2007年2月27日 星期二

焦慮症

現在都市人真是如此難過嗎?我有個同事自從今年一月已經開始病,腸胃一直不舒服,不停腹瀉,去睇過西醫中醫總共五六個,吾同醫生講吾同既病,包括腸胃炎、感冒菌入腸、脾胃濕熱…

總之吃得你好Wing既西藥又試過,苦到喊既中藥又試過,就硬是吾好.

大家諗可能佢工作壓力太大,在農曆年既時候佢放大假,好好休息之後返來應該無事.點知,佢今日返來成個人廋左,臉色灰黑,仲披住件羽絨…

佢話佢有焦慮症, 而家睇緊家庭醫生,吃緊抗焦慮藥同膓胃藥.

佢好驚起身, 好驚返工,好驚吃飯,水都只係一日飲半杯, 好驚肚瀉, 好驚泠親.佢阿爸話佢痴線,佢就最驚係永遠好吾返…

依位同事絶對吾係d脆弱既人,之前就係佢教我點樣吾好比紙巾d扮喊的女人.之前佢咁精靈潑辣臭寸,而家見到佢竟然因為病而變成咁,我真係好心疼.

同佢傾左一輪,佢都一直笑吾出,最後都係我真係忍吾住走過去抱抱佢,佢先有返d笑容炸.

我當然鼓勵佢話吾駛擔心,好快就好.但係究竟幾時先好呢?佢都病左足足兩個月勒喎.而且依個真係吾止膓胃病咁簡單,我昨晚先睇緊本書話膓有好多neuron,真係一個好獨立既王國,佢要扭起計來,真係可以好嚴重.而且好多膓胃病其實同精神緊張同壓力有好大關係,比如以前就冇咁多人有胃潰瘍啦.

點解一個平時咁Energetic又聰明既人,自己都察覺吾到原來自己已經去到limit呢?我一直都覺得佢好tense同容易嚇親,都有同佢提過,佢都話佢知,但係點解依次咁大件事佢會一d都吾為意呢?

希望我只係過慮啦,祝佢身體健康,好似以前咁生猛!

各位,都要保持身體同精神健康啊,健康才是無價寶雖然老土,但係真係珍珠都冇咁真.

9 則留言:

Blogger70th Floor 提到...

佢要睇精神科呀
唔係講笑

由於我曾經有失眠既經驗
所以我比較清楚情緒同個腦裡面既receptors 呀 neuros 呀既關係

我建議師姐你介紹同事先看家庭科醫生--如果佢仲係睇緊普通科既話

師姐,你心地真係好,我又要抱抱~

tungpo 提到...

依家呢類病真係好多,我有個同學都係咁,日日唔想返工,後來要睇精神科醫生,長期食藥先叫好返。

匿名 提到...

Samsara姐,

據AK一位曾經係葵涌醫院任職既醫生朋友講,焦慮症同躁鬱症係香港最常見既精神病,焦慮症既患者通常有傾向唔敢正視本身既問題...所以到發現有問題既時候可能都會係比較後期...

通常依種病,唔係靠多d休息就可以解決...要主動尋求醫生協助,控制不穩定既情緒...

Blogger70th Floor 提到...
作者已經移除這則留言。
Samsara 提到...

本來打一大堆,不過short short地既blogger吾只吾比我login,仲食曬我d字.

總之,多謝各位關心啦.


七十,車,穿左就吾好玩lu.

Samsara 提到...

嗯,今日真係好多文/吻.

匿名 提到...

七十師妹,

驚聞有血書求救,入到黎發現...都不過係一陣花槍,不見劍影...反正唔係真打,又無穿頭流血...無case,外人好難介入既...嘻嘻...

Blogger70th Floor 提到...
作者已經移除這則留言。
Samsara 提到...

文盲,又幾貼切喎.不過,佢不嬲都係咁嫁啦,仲成日誤會人地既意思添.