2007年12月4日 星期二

...

尼泊爾依個雪山之國雖然天氣苦寒、生活艱苦,但尼泊爾人卻出奇地温和友善,見到人唔理識唔識,都會打招呼,講:Namaste!我當時以為Namsate係『你好嗎』咁解,但係查左Wiki先佑原來依句說話咁有意思。

(多謝Wiki,令我足不出戶能知天下事。)

去到尼泊爾,當然要行山啦。在山區陰晴不定,會一下子好曬跟住又忽然落雨,跟住又好曬;我地d衫就跟住重重覆覆地乾完濕、濕完乾。

有一場雨實在太大,我地跑入山上一戶人家避雨。

依戶人家的屋好細,而且半窩在山洞裏,咁樣冬天時應該比較暖。主人同佢太太都好好客,雖然言語不通,都會用手勢請我地坐。佢幾個小朋友都好奇又害羞地躲在一旁偷看我們;屋內没電,窗戶又很小,看不清楚孩子的樣子,但隱約見到佢地都係面圓圓又紅冬冬的可愛蘋果臉。

主人的妻子很快地煮好茶比我地飲,仲好慷慨地放了很好糖。當時我一日之內淋左幾次雨,又攰又涷,飲左依杯甜美的熱茶之後,真係由個心裏面暖出來。




上年我媽媽忽然想助養小朋友,去宣明會填了表格,也没有指明要助養男女或者哪一個國家既小朋友。結果宣明會安排左一個尼泊爾既三歲小妹妹比佢。我媽媽作為一個虔誠既佛教徒當然好高興,很喜歡這個來自佛陀出生聖地既小女孩,深信同佢好有緣份,仲將佢既相片放在床頭…要知道,佢床頭連我既相都無擺呀!

當日尼泊爾既村民贈我熱茶,今日我媽媽助養尼泊爾既小女孩(係我比錢既),冥冥之中的緣份,真係好奇妙。

其實如果一直追索到古代,我地都係在非洲的同一個女人的後代,所有人類,不論什麼膚色,不管身處地球哪一角落,我們其實都是兄弟姊妹。


想助養孩子嗎?

7 則留言:

sf 提到...
作者已經移除這則留言。
sf 提到...

沈三畫, 有緣嘛.

打岔說句, 看到佛教徒這三個字, 心中不無感想. 現在已很少人稱佛弟子或者學佛的了.

嫌學佛高檔, 可以禮佛, 念佛, 拜佛, 再不然就說拜菩薩吃長齋也好. 相比於持戒修行, 佛教徒這個觀念, 老覺得很隔.

seikomatic 提到...

千里善緣。善哉!異地文化始終令人響往。

尼泊爾系幾耐之前,今次?

Samsara 提到...

先生:學佛高檔嗎?哈哈,其實難在實踐。

又,佛陀教導世人無常法則,依個係universal rule,亦都apply落佛法之上。佛預言佢既法會流傳正法五百年,像法五百年,未法一千至數千年(有唔同講法),跟住,佛法會盡滅,無人再知道佛法,直至好耐好耐之後,下一位佛【彌勒佛】出世,再次將佛法帶比世人。

我地雖然在未法年代但始終都可以得聞佛法,真係一件非常幸福的事。

什麼叫很隔?

大師:哦,係我大一既事,當年我去印度、尼泊爾、孟加拉。

我依個大長篇我都唔知自己會最終寫d乜野出來,亦唔知改d乜野名好,所以用d點點來叫住先;何況,我都真係覺得自己係在度connecting dots。

我以前既選擇同經歷帶我到今時今日,今日既選擇同經歷又會帶我去邊呢?嘿,真係好有趣。

seikomatic 提到...

今日既心情,回味當日既片段...

俺覺得當日寫今日睇今日再細味當日所寫然後再寫當日既....(七十既講野風格)

sf 提到...

沈三畫阿沈三畫, 你講左去邊呢?

Samsara 提到...

哈哈,先生,究竟乜野叫做『很隔』呢?我真係唔明喎。