2007年6月12日 星期二

生命中的小幸福

半夜醒來,外面狂風暴雨,打雷閃電.

我又伏在窗邊看閃電.

閃電既顏色係白裏帶藍既,大部份都離我地好遠,只見到天空閃光.如果好彩既話,可以見到從天而降垂直既一條閃電,一下子劃破長空,然後有一聲好似爆炸咁既雷聲.哇,好大既威力!

好希望有朝一日可以見到閃電劈中對面樓既避雷針,咁就刺激囉.

閃電仲可能係生命之源添,佢高壓既電力,令空氣中既氮合氨基酸,氨基酸再組成蛋白質,成為生物既基礎.閃電仲可以淨化空氣,令懸浮粒子沈於地面,所以雷雨過後,空氣特別清新.

大自然真係令人敬畏,生命又真係奇妙.

外面橫風橫雨,我地都可以好安全地坐在屋企笑看風雲,真係我地既hunter-gatherer祖先發夢都估唔到既野.有瓦遮頭,真幸福.

落雨,又駛乜驚喎!

##################################

小白屋既伯爵奶茶布甸,有濃濃既茶香加上奶香,吃落齒頰留香,真係有幸福的味道.本來以為伯爵茶只適合淨飲同加檸檬,原來加奶都咁好味.

以前有部電影叫「濃情朱古力」,女主角煮得一手好菜.當有人問佢點解煮得咁好吃時,佢兩次都答:要用愛來煮.

原來d甜品係老闆娘親手整既,唔怪之老闆成日都笑口常開,周圍向客人介紹甜品啦!

##################################

放工等車時忽然傳來陣陣香味,原來巴士站旁邊有夥玉蘭樹.在黃昏既微弱光線中,隱隠見到白色既玉蘭花.樹枝樹葉既形態都好美,佢一定係一夥快樂既樹.

夥樹一直都在度,只等我見到聞到佢.

##################################

買左一對好可愛既通心南瓜型銀耳環,好漂亮啊!我要萬聖節時戴...其實今日已經戴左.

19 則留言:

C.D 提到...

喜歡小白屋
喜歡玉蘭花
更喜歡Samsara

D.

seikomatic 提到...

姐,

本來憑窗既浪漫比你的安基酸潑醒啦!

俺夜歸沿途幾株白(玉)籣,曾經系個悲劇,聽日寫。

匿名 提到...

Samsara,

sorry,忙到飛起,一次過覆晒你幾個post你唔mind嘛?

媽媽一個人帶小朋友出街,係好辛苦架,我知道呀...因為我媽從前幫人帶小朋友架...細個我都有幫手陪小朋友架...我地屋企最近黎左個新小朋友...係細佬隻狗呀,好開心呀...遲d post d 相你睇啦...btw,我終於喺呢邊開左個地盤啦...http://s--pig.blogspot.com/

關於六四,當年太細個啦...睇返當年既報導,平反,係應該既,希望睇到啦...

下雨晚上...我有一d好sweet既回憶...哈...間唔中攞返出黎諗下...都好...

日本,唔係我杯茶...我想去澳洲!!

放得低,好呀,抖抖再上路啦,身體要緊嘛...你記住去旅行食多d野,食埋我個份呀!!

ah-yun 提到...

我都好中意用愛來煮野架。見到別人食得開心我就會好開心架喇。^^

我又好中意玉蘭花呢。那個香味好令人陶醉丫。

匿名 提到...

Samsara姐姐,

喜歡每日工作之後,在熟悉的中童吧之中點一杯威氏忌...看著冰塊在琥珀色的酒液中慢慢溶化...未飲先醉...

有時,生命中的一點幸福,完來也可以說是垂手可得...

btw,閃電,打雷...總讓我想起「魯道夫的忿怒」…

學 霖 山 莊 提到...

Samsara,

我不敢伏在窗邊看閃電...
因為住頂樓, 每次閃電, 屋內總大放光明...
每次爆雷皆在頭頂, 非常"親近"...

所以總要三省吾身, 是否作孽太多...
以免禍及枕邊人...

有瓦遮頭,真幸福... 的確...

K 提到...

我不怕下雨, 但真的怕打雷----仲要係好大聲那一種。

由細到大都很怕打大聲的雷, 到現在如是。

*********************************

伯爵茶加奶都好好飲, 但我較鍾愛把M&S的錫蘭紅茶加奶----因為聞到淡淡紅茶之香, 口感較滑和留於齒頰之間。

*********************************

喜歡cooking(尤其pasta), 因為我每一碟餸是用心和愛去煮的。

*********************************

我對白蘭花香敏感, 但反而很愛其花開之美。

*********************************

生活上一些看似很細小和平常的事情, 其實當我們可以去感受和珍惜那一份平常時, 已經是一種幸福。

C.M. 提到...

Earl Grey + Milk in Mandarin Oriental, tried once - Splendid!

怒火眼睛 提到...

我最喜歡係你呢句"佢一定係棵快樂既樹"!
移情入景咁睇, 你而家心情都幾好 =)

Samsara 提到...

阿D:我聽到真係飄飄然呀,我都好鍾意你呀.

大師:我依d讀理科讀到上晒腦既人,真係只有幾錢浪漫...我都未講脫氧核醣核酸,你就潑醒?

小豬妹妹:你都玩blogger真係好,澳洲好呀,幾舒服.我要去玩去吃去血拼!

小雲:我鍾意食多d,煮就唔係好識.

AK哥哥:我依排,勁好野諗,好強烈地覺得一切唯心做,開唔開心睇自己.

「魯道夫的忿怒」...係書?

學霖哥哥:有避雷針唔駛驚,我覺得雷電係大自然力的表現.

Karen妹妹:蝦,我由細到大都未驚過打雷,不過知道好多人都會驚.原來你咁賢良淑德既.

CM哥哥:原來伯爵奶茶係咁好味.

火火:點講呢,我依排睡眠質素好差,但係又好似有好多領會咁,得我清醒d時再講.

Blogger70th Floor 提到...

> 我最喜歡係你呢句"佢一定係棵快樂既樹"!
移情入景咁睇, 你而家心情都幾好 =)

嗯我都覺
師姐果然超脫呀

火鶴 提到...

sara, 旅行好唔好玩? 我呢, 就幾好玩喇, 不過聽日就要返工囉... 喂你幾時返嚟呀?

Blogger70th Floor 提到...

師姐去成十一日呀

Samsara 提到...

各位,我星期六至飛,祝我唔好肥太多返來啦.

學 霖 山 莊 提到...

小小肥靚靚ar...

Samsara 提到...

學霖哥哥:

少少肥我都ok嫁,但係我依班朋友自稱美食軍團,再加上我依個叫餸好狼死,永遠眼闊肚窄既人,真係次次去日本都肥好多返來呀!

s-pig 提到...

hahaha...食多d食多d食多d...

火鶴 提到...

sara, 玩得開心D.

马铃薯比基尼妹妹 提到...

其实我也很想亲眼看到雷电劈到避雷针的样子