銀戒指

從前，有個富翁，在佢過身之後，佢兩個仔就決定要分家啦。

兩兄弟好小心地將財產平分好晒之後，佢地在富豪睡房既暗格之中發現一個設計精巧既小夾萬。佢地費盡九牛二虎之力，揾左十個鎖匙匠先至開到個夾萬，發現入裏有兩隻介指。

一隻既鑲左鴿蛋仲大粒鑽石既白金戒指，另一隻係平平無奇既銀戒指。

阿哥就貪心起啦，同細佬講：「依隻鑽戒咁矜貴，一定係家傳之寶；我係長子，應該我攞。」

細佬都無爭辯，就攞左銀戒指同其他財產，自己生活。


之後，阿哥就一直都唔開心。佢春天時花粉症，夏天時討厭下雨，秋天時見到落葉飄零就會感懷身世，冬天時因為日照時間太短而憂鬱....

阿哥終日借酒消愁愁更愁，食遍Antabuse, Buspar, Celexa, Dexendrine....總之天底下A-Z既藥樣樣食齊，但係都係幫唔到佢。


至於細佬呢，就「春有百花秋有月，夏有涼風冬有雪」，天天都是好時節。

原來細佬攞到銀戒指之後反覆思量，覺得老爸無理由將一隻普通既銀戒指咁珍而重之地收藏，所以不停硏究隻戒指....

終於比佢發現左銀戒指上面刻左一行好細既字：




「This too will Change!」