2008年12月20日 星期六

爆樽

本來呢,我開blog時比自己既規定就係,依度只講正面既野,負面野大家睇報紙就得。

但係,周小姐同佢所衍生既一連串言論,令我超級火爆,不吐不快,而且覺得我如果見到d咁既野都唔出聲,形同幫凶。


周小姐如果真係覺得感情係佢地兩個人自己既事,咁就唔好分手又要出聲名,結婚又要出聲名啦。你出得聲名就預左比人知,比人睇,比人講----周小姐依種犯賤既行為,真係影衰晒全體港女。

作為港女一份子,我對周小姐其實仲「興」過倪震。倪震不過係一個好普通既LOSER,四十幾歲人一事無成,勉強識寫字有d小聰明就自封才子,依d人其實周街都係,如果佢唔係有個出名既老爸同女友,應該晨早被人完全遺忘。但係,周小姐依種唾面自乾,任飛任聚既自甘作賤行為,實在令一眾同樣身為女人既觀眾一d同情心都吱唔出,仲令一眾賤男大叫什麼人地就係鍾意大滾友,關卿底事?!

嘿,再無恥一d既男人中要沾沾自喜地講,寧被人知,莫給人見,出來滾時低調d未無事囉!個潛台詞係:「我就滾得有技巧啦,嫖左咁多年我老婆都唔知!」

如此下流,實在無野好講。


====

依期有個超級不知所謂既新名詞:「性工作者」。

我還算好彩,第一次接觸依個term係睇報紙,白紙黑字前文後理,都仲明白佢係指一樓一鳯。我阿媽就無咁好彩,第一次聽依個咁既名係睇電視新聞,聽到佢一舊雲,仲差d以為唔知係社工定心理醫生被嫖客所殺。

依個名實在很趣緻,如果一樓一係「性工作者」,咁d嫖客豈不是「性消費者」?咁講落佢地既召妓都係一個花錢既行為,咁阿爺救港政策之中,係未應該加第十五項,鼓勵「性消費」呢?睇來有朝一日香港渡過金融海嘯,嫖客功不可没。

駛唔駛咁偽善呢?

乜老作一個懶中性既名堂,就可以掩飾到召妓本身淫人妻女既本質咩?

麻煩都係叫返佢地既學名「妓女」(既係,對應「嫖客」),又或者坦白d講出自己心中果句「鷄」(對應「鷄蟲」)算把啦!

做得出d咁既野 + 長篇大論文過飾非 = 文棍。


P.S.:依個世界只有一個周小姐,某毒男都係等比人飛啦!


PPS:講出心中的老實說話,實在很痛快。

14 則留言:

** 飛雪素素 ** 提到...

我以前都唔信,不過經過今次件事之後, 我真係懷疑周小姐佢係咪好似形象中咁pure咁clean... 有人話佢以前可能都係X工作者, 搞壞左自己身子...只有倪震接受到佢...其實我地真係唔知倪震啃左d乜,周慧敏聲明中提及-"所以我敢大膽向各位說一句:「我的伴侶絕對犯得起這個錯誤」,而這句說話,亦只我一人有資格去定論。"似唔似暗示緊d乜野呢﹖

J 提到...

我反而很佩服周小姐對愛人的包容...(但是對倪生的幼稚還是很有保留)

都十九年了, 對方是怎樣的為人當然都很清楚了, 當中所培養的默契及了解任何人和任何事都不能打破, 她的愛已超越常人道德的界限, 我對她的決擇感到很理所當然, 只是其實這種關係都不必靠婚姻去維持, 更不必多次向公眾交代吧...

簡單點說就是既然她這樣做是開心的, 也不用理會其他人怎想吧。她只是一個, 不可能為了"香港女人的尊嚴"而付上自己的幸福!

seikomatic 提到...

D女自已搵上門,但我只系愛你一個。佢地得唔到我既愛既。

OR

我錯;我知錯啦,男人邊個唔會做錯野呀。

OR

女多即系我正,唔知你想條仔似大瘤咩?

OR

今日你已經系半個我,我已經全部屬於你,唔駛理果班小花,我地等陳去邊樹食魚翅?

Morca 提到...

痛快!

提到...

爽﹗

Arael 提到...

"性工作者"只是從英文的sex worker翻譯過來而已吧?
其實,說‘妓女’也有點問題,就是假設了’性工作者‘只有女性。當然也可以每次都說’妓女或男妓‘, 或’雞鴨鵝等'. 可是這些更繞口吧。

** 飛雪素素 ** 提到...

Arael,

哈哈哈哈哈~ 雞鴨鵝~ 恕我見識少, 可唔可以解釋一下「鵝」係D乜野呢﹖XD

Marshmallow 提到...

鵝,咪即係貴啲既鴨囉,騎騎騎...

** 飛雪素素 ** 提到...

咦﹖照你咁講...咁咪即係「鴨」嘅前途好過「雞」好多﹖有得升職做「鵝」wor~! XD

Elaine 提到...

我可唔可以講d唔關事既野?... ... 聖誕快樂呀 !!!

Samsara 提到...

素妹妹:周小姐既傳聞有聽過,是真是假無從稽考就唔會評論,但係,在依場大龍鳳之後,都仲啃得落倪震兼既要倒貼養佢既,除左周小姐,真係幾難揾到幾個。

J:什麼叫幸福呢?係咪總之肯結婚,就算係世紀大滾友如倪震都ok?男人真係睇得結婚太巴閉了吧!

大師:倪才子之核突真係唔係正常人可以想像得到,佢本人係講:

「責任完全在我,是我以一個成年男人發揮魅力,在夜場孔雀開屏的惡果。 」

飽晒未。

Morca & 鎚:Give me FIVE!

Arael:英文應該叫Prostitute。

綿綿:你最新果篇呢,我都好有感觸呀,不過依排除左爆樽可以寫得好流利之外,大腦閉塞,等我諗到再同你講。

Elaine:聖誕快樂,同埋,恭喜晒你出書呀!祝一紙風行,好快出第二版!

Derek Greyhound 提到...

Samsara師妹:

聖誕快樂!

大力

PiBB 提到...

they deserve each other. as simple as that.

馬沙 提到...

Samsara,

提早同你講句Merry X’mas