2007年10月13日 星期六

路痴

起程之前,S問兩老外如果蕩失路既話,佢地會點,會唔會問人?

老外B:「我地從來唔會蕩失路...(接觸到S懷疑目光)...就算蕩失路都唔會問人。」

老外M:「係囉,就算你問人,可能d人都係指錯你路,都係自己睇地圖好過。」

S:「男人真係麻煩,蕩失路時自己唔問人,又唔比女人問人。」

M:「如果比女人問路既話,就衰多兩錢重,令男人仲難堪。」

B:「係囉,仲有呀,有時女人仲會搞錯左右,明明人地係指去左,佢會話轉右...」


Well,兩個老外中文字一個都唔識(雖然佢地話自己學緊),流落上海,結果都係要靠一個女人來帶路。仲要明知依個女人係果種明明曾經識點去,都可以忽然之間唔記得路既超級路痴。

女人S咪一樣係咁周圍問人,老外又阻止到咩?

姐咁,咪又一樣準時到達所有目的地,S仲要好成功地帶佢地由黃埔灘頭行到去豫園添。

路痴=/=白痴,ok?

19 則留言:

ah-yun 提到...

呢個咪又係男人的自尊心作祟囉。

在美國﹐呢個係眾所週知的問題。好些男人都是路痴的(when driving)﹐好在現在有GPS。

火鶴 提到...

S?

Blogger70th Floor 提到...

sara
唔係sonia呀死人長頸鶴

火鶴 提到...

噢, sor sor.
係呢S, 點解你成日睇穿我嘅?

學 霖 山 莊 提到...

水晶鶴...

匿名 提到...

Samsara 姐姐

有時睇你寫既野會令我覺得你好可愛。

如果我唔識路,睇地圖又唔明既話,我係絕對唔會阻止身邊既任何人去問路既。何必要阻止呢,盞令大家受苦。

匿名 提到...

Sara姐姐,

好多書都寫過啦,迷路時,男人係靠睇地圖,女人係靠問人...因為接收能力不同也...男人係用眼(所以鐘意睇女),女人係用口(所以八卦)...嘻...

匿名 提到...

Well...

男人同女人係生活係兩個WORLD到, 係咁既啦~~~

有否食小籠包? (my favourite!)

Samsara 提到...

小雲:係啦,要應酬依d脆弱既manhood真係好麻煩,所以我晨早講定比佢地聽囉。

火大俠:對於港女來講,無花崗岩就乜都唔駛講。

七十:你係咪有心靈感應嫁。

學霖哥哥:你隻眼好返未呀?

獅子哥哥:係呀,我唔發脾四時都幾鍾意扮可愛,仲要懶好笑...兼迫人一定要笑添,你有冇笑?

AK哥哥:好多書係寫男人揾唔到路時,女人點樣諗辦法自救又唔傷男人自尊喎...路痴依家野我都未講完。

On Dog哥哥:唉,我在上海食左兩餐KFC...我都係第一次在香港以外既地方去KFC。

如果唔係揾唔到牡丹樓既話,都一定會去。無食小籠包(我都好鍾意),無食蟹。

不過老外B晚餐帶我地去全上海最高既金茂食自助餐,個夜景真係靚到叮一聲,有d似維港景...仲有一個老翻中國銀行。

我好想影返張相比大家睇嫁,但係玻璃太反光,影來影去都只係影到自己。

匿名 提到...

Sara姐姐 and On Dog兄,

可惜香港沒有做得真正似樣的小籠飽...如果唔係下次中童聚會就可以有著落了...等AK check下先...

匿名 提到...

Sam姐, AK兄:

豬肉!係D豬肉~~~
國內既小籠咁好食, 係豬肉既因素, 香港冇架~~~

黃埔鼎泰X同台灣的, 味道又大大不同...都係城皇廟的最正!

(gluttony...)

匿名 提到...

On Dog 兄,

側聞鼎泰X的小籠飽好味,不過我話過呢世都唔會係香港幫襯鼎泰X,因為之前一次極不愉快既經歷,淨係企門口個兩位門神,我已經俾個零分呢間野,不過當時我未知原來鼎泰X係咁出名食小籠飽。

對唔住 Samsara 姐姐,借左你少少位。

Samsara 提到...

小籠包,我至鍾意係台北鼎泰豐,我一個人可以食一籠(!)...而且一定要去老店,新店完全唔同味,係比旅行團去既。只有小籠包最好食,其他蟹粉小籠同小籠湯包都無咁正。

香港,真係唔知邊度有好既小籠包喎。

香港南翔d小籠包唔得,仲有種好大既小籠湯包,有飲筒比你飲d湯...好腥。

死囉,gluttony我中晒。

匿名 提到...

獅子皇/Sam:

頂太瘋香港+台北都去過, 冇咩感覺...
似終上海南翔是食過最好!

(gluttony...gluttony...gluttony...)

匿名 提到...

獅子皇/Sam:

頂太瘋香港+台北都去過, 冇咩感覺...
似終上海南翔是食過最好!

(gluttony...gluttony...gluttony...)

匿名 提到...

(...sorry...點解出左兩次...)

C.M. 提到...

若果撇去小籠包,綠楊邨(CWB World Trade)又可唔可以呢?

果度d醉雞、清炒蝦仁、干煸四季豆等都好正(七年前)。

匿名 提到...

好!
下次中童會地點有著落了...

Samsara 提到...

好呀,緣楊邨真係好耐未去過。