2008年3月26日 星期三

上海

在上海mou足一個月返來,恍。如。隔。世。

怎麼一下子已經三月底?!好像剛剛過完年,2008就快會過一半啦,時光飛逝就是如此,我返依份工咁耐,一日annual leave都未放過呀,就連sick leave,都只係放左兩日,好想放假,唔去旅行,只係留在香港hea果隻。比如訓到黃朝白晏,me me mo mo先出街同d仲好命苦要返工既朋友食下晏,然後去行下書局,睇下戲,飲下咖啡,睇下書,咁就一日,幾咁好呢!


好明顯,我真係好累了。



上海嘛~~~

公事:什麼事情都在發生。唔知點樣小心。

天氣:涷。乾。 沙塵滾滾。

你去號稱「上海彌敦道」既淮海路都仲有人洗地,會好d,但係一去到淮海路旁邊既小路,已經周地垃圾污水沙泥...去到我果D既邊陲工業區呢,就真係在大風時,如果在街一面行一面講野,把口係會入沙既。

的士:每天的戰爭。的士太平,勁好生意,非常難截,司機仲要發鷄盲,就算你狂揮手都真係會見唔到你截車,就算終於見到你,都會停到無雷公唔遠...想好似香港咁打個眼色的士就會停在你身前,唔好諗啦。


員工:要靠運氣,有唔返工連電話都無個,跟住又跳草裙舞在度周圍試工世界女,好在亦都一樣有d刻苦耐勞、好純品下既妹妹。


勝在肯學。


要既係:耐性、耐性、耐性。

慢慢教:提完又提又提又提又提又提又提又提又提又提。

人工平咁多,唔可以要求太高。



其他人既員工:改少少野起碼要一日,仲要成日唔記得,永遠係要做客果個三催四請,做埋佢秘書。仲要不停地出錯,最高記錄,係同一份Excel,錯左五次...無氣。



英文:哈哈,都係算吧啦。不過,就後因為上海人既英文太水,出奇地有澳洲人在上海做地產,專門做返鬼佬生意...佢應該只可能做到鬼佬生意,連跳名都講錯發音,揾到我呀...點樣養得起依個老外?嘿,同一個office,其他agnecy都唔會收介紹費,佢就要收一個半月租,仲話係因為果度太平,業主唔肯比介紹費喎...一個半月租,都真係幾和味。



Toilet:攞命。驚嚇。戰慓。惡臭。頭皮發麻。。。好抓狂呀!已經去到生存問題,為左唔駛去一d嚇人既toilet,進入閉水mode---早餐不食流質食物,全在街外絶不飲水,中午揾有乾淨toilet既餐廳食lunch...我平時一日唔只飲八杯水既,真係崩潰!!!...唉,仲諗去偏遠地區?一個toilet已經打敗我。




上海要追得上香港?Well,教育同周遭環境既問題,只輸入一流硬件,但人既質素有待(大幅)提升。。。有排。

20 則留言:

Juicy Runners 提到...

Welcome back!

(學CM哂哂命先...)

小9呢幾日放假咩地方都冇去, 斎HEA, HEA到頭都痛! 可能太晚睡, 太遲起床...

C.M. 提到...

(真係想頂爆人地個膽)

Juicy Runners 提到...

想攞膽? 喂! 4月頭...

C.M. 提到...

(...下?我唔記得係咪約左你添...)

阿香妹,你幾時返黎架?

大約五年前我見工,個interviewer問我上海可唔可以係十年內追上香港(咩叫追上?),我話二十年都唔得。睇完你咁講,等小弟寫番篇馬後砲先!

ah-yun 提到...

Welcome back!!

我都係度諗你去左邊呢﹖!!!

> 唉,仲諗去偏遠地區?一個toilet已經打敗我。

唉﹐我都係。成日懶係好想好型咁去D落後地區﹐但自己知自己事囉……

Ah, I'm going to Japan! Yay!!! :)

匿名 提到...

姐姐,
welcome back~
咁耐唔見你post 文, 原來去左艱苦團, 真係可憐, 返來香港要好好休息下啦 ~

hitcake

Barry 提到...

下個月記得返學啦!

火鶴 提到...

SARA!!!

返嚟就好囉
抖番夠本啦
駛唔駛再上去呀?

匿名 提到...

>要既係:耐性、耐性、耐性。

>慢慢教:提完又提又提又提又提又提又提又提又提又提。

我地班大陸同事都係一擔擔,個個都係差不多先生.

匿名 提到...

Samsara 姐姐,

我仲以為你唔再寫添。

我公司雖然係香港公司,但係上海都好出名,如果你有留意既話就知我係乜野公司做。

我大老闆成日都對上海讚不絕口,話 D 大學生好醒,個個都會係會議上發表自己既意見,blablabla........總之上海(其實係中國大陸)就乜都好,香港就乜都唔好。

大陸而家緊係好喇,佢等如三四十年前既香港,錢(無論黑錢白錢)係勁容易搵;係香港太多法律既制肘,錢就勁難搵。

Morca 提到...

Welcome back!! X 2

seikomatic 提到...

師妹,

多d、多d、多d.........

伯有 泰山拔千斤呢?

seikomatic 提到...
作者已經移除這則留言。
Samsara 提到...

On dog哥哥:hea幾日之後,要出下去見人&運動...你又有假放,妒忌中。

CM哥哥:岩岩返咋,大把鑊等住我...你呀你,好得戚呀依排。

小雲:日本正呀,去北海道?本州?

打餅妹妹:儘量啦,但係好似休息極都唔夠。

師兄:原來法師仲未返Sri Lanka!!!太好啦!

大俠:我成個office set左在度,就一定要不時上去嫁啦,但係就唔駛成個月咁耐囉。你篇巨著,真係好~~~長,睇完先講呀吓。

數怪哥哥:我個情況好d既,人係我請,亦都係我train,所以,唔係佢地惦唔惦,而係我惦唔惦...比較心甘命掋。

獅子哥哥:好耐無見啦!!!你好嗎?
我咁多疇講,點都會寫d野既...你依個問題有d深,我就算知都唔會講,爆blogger真身,係依度係CRIME...我唔鍾意上海人果種才大氣粗、輕浮同斤斤計較,請既都係外省人。

Morca姐姐:Thaks!!!

大師:我行完兩日泰山,腳痛到今日...等我得閒d再post相。你幾時再去上海呀?我有好介紹喎。

提到...

其實深圳啲人既水平反而比上海好,我公司深圳office啲同事而家都幾ok,但就要不斷勁加人工囉

不過要佢地好似香港人普遍咁摶,sorry,冇可能

學 霖 山 莊 提到...

Welcome home...
真係miss u much 呀!

Hana 提到...

Welcome backx3
終於又有得睇了。

Samsara 提到...

米搞哥哥:我以前深圳office既同事都唔錯,勤力醒目。

>>勁加人工...成個大陸都係咁,所以佢地全體都有好樂觀既情緒。

學霖哥哥:係呀!返到屋企真係好,我都好掛住你地呀!

Hana姐姐:多謝!幾時得閒寫返下blog姐?我地一直等你。

匿名 提到...

姐姐
抖得幾耐就幾耐呀 !!
你知唔知我已經搬左blog? or 我可以 email 新blog 地址比你.
hitcake

Samsara 提到...

妹妹原來搬左,我仲以為你讀書忙添...send個link比我呀!