2009年5月31日 星期日

超越...(其實係比人超越)

雖說跑步是個人的運動,是自己同自己的比賽,但,當有一班人一起跑時,總有比人超過的時候....個感覺,當然不爽啦。

話說,S有個中學同學剛剛在東京讀完書返來,話佢閒時都會去唔記得乜野皇家公園去跑步的。佢第一次跑時係跟大團既逆時針方向的,但係,之後次次都掉轉頭,跑順時針....點解?唔係因為佢想鍛鍊唔同既肌肉,而係,咳.....因為佢第一次跑時不停地比阿伯,美少女,OL,甚至阿嬋超越....覺得好瘀,都係順時針跑自尊無咁受傷.....嘿嘿,人家日本人可是很崇尚運動的,中學時成績好只係比人當係書蟲,要運動好先至會受歡迎....東京馬拉松人家果種盛情招待唔止係好客之道咁簡單,佢地真係當馬拉松選手係英雄咁樣尊敬的。


S其實都好習慣比人超越的,仲會好乖地,跑步時永遠會靠埋離馬路遠d既一邊行人路的;而且,覺得比人超越總是會學到野的。

比如星期一,S又再一次比同一位哥仔超越;依個哥仔次次都揹個背囊的(S一直懷疑佢放weight入去背囊練強度),又因為S成日比佢過,所以,哥仔個樣唔係好認到,但係個背囊就好認得!依次S留意到一樣教練其實講過好多次既野,其實背囊哥仔跑步既頻率並唔比S快,但係每一步都比S大多。背囊哥仔當然係高過S的,但係點都無高一倍呀;於是S在背囊哥仔背後偷師,試下加大步幅。哇,真係得,同背囊哥仔個距離立時可以保持到....一陣咁多.... S咁先至第一次掌握到,原來,真正既跑法係可以成隻腳踼高再直落的!跑步竟然可以有飛行的感覺!!!!

(揹背囊跑步既哥仔,如果下次發現有個傻婆用好感激既星星眼望你不突止仲要吊你尾,唔駛驚,佢只係想試下自己可唔可以跑快d姐。)

又話說,星期五S又去跑時,見到一個肥仔著住籃球背心、長到落膝頭既籃球褲,仲要一對高筒籃球鞋來跑,一幅打籃球比人放飛機,結果死死地氣地在屋企樓下跑步既樣...籃男實在太重啦,仲要越跑越慢,S在落橋時一下就跑過佢。

點知,當S跑完一大輪,又再跑返去上橋時,籃男突然出現,全力加速....S望住籃男既背影呆一呆,先明,佢原來係一直在橋底等S,要超越返S來報一箭之仇.....哈,都好矛姐,當時S已經跑左超過5公里,籃男就一直企在度休息.....但係,籃男既能量果然一下子用晒,又係衝果一下就慢落來.....

咁唔公平,S係好唔順氣的!在條奪命長斜照博命跑,博命追;在差d追到籃男時,肥仔又聽到聲再次發力跑!!!!嗚,S結果都係追唔到,到自己既終點就立時乖乖地停低拉筋(唔係就又會抽筋),結束左依場無聊比賽。亦都因為籃男既搞局,S跑出練習之來最快既成績!

結果,咁樣出力跑之後,腳唔攰,反而手臂同肩膀攰到舉唔起手!

睇書有跑手話跑步係全身運動,而且好多時覺得攰其實唔係腳攰而係上身攰的,手攰所以影響到大腦覺得全身攰囉。

啊,明白。


(不過S仍然唔會去gym度做器械的!)

9 則留言:

英倫肥龍 提到...

噢。。。原來如此。。。

Juicy Runners 提到...

點解唔去灣仔對住條橋D人做白老鼠?

BTW, 我昨日打大赤勒跑呀~!

Samsara 提到...

教練:係。。。不過,教練超越S,係不能剌激S博命跑的。。。

Dog dog:籃男弱唔係弱在佢跑得慢,而係佢cheating!勝之不武又欺騙自己跑嬴左...肌肉呢,練得多自然會強,但係咁樣自欺欺人,令籃男無論跑得幾快都係弱男...所以我先至覺得同佢跑無聊囉。

英倫肥龍 提到...

咁方法可以有好幾個既,但目標一樣.

Samsara 提到...

驚驚驚驚驚驚驚驚驚驚~~~

Unknown 提到...

舊blog: 交流下跑步經,over~
http://forestflame.spaces.live.com/blog/cns!9064C83BB259727E!1415.entry

Samsara 提到...

Wow,水姐果然係我喜歡的blogger,你都跑步嗎?有冇興趣去跑UNICEF呀?十一月尾十二月頭,天氣涷,跑迪迪湖係全平跑,有10公里同半馬選擇。

我呢,昨日下午28度既天氣下,跑左11.4公里,一直check住自己有冇暈,因為我都係第一次咁熱時跑的...結果暈就無,但係太悶,勁發白日夢囉。

Alfred Kwok 提到...

Hi Samsara,

First time to your blog. How is your running pacing for 10k or half Marahton ?

Weekly mileage 3k is little bit too little.

Alfred Kwok

Samsara 提到...

Hi Alfred,

真係講出來都唔好意思,我係下年會報渣打全馬的.........

依家,真係差得好遠。我之前最遠都係跑到14km,跟住因為太熱,所以......

我呢,會plan一下時間,一個禮拜點都要keep住跑到起碼20km,我先至有機會跑得到今年既半馬囉。