焦慮症

現在都市人真是如此難過嗎?我有個同事自從今年一月已經開始病,腸胃一直不舒服,不停腹瀉,去睇過西醫中醫總共五六個,吾同醫生講吾同既病,包括腸胃炎、感冒菌入腸、脾胃濕熱…

總之吃得你好Wing既西藥又試過,苦到喊既中藥又試過,就硬是吾好.

大家諗可能佢工作壓力太大,在農曆年既時候佢放大假,好好休息之後返來應該無事.點知,佢今日返來成個人廋左,臉色灰黑,仲披住件羽絨…

佢話佢有焦慮症, 而家睇緊家庭醫生,吃緊抗焦慮藥同膓胃藥.

佢好驚起身, 好驚返工,好驚吃飯,水都只係一日飲半杯, 好驚肚瀉, 好驚泠親.佢阿爸話佢痴線,佢就最驚係永遠好吾返…

依位同事絶對吾係d脆弱既人,之前就係佢教我點樣吾好比紙巾d扮喊的女人.之前佢咁精靈潑辣臭寸,而家見到佢竟然因為病而變成咁,我真係好心疼.

同佢傾左一輪,佢都一直笑吾出,最後都係我真係忍吾住走過去抱抱佢,佢先有返d笑容炸.

我當然鼓勵佢話吾駛擔心,好快就好.但係究竟幾時先好呢?佢都病左足足兩個月勒喎.而且依個真係吾止膓胃病咁簡單,我昨晚先睇緊本書話膓有好多neuron,真係一個好獨立既王國,佢要扭起計來,真係可以好嚴重.而且好多膓胃病其實同精神緊張同壓力有好大關係,比如以前就冇咁多人有胃潰瘍啦.

點解一個平時咁Energetic又聰明既人,自己都察覺吾到原來自己已經去到limit呢?我一直都覺得佢好tense同容易嚇親,都有同佢提過,佢都話佢知,但係點解依次咁大件事佢會一d都吾為意呢?

希望我只係過慮啦,祝佢身體健康,好似以前咁生猛!

各位,都要保持身體同精神健康啊,健康才是無價寶雖然老土,但係真係珍珠都冇咁真.

紅玫瑰與白玫瑰

「振保的生命里有兩個女人，他說一個是他的白玫瑰，一個是他的紅玫瑰。一個是聖潔的妻，一個是熱烈的情婦——普通人向來是這樣把節烈兩個字分開來講的。 　　

也許每一個男子全都有過這樣的兩個女人，至少兩個．娶了紅玫瑰，久而久之，紅的變了牆上的一抹蚊子血，白的還是“床前明月光”；娶了白玫瑰，白的便是衣服上的一粒飯粘子，紅的卻是心口上的一顆朱砂痣。」


不得=朱砂痣
得到=蚊子血

不得=床前明月光
得到=飯粘子

是得?
是失?

不得=最美麗?
得到=相對兩相厭?

魚與熊掌不可兼得=永遠悵然若失?

永恆的才女張愛玲,表面冷情,內心充滿火氣...

星夜

我以前大學時讀過一個藝術系的課程,叫藝術概論.內容主要是用睇幻燈片來看畫,雕塑,書法,陶瓷…

其中一份功課要選一幅畫來寫論文,我就是寫這幅星夜呢.

梵高到底在畫什麼呢?畫中間那些S字的藍色曲線是什麼?是風,或者光影,或者夢,或者情緒,或者流動,或者人生,或者生死?

畫這幅畫時梵高的情況己經很差,他已經因為精神錯亂而住進收容所.收容所甚至不讓梵高外出,這幅畫是他全憑記憶而畫出來,也就等於是他內心的反映.

對於這幅畫的討論很多,但我始終認為梵高表達了他對人生的一些領悟.

人生是什麼?會不會就是這一種不停的變化和流動---不停地轉,不停地捲.

但無論如何,天上那些星星和大大的月亮,還是發出那温柔的光輝,靜靜地照耀著世間,帶給地上的人們一些安慰和希望.

