2008年7月13日 星期日

Hancock, etc

依部戲唔知搞乜鬼,上半截明明好地地講緊燥狂症既街頭超人點樣改過自新,下半截突然變成一個拖拉左幾千年既愛情故事...真係似肥皂劇第一集咁,兩條線一齊開,即係佢想好似超人咁,永永遠遠拍落去。

姐咁,如果兩個人在埋一齊係會攬住一齊死既話,男女超人真係寧願分開好過。

有一本暢銷書叫做【別為小事抓狂】,一睇個書名已經連攞起來翻一翻既興致都無,依個書名真係荒謬,生活中既小事先係最折磨人!

其實要Hancock救火救人又有幾難為佢呢吓?

又,Will Smith個樣衰鬚根look,型過佢個緊身橡膠衫look囉。

****

星期五,當全世界講緊iPhone既時,S靜靜地走去攞佢部Nokia N82。

N82姐,已經係上年既出品,但係對S來講,已經係一個緩慢而痛苦既過程。據說,S係一個連WiFi都唔識串既Low Tech怪。S用開果部Nokia不知名型號既手機,係無得影相、無得聽歌、無得聽收音機、無得上網、無萬用刀既「齋機」,一下子變成個3G電話,個革命程度,有如大耀進。

本來,S對於用慣左既野,係死都唔轉既,但偏偏Nokia既電話雖然㩒跌㩒撞㩒花,但係佢舊電只係可以用到一年起兩年止,S打破記錄,用左兩年半,結果已經半死不活,兩日就用晒電,接收又差,唔換唔得。

S一去電話鋪呢,又如常有入錯男廁既感覺...Nokia在銅鑼灣既新旗艦店,係裝修成好一個令人不安既Cyber look,在死白既牆上透出藍光,在外面一望,S好明顯地感覺到自己唔屬於依個電車異空間。而店內面泛藍光又熱情如火既電車呢,捉住S就開始嘰嘰瓜瓜地「@%&*#X#@#」,唔會理你眉頭越皺越埋;仲要十分Thick地,完全無視S越來越黑既面色,問S既問題一個深過一個。喂,S不過係想買個可以影相既手機咁大把姐,駛唔駛玩百萬富翁先?

於是,S係好受打擊地剪羽而還。

唉。

之後,唯有改變策略,問電車M買乜手機好。電車M第樣唔知姐,依樣極度流利,第一句就係:「唔好買iPhone,一定有bug」....今日睇報紙,蝦,又懝似比佢講中。

就係咁,S為免再入男廁,於是打電話去用開既service provider「數字公司」,訂左部N82,由本來講既一個禮拜就有貨,結果等左三個禮拜,在iPhone全球發行果日先攞到機囉。

今時今日,在依個電車的世界,要保持人身真係唔容易。

19 則留言:

dog o 提到...

>>兩日就用晒電,接收又差...

Beware! 新型號既nokia, 舊電會更差, 係捱唔到兩日添! 重會成日hang機, 同自動reboot... (下刪一百字...)

Samsara 提到...

吓!!!!!!!!!!!!!!!!

我要打電車M一身!

Derek 提到...

世上係冇「冇bug」嘅program架...

Samsara 提到...

Derek哥哥:依個答案真係一個超經典既電車回覆呀吓,我已經聽左無數咁多次啦!

C.M. 提到...

我依家仲拖拖拉拉,仲未大躍進,捱多陣先。(3G?咩黎架?)

Samsara 提到...

CM哥哥:間數字公司仲要好低能地,要就住我個payment cycle來開3G plan,既係呢,我個3G plan依家仲未開...依個究竟係乜來...等我遲d(比佢)舞一陣之後再用廣東話講你知吓。

獅子皇 提到...

又返返去學生時代先‧‧‧

呢個世界係有 Bug Free program 既,而家大家口中所謂既 Bug,其實係叫 Features,哈哈哈‧‧‧

3G 電話?Um‧‧‧我諗到 4G 上畫佢都好難大行其道。換電話?Um‧‧‧如果唔係部電話既機能有問題,我暫時都唔打算換,就算舊電只係用兩日,最多咪返工放低叉電囉,連電都用埋公司既。

Morca 提到...

Hancock...
咁可以慳番(近排睇得太多爛片)!

又...
我依個 nokia 死硬派(仲喺2G年代),
都恭喜你買咗架 "勁" 機...

s-pig 提到...

Yeah!! Nokia萬歲!

我個電話都只不過係有個低清影相function咋,聽歌、聽收音機、上網...樣樣都冇

咁多樣野合晒一,我覺得都係會好快用晒d電呀

Samsara 提到...

獅子哥哥:閉在部機連接收都有問題,我在屋企打1083都可以斷線呢...依個大躍進真係有d難度,我完全有跳唔過跌左落水tum既感覺。

Morca姐姐:同好!我都睇左一連串既爛戲...同好!我係Nokia死硬派。

小豬妹妹:好耐無見呢,都係你講起我先check,原來我部電話係有收音機既,不過唔知要download d乜野,我個3G plan又未開...十分木宰羊。

匿名 提到...

Hancock 好sad - Make me cry!
連super hero 也非常孤獨,寂寞的.
這世界實在太難找朋友了。
Holly

Samsara 提到...

Hey Cow.... I cannot help but have to tell you this..... GOOD JOB!!!

匿名 提到...

What do you mean GOOD JOB?
You mean Will Smith did a good job?
Holly Cow feel lonely is a good job?
Or super hero need to find a good job?
Holly

Samsara 提到...

哈哈,Good Job係一個朋友既爛gag,入面Will Smith著住緊身衫出場時未thumb up幾幾廿百次講Good Job既,個人認為係全部戲最肉麻既位。

超人就緊係寂寞啦,無同類喎,無人可以真正了解你,你又無辦法講到自己既感受比人聽,就好似一個人被困...姐超人的寂寞又有咁多凡人有共鳴,未因為就算我地有好/太多同類,但係都係同人溝通甚艱難囉,唉。

匿名 提到...

神牛活在天堂,用天堂的道理及人間以外的思維,不是一般凡人或煩人懂得套用!
所以好感受到超人的寂寞,所以喊囉!
Holly Cow

匿名 提到...

Yapp, now I remember. When he said Good Job, is pretty ugly.
One of the worse among Will Smith's movies.
Cow

Samsara 提到...

牛牛:Hancock部戲分開做兩截,我鍾頭一部份講Hancock由爛達達到企反起身,但係呢,由Hancock無端端勾義嫂,義嫂仲要係一個可以呼風喚雨既女超人...就真係唔知佢想點啦...嗯,一個人既時候,可以係寂寞,都可以係自在既,無人理解你,咪自己了解吓自己囉,其實呢,我覺得了解人地係容易過了解自己,因為關己則亂,自己睇唔到自己眼中既塵垢。

匿名 提到...

對呀!了解人地係容易過了解自己。我就是如此。讀別人文章,進入了別人內心世界,但誰能明白我。。
其實Hancock唔算勾義嫂,是他千世姻緣,一定有feel嘛!

Holly Cow

Samsara 提到...

牛牛呀,同自己相處先係最難呢。Hancock嘛,唉,我依排睇親都係爛片,真係無心機。