唔知有冇人留意到在平安夜發生依單新聞？
當日既電視新聞之中，亞視同有線都有報導依件事，但係最多人睇既無線新聞無報導。
因為，唔夠「新聞價值」吧！
醫生醫好人，又點可以成為新聞？醫護人員見死不救先至可以做頭條嫁嘛。依位蔡源文醫生行醫十年，其實已經救左五六個在佢診療所門外暈倒既病人，但係，之前一次都無人報導過佢喎。今次，蔡醫生同一班醫療人員救途人，可以出到報紙同電視新聞，依個先至係真正既「明愛效應」吧！
在大家在睇新聞時，請記得，所有既新聞編采都有Negativity Bias既，正所謂No news is good news，好人好事既「新聞價值」極低，大部份時間都只可以「掹車邊」，上下陽光版呀花絮依ｄ唔起眼既版面，佔郵票咁大既地盤。
咁，新聞報憂不報喜本身無乜問題，我都唔想香港有朝一日好似中央台咁，唔係講黨八股就係高官去邊度出訪，人地點樣讚佢同送左乜野禮。
但係，如果你當左報紙講既野就係現實之全部，咁就好大鑊啦！你會以為依個世界只有仔打老豆，男盜女娼，強姦亂倫，殺人放火，同埋，終於都因為聖誕節而停左幾日既「金融海嘯下的日子．．．」囉。
在依個資料爆炸既時代，我地更加要保持清醒，明白世界仲有好多默默無聞既人，盡心盡力地做好自己本份，仲有好多人，願意在冷冬之中送暖。
蔡源文醫生同一班醫護人員，在發生左明愛依件咁令人心痛既事件之後，在平安夜救左途人，以行動證明人間有情，醫護人員仍然是仁心仁術...就彷如送比所有香港人一份聖誕節禮物...
問題係：你收唔收到？
5 則留言:
就如我不見有decent business一樣...
(不過, 這不是我道聽而來的...)
收唔收到, 就睇, 有幾執迷啦呢家野!
？對唔住，收唔到。
表揚醫生救人，咁...惦解唔表揚小巴司機抑壓自已開快車既快感對16位乘客手下留情。老師抑制自已的性慾唔去攪學生。特首抑壓自已的憤怒唔去打議員。
On Dog哥哥：我份工廠妹工作都decent嫁，不過唔係人人肯屈就來做囉。
大師：咁，我唔係同明愛開脫，依單野，真係「不可一，不可再」，佢仲要死不認錯，直至比人鬧到頂唔順先肯道歉...唔知明愛高層有冇睇新聞，見到死者既兒子在明愛終於道歉時既笑容...唔知佢既良心有冇刺痛。
但係，我既point係，絶大部份醫護人員都好似蔡源文咁仁心仁術既，唔好話有人暈倒在診療所依個自己既「勢力範圍」之內，大班醫生無論係食飯行街睇戲，只要見到有病人需要幫忙，都會立時跳出來大叫「我係醫生！」．．．我仲記憶猶新係沙士時醫護人員既忘我精神。
明愛依單野的確係有好嚴重既問題，最重要既係官僚文化，同埋dispersion of responsibilities....
不過，又唔駛升上到香港醫護人員精神已死咁誇張囉。
嘿!
吓?
張貼留言