看見在這幅畫中唯一的垂直線條嗎?那棵由畫的底部一直貫穿到頂的樹嗎?樹枝如火苗一般向上燃燒,就算風起雲湧,一樣劃破星空,盡全力攀到天邊.

謝謝野孩子對梵高的介紹: 無常: 096 Vincent ‧聯想

愛丁堡公爵奬勵計劃

講開中學既美好時光，我以前係有玩DEA既係愛丁堡公爵奬勵計劃既． 愛丁堡公爵係乜水？咪英女皇既老公囉，DEA好似在回歸之後改左依個有殖民地色彩既名，變左做乜乜青年計劃．

DEA分金銀銅章，要攞章除左要玩各種活動同做義工之外，仲一定要行山．金章行五日，銀章行三日，銅章行二日．而我依世人最刻骨銘心既行山就係中六聖誕節既行山．果次是由二日銅章final加三日銀章試行加埋既，既係話一次過要行五日山．

DEA行山既規矩係中間吾比補給既，所以我地一次過要帶足五日既物資，包括食物，衣物，帳篷，睡袋，地席，爐，gas， cook set，電筒，急救用品… 好多好多野．

我地一行三男二女，我最細，仲要係唯一一個吾係行開山既，所以大家都好照顧我．比最少野我拎，仲要都係d consumable好似食物咁，等我個背囊可以一日比一日輕．但係就算係咁，個背囊都係重到我一定要人幫手拎高先至揹到，如果放到地下既話我根本就托吾起．所以雖然果幾日橫風橫雨，只要一揹起個背囊就已經重到我開始發熱．

我最先好吾鍾意佢地成日都要我行最前，我雖然手渣份地圖姐，但我係一個路痴，每次分义路都要回頭問人點行；我又好驚如果我好戇居咁行錯路，而佢地又見吾到我既話我咪一個人蘯失路囉！

我而家係講緊咸豐年，只有Call機既，而手機就係ｄ超貴既野，吾係我地d窮學生可以afford到既．何況以當年既網絡，真係有手機怕且在個山度都收吾到．如果咁樣在荒山野嶺走失左，真係叫天都不應，喊都無用啦，所以我一直好驚咁不停回頭望有冇人跟住我．

之後佢地先同我講話要我行頭等我可以控制到成隊人行路既速度，等d人吾會行得咁快喎．

啊，原來如此．不過，我都係吾鍾意行頭．上山都還好，落山既時候我連自己同個背囊既重量全部聚曬在膝頭度，有時一落山就落足成個下午，對腳已經不停咁震，真係好驚一下無力就會look落山，佢地無人在我前面，真係完全無人可以擋住我嫁喎，分分鍾一下子就look到山腳底．

講到食就真係好刻苦啦，只有晚飯先至會開火，早餐午餐都係麵包加ｄ涷冰冰既罐頭，請留意當時係好凍既，我地其實只有夜晚先有熱水飲．不過你咪自己揀囉，要吃就要自己揹，要食得好d仲要自己開火煮，如果因為吃飯搞太耐而行吾到camp site既話，你咪自己諗辦法點搭營訓覺囉，仲要第二日好努力咁catch up返之前行慢左果d添．

不過大家都實在太無營養同無菜食，好容易有Beriberi.有一次行經菜田見到個有個婆婆摘緊菜，我地PR第一既女仔就既刻走埋去同佢傾計，大既五分鍾之後，佢高舉一夥好大既生菜跑返來，果時大家都歡呼．哇，吃左咁多日罐頭之後有新鮮菜吃喎，真係開心到飛起，多謝婆婆！

有一日大家既狀態都幾好，行得好快．見有時間剩，於是有人睇完地圖之後提議不如偷偷地走去附近既村莊買氣水飲．咁大家都緊係舉腳讚成啦，我地真是吃得口淡淡．結果，一來一回足足用左三個鍾，仲要翻山越嶺先飲到一枝玻璃樽裝既可樂．

咁辛苦先得來既可樂當然好好味啦，我之後仲發現我對可樂有快樂聯想添呀，一吾開心飲可樂，Er左d氣出來，就好似舒服d．我到而家都仲係覺得可樂個樽好靚， 玻璃樽裝可樂特別好味．

