。控方又引述被告在討論區對話紀錄,指網友曾勸阻但不果,被告反稱「她先對我不忠,我自然對她不義」,又自稱是「有仇必報的傻人」,犯案明顯是清晰的報復行動,情節嚴重,理應加刑。
官指挑戰社會道德 應上調量刑 控方又援引3個發布淫褻物品罪行的案例,指向公眾展示明目張膽的性愛行為,是挑戰社會的道德規範,量刑起點應為入獄9至12個月,上訴庭案例更闡明,利用互聯網或雜誌發布淫照以擴大目標受眾,量刑更應上調。

同類案件亦多番指出,互聯網的受眾極廣大,包括小童及心智不穩定的人,影響超越國界,必須受到阻嚇。

辯方大律師則反駁,控方列舉案例涉及的淫褻程度與本案不同,被告亦於去年9月判決後完成近七成、即160小時義工服務,事件始於被告「因愛成恨」的激動作為,若判處監禁對被告不公。裁判官黃崇厚最終表示,需索閱被告社會服務報告以考慮判刑,押後至下月3日宣判。

任職金舖售貨員的被告,去年9月在荃灣裁判法院承認刑事恐嚇、發布不雅物品及發布淫褻物品等3項罪名,案情指他於去年2月14日要求與前度女友復合不果,當晚及隨後兩天分別將對方6張裸照及8段二人性交片段,上載至兩個網站,再被轉載至第3個網站。
【案件編號﹕TWCC1410/07】

************************************************************

寫blog首要條件係自己寫得開心,如果變左責任負擔就唔好玩lu,始終身體要緊,老編既工作真係唔係人人做到。

我都係提早收爐,乖乖地休息,希望快快好反。

祝各位聽日元宵節猜多d燈謎,食多d湯丸!遲d見。

20 則留言:

C.M. 提到...

嘩!又傳染左比你!

*****

你行程咁緊湊,真係要保重。(On兄都驛馬星動,佢有計乎?)

*****

據小弟市井消息所得,查實好多人都出現呢個pattern。有人因為攞左雙糧bonus,有人因為holiday mood未完,我就因為做左蟹民,你呢?

>>但係抱怨逃避就更加唔係解決辦法

多謝提點兼鼓勵。

*****

>>「好過男人...」?

唔信!頂多好過一個(好似電氈一樣)任你擺佈既男人!點都唔信!

*****

若這個奇拿可以伸張“正義”,我就與這個“正義”為敵。

至於阿李生,我覺得佢係後悔既話,應該自己要求加刑囉。(以法律角度睇,係“刑事”恐嚇,刑事播。)

*****

祝你新年開開心心,驛馬星變紅鸞星!

dog o 提到...

以為好返, 誰知跑完之後, 又黎過感冒, 昨晚又係開年飯, 講野講到冇聲再隊紅酒... 醒哂!

Sam姐要小心身體啊! 上海仲係好凍呀!

CM兄: 驛馬星動! 隨遇而安! (蟹左都一樣APPLY, 心靜自然涼!)(唔好頂住~~~)

******
>>「好過男人...」?

信!男人隻腳點夠電氈可以咁熱,仲可以熱足一晚?

******
甜相? 冇野好講! 叫我老板唔好成日追問我"甜野"既事情!

C.M. 提到...

甜相?

鎖你。咩黎架?

余若虛 提到...

D官神神地,一個亂判人坐,一個亂判人唔使坐,應該佢地唔係好識上網係咩野。定係呀黃官好天真好傻,咁就信左個毒男?

好同意最後一句,寫BLOG係求自己開心,毋須向邊個負責既。除非你變成受人二分四既專欄作家,咁就係你最霉最頹既日子都請嘔文四百字出黎。

CM: 幼稚園問題:甜既相反係咩呢?

C.M. 提到...

若虛兄:

哦?明白明白。(今次真係豬腦)

米都話唔搞咯 提到...

咦,呢位丁丁,我好有興趣喎~

不過聽講我結左婚:p

火鶴 提到...

sara,

快D好番食湯丸啦.

師兄結咗婚, 不如等我嚟..

查實, 呀丁丁有無錢嘅啫..

Samsara 提到...

