2008年3月30日 星期日

古時

n年前讀鄉村大學,有一科compulsory既通識,係要讀同中國文化有關既課程。

我無揀到d好大路既中國文化哲學之類,而係上左一個好輕鬆既中國文化與音樂。

個course其實都幾特別,係一個中國人lecturer用英文來教中國樂器呀音樂之類,好多expat來讀,教得好慢又無乜心機,都幾無謂。

不過個助教就唔同啦,係一個內地來香港讀書既博士生,熱愛音樂,每堂都播一d唔同既中國音樂比我地聽,教我地憑聲音來認樂器...我係音樂盲,聽力below mean,之前完全唔知有人可以光憑聽力,在層層樂器之中,分到有乜野樂器,甚至每種樂器有幾多個...大開耳界。

除左中國樂器之外,助教仲比我地聽各種各樣既戲曲。

在眾多戲曲之中,我一聽就愛上了崑曲。之後知道崑曲係中國所有戲曲之中,唯一一個列入聯合國非物質遺產既戲曲,嘿,我都幾沾沾自喜。

崑曲既温柔優雅,別無他選...笛子真是很好聽。

除此之外,仲喜歡蘇州評彈同埋京韻大鼓...何解說書都可以說得咁有型。

其中助教講,大鼓書唱既劍閣聞鈴係講唐明皇在殺左楊貴妃之後,夜聞飛簷上被風吹響既玲聲而思念故人...嘿,我懷疑古時唔識字既婆仔,只要鍾意睇戲聽說書,都會有文化過我。

後記:原來劍閣聞鈴出於白居易長恨歌之中:雲棧縈紓登劍閣...夜雨聞鈴腸斷聲。我家下肯定,以前d婆仔一定有文化過我。

7 則留言:

Morca 提到...

我n年前讀鄉村大學果時,又唔覺有依啲通識...
有嘅話我都揀依啲呀!

Derek 提到...

呢d冷門科唔係成日有得俾你揀架下。

就算有,你都要夾時間表啦...

Barry 提到...

哪間是「鄉村大學」?

收買佬 提到...

有無教潮州音樂﹖:)

Carole 提到...

e
你去咗rrs聽青春版牡丹x??

Kenka 提到...

鄉村大學咪就係一間綠樹林廕既大學囉, 不過現在個校長好中意國際化, 周圍砍樹

Samsara 提到...

Morca姐姐:真係好冷門下,我take依個course係因為d什麼哲學太吹水&費,又估佢唔會有乜功課...我果時有份功課,係要去聽一場中樂然後寫report...完全無人肯同我去啦當然!

Derek哥哥:我係final year take既,當年無乜堂上,最忙係揾工。

師兄:當年無乜幾多間U咋,鄉村大學未專門培養鄉村妹囉。

收賣哥哥:自己顧自己...無喎,你係潮州人來嫁原來。

Carole姐姐:青春版牡丹x我係睇第二場...阿媽好喜歡,早知咁好睇真係應該睇晒三場。

Kenka哥哥:Bingo!係啦,我對當年我宿舍門前既一棵樹好有感情嫁,佢生得好靚,明顯係一棵開心既樹。