好啦，成個故仔最激既部分來啦，請準備口罩同嘔吐袋，潔癖者請勿睇落去．





嗱，係你自己要睇嫁炸．

Well，咁在d咁既荒山野嶺，無熱水，連公厠都吾多個既地方，點沖涼呢？

嗯，吾想肺炎既話咪就係咁多日都無沖lo．吾係點喎，命仔緊要d嘛．其實當時我已經完全進入左survival mode，真係好恐怖既野已經印象模糊，吾係好記得我係點樣活過來既．

我都吾係好肯定到我終於在五日之後出到巿區坐車返屋企時，隔離d人有冇um住個鼻，不過就好肯定當我返到屋企時，阿媽雖然見我四肢完整咁返來好開心，但係一定冇抱抱我lo．

佢係即刻叫我沖涼.

嗯,我既青春都真係燃燒過.

吶喊

"假如一間鐵屋子，是絶無窗而萬難破毁的，裏面有許多熟睡的人們，不久都要死了，然而是從昏睡入死滅，並不感到就死的悲哀。現在你大嚷起來，驚起了較為清醒的幾個人，使這不幸的少數者來受無可挽救的臨終苦楚，你倒以為對得起他們麼?"

"然而幾個人既然起來，你不能說没有毁壞這鐵屋的希望。"

摘自吶喊　＜自序＞


到底要痛苦既清醒還是幸福既無知?我當年讀的時候選擇前者.

而家都係.

特此自勉.

想要得太多,需要的太少

http://www.shengyen.org.tw/big5/108mv.htm

我最喜愛的十本書

依個書單本來係我最初開blog時諗住會寫讀書報告既,不過以我既寫作速度,真係吾知幾時寫得完,所以都係list出來.請各方友好多多指教.

1. A Short History of Nearly Everything – Bill Bryson
- 依本係我睇過所有科普書中最好的一本,可能因為作者本身係作家而吾係科學家,同一個問題佢既角度同其他書完全吾同,而且文筆生動,將d好鬼深既理論都解釋得好清楚.
- 個書名吾係講笑,真係天文地理,古往今來,生物化學物理人類學無所不包.
- 除左科學新知之外,作者仲講好多當年點樣發現依d石破天驚的事實,同埋d科學家的軼事.比如大家可能都知道牛頓係一個好自閉既數怪,但係怕且估吾到佢真係癲得咁緊要(P. 70).

2. Freakonomics – Steven D. Levitt & Stephen J. Dubner
- 如果我讀中學時有呢本書既話,我一定會讀經濟,原來經濟思維可以好似照妖鏡一樣,一照依個妖獸都巿就真相大白.
- 書中講的包括作弊,3K黨點樣被瓦解,做古惑仔既career path同增薪點,墮胎同罪案率既關係,同點樣先可以好好地敎育子女.
- 我一定要highlight既係作者計到好人佔既比率係87%,起碼在紐約係咁.點計出來?自己睇本書咪知囉(P.45-51).
- 依本真係經濟書來,雖然d議題似社會學多d,真係好睇到吾停得手.


3. Guns, Germs and Steel – Jared Diamond
- 作者寫依本書係為左答佢一個新幾內亞朋友既問題:點解白人d貨物多到可以賣去新幾內亞,但係d黑人自己就只有咁少貨物呢?
- 我歷史書真係睇得好少,所以吾肯定作者既觀點係咪原創.不過我就完全無諗過原來歷史的發展可以用家畜、谷物、礦產、土壤質素、氣候、地理位置、人口及物資遷移的速度等等來分析.
- 原來吾同民族既起跑點根本就吾同,新幾內亞人窮吾似係因為d人懶同蠢喎,佢地應該係比較黑仔,生左在一個特別難發展既地方就真!