CM哥哥:我都仲係有d唔妥,今日做到傻,昨晚團拜全部齊人,除左我,嗚...我呢,係被咀咒,自己咀咒自己,所以要自己解結...On Dog哥哥講得岩呀,除左暖之外,仲有一個好緊要既reliable,男人呢,你想自己一個靜下時就不停出現,你真係要揾佢時又唔知死左去邊...偽人依單野呢,有悲劇feel lu,我公司d妹妹仲話,佢地邊個都唔信,依家只會信狗仔隊;如果李榮峰真係主動要求加刑,咁我就真係會刮目相看啦,承認自己既錯,非常唔容易...老女人lu,算把啦...

你原來真係唔明嫁!我仲以為你係度講緊d唔好笑既爛gag添,你都好純品丫!

On Dog哥哥:你都要小心身體呀,咁側側肩飲少兩杯得唔得呀?我呢,對你個老闆印象勁差,快d炒鬼佢啦!...如果唔係買左電氈,我應該晨早就病左,係,捐入暖立立既被竇,真係幸福到鼻水都流埋。

余哥哥:係啦,寫blog咁耐,真係有起有落,仲要發覺在無壓力之下寫野係最開心既,如果寫得唔開心,真係寧願休息一下,有心機至再返來囉,bloggin好自由既。

米搞哥哥:哈哈,先決條件係識煮飯,你識唔識嫁?小心米太見到呀你!

大俠:丁丁緊係有米過我啦,佢仲好鍾意食牛添,佢就快去米國喎,駛唔駛我介紹你地識呢?見係你咋,你都知我幾咁在乎你嫁嘛。唉,丁丁偏偏在我去上海時出國,今次真係天亡我也!

C.M. 提到...

唉查實我當時真係唔明,咁啱大腦栓塞。或者之前d同事同講咩「閃卡」,又同我「朋友」前「朋友」後,完全唔知講乜,仲以為潮流興。(點知真係潮流興)。都係隔左一段時間先至知道,或者咁所以以為甜相又另有所指卦。

Samsara 提到...

CM哥哥:你好好笑呀你,我本來仲諗住死頂今晚去上法句經添,結果法師病左,香港真係太涷啦...都係返屋企,阿媽整左豆沙湯丸,世上都是媽媽好!

C.M. 提到...

既然天讓你休息,就放自己一天假好了。

dog o 提到...

Sam姐:
>世上都是媽媽好!
Sure! Of course!

>側側肩飲少兩杯得唔得呀?
基本上新年後已經冇飲酒,為左跑步ma!
可能下次飲酒, 係在上海約妳飲吧!

>我呢,對你個老闆印象勁差,快d炒鬼佢啦!
切碎行動 - 進行中...

CM兄:
大佬最近可好?

C.M. 提到...

On兄:

小弟如今只剩半條人命。惡魔再次出現。

Samsara 提到...

On Dog哥哥:乖乖地唔好飲太多啦;來到就揾我啦;切碎個豬八戎?好喎。

CM哥哥:雪糕優惠上海有冇嫁?惡魔係咪心魔呀?都話春天好邪嫁啦!

dog o 提到...

Sam姐:
切碎個豬八戎?
嘩!冇咁大仇口! 切碎=撤退, 係好耐都冇UPDATE佢個BLOG個位大佬教我用既暗語.

CM大佬:
惡魔?
>Devil?
>>Devil's?
>>>Devil's Advocate?
>>>>Vanity?
>>>>>Sin?
>>>>>>Vanity is my favour sin?

Oh No~~~~~!

C.M. 提到...

唉,兩位,多謝。希望捱得過今晚。

學 霖 山 莊 提到...

Samsam,

早日康復!

:)

野蠻郡主 提到...

小心身體+罵得好!

Karen (Sze) 提到...

"除左暖之外,仲有一個好緊要既reliable,男人呢,你想自己一個靜下時就不停出現,你真係要揾佢時又唔知死左去邊": 呢番話, 太有共鳴呀! 嗚嗚~~!

"人一過三十歲,就要對自己個樣負責", 唔係, 一到二十五歲就要。

小心身子, 飲多點暖水, 休息多點。

匿名 提到...

Sam,

同意(sze):
I/. "除咗暖之外,仲有一個好緊要既reliable,男人呢,你想自己一個靜下時就不停出現,你真係要揾佢時又唔知死左去邊"
[...不過,其實又有幾多人(不論男/女)可以做到,除非,你自己(若要人似我除非倆個我!)。唔好咁執著,包容(唔係緃容)吓啦!]

II/. "人一過三十歲,就要對自己個樣負責", 唔係, 一到二十五歲就要。[可唔可以引申到寫BLOG的責任呢?]

P.S. 到了上海後,給我一個電郵好嗎?唔好同我講你連E-MAIL都去唔到!

噶噶的
麥太