2007年2月14日 星期三

送花比自己

有冇人在情人節送花比自己?一定有,我就識一個.

不過佢要咁做既原因,就同虛榮呀,辦公室收花壓力呀完全無關,佢其實只不過係為左做好呢份工,或者正確d來講,為左保住依份工.

話說早兩個月,有一晚剩返我個朋友同佢老闆一齊傾公事時,突然佢老闆向佢示愛.嗄,佢老闆結左婚嫁啦喎!我個friend當堂嚇到出吾到聲,咁佢老闆就即刻哈哈哈,轉口話係講笑,繼續傾公事.

這一件事之後,佢地之間既氣氛都有d尷尬.我朋友唯有出動必殺技,話自己已經有男朋友,仲要mobilize佢細佬同男性朋友多d在office hour打電話比佢,咁件事先至淡d.

我個朋友今次真係嚇破膽,因為就算在呢件事發生左成一個月後,佢第一次講比我知時,佢都仍然好驚,臉部肌肉甚至不受控制地有d震.可以想像佢當時既反應一定好似見鬼咁,希望佢老闆有返d同情心,吾好再搞佢.

不過我都有問佢,我地都吾係小妹妹,有婦之夫同你示愛,咁未話吾好囉,佢又奈你吾何,駛乜咁驚呀!

不過,個情形係佢老闆四十尾,五十頭,係八十年代一改革開放就已經北上的第一批先行者,而且,戰績彪炳.呢位老闆轉數奇高,而且在需要既時候,絶對心恨手辣.我個朋友親眼見到咁多野,對佢直頭產生左深層恐懼.好驚有朝一日如果吾小心踩到老闆條尾,真係吾知點死.

所以為左保險計,佢今次情人節都唯有自己出錢,訂花送比自己.鬼叫佢好鍾意呢份工咩.


BTW,今日果然係單身男女受刺激既日子,人界Blog界一片混亂...

23 則留言:

tungpo 提到...

嘻,我唔覺你月友咁樣做有用。要來的始終會來。

Blogger70th Floor 提到...

> 今日果然係單身男女受刺激既日子,人界Blog界一片混亂

好好笑丫呢句

......我真係受左氣呀,samsara
但我又知道事情,合該如此

有d落寞添今日


我要一個極大既轉變

洛克 提到...

有咩大轉變 ?

Samsara 提到...

通寶,

死囉,連你都係咁講.睇來今次真係天要下雨,雷公係都要劈佢,都係叫佢著草算.

佢老闆結左婚嫁啦,頂!

Samsara 提到...

七十,

Well,咁你明知都要你肯先至有人可以比氣你受啦.

要愛自己.

係,好老土,咁真理就係多人講嫁啦.

洛克 提到...

samsara,

你朋友咁做係冇用, 因為有人想要 free lunch 嘿嘿~

Samsara 提到...

洛克老闆,

經驗之談?

學 霖 山 莊 提到...

今天應該很高興...

人界Blog界亂又何妨...
明天又是另一天...

單身 = 還有得選擇
要盡興啊...

洛克 提到...

唔係, 我係 office 絕對絕對唔搞這些野 !!!!!!!!!!!!!!!

我知, 因我是男人, 哼~

匿名 提到...

Samsara姐,

通常結果係求之不得,因愛成恨,殺人滅口...既然「心狠手辣」,自然唔介意「辣手摧花」...

Blogger70th Floor 提到...

寫左向 70/f 到
好長既一段 comment

C.M. 提到...

香水姐姐:

查實你朋友既然老闆都對佢有意思,相信佢就算唔係妹妹仔,都至少風韻猶在,無理由無人送花既。

不過,聽你講:“我朋友唯有出動必殺技,話自己已經有男朋友”,咁即係佢老闆之後應該繼續發動攻勢啦(我估)。但小弟道聽途說,必殺技唔係出動男朋友,而係出動“老闆娘”。唔知咁樣得唔得呢?

