2009年1月3日 星期六

戰無義戰

以色列打加沙,已經足足打左一個禮拜,連普天同慶、新年伊始既一月一日,都照樣血洗加沙。

我呢,朝朝都希望睇新聞時會報導停火,但到今日,以色列仍然瘋狂轟炸。

在武器強弱懸殊之下,以色列連婦孺醫院都唔放過,正如多次親身在巴勒斯坦采訪的記者張翠容所講,以色列咁既屠殺行為,係未行緊「國家恐怖主義」

最令人痛心疾首,係今次以色列既大規模殺戮,唔係因為什麼「自衛」或者報復哈馬斯,其實,只係因為以色列女外長列夫尼和國防部長巴拉克,為左今年來緊既大選鋪路。講來講去,列夫尼要做以色列總理!!!就係咁簡單,列夫尼依家瘋狂殺戮巴勒斯坦人,就係為左要籌集政治籌碼...

因為一己私利而殺人放火,政治之黑暗骯髒,今次都真係又一次證明,戰無義戰。

張翠容在香港土生土長,但係長期親身入戰場採訪,之前甚至採訪過阿拉法特。對於巴勒斯坦人的苦況有親身體驗,而對整個戰爭既成因都有好深入而獨到既觀察。張翠容既報導同評論,唔係一般其他報紙電視果d翻譯一下美聯社新聞既質素可比。我今日仲見到新聞在度沾沾自喜地報導,巴勒斯坦果d射程只有五十公里既火箭係中國製造....唔係d咁既野都要玩「大國掘起」嘛???

相比之下,張翠容既Blog真係好值得睇。

我同大家一樣,自有記憶以來,以色列同巴勒斯坦就一直打仗、停火、又打仗,試過有好多好多次和平路線圖,結果都係又打起上來收場。我地在香港做唔到乜野,但,起碼可以花一點時間,去了解到底依個猶如被咀咒之地,到底發生左乜野事。

11 則留言:

匿名 提到...

從小在圣經内讀遏的,这些国家實在是被咀咒之地。我们做得到的,就是了解到自己是多麽多麽幸福,每天也要无條件地关心关懷身边的每一个人。
認識的,不認識的,做得到就去做。
一个問候,一个微笑,也很重要。

匿名 提到...

Sorry,姐姐,恕我做一次衰人。

我其實自小時知道以巴成日都係度打打殺殺之後,我最初都覺得巴國應該係有 D 問題,成日搞到以色列先令到以色列成日搞返佢,但係個人大左,真係見識過下世面之後,我覺得當年希特拉係冇做錯既,我仲要覺得希特拉手腳太慢添。

以色列背後個隻老虎,都係衰格。

Samsara 提到...

牛牛:依個係未就係怨怨相報何時了既示範呢?我小學時有一次好深刻既聽道,個牧師好「贊歎」地講,以色列立國係神績,應驗左聖經既預言...當年太細,唔係好清楚佢講乜,但係因為佢太贊歎所以一直記得。

如果真係有神,佢都唔會想見到猶太人係咁樣不義地立國吧!

獅子哥哥:我呢,係一D都唔相信有任何原因可以JUSTIFY殺人既。如果講話某D種族全部既人百分百都邪惡,懶,蠢,全部都係壞人,應該全部殺晒佢...你話有冇可能呀?

猶太人包括乜野人呢...愛因斯坦,史提芬史匹堡,Woody Allan, Carl Sagan, Levi Strauss,Viktor Frankl...當然仲有千千萬萬個同我地一樣有阿媽生既人。

就如Dr Frankl在Man's Search for Meaning所講,猶太人曾經被錯待,但係唔代表猶太人就有權可以錯待其他人。

猶太人曾經被屠殺,唔代表佢地今日有權屠殺巴勒斯坦人,猶太人曾經比人強佔土地,唔代表佢地今日可以強佔巴勒斯坦人既土地。

有時間既話,真係揾本Man's Search for Meaning來睇下呀!

匿名 提到...

本質上,

戰爭通常係政治既延續...

政治係經濟資源分配既一種模式...

故此...歸根結底...有限的資源成就了無限的戰事...

大英帝國名言:「我們沒有永恆的敵友,也沒有永恆的朋友,只有永恆的利益。」

美國由二戰之前拒絕參與歐洲事務,到二戰之後成為世界警察(警權過大的明顯例)...正是經於利益而行事...而他們的中東政策早係二戰前後經已制訂...

Samsara 提到...

AK哥哥:有時候,我好懷疑我地將戰爭睇得太理性化,好似樣樣都係精心計算過既行為,好似真係國與國既利益衝突。

唔係囉,比如依次,以色列一來係有列夫尼野心勃勃再加上以巴仇恨升級,今次以色列咁大規模地殺入加沙,一定唔會好似低能既蘋果日報所講,什麼推翻哈馬斯,等阿巴斯上台就係給和平一個希望!

哈馬斯係巴勒斯坦全民普選出來既。以色列殺既巴勒斯坦人越多,哈馬斯就越激進,巴勒斯坦人就越支持哈馬斯!

以色列打完之後,人命傷亡唔在講,巴勒斯坦人一定會報復,恐怖份子就係咁樣培養出來...邊個係嬴家?以色列,巴勒斯坦,美國既人民都係輸家,只會益一d如列夫尼,奧巴馬依d政客。

打仗只係一少部份掌權精英同背後既利益團體,為一已私利而做既陰質野。

匿名 提到...

Samsara姐姐,

或者咁睇,執政黨既列夫尼,於即將舉行的大選之中,主要對手是一直強調走強硬路線的內塔尼阿胡...

內塔尼阿胡一直主張對巴人用武,而佢既激進路線係民意之中獲得壓倒性支持,結果亦迫使列夫尼採取對外用武以爭取國民支持之行徑...

AK並不認同列夫利的行為,僅為指出,強硬路線是以色列人一個較普遍,獲民意支持的選擇...

為什麼呢...?AK認為,強弱差距太大是其中一個原因...(卻這兒推演卻可以得出另一個更恐怖既結論...這一點,留待在下多想想,再在自己果邊講講...)

匿名 提到...

Sam Sam: "如果真係有神,佢都唔會想見到猶太人係咁樣不義地立國吧!"

與有冇神无关,因為人有自由。只係人的自由決擇另世界失去和平!有時間望吓这个:

http://hollycowplanet.spaces.live.com/default.aspx?_c01_BlogPart=blogentry&_c=BlogPart&handle=cns!8C175A4F3A013628!609

我4歲入讀天主教学校,我仍然係Jesus的fans,愛人如己的超班導理,一个字---正。但不信由人管冶的教会及規條。。。

Samsara 提到...

牛牛:我細個時,都係Jesus的fans呀!聖經仲要年年一百分添,所以先咁至肯定殺戮並唔係神既旨意。

你果樹唔知點解留唔到言呢...

匿名 提到...

你果樹唔知點解留唔到言呢...
Really? You have lefe message B4. You just sign in with your email address, than should be OK.

學 霖 山 莊 提到...

沒了這邊咀咒地, Tony Stark 之流,何來試驗場?

Samsara 提到...

牛牛:之前係得既...let me try try lar...

學霖哥哥: 唉,世界上最大既三個commodity:毒品,軍火同石油,都係BLOOD MONEY。