2007年9月25日 星期二

點解????????????

今日趕住收工只係好簡短地寫左幾句,但係依個咁既人渣竟然唔駛坐監???判左240小時社會服務令就夠?吓,既係話依個李榮峰只需要在圖書館上吓書又或者去吓郊野公園執下垃圾,咁就算數?

依個咁既裁判官究竟叫乜野名?佢係度亂講d乜?
『被 告 不 但 以 口 頭 恐 嚇 , 且 付 諸 實 行 , 將 女 事 主 的 裸 照 上 載 互 聯 網 , 比 售 賣 色 情 物 品 罪 行 更 嚴 重 , 他 未 經 前 女 友 同 意 將 兩 人 交 歡 片 段 上 網 , 乃 違 反 誠 信 , 理 應 判 監』

但係,『考 慮 他 已 被 扣 押 14 日 及 有 悔 意 , 故 判 予 社 會 服 務 令 。 』

既係乜野意思?李榮峰扣押左14日已經太多啦,唔應該再坐監?

有悔意?點睇?裁判官唔係神,你又知李榮峰點諗,點樣有悔意法????

依個裁判官係未都係男人?係男人就唔該未包庇d咁既衰人,唔覺會影衰其他男人咩?

最重要既係,依個裁判官有有諗過一個將自己前女友既祼照同雙方性交既片段都post上網既無恥之徒輕判社會服務令,對社會、對青少年帶出d乜野訊息?有左依個案例,以後既官仲可以點判?

啊,原來依d野好小事嫁姐,只要在個官面前認下錯、扮下死狗就無事。

咁依個世界仲有公理???

依一件案既判刑實在太明顯係過輕,希望黃仁龍會重審依單案,唔可以姑息縱容依d不法之徒,更加要殺一驚百,杜絕歪風。

公義其實唔係自然會發生既事,要維護社會公義我地係要付出好大既努力同道德勇氣。律政司身在其位,更應該肩負起依個責任。

香港既司法機關到底發生乜野事?一份只在學校流通既學生報可以判成二級不雅,貼色情網站hyperlink都要罰五千蚊,但係依個可以用女友裸照同性交片斷來恐嚇前女友同佢復合,勒索不成之後仲夠膽post上網,發佈色情資訊既source,竟然只需要執下垃圾???依個究竟係乜野世界?

