2009年2月8日 星期日

十公里

Yo,今年第五次跑十公里!

- 快左5分鍾...雖然呢,都仲未達標,但係依5分鍾真係我博晒命地跑,所以都好開心。

- 瘦左7磅!終於遠離警戒線,體重回覆正常。

- 第一次跑第一場5:15,跟住d Elite跑手食塵....其實,連塵都食唔到。十公里係銅鑼灣跑去太古城,再屈返去跑到維園;我連未跑到三公里,對面線已經有人跑緊回頭!!!佢地好明顯係撒雅人,我明明見到有幾個係金毛既!

*******

我開始跑十公里,係一個中學舊同學B努力遊說兩年既成果,佢自己就跑開馬拉松既,最先佢講十公里女仔都跑到呀,行都得呀咁,我地無人肯信佢。哇,佢個個禮拜都跑山幾個鍾嫁喎,佢既唔難就係我地會跑死啦!不過之後大家計落十公里有兩個鍾頭跑,一小時五公里又真係行路既速度,所以一班人就抱住大不了比人掃上車既決心,柴娃娃開始跑第一次,開始左我既十公里周年跑。

B哥哥呢,係依個世界少有既沈默寡言,兼且永遠諗清楚先至會講既人。當年我中四坐佢隔離,心急既S加上慢工出細貨既B哥哥,經常會發生以下既情況:

S:「B哥哥,你xxxxxxxx呀?」

B:......(諗緊S個問題)................(好認真地諗緊)................................ (努力地諗緊)................ (仲未諗到)....................................................................................(都仲係未出聲)..........

S:.........(等到花兒也謝了)....(開始神遊太空).........(諗到第二個問題)....「B哥哥,咁xxxxxxxx呀?」

B:(終於開金口).....「xxxxx (答緊第一個問題)」

呵!


之後,大家大學畢業一兩年,B哥哥發現患癌。

B哥哥,結果打勝仗!


S在初出社會時,曾經有一段好迷失既時期。

當時S覺得,依個世界只有自己最重要。S當時係百分百自私的,除左自己之外,什麼家人、朋友、舊同學,通通都唔重要!

所以,同學既聚會S無出現,同中學同學都無乜聯絡。直到有一次去中六班主任屋企現時,S先見到B哥哥,果時B哥哥已經開始康復,但係S都仲未知發生也事,仲要好thick地問B哥哥點解佢條頸變得咁粗.....

在B哥哥努力抗癌時,S完全唔理唔知......

S忍唔住同自己講:「原來,我差D無左個同學。」


之後一年B哥哥生日時,一班舊同學同佢去南丫島食海鮮。在回程時,S坐在船頭,吹住涼爽既海風,忽然明白,年年都可以同朋友慶祝生日都唔係必然嫁!


B哥哥讀書時已經打波游水好Sporty,在抗癌勝利後,佢就更加注重運動,差唔多香港所有全馬半馬十五公里都會參加。

依個世界係無Free Lunch既,自己既健康自己負責。

可以年年都去跑,證明我身體都還好,第時老左,未慢慢行囉!



其實,年年都去跑,係一件好幸福的事。

9 則留言:

南區肥龍 提到...

Good job! 再接再厲,2010年再跑啦!

嗯,你話年年都去跑,係一件好幸福的事,背後原來係有故事既~不過B君真係好厲害!

另外,你講得啱架,世界係無Free Lunch既,自己既健康自己負責.而且,身體係唔會害自己既主人,反而多數都係「自己」令身體愈來愈差.

唔跑唔知身體好!

Bacakara 提到...

恭起

其實跑步唔係孤獨既事,平日只要記住,咁辛苦練習,目的就係為左一年一次參加渣打,同五萬五千個朋友一同聚聚。

Samsara 提到...

(唔)肥哥哥:向B君致敬!!!身體呢,又唔識講野,比我地蝦得厲害時,唯有用病來投訴囉。

Bac哥哥:呵,其實我練跑不嬲都無孤獨既感覺嫁,我份人好懶,成日都會努力地揾藉口唔去練跑,所以次次「排除萬難」去跑時,都有小勝一場既感覺...我仲由上年開始,揾到跑步既感覺,依家跑步時,真係feel到d dolpamine分泌出來...越跑越開心...我依家先明點解有d傻佬會跑步咁悶既野都會上癮!

anf 提到...

我咆咗兩年, 但今年無參加 (因為覺得條route好悶, 無挑戰), 不過我諗下年會玩番!

Samsara 提到...

好呀!跑啦跑啦!

Karen 提到...

Samsara姐姐:

您都好掂呀!

但係可能我跑得遲, 見唔到您和其他blogger呀! 嗚嗚!

Marshmallow 提到...

送個字你: 叻!

Samsara 提到...

呵呵..我發現...其實跑十公里已經在我既comfort zone之內,我跑之前果晚訓到豬一樣,起身時只有興奮,一d都唔會緊張,。

所以.....



下年上半馬!

(重新感受下驚比人掃上巴士既感覺^^)

南區肥龍 提到...

下年上半馬!

(重新感受下驚比人掃上巴士既感覺^^)

>>> 好呀~有意思呀~

西隧又黎啦!!哈哈!