2007年7月6日 星期五

板神

在京都幾日,個人真係會慢慢放鬆。行路慢左,吃野慢左。加上我全程大腦熄機---我又唔識日文,又係路痴,又唔係我計劃行程,阿公既錢又唔係我keep,真係一d野都唔駛我擔心,跟住行就得啦。

但係一到大板就唔同晒,大板雖然比東京好,但始終係日本第二大城市,好急好繁忙。

由京都到大板只需要30分鍾,但係就完全係兩個世界。在習慣左京都文雅緩慢既節奏之後,一出大板既地鐵,真係比佢如潮水既人流嚇親。唔知點解我地次次都會走錯邊,同人流方向逆轉,見到d好急既人潮向你沖過來,真係會緊張。在香港慣左唔覺,一定要個人放鬆左先會明白所謂既「都巿壓力」何來。

大板本身其實除左買野同吃野之外就無乜好玩嫁啦,佢果個大皮古城之前已經被燒燬,而家重建既手工好粗劣,真係到此一遊便算。

我今次住心齋橋既紅燈區,近心齋橋呀嘛,無所謂啦。

第一晚我地落酒店旁邊既7-11買野,我先發現點解買野d姐姐仔裝束咁奇特既?唔係話好性感,但係顏色係d好刺眼既桃紅粉紫,又係絲襪質地既One Piece裙,咁我至明成條街都係既依d「無料案內所」鋪頭係咁既意思:


無辦法啦,大腦shut down個人係遲鈍d。依張相我都係日光日白至敢影咋,如果夜晚我一出閃光燈,真係驚會比人圍。

同埋,心齋橋d渠蓋好有趣:





神戶呢,真係一個寧靜既海邊城市,已經完全睇唔到神戶大地震既痕跡。佢既日落,好美麗:










日本既環保,真係一級棒!

6 則留言:

學霖山莊 提到...

真係連個渠蓋都靚過我地果D...

火鶴 提到...

「無料案內所」D人, 係叫咩呢?

Yun 提到...

thanks for sharing your photos! I was just thinking, wouldn't it be easier to share it in a online photo gallery or something? It must took you a while to upload all these photos to blogger! :)

Samsara 提到...

學霖哥哥:係囉,依d咪係包裝囉。

火大俠:未兩樣家禽都有囉。

小雲:Humm, not many photos to share lu. I have cut it inot 10 posts per page, see if it is better?

seikomatic 提到...

行程其實系點jack?

Samsara 提到...

大師:個行程係京都-->奈良-->神戶-->友馬(温泉)-->大板。

始於最愛京都,我d friend都係,雖然落雨落到九彩。