2009年11月6日 星期五

無常

有乜理由渣打馬拉松已經全部滿左呀!!!!!

以前不嬲係過左Early Bird優惠都仲有得報名嫁!!!今年Early Bird優惠仲有一個月,就已經滿晒!!!!!!

我仲未報呀!!!

我仲好老定,跑全馬喎,邊有咁多傻佬會癲到想跑夠42.195公里呀!

點知,康港人真係越來越傻。

今次無得跑啦!!!!!!!!!!!!!!!!!!!

唉。拖啦拖啦,結果....

=======

然後,去志蓮上法句經時,Annurudha法師話,佢唔舒服,今堂係最後一堂,下年九月前至再教。

我知道法師遲早會唔教的,但在腦裏面想像同真係發生係唔同的,好突然。

在思維上,人人都明白,變幻才是永恆。但係到變化真係發生在你身上時,仲可以哼得出歌仔既人有幾多?


好在,由師兄知道,法師只係牙痛。法師都已經牙痛左兩個幾禮拜啦,下個禮拜仲要去剝牙。

不過,法師仲會留在香港,休息一個禮拜後,仲會再教巴利文翻譯組。

真係鬆一口氣。


但願法師身體健康,早日康復。

16 則留言:

seikomatic 提到...

師妹,馬拉松真系道外人焚書取暖,昧不識好。

變幻才是永恆,真系幾矛盾,因為永恆就不需變幻,大師幻變,佛法可以幻變嗎?如果變幻,還可信耶?

學 霖 山 莊 提到...

倆位好! 別來無恙嘛...

黃沾早年在電台講述被的士司機挑戰為何
"變幻才是永恆"; 他謂此乃境界的分野...

像地星有四季不停幻變交替...
但週而復始... 卻又恆常...

所以他匆匆放下$車費...
省下無謂爭辯...

又, SamSam 可否問問法師,
有否"聖 ‧以沙"其人或事跡,
是否俄記者老作...

因為我覺得小耶穌學佛是個很有趣的點子...

seikomatic 提到...

http://hk.myblog.yahoo.com/seikomatic/article?mid=3796

Samsara 提到...

大師:佛陀在進入涅槃前的最後既說話是:

"All conditioned things are subject to change. Therefore, you work out your salvation with mindfulness."

我呢,十四歲前一直係基督徒,之後一直係無神論,到廿九歲正式皈依佛,都仲係無神論...我諗,人人都有自己的路要走,人人條路都會唔同...所以,任何宗教只要係導人向善既,我都覺得幾好。

又,人生既考驗,無論你幾老幾好修行,總之你一日未成阿羅漢都唔會完既,連你出左家唔唔例外。有冇留意到依件事:http://www.bswa.org/modules/mydownloads/

學霖哥哥:哈哈,黃霑原來有件咁既事嗎,交通燈本來明明係綠色,突然變左做紅色,未係變幻囉。

聖 ‧以沙依個故仔好搞笑喎,要問法師既話,首先,要知道「聖 ‧以沙」個巴利文名係乜,依個故仔出於何經何典邊個章節。

有一個倒轉既例子:http://sdhammika.blogspot.com/2009/09/buddha-prophesized-jesus.html

佛經勁多,好容易比人加野入去,小心。

Samsara 提到...

大師:漏左講一點,法師話,世上萬事萬物都係conditioned things,唯一既unconditioned thing就係涅槃,佛陀教既,係解除痛苦既最終智慧。

Barry 提到...

師姐,
今日(11月11日)收到志蓮電話,話法師今個星期四請假,下星期繼續教《法句經》。

Samsara 提到...

咁好!!!今日係法師剝牙既日子,咁講應該手術幾成功,一剥左應該唔痛。

今係有d掛住法師呢,仲有大概六七堂,法師就要返斯里蘭卡啦。

seikomatic 提到...

師妹,從來無林過涅槃系咪因緣和合,系就無常、唔系就超現世,出生死一般。俺相信有層次之分,不過系證涅槃之前,唯有欺騙自已即世間即涅槃...

其實你有林過,好多人信耶教都系耶穌救佢地於絕路,由大喜大悲到歸服和平,耶和華懷抱。而佛教一開始教人忌喜免悲,人地就馬上話消極,全世界人做和尚想人類絕種咩,兩個出發點終點一樣,但人中口實就大異。

mindfulness 俺覺得唔單止系警覺,應該指般若智,知慧觀無常無我。

俺一直學覺得觀音耶穌均菩薩,佛教可以接受,耶教覺得低扁,講咩都系人既演譯,上帝話,耶穌話,佛祖話,其實咪即系教主話,C傅話同我話!

Samsara 提到...

大師:Mindfulness係正念,即係,可以集中注意力在好的object,比如,呼吸同身體既感覺。如果集中注意力在壞既object,比如一隻貓為左捉老鼠,全神貫注地望注老鼠洞,咁,貓雖然好集中,但唔係Right Mindfulness-正念。

佛陀話,正念可以帶來如實觀之既智慧。

Derek Greyhound 提到...

Samsara 師妺,

近況安好?

大力

Samsara 提到...

大力哥哥,

我還好呢,不過就真係失去左寫野既動力。一來係要有頭有尾講清楚自己既思路同睇法要寫好長先得,覺得十分費時用力;二來,我開始覺得,人人既諗法(包括我自己啦當然)都係好片面的,好多時自己又唔係話好了解件事,無謂莽下評論囉。

匿名 提到...

其實你只要保持包容的心去看事物,或許會開心點。
麥太 :>

Samsara 提到...

Wow,久未露面既麥太!!!

嗯,我覺得自己正經歷緊一個好慢但又極重要既paradigm shift,身在其中又未pass個test時係好難理清楚頭緒的,只是覺得時不時會靈光一閃,好似明白左d野,之後又會唔記得...依個世界,永遠係言知之易,行之難;人生苦短,都係講少d做多d!

Derek Greyhound 提到...

Samsara 師妹,

聖誔快樂 新年進步 身體健康

大力

馬沙 提到...

聖誕快樂 ^_^

Ebenezer 提到...

Merry Christmas.