2009年5月19日 星期二

100

在錢甖入到第十九次時,S跑左100公里!!!

感覺好奇妙呢。

由最初開始計時,要揾自己既最佳均速。跑跑下,發現自己右腳無出力,主要係左腳單邊跑!到最近兩個禮拜,發現自己跑姿錯誤,因為一直係腳尖落地,搞到膝頭痛....

最有趣既係,S跑步跑到抽筋,嚇到魔鬼教練都同S傾,勸S不如下年跑半馬先啦....

Well,S又真係從來未試過因為做運動而抽筋,連當年後生時去踩足全日單車,甚至行足五日山時,都無話搞到抽筋...依家要平衡左右兩邊既力,再加埋改姿勢,真係今世人從來無用過既肌肉都全部要出動,結果,抽筋囉。仲試過隻腳提唔高,差d仆左在度。

嗯,跑步可是女人的終身事業,S會很小心地,安全第一的。依次,真係同自己有交代--

盡力就好。

=========

因為改左新的跑姿,所以,被打回起點。

依家,S既跑步仲不如五年前第一次練跑,真係跑3km已經半死,再跑唔落去。

3km同42km.....嘩,依個距離真係好大呀。

我明明可以一氣過跑到13km的,依家連跑果3km都會搞到抽筋,話比你知唔沮喪都係呃你。但係,為左唔好受傷,為左要跑得更快更有效率,習慣左一世人既跑姿都照樣要改。

嘿嘿,我寧願結果好慘烈比人掃上車,都唔要放棄全馬走去跑半馬。

8 則留言:

英倫肥龍 提到...

我寧願結果好慘烈比人掃上車,都唔要放棄全馬走去跑半馬。

無錯!就係要呢種決心理~

只要尊重自己既付出及成績就可以呀!而且有時諗太多都冇用,會唔會比人掃上車...真係要跑過先知.不過我對你信心既.

所以就試下認真去準備及練習,全心全意去跑,其他事情如時間或比人掃上車,到時先算啦.

不過,當你開始練習後,不論半馬全馬,就會發覺,要做既準備,會遠超過可以想像.相反,到真正比賽時,感受比賽時刻更重要,同時亦係對之前一直練習最直接既成績表.

全馬!全馬!

的而且確,把原來基礎抹去係一種可怕既經驗,但往往又係突破既契機.而且如果改變係因為改善之前或原有既問題,絕對值得呀.

維修技工 提到...

加油!

Marshmallow 提到...

錢甖?

Juicy Runners 提到...

100K! 恭喜!

Full or Half? As spoken, and will not further comment la~

Run! Samsara! Run!

Gideon 提到...

竟然未識過做運動而抽筋?咁我估你好少比賽...因為所有比賽當 push 你去到個 limit 既時候就會抽架喇

抽筋時你識唔識拉返啲肌肉架?唔係既話痛死你呀
同埋知道差唔多抽個時就要停囉, 因為一抽就傷架喇,起碼痛幾日,同做重機專登 break 啲 muscles 既傷係兩回事。

Samsara 提到...

教練:諗諗下,比人掃上車有幾咁大不了姐。總之set好目標就努力未得囉。

維修先生:多謝!

綿綿:嘿嘿,攞來擺真正值得儲既野囉。

On Dog哥哥:Well,其實個個講來講去,都只係話我未跑過半馬姐,我今年會跑兩個半馬,攞返d經驗。

鎚:哇,久休覆出!係,我零運動細胞,無玩過陸運水運嫁。仲要,講起又講,我因為無攞過獎牌,所以夾硬攞左我一個游水健將既獎牌呀(係朋友G)。

我只知應該在抽筋既反方向拉咋,我唔係跑時抽,而係停左之後抽呀,有時一上樓梯d筋就投訴。

火鶴 提到...

我聽過一個故仔,

話說有個男人去問人, 點樣可以幫佢老婆減肥. 有人提議佢老婆每日跑3km, 跑足兩星期. 個男人諗一諗, 然後就話「咁就好囉, 兩星期後個肥婆咪跑到42km之外..」

Samsara 提到...

朋友答話:「香港地方淺窄,結果你老婆跑到去青馬大橋之後都係屈返返來你面前。」