2007年10月18日 星期四

路痴2

女人先至會係路痴?No la! S既老闆差唔多個個都係路痴。

比如大家如雷貫耳既德哥。

有一次德哥車S由公司去九龍塘開會(係去Productivity Council ok?唔駛幻想),如果轉來轉去都揾唔到九龍塘,你要S坐地鐵就話識去姐,渣車就真係木宰羊。

開會時間就到,結果德哥好有型地一個扭軚,渣去九龍城...泊低架車之後...跟住仲型地伸手截的士去九龍塘。

結果,準時到達,德哥又得左。

我地仲坐返的士去九龍城攞返架車添。


又,德哥連在尖沙咀都試過盪失路,尖咀聽講係佢既浦點。。。


S另外一個舊老闆(自認)女人湯丸呢雖然有車牌,但係從來唔渣車,人地問佢做乜唔渣車,佢總是支吾以對。但係有次靚佬湯要借調去英國兩年,佢就唯有重新練返手車;不過一返到來香港之後,又從來都唔會渣車,一D車癮都無。

之後佢話比大家知,佢第一日到英國時,就由屋企渣車去公司來回三次,make sure自己認得路。。。


老外B話比S知,S既現任老闆出左部全新Nokia手機,係內置人造衛星導航既。你話有d乜野人會在架車度裝左GPS都唔夠,仲要手機都裝埋?

唔通...依d係宿命來?S既老闆個個都要係d死要面又路痴既大男人???

7 則留言:

on dog 提到...

er...Nokia部N95個GPS function係廢既!

要係露天地方開 15-20 minutes 先deduct到你係邊~~~!

匿名 提到...

尖咀太冒險la,我在旺角已經常盪失路。

王老五

Hana 提到...

哈哈
我呢18歲考到牌開始揸車出入
係加拿大、台灣、日本同香港等地揸足12年
有過外號叫:專線小巴
淨係識得成日要去嘅地方,如果有新地方又真係要"來回三次,make sure自己認得路"
揸住車係路上而唔識路我就唔係泊低架車搭的士,係會叫架的士帶路,俾返的士費佢。
諗真啲都好on居下

ak 提到...

Sara姐姐,

GPRS好明顯就係俾男士用架啦...對於d女人仔...要佢攪掂部GPRS,佢不如走去問路算啦...

怒火眼睛 提到...

AK 呢句簡直係一矢中的呀....

on dog 提到...

SAM姐:

Please check out the website of:

http://www.hkmarathon.com

報名了!

Samsara 提到...

On Dog哥哥:乜你連model #都講得出咁勁,為左保護我老闆既脆弱心靈,我都係會扮唔知佢係路痴。

王哥哥:你都係香港人?旺角我都成日盪失路,不過可以行落地鐵睇返路牌。尖咀真係太大啦,我有次問人嘉連威老道時,真係有d想講英文扮遊客。

大家攞出來講姐,唔緊要喎。

不過你係咪解釋唔到自己點解會買旗損錢咁,做埋依d對自己一d好處都冇既野?人,真係天然地有同理心,同埋會因為別人開心而高興既。

所以,做左好事都唔駛怕醜,可以講出來呀!

hana姐姐:專線小巴...真嗃笑,我都試過有朋友要揾的士帶路呀...我一直懷疑的士大佬見慣依d野,好冷靜嫁佢地。

AK哥哥:講都唔信,s其他map reading好勁,當年野外定向時係揾到好多checkpoint。不過你無理由在鬧巿攞個羅盤出來嫁,分分鍾比人同左係x玲玲。

火火:係啦,某人係以串我為樂。