4. The End of Poverty – Jeffrey Sachs
- 好大口氣呀呵個書名,我都覺.不過作者的滅貧目標其實只係想消滅赤貧,既係起碼每人每日有一元美金的生活費,等佢地可以吃得飽,有乾淨水飲,有基本的醫療服務,小朋友有書讀,一間屋有一塊膠布等落雨時吾(會咁)漏水.
- 現在全球有十一億人生活在赤貧之中,主要集中在非洲、印度、孟加拉等地.
- 作者係經濟學家,亦係當時聯合國秘書長安南既特別顧問,佢既目標是要在2025年消滅赤貧,而這本書就係滅貧既路線圖.
- 其中我看得好鼓舞既係P.154的中國貧窮人口二十年圖,中國的赤貧人口由1981年的64%下降到2001年的17%!當然現在中國仍然有好多人無鞋著,但的確是有一大部份人已經脫貧,到底中國的發展模式可否套用在非洲國家?
- 我明白這個是十分資本主義的發展模式,產生社會不公,貧富懸殊,生態污染等很多問題.但,現在每一天有二萬人死於貧窮,難道我們還要一直空談下去,一點行動也没有嗎?


5. The Wareen Buffet's Way – Robert G. Hagstrom
- 一向好抗拒睇住金魚缸都可以錢揾錢既賺錢方式,但股神畢菲特那一套先了解企業如何賺錢,然後在低位大手買入,然後長渣吾放等升值,又好似幾適合我呢一種懶人.活在而個環境,如果吾投資,可能真係要做到八十歲先退休.
- 財技在第七章.


6. Who say the elephant can't dance? - Louis V. Gerstner, Jr.
- 我係第一次睇Management書可以笑到錶眼水.
- Gerstner大名如雷貫耳,一手將IBM在瀕臨分拆同破產的空前危機下起死回生.他的Entrepreneurship令人敬佩,Turnaround故事引人入勝.
- 最有趣的係Gerstner的心路歷程.好多重要的決定都是在非常緊迫而無足夠資料的情況下作出,靠的是對企業的理解,直覺,決心同少少運氣.而Gerstner自己都是要在事情發生之後的檢討才能解釋當時為何要這樣決定,是典型的強人領導風格.
- Gerstner提到自己在McKinsey做了十二年Consultant後,為什麼要改投American Express?他說他已經壓倦做一個提供意見的顧問,他要做決策及執行者!


7. Sophie's World – Jostein Gaarder
- 依本書用小說來講哲學,精闢易明到連我咁既哲學白痴都可以理解到西方各大哲學巨人的精髓.
- 仲一d都吾悶,故事的結局又完全出乎意料!總之,原來個咁簡單既書名改得如此貼切.


8. The Missing Piece – Shel Silverstein
- 依本係我最喜歡的繪本,如此純真,如此有哲理
- 作者還有The Missing Piece的續集The Missing Piece meets the Big O.
- 另外一本係講父母恩重難報的The Giving Tree,十分感人.
- 時代廣場的Page One有Shel Silverstein的全集,可以慢慢打書釘.
- 我有Missing Piece既Powerpoint,但因技術問題,一直Post吾到出來,等我搞好再post.


9. 有錢人想的和你不一樣 (Done)


10. Follow Your Heart - Finding Purpose in Your Life and Work (Done)


特別介紹給CM:
The Truth About Managing People... And Nothing but the Truth - Stephen P. Robbins
- 書中介紹63個管理原則,有一些我奉為金科玉律.比如第一條:在招聘員工時,要預計一個人未來的表現,睇佢的往績就得啦,如果一個人一向jumpy,來你公司會做得耐既機會接近零...

新年快樂!

祝各位身體健康,萬事如意!

PS. Broadband斷左兩日,十分徬徨...

送花比自己

有冇人在情人節送花比自己?一定有,我就識一個.

不過佢要咁做既原因,就同虛榮呀,辦公室收花壓力呀完全無關,佢其實只不過係為左做好呢份工,或者正確d來講,為左保住依份工.

話說早兩個月,有一晚剩返我個朋友同佢老闆一齊傾公事時,突然佢老闆向佢示愛.嗄,佢老闆結左婚嫁啦喎!我個friend當堂嚇到出吾到聲,咁佢老闆就即刻哈哈哈,轉口話係講笑,繼續傾公事.