(抱歉,上次Ball場失散,找你不著:小弟未曾拜讀Guns, Germs and Steel,但推薦睇The Age of Revolution... sorry...唔記得作者係邊個。呢本書講拿破侖前後革命的發展,對於International Trade同埋經濟/民生政策有不錯既提示。對政治有興趣者,OK。)

渣估 提到...

深鯊娜姐姐:
想知如果發生響你身上,你會點反應?

CK 提到...

我都同意阿東寶既講法喎,咁做,未必有用。尤其係你話個老細咁醒添…

Samsara 提到...

學霖大哥:
多謝鼓勵.有又煩,冇又煩,所以都係吾好煩.

洛克老闆:
我個friend吾係兩打六,冇左佢睇怕都佢老闆都好頭痛,咁都要take risk博free lunch?吾係真係咁冇理性掛?

點解你咁肯定你係office一定吾會搞呢d野先?

AK哥哥:
吾駛咁dramatic一串成語咁出呀化,我個friend已經夠曬驚啦.

七十:
受氣而家野我真係有野講,但依排太支力,不過一定答.

CM哥哥:
我個friend的確成日低沽自己既魅力,所以先有咁大件事.

老闆娘係佢老闆既前秘書,你睇,人做事真係有pattern既.究竟d乜野人可以對自己咁有信心呢?

我過年前大掃除血洗書架,發現我有好多一頁都未睇過既書,仲有一大推睇左幾個chapter既書添,真係要清左d backlog先.

你篇狼&兔已經發展成CM Theory,我要認真睇完先答,同埋個sine curve好攪笑.乜我有contribution咩?真係受寵若驚.

渣老闆:
怕且我吾會咁委曲求全掛,你吾係真係決定向Amy出手呀!

CK老闆:
我個friend今次真係大件事,我會多d揾佢.

Samsara 提到...

仲有,係通寶吾係東寶.我都叫錯左好耐.

洛克 提到...

samsara 姐姐,

我唔會咁做, 係因為我唔鍾意咁做,

當把私人感情放係生意下, 永冇好結果.

你朋友個老細唔係冇理性, 係過份自信姐,

至於是否會因此而改變對你朋友既態度就好難講.

如果你都係唔明個老細點解,

你睇睇台灣首富, 我諗佢唔會覺得玲姐只為左佢D錢而同佢行埋, 佢仲可能認為自己好成孰有型, 呵呵~

C.M. 提到...

香水姐姐:

希望你朋友快快找到好歸宿啦。

>>究竟d乜野人可以對自己咁有信心呢?

梗係個d,未嘗失敗(自以為)既成功人士(自以為)啦。

>>d backlog...

請問有冇其他好介紹呢?今日睇過Guns既評論,內容雖然可能有d悶,但都可以打下半粒鐘書釘。

>>Contribution...

(嚴肅)當然有,而且重唔細添。尤其是你提到Jackpot問題之後,依家小弟對於雪崩又多一點體會和理解其誤區(and so on),再謝。

補充:因為洛克兄唔係個d過分自信,但又甚為理性既老闆,小弟相信佢絕對唔會借機行兇。但係如果細水流長,咁就邊個都話唔埋喇... (而且,洛克老闆間公司可能陽盛陰衰,所以機會又相對減少...)

Samsara 提到...

洛克老闆,

雖然我戇居得好爆炸,但都不至於咁天真既.我有個朋友當左我係佢良心之聲,連佢d婚外情都講埋.

男人,吾駛講得咁老定,有時d野真係估佢吾到.我始終覺得你一定吾會揾個足九point囉.

Samsara 提到...

CM,

咪為之"好歸宿"先?真係越來越吾明d火星人點諗野,都係搬返金星算,地球真係太危險.

吾講外星人啦,我d backlog都未睇就無謂介紹啦,我晏d post我個book list啦.請多多指教.

C.M. 提到...

金星人果然唔明白火星人講乜。歸宿?咪:Home is where your heart is 儸。

不過咁,對姐姐珍藏清單,非常期待。(開心!)

學 霖 山 莊 提到...

恭賀新禧...

ar! 老土咗D... ;P

C.M. 提到...

祝香水姐姐新年快樂,身體健康!

人界Blog界一片歡欣!