2007年12月20日 星期四

書店

我以前一直都認為,書店的店員同Boutique既店員係唔同既,不過諗真d,其實佢地都係好似既。

一個好既Boutique店,員最重要都唔係要好好戲地讚個客『你著得好靚!』而係要介紹一d真係會著得個客好睇既衫。比如個客方面既就比佢著圓頸,大塊面就比佢試V領,太廋既就比個心口加摺既,中間肥胖呢,就一定要著闊髀兼有後袋加袋蓋既褲,一個好既Boutique店,真係可以幫老闆做多好多生意。

咁書店店員,其實咪一樣,如果可以幫到個客揾到岩既書,真係可以做多好多生意。

之前去曼谷時,我又真係遇到一個好惦既店員喎。咁我一入到去就唔知點解間歇性失憶,捉住個店員之後,只可以講到:「本書名好似係African Diary,個作者叫做Bill…唔知乜野,佢好出名,有另外一本書叫做類似乜野A Brief History of almost everything…」我自己都問到有d唔好意思,咁少資料,要人查案咩?

點知店員姐姐好醒目地,連電腦都唔駛,查即刻講:「係咪Bill Bryson? African Diary好似仲有,等一等。」轉頭就攞左依本我恨左好耐,全香港都揾唔到既書比我…好感動!


(又,本書好笑兼令人感動,Bill Bryson真係可能係世界上最好既說書人…點解香港無人入依本書???佢仲將收益損晒比CARE,就算貴d都實有人買啦!)

在上海,又完全係間間書店有唔同Style囉。上海書城,真係好大…而無當,書放得又散又亂,入既書又唔岩睇,個店員仲勁搞笑,我問佢:「金庸在哪?」,姐姐竟然答:「金庸在哪?金庸的書在哪?」…咁係書店唔係揾書,唔同係揾遊戲武器咩?都唔好笑既個笑話。之後姐姐攞左套又髒又bun角既笑傲出來…都係算把啦。

咁在上海書城旁邊既上海古籍,又係一個唔同既世界。佢放出來既,好多係一排排,同一顏色既套裝書,比如資治通覽,唐詩未詞果d…丁丁comment話,係比人買返去放在書架度擺…都岩,不過我肯定亦都有人除左擺,仲會睇。

上海古籍既暢銷榜就咁勁,上榜既唔係d什麼減肥烹飪財技書,而係d文學歷史書囉,榜首仲要係一本叫做論語講義既書。

個作者張相十足五四青年咁,深色長衫加頸巾…以為佢死左好耐啦,結果作者介紹講佢竟然係1976年出世,仲有季羡林同佢背書,稱佢為小友…唉,咁我好附庸風雅地,買左,依d咁既書,我係絶對唔肯打書釘既,現代人解釋論語,我都有d機會明,放在屋企如果有一日我真係無野好做,都有可能睇下既...okok,我知我屋企d封晒塵既書都係咁來。

咁我又去到問店員問有冇金庸,哥哥好有趣地講:「你要金庸全集嗎?」哇,唔係唔係,只要笑傲,哥哥攞出一套乾乾淨淨又無傷既笑傲出來,仲會問:「金庸還有好多書呀。」我知,好驚我一個軟弱話好既話,佢就會抬出全套金庸全集出來,再攞埋卡通箱出來pack埋比我(當時真係有客pack緊箱)。

唉,香港呢,商務三聯天地,其實都係聯合集團既書店,入既書,大同小異,不過Discount Card又唔可以通用喎。唯一同佢地唔同既,就係Page One囉,可惜佢書超貴,雖然有靚靚裝修,但係好孤寒地,一個座位都無。

其實,幾年前銅鑼灣商務英文部都有個好叻又有heart既店員(定係店長?)嫁,當依間書店,只要貼上Highly Recommended既書,我只要翻兩翻,覺得內容有興趣,咁就一定唔會買錯書。

我仲好記得見到佢攞住本書,一邊同個店員講:「依本係好野!」,一面拍一聲貼上Highly Recommended既label;果一拍,係對書既熱情;果本書,係Guns, Germs & Steel。果時,Jared Diamond在中國人圈子都仲未咁出名,依本書過左好耐先出中文譯本,唔似佢之後既Collapse咁,一出平裝書已經差唔多有中文版。Guns, Germs & Steel真係好好睇。

不,過之後一直都唔見佢lu,銅鑼灣商務既Highly Recommended亦不復當年勇。

8 則留言:

seikomatic 提到...

對一個只讀完一本書既俺,屋舍都有一套10冊【蜀山】。當日都系覺得忍唔住要買。

Samsara 提到...

大師:女人真係掁興經濟呀!

桃紅三點式 提到...

-->「好驚我一個軟弱話好既話」

真係好險呀sam姐,我成日都有咁o既感慨架。

Samsara 提到...

三妹,

Huuuum,意有所指喎好似,港女精神係「自食其力...你管我?」

不過好彩我仲有理智,知道如果要抬依三十幾本書返來香港,係會brokeback嫁。

匿名 提到...

係「A Short History of Nearly Everything」!!

呢本書真係幾掂的,用阿嫲都睇得明嘅英文去講啲研究生都未必明嘅科學知識(雖然知係皮毛部份)

我highschool呢本書係reading book之一, 所以嗰時憎死呢本書, 而家都畢埋業啦, 攞番佢出嚟睇, 先覺得佢好睇, 哈哈

Samsara 提到...

癲狗弟弟:A Short History of Nearly Everything真係No. 1好書,Bill Bryson既文字功力,真係一絶!我個friend在大學Lab度做,佢話佢老闆(Environmental Science Lecturer)都睇緊依本書。

匿名 提到...

嗯嗯~ 世間再複雜嘅嘢, 出自佢口就變得好易明, sigh~ 但當一本書睇完要考, 再好睇我都係憎爆佢, 不過幾幸慶呢本書我升班嗰陣賣唔出, 如果唔係我現在就冇得翻睇啦

呀, 個陣我仲有另外一本reading book, 不過唔洗點考, 所以第一次睇個陣我已經鐘意佢. 係Charles Seife嘅Zero, 有機會睇幾頁啦, 會令人對數學世界改觀的

Samsara 提到...

癲狗弟弟:依本好似好好睇!書債又添一名,tks!