係,我真係好嬲,嬲到睇完月光都一樣要鬧臭李榮峰同依個亂咁判既裁判官。

不平、則鳴。

~~~~~~~~~~~~~~~~~~~~~~~~~~~~~~~~~~~~
蘋果日報 (九日廿五日)

女 友 裸 照 放 上 網   青 年 獲 輕 判

【 本 報 訊 】 29 歲 男 售 貨 員 於 今 年 情 人 節 到 前 女 友 家 要 求 復 合 , 得 知 女 友 將 「 嫁 個 有 錢 人 」 , 一 怒 之 下 , 竟 將 女 友 裸 照 及 兩 人 交 歡 片 段 上 載 互 聯 網 , 售 貨 員 早 前 承 認 刑 事 恐 嚇 、 發 佈 不 雅 及 淫 褻 物 品 三 項 罪 , 昨 求 情 表 示 已 知 錯 後 悔 , 明 白 對 前 女 友 影 響 深 遠 , 不 會 再 犯 , 獲 法 庭 輕 判 社 會 服 務 令 240 小 時 。 不 過 , 關 注 婦 女 性 暴 力 協 會 總 幹 事 黃 秀 容 認 為 判 刑 過 輕 , 法 庭 量 刑 時 未 有 考 慮 女 事 主 的 心 靈 創 傷 , 與 肉 體 受 到 性 暴 力 創 傷 , 所 產 生 負 面 影 響 不 遑 多 讓 。 將 女 性 裸 照 放 上 網 , 儼 如 將 女 子 「 剝 光 豬 」 在 網 上 「 遊 街 」 任 人 瀏 覽 , 對 女 性 是 很 大 的 侮 辱 。 香 港 城 市 大 學 應 用 社 會 科 學 系 副 授 黃 成 榮 亦 指 法 庭 判 刑 過 輕 , 對 社 會 傳 遞 了 錯 誤 訊 息 , 若 該 類 罪 行 一 旦 越 來 越 多 , 成 為 未 來 社 會 的 主 流 罪 案 , 法 庭 若 重 判 會 對 社 會 有 育 作 用 。

官 指 被 告 有 悔 意

被 告 李 榮 峰 , 曾 在 外 國 留 學 , 因 金 融 風 暴 被 迫 放 棄 學 業 返 港 , 案 發 時 任 職 金 舖 售 貨 員 , 其 父 母 於 童 年 時 已 離 異 。 律 師 求 情 指 , 被 告 因 對 該 段 感 情 放 不 低 而 犯 案 , 現 深 感 內 疚 , 希 望 法 庭 考 慮 被 告 初 犯 , 是 次 屬 單 一 事 件 , 予 以 輕 判 。 裁 判 官 昨 在 荃 灣 裁 判 法 院 判 刑 時 指 , 被 告 不 但 以 口 頭 恐 嚇 , 且 付 諸 實 行 , 將 女 事 主 的 裸 照 上 載 互 聯 網 , 比 售 賣 色 情 物 品 罪 行 更 嚴 重 , 他 未 經 前 女 友 同 意 將 兩 人 交 歡 片 段 上 網 , 乃 違 反 誠 信 , 理 應 判 監 , 但 考 慮 他 已 被 扣 押 14 日 及 有 悔 意 , 故 判 予 社 會 服 務 令 。 案 情 透 露 , 被 告 與 女 事 主 曾 為 情 侶 , 其 間 女 事 主 同 意 被 告 以 手 機 拍 下 裸 照 及 兩 人 交 歡 片 段 , 至 06 年 底 , 女 方 提 出 分 手 , 被 告 曾 多 次 致 電 要 求 復 合 不 果 , 今 年 初 , 被 告 以 裸 照 及 性 交 片 威 脅 , 女 方 不 為 所 動 。 女 事 主 兩 名 友 人 於 今 年 2 月 16 日 及 3 月 7 日 在 網 上 發 現 她 的 裸 照 , 警 方 接 報 將 被 告 拘 捕 , 證 實 有 人 於 2 月 14 日 將 女 事 主 6 張 裸 照 上 載 , 被 告 電 腦 亦 發 現 有 他 與 女 事 主 的 性 交 片 段 。

案 件 編 號 : TWCC1410/07

17 則留言:

on dog 提到...

Sam姐: 中秋快樂!

sf 提到...

真係唔係人, 點可以咁缺德咁無品?

學霖山莊 提到...

有可能, 裁判官一人分演兩角...
人渣唔只一人,
錯誤垂範, 影響深遠...

中秋快樂!

hitcake 提到...

SAMSARA 姐姐,
首先祝你中秋節快樂, 小妹人不在香港, 不能閒讀蘋果,無法得知人渣先生做了那種傷天害理事情, 害得平時溫柔可人姐姐大動肝火, 請望姐姐可以post 其他新聞網讓小妹了解一下, 然後齊齊大罵法官不公, 再由小妹在外地用咒語,落剛頭令人渣先生受到應得懲罰!

小妹hitcake

seikomatic 提到...

俺有一最垃圾既林法,個官可能覺得當日妳都同意拍,就要承擔/分擔一切可能既後果。

