2007年12月9日 星期日

大屋

聽Ajahn Brahm講Craving,講人要有幾大間屋先夠,諗起之前去泰國出trip既事。

我同泰國真係八字不合,諗返真係次次去親都會病,而且好似同食物有關。我鍾意泰國菜,在香港食泰國菜亦都無問題,但係一去到泰國食泰國菜呢...就會出事。

今次其實總共都只係在泰國逗留48小時姐,而且我全程都好乖地,只食西餐。在最後一晚,咁,我又心情輕鬆兼死唔信邪,在我既純西餐之中,點左一個冬蔭功...咁就無蔭功囉,當晚就已經出事,喉嚨勁痛,低燒又頭暈。

今次酒店overbook,upgrade左我去一個仲大過我屋企既suite。有齊廚房客廳飯廳衣帽間儲物室、兩個toilet、兩部電視、浴缸仲有jacuzzi。

但係當你一個人病左要揾個水煲時來煲d熱水時,就真係要翻箱倒櫃地周圍揾,仲要個廚房實在離睡房太遠,我已經好攰嫁啦,乾脆將水煲攞入睡房,擺在床頭櫃。仲有果張超大Queen size++既床,真係要look幾轉先可以去到床邊jump水,到你終於攞到水時,已經好暈...所以都係訓在床邊算...

就係咁,依間deluxe suite,結果都係比我變成普通酒店房既陣勢。

4 則留言:

癲狗 提到...

水土不服oO? 小心身體呀~

我入大佬食嘢十次有九次肚痛,就連酒店餐都一樣
後來我媽發覺原來係我對啲味精敏感

不過唔知網主嘅問題係咪一樣

Samsara 提到...

癩狗弟弟:

我諗我都算係水土不服既,不過泰國當地既水喉水我煲滾飲又無事喎,只係對d泰國菜咁大反應。

依次真係好甘,我返到香港病足大半個月先好返,真係病到無晒心機。以後,無乜大事我都唔會去泰國嫁啦。

on dog 提到...

跑左成個鐘, 先去到回頭處...仲有>10km...

:o...

(taking a little rest, and say hello! keep running keep running...)

>:[]

Samsara 提到...

On Dog哥哥:你肯定你報既係半馬唔係全馬?嘿嘿,可能係仲有>30km...

好似除左好好命果位,個個都好忙喎,我總公司上Oracle,超勁多bug,亂晒大龍,佢地個個都食左炸藥咁,成個office就好似之前澳洲果煙花廠咁大爆炸...我老闆仲好惡添呀!好慘呀我。