這一件事之後,佢地之間既氣氛都有d尷尬.我朋友唯有出動必殺技,話自己已經有男朋友,仲要mobilize佢細佬同男性朋友多d在office hour打電話比佢,咁件事先至淡d.

我個朋友今次真係嚇破膽,因為就算在呢件事發生左成一個月後,佢第一次講比我知時,佢都仍然好驚,臉部肌肉甚至不受控制地有d震.可以想像佢當時既反應一定好似見鬼咁,希望佢老闆有返d同情心,吾好再搞佢.

不過我都有問佢,我地都吾係小妹妹,有婦之夫同你示愛,咁未話吾好囉,佢又奈你吾何,駛乜咁驚呀!

不過,個情形係佢老闆四十尾,五十頭,係八十年代一改革開放就已經北上的第一批先行者,而且,戰績彪炳.呢位老闆轉數奇高,而且在需要既時候,絶對心恨手辣.我個朋友親眼見到咁多野,對佢直頭產生左深層恐懼.好驚有朝一日如果吾小心踩到老闆條尾,真係吾知點死.

所以為左保險計,佢今次情人節都唯有自己出錢,訂花送比自己.鬼叫佢好鍾意呢份工咩.


BTW,今日果然係單身男女受刺激既日子,人界Blog界一片混亂...

有趣的計算(轉載)

如果令A、B、C、D……X、Y、Z這26個英文字母，分别等於百分之1、2、3、4……24、25、26這26個数值，那麼我們就能得出如下有趣的结論.

Hardwork (努力工作)
H+A+R+D+W+O+R+K=
8+1+18+4+23+15+18+11=98%

Knowledge (知識)
K+N+O+W+L+E+D+G+E=
11+14+15+23+12+5+4+7+5=96%

Love（愛情）
L+O+V+E=12+5+22+5=54%

Luck（好運）
L+U+C+K=12+21+3+11=47%


這些我們通常非常看重的東西都不是最圓滿的，雖然它們非常重要，那麼，究竟什麼能使得生活變的圓滿？

是Money（金錢）嗎？
M+O+N+E+Y=13+15+14+5+25=72%

是Leadership（領導力）嗎？
L+E+A+D+E+R+S+H+I+P=
12+5+1+4+5+18+19+8+9+16=97%

是Sex（性）嗎？
S+E+X=19+24+5=48%


????????

那麼，什麼能使生活變成100%的圓滿呢？

Attitude（心態）
A+T+T+I+T+U+D+E=
1+20+20+9+20+21+4+5=100%


正是我們對待工作、生活的態度能够使我們的生活達到100%的圓滿！

雙手空空

「握緊拳頭時，
好像抓住了許多東西，
其實連空氣都沒抓到！

張開雙臂時，
好像雙手空空，
但全世界就都在你手心！」

一看到這幾句說話時便喜歡,但是一下子又說不出原因.一覺醒來,忽然明白.

我好多時候想留住一些事,一些人,一些感覺甚至一些領悟時,覺得自己好像在開大的水喉水中,用手去捉住那些水.無論手指合得多緊,水仍然在指縫間流走.結果手唯一捉到的水就是弄濕了手的那一點點,而且很快連那一點點水也會蒸發掉.

而再望向水喉,水其實從無間斷,一直在流.我到底是曾經捉到了一點點,還是錯過了很多?

而張開雙臂時,雙手其實真是空空.但是,如果大家抬起頭來,看看世界就會發現,除了水和自己雙手外,還有如此多的萬事萬物.又為什麼只低頭看自己的小世界,不真正張開雙眼,到處去看這個大世界?

我相信,心有多大,世界就有多大.

To: 燥狂憂鬱雨夜屠夫

吾睇都睇到,咁就攤開來講.

1. 我舊知啦,我係形容我留言時的心態.真係有d偷捻虎鬚的感覺,都預左不會覆啦,我鍾意寫咪寫lo.我就不會用,見吾到咪見吾到,駛乜咁認真.

2. Wordpress都不惦?我昨晚篇文post了差不多一粒鍾,真是阻住我訓覺,都真是諗咁煩,不如不post啦.

3. 不知講乜,你覆緊第個?

