由上海一返到office，枱上面放左復活蛋，同埋一個公鷄古古力，好得意嫁，但係無相睇，我對古古力無抗拒能力，食左。妹妹請既，好sweet。
妹妹今日問我食完有冇訓唔著，well，我攰到癲，晚晚倒頭便睡。
妹妹話：「食復活蛋會訓唔著架麻。因為食完就會復活...一路都復活緊」...
正式封佢做爛gag女皇。
！！！！！！！！！！！
大家一齊食lunch，好快地食完，因為1:10前埋單有85折！
見仲早有妹妹話帶我地去睇電單車，淺淺地既銀紫色，06年落地，行左2046公里（咁岩！？），盛惠$5999。
妹妺好high地試坐，仲幫佢改左名，叫做Sophie。wow，紫色的素菲！
我叫佢考左牌先講啦，結果佢原來攞左牌兩年！！！仲估唔到既係，另外一個全公司至斯文温柔，講電話細聲到你在佢面都聽唔到佢同個客講乜既妹妹，都一樣有電單車牌！
真係失敬失敬。
原來佢地咁狂野既！
5 則留言:
師妹，
之前俺個舊老細有部紫色既開逢波子，系沙田一腳勁過飛機起飛，條友擺明演野。 Those were the days.....
女仔玩電單車可以好盡，全套hello 吉替襯色顛過d仔。
不過有d 危險成份。
乜突然殺出三個妹...
唔通係十二樂妙場坊?
又,宜家啲妹妹狂野起黎時,往往超乎你想像嫁!
咁咪仲勁過彭瓜麗...
>>一路都復活緊...
......
-_*||
(都要香左先有得復活架...?)
大師：男人渣紫色波子...有D難看呢，我好似阿媽咁，唔多想妹妹渣電單車...如果佢一遲到，我會忍唔住擔心佢有冇抄車。
Morca姐姐：我公司係妹妹仔嘛。
學霖哥哥：真係估佢地唔到。
On Dog哥哥：哈哈，ｄ妹妹既爛gag真係好滴汗。
張貼留言