今晚真係超級tourist呀我地---去太平山、上凌宵閣、去老親亭，仲要揾老親亭既機佬影大合照添！
Buppa Gump既野好好吃，好鍾意啤酒蝦同天使麵。仲有Forrest Gump阿媽既名句："Life is like a box of chocolate, you'll never know what you gonna take."
阿媽係得既！
香港既空氣不知何解好左咁多，今晚既維港夜景係我有生以來睇到最高解像度既一次，好清呀！仲有十六既月光．．．圓又圓。
最超低能勁搞笑就係一齊去麥當當對出既遊樂場玩，難得無細路仔，比我地依班Kidult玩曬。我真係唔知幾耐無玩過滑梯啦，睇我sir得幾快！好dun呀條梯。
可以同朋友慶祝生日，真係一件好幸福好幸福既事。大家都要好好保重身體，好好珍惜依段橫跨兩個世紀既友誼。
但願人長久，千里同嬋娟。
12 則留言:
恭喜你呀，還能有呢段橫跨兩個世紀既友誼！
D.
Happy birthday Samsara!! :D
SAM姐: 生日快樂!
(P.S. 見到妳篇隱形POST, 將佢隱形係好正確, 應該時刻都係正能量ma!)
bubba gump 小弟都幾 like。
d non-alcoholic drinks 好正，大大杯！
有 draught heineken！
小弟就最鍾意佢地個洋圈，好掂！
service好好，d員工態度到效率都好，有衝勁，overall管理質數令人欣賞。
話事人 jeremy 周末都係度，好鬼好人，講野d語氣咬字都好鬼 forrest gump!
佢地d t-shirt 都ok架！
唔好意思呀各位，我表達能力麻麻，昨日唔係我生日，而係同七月之星慶祝。我仲剛剛send email話晒比佢地知依個blog，嘿，佢地一定好後悔知道依件事，因為從今以後佢地會比我迫佢地睇同留言。
阿D:佢地係我中學同學，識佢地既年期呢，佢地都已經唔比我講出來。
小雲：幫朋友慶祝生日真係分分鍾開心過自己生日，特別係有朋友病過之後，真係要好好珍惜。
On Dog哥哥：哈哈，寫困篇時我真係好灰，不過之後同個friend去行街吃飯買野，我依個friend原來好識開解人，咁，又覺得無乜野lu。
星期一又係一條好漢。
PK_哥哥：佢地搞氣氛真係有一手，攞生日蛋糕出來時，唔係唱Happy Birthday而係cheers喎，好勁！唔知帶頭既係咪Jeremy，佢真係幾搞鬼。成班人都好有衝勁，一間餐廳可以有咁既氣氛，真係高質管理。
我地坐最入既Window seat添，好靚既維港景呀！
sara, 你都好似就快牛一喎..
Sam 師妹，
阿媽梗系得啦：系你唔想知惦解咁都得：系你唔想阿媽咁得，你就變得咁唔得！
四條曾真系大晒！
Samsara姐姐，
有朋友係身邊，可以唔需要孤獨咁上路...依樣野真係一件好值得高興既事...
姐姐係獅子女皇，都差不多係生日既日子囉... :)
Oh... I read in your previous post that your birthday is coming up so I thought that was your birthday. :) Happy early birthday then.
哈哈,咁多人用feed既原來,多謝各位。
香水妹妹：
預祝你生日快樂啦！
行山頂在毛毛細雨時去係最正的, 山下的風景朦朧一片, 好有煙雨淒迷feeling ~~, 上一次去, 好似是05年的事了..
張貼留言