2007年2月4日 星期日

女人的眼淚

女人的眼淚可以好似珍珠咁珍貴,粒粒充滿真情;但是又可以是用內功迫出來的Isotonic生理鹽水.

我不知點解咁好彩,工作上真是已經不記得有幾多人來揾我喊過.好多時是因為工作太多,壓力太大,所以d同事本來揾我講公事,講吓講吓就悲從中來,忍不住喊左出來.在呢d時候,我多數都是好想喊埋一份,因為果時大家都真是忙得好慘烈. 我會問有d乜野我可以幫到佢地,但是多數傾一大輪之後都不是太多野我係做到既.我真是好想幫手,但是因為我始終不係跟開佢地d野,佢地都好醒地驚我會越幫越忙而一於婉拒我.

咁我就唯有叫佢有d乜野麻煩人麻煩事都掟比我,等我搞d煩氣野,佢地就可以專心工作.等佢地情緒平伏了d,對眼無咁紅先比佢出去.睇住佢地剩返的一大堆雲吞,真是覺得都吾知呢間公司係咪榨汁機,要將d人最後的一分一毫的氣力都要用盡先心息.

好啦,到我轉了份工,d人手終於無拉得咁緊,結果又有各種人事問題.有次因為紀律問題同個staff傾,佢解釋到冇野可以解釋就開始培養情緒,迫左兩滴眼淚出來.唉,大家都是女人,你明明運氣喎,真喊定假喊我是睇得出既.不過無辦法,都已經喊左,咪唯有停落來揾紙巾比佢囉.出埋d咁矛既招數,真係無你乎.

不過我有個同事有個絶招,都真是令我大開眼界.話說有兩個staff因為待遇問題周圍同人講,仲要次次都七情上面,次次都喊.到佢地洗樓洗到佢果度,又係度喊既時候,佢竟然吾比紙巾佢地,由得佢地喊.咁而最神奇既事情就發生了,佢地見到我同事一d表示都冇,就用手抺走d眼淚,完全收曬d哽咽,好似無事發生咁,繼續講落去.

我聽到呢度,已經封了我同事做偶像,仲好希望我當時都在場可以睇到呢個大禹治洪水的奇景.

不過,到而家我都仲未用過呢招,亦都好希望不駛用呢招啦.

P.S.: 喂七十,好快d笑返囉喎,吾比紙巾你嫁!

7 則留言:

渣估 提到...

女人流淚時

我會伸出一對姆指

像汽車的水潑

給她抹乾為止

告訴她:

世上本無事

庸人自擾之

然後自行判斷

應否送上深情一吻

不理身前身後事

只求捨命陪君子

渣估 提到...

唔記得加番呢句:

"Yeah!"

匿名 提到...

Samsara姐,

男人面對女人既眼淚,無論佢係真係假都好,好大程度上除非「郎心如鐵」,如果唔係...基本上係無既防備能力...

但係,就好似聖鬥士星矢入面既明言一樣,「俾聖鬥士見過一次既招式,再用係無效既...」無論真定假都好,見得多,男人唔會feel到震撼,只會覺得厭煩...

所以各位姊妹,未到緊急關頭,千祈唔好出依一招「超必」...

Samsara 提到...

話要休blog的渣大情人熊出没注意.

Samsara 提到...

AK,分真假眼淚是高難度動作,係屋企既細佬仔同男人不好學.

不過真的都嫌煩,真是郎心如鐵.

吓...聖鬥士星矢都好睇.Well,好似出左新版,d公仔update左.

Blogger70th Floor 提到...

Samsara:
好感動呀
又想抱抱你添

C.M. 提到...

AK,香水姐姐講得o岩。

女人眼淚好難分得清楚,不過,若果你有機會做人事,建議你:唔理三七二十一,總之女人係寫字樓四圍咁喊,就千祁唔好中計!

香水姐姐,你個同事個招,小弟都要試試。(以往我都係一走了之,然後叫d女同事搞掂佢)