2008年1月4日 星期五

.....

我地一早由印度邊境入到孟加拉既首都達卡,一到,就遇到全國大罷工。來接我地既人,催我地快快上車,在罷工日渣車仲要載住外個人係非常危險嫁,分分鍾會比人因為比人發現佢有開工而比人圍。

在南亞一帶,人民很明顯地對政治十分熱中。我在尼泊爾時,當地正選舉地方議會,到處都貼滿參選人既宣傳海報,而且好特別既係,佢地除左會寫出自己既選舉號碼之外,仲會畫一個鐮刀磓仔之類既符號在自己張相下面。

問左當地人先知道,因為有好多尼泊爾人係文盲,連數字都唔識,選票又唔會好似香港咁精美,會印上候選人既相片,所以佢地既選票上面,除左候選人既姓名、號數之外,仲會印上依d自選既符號,方便選民投票。

當地人搞既示威遊行,閒閒地都過千人參與,過萬人既集會亦都非常普遍。而且,當地人告訴我們,如果參加集會既人數唔夠多既話,佢地係會取消集會既,否則就會被人唱,話佢地既政見無人支持云云。

適馮我地偶上五一國際勞動節既集會,有機會見到人山人海既塲面,佢地難得有一日假期,唔係去BBQ行街睇戲食飯,而係去勞動節集會,可見依個集會既重要性。令我忍唔住想到上年澳門在國慶節時發生既警民衝突。

有人話,只有世道不穏既地方,人民先會熱心政治。言下之意,係政治冷漠係一件好事,因為證明你一定係經濟繁榮;講到我地好似貓狗一樣,只要得食有得住就得;又好似真係樣樣都有個價,包括自由、平等、公義。但係,澳門上年既一次衝突,正正突顯左在一片歌舞昇平、政治安定、十五年免費教育既假像之下,潛藏既貧富懸殊同埋社會不公,因為在正式既政治場合甚至選舉之下,澳門人都無辦法表達不滿,終於爆發小規模衝突。

咁,香港呢?

3 則留言:

seikomatic 提到...

師妹,

無咁單簡嘛!

政治參與情度同

1)經濟發展掛鉤?
2)民智掛鉤?
3)媒體(第四權)存在掛鉤?
4)種族/性取向/宗教/堅尼系數/金錢/社會資源分配/食油豬肉價格掛鉤?
5)黨性掛鉤?
6)天氣溫度/地理/科技發達情度掛鉤?
7)其它政治掛鉤?
8)候選人個人運程/魅力/外表/超能力掛鉤

人系好複習既動物,因為除左生存,仲會考慮犧牲呢樣野。

C.M. 提到...

阿香妹:

我今日做到要生要死呀... 坦白講,可能比你刺激左,我呢排竟然比一個連自己都陌生既“印度”佔據左,仲寫左成千字添,唉,都唔知自己係度發咩夢...

呀,我真係想問下你對於印度個印象係點。其實呢... 我都係八卦啫。

Samsara 提到...

大師:
8) 候選人個外表...真係好重要。

CM哥哥:
千幾字咁犀快利?post出來睇下啦,我對印度既感覺認真複雜,所以搞出大長篇...容許我,極度慢地寫。