2007年12月27日 星期四

朋友

朋友朋友,原來「朋」唔同「友」---「同師為朋,同志為友」。咁,我地依班中學同學,就既係朋,亦係友。

在平安夜時收到消息,真是有點突然。人生既無常,真是令人有點措手不及。似乎,生命一直在提醒我們,要珍惜現在擁有的一切,要好好把握與自己所喜歡的人相處的機會,要活在當下。

我地每年都舉行既大食會,不知不覺間,已經成為一個對我好重要既節目。其實,我除左次次都會買d奇奇怪怪既野,食唔晒剩在屋主家中之外,我仲會因為大家都可以同願意抽出時間來相聚,而覺得好開心嫁。我地依班同學仔可以keep到咁多年,實在好難得,亦令人好感恩。

前一排我媽媽中學時代既死黨來香港旅行,佢地既節目竟然係相約一齊去迪迪尼玩…睇見阿媽影返來既相,係兩個六十歲既阿婆級女士,在米奇老鼠前面攬頭攬頸,笑到好似小朋友一樣。Wow,唔知我地n年之後,仲會唔會咁有童心呢?

朋友,要好好休息啊,我地都會誠心地祝願你既手術成功。要快快康復啊!

〈XXX美食XX〉,等你歸隊。

加油!

8 則留言:

ak 提到...

Samsara姐姐,

無事多相見...祝你的朋友早日康復...

AK也會把握這個年底僅餘的日子,跟中學時的舊友及第一份工認識的戰友聚會...

下年初...應該中童黨都要攪番次聚會...依排個個都好似有d事咁...

ondog 提到...

身體要緊!

ak兄: 下年初...重有君子履約之時!

馬老板 提到...

年中時, 我和我的母親大人和她的友人一起去Disneyland. 她們的童真, 絕對係我的1000倍.

seikomatic 提到...

師妹,

俺已前U有5~6隻腳每蓬各自生日都約出泥,今日凈番三四就每年唔見一二次。

除左時間,要覺得that part of memory worths keeping 先會有人出泥。

藉口唔需要多,好忙已經比面。

中學應該偶遇3倆,小學的應該完全消失晒。

Samsara 提到...

AK哥哥:世事無常係好鬼真囉。

On Dog哥哥:已經新居入伙?恭喜!

馬老板:可能人老左真係會返老還童,都幾好呀。

大師:講起小學同學,我有個小二到中一既同班同學,佢中一移左民,我地仲通信左好多年...係寫信,一張張紙同要貼郵票果種...佢仲追City Hunter,要我期期幫佢買,睇完之後寄比佢...仲指定要天龍出版既...跟住,佢生活得唔係太順利,寄信寄禮物比佢都唔覆,無左聯絡...唔知佢依家點呢?

s-pig 提到...

希望你朋友早日康復

Samsara 提到...

小豬妹妹,佢依家應該剛剛做完手術,我真係好希望佢無事。

s-pig 提到...

一定會冇事既!