2008年1月15日 星期二

絨布

妹妹剛剛收到快遞件,打開見到係Sample Card,貼住塊絨布。


唔通佢寄錯件?我地唔係買布嫁喎。



咦,點解咁重,絨布下面好似有d野?



??



????



????















????






??













???



??






???

竟然係d咁既野!!!!!!

!!!!!!!!!!!!!!!!!!!!!!!!!!!!!



任何信件都唔可以寄錢嫁大佬!仲要係人仔,我地唔收嫁喎。

咁樣係咪偷運人民幣出境呢?

依間公司從此別號【絨布公司】。

好彩唔係刀片。

23 則留言:

C.M. 提到...

嘩!佢地真係膽大妄為!(一係d錢多到洗唔哂)

Derek 提到...

真係唔知唔可以寄錢架啵

學 霖 山 莊 提到...

咁樣樣請妳飲茶...
小心變廉記卡菲...

火鶴 提到...

應該話:
好彩唔係X錢.

Samsara 提到...

CM哥哥:個故事仲未完結,我地打返電話比個客同佢講唔可以咁樣寄錢啦,佢竟然問,乜我地唔係收到美金咩???

佢調亂左d信,寄左幾間公司既payment對我地...

Derek哥哥:唔可以寄錢嫁,只可以寄check。

學霖哥哥:得四百幾蚊人仔姐,但係佢真係好on居,如果我自己袋左,話收唔到既話,佢原全係没我符囉。

大俠:哈哈,你正一係傻佬。

seikomatic 提到...

出手太底,一於打電話去話鬧衰佢,千奇千奇唔好再悔辱你。今次寄錯就當無發生過,叫佢醒醒定定。

ak 提到...

Samsara姐姐,

依間公司既行政能力有問題...以後同佢地合作要小心d...

Derek 提到...

ak不愧係做老闆既人

ondog 提到...

大陸公司係咁架啦! 國情, 國情!(又係呢個理由...)

肯寄落黎咪好咯~~~ 以前有個大陸大客唔找數, 話人仔CASH就係台上, 夠POP就上黎夾!

結果因冇錢出糧比人, 小9冇辦法唔上去, 結果要夾住四十幾個落黎呀陰公~~~

Samsara 提到...

大師:係喎,點解我諗唔到應該咁做呢?四百幾蚊都唔知佢找d乜野數可以咁少。

AK哥哥:我無得揀客既,而且仲有好多騎呢客,有個女人次次打來都係講:『快d,唔駛急...快d!快d!快d!』

唔係有妹妹中間隔一隔,我好有可能會鬧爆佢。

Derek哥哥:係啦,唔做老闆si晒佢。

On Dog哥哥:你唔講我都諗唔起,之前有份工返親大陸都有人會要我幫手帶辦,雖然好細件,揾到都唔知係乜,雖然我依世人從來無比海關截過,無試過比差人查身份證,但係,我明知咁樣瞞稅係犯法既,都係被迫要做。

我老細就仲衰,次次都有人比一大疊人民幣佢帶,我諗一來我新、二來唔夠大隻,否則連我都要幫手帶錢。再加埋其他好多野啦,結果頂唔順辭工,量左足足大半年地...妖,我係做正行嫁,唔做衰野唔得嫁咩?

不過四十幾個有幾大疊呢?人仔全部都係一百蚊紙來喎...你係咪好似做戲咁,攞個硬盒公事包上去?

癲狗 提到...

我諗樓上on dog大佬應該好似渣老闆之前講咁"腰纏萬貫"地運錢, 或者索性型d好似james bond咁一"gip"全部都係cash

不過, 唔可以寄錢係指非法呀? 我幾好奇點解唔可以喎 oo?

Samsara 提到...

癲狗弟弟:

郵局同courier都係唔比人寄現金同唔負責任何損失嫁喎,細個時成日都希望有親戚會寄利是比我,不過阿爸話唔寄得錢...唔通,佢呃我?

ondog 提到...

返工件SUIT/JACKET內袋要夠多夠大, 裝左40個之後, 會化身45寸胸膛既JAMES BOND, 子彈都射唔入, 闖關時萬夫莫敵!

ondog 提到...

癲狗兄:
"一gip都係..."

千祈唔好, 因好易搞到"一褲都係..."

C.M. 提到...

呵。難怪你大隻得咁緊要。

et 提到...

我收過yen


(我懷疑日本係send得cash
因為唔止一個係咁

Samsara 提到...

On Dog哥哥:哈哈,原來你裝胸作勢既!又,你攞四十個時有冇數嫁呢?有冇數錢數到手軟?其實你叫個客寄比你囉,叫佢declare做『印刷品』。

CM哥哥:你又帶夠四十個囉。

ET姐姐:乜日本治安真係好到咁?

ondog 提到...

佢更係唔會寄比我啦!
我差D要搵有背景既一斉上去追數~~~

Carole 提到...

日本治安已經差咗好多

讀緊書時
我放低個背包係瀑布旁
玩完一日返轉頭
都仲係度
掉咗個相機落地下
成班人圍住你
問你有冇事
(雖然大家言語不通)

Samsara 提到...

ET姐姐:

一個社會富裕呢,就真係可以做到夜不閉戶,路不拾遺。我有次去日本旅行,個朋友唔記得攞鬧鐘,一個轉頭之嘛,酒店已經扔左入垃圾桶。

一個鬧鐘喎。

好大反差既係,我在尼泊爾,漏左張明信片,明明上面寫晒野同有我簽名...個酒店老闆都差d唔肯比翻我...花左一輪唇舌先至攞得返。

C.M. 提到...

>>一個社會富裕呢,就真係可以做到夜不閉戶,路不拾遺。

香妹: Errr...真係一個富裕社會就/先得?

Yun 提到...

我想﹐錢不是不可以寄﹐只是寄失作冇人賠俾你。係呀﹐如果你同個客講﹐我冇收到﹐佢都奈你唔何架。以前﹐香港姨媽每年聖誕都會寄一百蚊(美金!)俾我同妹妹架。夾在聖誕卡裡! 所以﹐你爸爸的話不是全對囉。哈哈。

>> 一個社會富裕呢,就真係可以做到夜不閉戶,路不拾遺。
以前小時候在大陸鄉下地方﹐日間是不關門的。(睡覺時才會﹐但沒有鎖的。) 我反而覺得富裕社會才會有好多問題出現呢。

Samsara 提到...

蝦,CM哥哥,你個問題問得咁好既。你岩,唔係富裕就得,仲要貧富不能有太大差距,人人有道德良知同廉恥之心,既係孔子講既禮。

小雲:嗚...原來我阿爸又呃我。

唉,係囉,其實滿足左基本需要之後,就無人會因為肚餓而犯罪,但跟住就要有道德教育囉。