姊妹們.....

七十樓危危下望 提到...

用偽鈔呀都判四年
理由係動搖金融體系

動遙女人體系呢

七十樓危危下望 提到...

用偽鈔呀都判四年
理由係動搖金融體系

動遙女人體系呢

ak 提到...

Samsara姐姐,

作為一個男性,對於呢d咁既人渣行為...真係無野好講...

唔通真係「若然未報,條線未到」?係唔係我地既司法制度,佢既極限就只係去到呢一個位置...?

可能,我地真係需要蝙蝠俠又或者Dare Devil呢d角色...

癲狗 提到...

法律就係咁好玩T^T

我諗依家D裁判官都係無咩正義可言架啦

都係玩吓法律遊戲咁架啫 X(

癲狗 提到...

我現在先睇到你之前回咗我,
嗯, 我個blog係ewaquiblog.wordpress.com
我用個名叫鴉天狗, 不過我address自己做癲狗咁解啫

btw, 中秋節快樂 (係今日呀呵?我冇唐歷係手唔知exactly係邊日)

火鶴 提到...

個官, 未必係男人.

七十樓危危下望 提到...

哈哈哈我鐘意長頸鶴的回覆
well “緩而有力“的長頸鶴:中秋快樂!

Samsara 提到...

On Dog哥哥:除左依單野,中秋都幾快樂嫁,你呢?

先生:真係無野好講。

學霖哥哥:兩個都好難講邊個衰d。

Hitcake妹妹:Post左出來啦。你有冇得吃月餅?又,妹妹唔好太容易信人啊!

大師:都有可能嫁,邊個叫你咁唔小心?邊個叫你著得咁性感?邊個叫你咁夜返屋企?

七十:之前讀B Law,已經有好多騎尼既案例。

AK哥哥:有冇睇The Brave One?我反對將私下處刑浪漫化,Judy Foster有感覺會傷心,果三個黑人又有冇阿媽生?殺左人之後可以咁輕鬆地放狗?咪玩啦!

癲狗弟弟:法律的確係用緊一套完全唔同常人既邏輯思考,有時甚至會不近人情,但係法律同世界上任何野一樣,都要進步同自我完善。等我過你度睇下。

火大俠:蘭開夏道就一定係男人,個官,我理得佢係男定女,總之就係亂咁判。

我之前做過陪審員,縱火案。個法官一流,真係應該比夠千萬年薪佢,但係個檢察官真應該返鄉下批薯仔,連自己剛剛講過d乜都唔記得,成日要個法官幫拖,幫佢問埋証人。

司法機關,一樣良莠不齊。

惡女 提到...

火鶴、Sam:

容許我刻薄一下,「個官,可能唔係人。」

另,Samsara,我有個諗法,妳可否傳個電郵給我?跟妳商量一下。

  

匿名 提到...

Samsara 姐姐,
多謝哂你呀, 我了解到大家點解覺得裁判官判得唔公道了, 的確, 是過輕, 尤其我岩岩向yahoo 見到有個四個孩子的媽, 因虐兒而判四年..非常心好酸...
據小妹分析, 該裁判官可類為兩個非常極端人格.

1. 誤以為自己係聖人, 正所謂聖人都有錯, 知錯能改就好了, 雖知道寬怒是美德 (反正都事不關己, 做一次好人分分鐘博得全世界歡迎呢, 雖然呢次係衰左 ) 此類人適合當神職人員或充滿愛心的社工或義人, 用他們的愛去感動世界吧, but, 當裁判官or 法官有可能害死全世界, 非常不幸地, 佢係後者….
2. 原來係同道中人, 主觀地覺得post 自己女友裸照上網是很平凡的事, 反正條女都唔已經唔係自己架咯, 比著佢自己都會咁做啦,

如果捉上述人仕去做一次心理測試會有一個共通點, 就係判斷能力接近負資產, 佢地既觀點跟我們世俗人不一樣的, 當我們認定一加一係二既時候, 佢地會用盡能力去證明比大家睇, 一加一唔係等於二的…..萬一佢地成為有相當權力既人仕時, 更閉, 佢地只會宣佈 “我判決, 一加一唔係第於二的”, 問佢有咩理據去支持佢既判決, 佢都係答 “ 因為我認為, 一加一唔係第於二 !!”

姐姐, 我已經兩年無食月餅了, 第一年公事, 向外地放工後一個人on居居去煲 83年的射鵰英雄傳 (有翁美玲的), 今年去左burger king 買左個雞包慶祝中秋節, 因為隻雞包同月亮一樣咁圓. 我再咁飛法, 真係連搵人去信既機會都無了...嗚嗚嗚...

Hitcake 妹妹上

火鶴 提到...

Daisy and Tony.. agree with 70.

中秋愉快.

Samsara 提到...

惡妹:Send左啦,我們可以做什麼?

Hitcake妹妹:算啦,月餅又唔係咁好食。嗯,份工如果係鍾意既話都唔係太大問題,不過要小心身體囉。世界上既不平事,真係多到震。

大俠:你講野越來越難明。你還好嗎?何解我終於得閒寫Blog時,人人都唔寫?