2009年7月14日 星期二

放假

依排好多朋友都講放假既問題,有人因為工作而要取消假期,灰晒;有人一講話會放假就惹來無數羡慕;仲有人想辭工放一年假,放完假後先再作打算....

其實唔明,返唔返工,點解會有咁大既差別!依家好興講既Work Life Balance,諗諗下真係好有問題,Work唔係Life既一部份嗎?依個係未暗示,你既人生係在放工時開始,在第二朝返工時結束?每一日閒閒地都用十個八個鍾返工,扣埋訓覺既八個鍾,咁你既人生,豈不是都無乜得剩?

人人都做緊一份自己真心討厭的工作嗎?真係咁大鑊?

其實,我成日都覺得工作本身只係一份工作,係你自己賦予份工作意義的。好耐之前講一篇文章,作者周圍去揾快樂既人,有人話佢知,有一個清潔工非常日日都笑口常開,作都就走去訪問佢,問佢:「你份工日曬兩淋,垃圾又臭,人家又唔係幾尊重你,點解你都係咁開心嫁呢?」

清潔工答話:「因為我既工作,令依個城市清潔乾淨。」

Wow,連清潔工咁厭惡性既工作都可以揾到意義,點解我唔得呢?


都係我一個好有智慧既朋友寫得好:

「忽然想起小時候睇《跳飛機》,有個小朋友想快啲大個,俾佢揾到個神奇日曆,想去到幾時就燒掉頁數便可,佢燒吓燒吓果然好快就俾佢唔駛讀書考試上班就可以成長,但同時間佢也老了!人生也去到尾聲,佢好後悔但已經太遲。時間是不能回頭的,我都唔應該成日望早啲退休,好好享受現在的生活(工作)吧!」

4 則留言:

seikomatic 提到...

七日呢個週期都幾神奇,唔知系咪地星轉得快左,定系年紀越大,時間越泥越快。

特首/C長系咪厭惡性行業?梗系啦,搵咁多都唔可以去旺角食魚蛋牛什。

拔要攪清楚,厭惡性行業同厭惡性同事。
厭惡性行業如果同事好,基本上會撐得住。
羨慕性行業如果同事厭惡,基本上無得撐。

Samsara 提到...

大師:科學家話,地星越轉越慢呀,以前一日只有22小時咋!

又係喎,係未厭惡性依樣野都好個人,如果同事唔夾又真係好渡日如年....

學 霖 山 莊 提到...

無理由架, 我都覺得時間越泥越快...
地星係咪真係越轉越慢呀?(有無link可以參考參考?)

btw, 我好同意同事係一個相當大嘅決定性因素...

Samsara 提到...

學霖哥哥:

地星越轉越慢,主要係因為月球既引力而海水有潮汐,地星一面自轉,海水又阻住佢,未係越來越慢囉:

http://www.msnbc.msn.com/id/3077334

係,大師講得好,同事係一個好重要既因素!