4. 反射性不經大腦無意識"燥"音

5. 存乜在姐,有手有腳有時間,仲想點.我近排好不妥d馬料水思想男,係思慮太多兼逃避現實至真.

6. 做乜係度覆?你都磨刀霍霍lo,做乜要做牛羊.

7. 我都真係幾鍾意見到d人比我激到扎扎跳既樣.

女人的眼淚

女人的眼淚可以好似珍珠咁珍貴,粒粒充滿真情;但是又可以是用內功迫出來的Isotonic生理鹽水.

我不知點解咁好彩,工作上真是已經不記得有幾多人來揾我喊過.好多時是因為工作太多,壓力太大,所以d同事本來揾我講公事,講吓講吓就悲從中來,忍不住喊左出來.在呢d時候,我多數都是好想喊埋一份,因為果時大家都真是忙得好慘烈. 我會問有d乜野我可以幫到佢地,但是多數傾一大輪之後都不是太多野我係做到既.我真是好想幫手,但是因為我始終不係跟開佢地d野,佢地都好醒地驚我會越幫越忙而一於婉拒我.

咁我就唯有叫佢有d乜野麻煩人麻煩事都掟比我,等我搞d煩氣野,佢地就可以專心工作.等佢地情緒平伏了d,對眼無咁紅先比佢出去.睇住佢地剩返的一大堆雲吞,真是覺得都吾知呢間公司係咪榨汁機,要將d人最後的一分一毫的氣力都要用盡先心息.

好啦,到我轉了份工,d人手終於無拉得咁緊,結果又有各種人事問題.有次因為紀律問題同個staff傾,佢解釋到冇野可以解釋就開始培養情緒,迫左兩滴眼淚出來.唉,大家都是女人,你明明運氣喎,真喊定假喊我是睇得出既.不過無辦法,都已經喊左,咪唯有停落來揾紙巾比佢囉.出埋d咁矛既招數,真係無你乎.

不過我有個同事有個絶招,都真是令我大開眼界.話說有兩個staff因為待遇問題周圍同人講,仲要次次都七情上面,次次都喊.到佢地洗樓洗到佢果度,又係度喊既時候,佢竟然吾比紙巾佢地,由得佢地喊.咁而最神奇既事情就發生了,佢地見到我同事一d表示都冇,就用手抺走d眼淚,完全收曬d哽咽,好似無事發生咁,繼續講落去.

我聽到呢度,已經封了我同事做偶像,仲好希望我當時都在場可以睇到呢個大禹治洪水的奇景.

不過,到而家我都仲未用過呢招,亦都好希望不駛用呢招啦.

P.S.: 喂七十,好快d笑返囉喎,吾比紙巾你嫁!

面試怪談

雖然有好多人寫了面試怪談,但是當事情發生在自己身上的時候就真是另一回事.

今日約了個人上來面試,約佢十一點就十點已經上左來,話記錯了時間喎.仲要比我見到佢成枝黑色電燈柱咁打斜訓在reception張梳發度,呢個post都認真少見,不知佢係咪以為自己屋企睇緊電視呢?

好啦,等我終於送走真是約十點個candidate,諗住來接佢時,發現reception不見了呢位黑衫黑褲黑頸巾的中國籍男子.個receptionist話佢去了吃早餐,轉頭先返…

到佢十一點真是返來,一來就發出一種煙仔+大蒜+古龍水的可怕味道…

咁就梗係三兩下手腳送走佢,間房開不到窗就唯有向天噴香水再開大冷氣等d味散啦.

頭先仲要收到佢封thank you letter,話佢是呢份工的perfect candidate喎.我個同事睇完就係度狂笑囉.

點解咁黑,我係咪要揾個火盆來跳吓?

摘自 《禪 無所求》

[ 修行就像生活一樣，不是直線進行，
會遇到好日子和壞日子，無論
坐得好和坐不好，好經驗和壞經驗。

最好的方法就是把心專注在當下的事，
而讓經驗來來去去。

修行者，要徹底訓練自己的心不被
外境拉走，維持平靜，一切順其自然。]