2007年12月21日 星期五

聖誕快樂

可能因為依排太奔波,忽然發現來緊星期一就係平安夜啦!仲有兩日假放添呀!

蝦,一年咁就過完,我地好快已經去到北京奧運既2008啦。唉,我呢,唔單止已經到左要計減數先知自己幾多歲既年齡,亦都到左覺得時光飛逝既年齡lu。

我覺得寫blog超過一年既最大好處,就係可以睇返當年今日啦。日子一日一日咁過就唔多覺,但係一睇返自己一年前寫既野,先發現自己原來在不知不覺間有好大既轉變。

我一d都唔期待滿面皺紋既一日,但係,人大左,跌過、痛過、開心過、傷心過、憂鬱過,先真係會生返少少智慧,同埋會產生d同理心,唔會好似細個時咁無聊&無知囉...雖然其實依家都仲係好無聊&無知,但係點都好過之前咁囉。

上個禮拜我攞返一本兩年前買既書出來,當時因為睇唔明,睇左一個Chapter就放低左,但係依家一睇,竟然明喎,仲睇得好開心添!可見青春(正確d來講係時光)的流逝,係可以換來知識的增長…其實,都幾令人老懷安慰嫁,個天,都真係對我不薄呀。

昨日我所做既行為決定,令我成為今日既我,而今日我既努力同決定,亦會成就明日的我,咁樣一步步行來,有起有跌...真係幾有趣。

又,有情人老公老婆陪伴過聖誕就緊係好啦,但係就算無,仲有朋友兄弟姊妹父母嫁嘛,未一樣咁好!唔駛煩惱喎,依樣野,有又煩無又煩嫁姐。

都係,祝各位聖誕快樂,下年想果樣有果樣啦!

恭喜恭喜!

19 則留言:

Derek Greyhound 提到...

Merry X'mas and Happy New Year!

seikomatic 提到...

俺中意:【肆無忌憚,隨心所慾】

匿名 提到...

Sam姐: Merry Christmas!

(小9在西隧中苦戰~~~)

>_*

野蠻郡主 提到...

聖誕快樂!玩得開心d呀!

火鶴 提到...

sara, 聖誕快樂!

Derek 提到...

我睇番一年前既blog,覺得自己好低b=.=

學 霖 山 莊 提到...

Samsara,
聖誕快樂! 哈利路亞...

P.S. - 好高興結識了這麼多朋友:)

Gideon 提到...

聖誕快樂喇﹗

怒火眼睛 提到...

MERRY CHRISTMAS!

我都反省下過去一年先 :p

s-pig 提到...

Samsara 姐姐,

一年又過,祝你聖誕快樂,來年過得更充實、愉快!

匿名 提到...

Samsara師姐,

「有情人老公老婆陪伴過聖誕就緊係好啦,但係就算無,仲有朋友兄弟姊妹父母嫁嘛,未一樣咁好!」

簡單一句:有情人終成眷屬,無情人唔駛一鑊熟!

聖誕快樂!!新年進步!!

Samsara 提到...

多謝各位!!!

又,下一篇係講我今年最喜愛的書...賭緊錢既朋友,係咪好期待呢(嘔)...

下一篇,真係好好睇嫁...好好睇...好好睇...(echo中)

sf 提到...

原來好熱鬧喎.
沈三畫, 聖誕快樂.

ah-yun 提到...

Samsara姐姐: 聖誕快樂!

^^

Derek 提到...

你都要聖誕快樂丫

匿名 提到...

香水妹妹你都要聖誕快樂呀!

渣估 提到...

阿 Sam:

書既野有時係好玄架,雖然第一次睇唔明,但係種籽已經悄悄地生長,「忽然頓悟」原來都要慢慢孕育出來,好過癮既呢...

祝你 聖誕快樂!

K 提到...

Merry Christmas!

>>下年想果樣有果樣啦!

大家咁話!

匿名 提到...

姐姐,

雖然遲左少少, 都祝你BOXING DAY 快樂, 新年進步 !!

HITCAKE