2008年6月4日 星期三

十九、二百

又一年,已經十九年,下年就真係二十年。

究竟下年仲駛唔駛在滂之中坐在維園集會,要求平反六四呢?

好難講囉。

有人比喻依個世界既變化其實好似將一大舊零下100度既冰放入煲度加熱,加熱左好耐好耐,你都唔見有任何反應。心諗,車,未只係一舊硬掘掘既白色石頭,無特別呀,無料到喎。可能在你傻更更地周圍揾樹枝木柴時,仲有路人會在度冷言冷語,笑你做乜在度浪費功夫,唔去做d更有建設性既野。

如果你在依個時候熄火,咁白色石頭就真係一直都只會係白色石頭囉。

但係,好神奇地,如果你夠耐生,一直加熱,忽然之間,白色石頭開始溶,然後,變成一煲水!

轉變依家野,有時係漸變,但係呢,亦好多時會係突變。


你點知下一刻會發生乜事先?


*****

又,拜讀唐德剛先生既袁氏當國,真係有矛塞頓開之感,當年悶絶人寰既中史堂講到清未民初,真係只有兩個字:鬰悶。只有一堆xx條約,割地xx,賠償白銀xx両...同埋一大串人名!睇完除左知道比人踩到上心口之外,都係唔知發生乜事!你都好難怪我中三一畢業,逃離中史之後就打死都唔睇。

但係唐先生呢,可以將一片混亂既資料整理出來,將個故事講出來,學唐先生佢自己話齋,真歷史遠比假小說來得有趣!唐先生唔只鍾意說書,仲會加埋評論,同埋將各唔同時空既歷史人物作比較,哇,唔係講笑,真係好睇過八掛雜誌(依個係讚美)!

但係唐先生認為呢,中國行左二千幾年既帝制,要走向共和,中問一定要經過漫長而痛苦既轉型期,有如長江流向三峽依個瓶頸,中間既怒濤洶湧在所難免!

唐先生估計,依個轉型期,由清未計起,總共要二百年。點解係二百年而唔係一百五十或者三百年呢?我只睇唐先生一本書都仲未睇到喎,如果要二百年既話,就要等到二十一世紀中葉,先至全部轉型成功。

但係,估勿論駛唔駛二百年先過晒歷史三峽,平返六四依件事係唔駛等過晒既。倒轉講,真正面對歷史同埋承擔責任,先至可以進步,向前繼續走下去。


希望好快唔駛年年維園見啦,真係好大雨!


****

昨晚出乎意料地無落狗x,只係落左少少雨粉,連傘都唔駛開!

其實呢,一次咁既集會,用左好多candle、紙杯、banner、傳單,個台同影音設備又要起又要拆,個地下好鬼死硬,又熱又焗又落雨搞到全身臭汗,實在又唔環保又辛苦。依dkarma唔該全部入晒鄧小平數。

我呢,下年一d都唔想去啦,所以呢,學陳日君話齋,就趁下年就二十周年,快d平反六四啦!!!

11 則留言:

seikomatic 提到...

師妹,

如果講等時間去沖淡就系涼薄,不如話等時間將事實彰顯,但彰顯系需要條件配合的,例如乜乜過世,物物上臺....

C.M. 提到...

>>例如乜乜過世,物物上臺....

嗯。

你比左多幾個example我寫,多謝。

不敗的魔術師 提到...

多謝香水妹妹在無糖童話(二)的傾力演出。

Samsara 提到...

昨晚出乎意料地無落狗x,只係落左少少雨粉,連傘都唔駛開!

其實呢,一次咁既集會,用左好多candle、紙杯、banner、傳單,個台同影音設備又要起又要拆,個地下好鬼死硬,又熱又焗又落雨搞到全身臭汗,實在又唔環保又辛苦。依dkarma唔該全部入晒鄧小平數。

我呢,下年一d都唔想去啦,所以呢,學陳日君話齋,就趁下年就二十周年,快d平反六四啦!!!

Cloud 提到...

i am not referring to this topic. Oh, Samsara, you really read so much book!

ak 提到...

Samsara姐姐,

唐德剛...絕對係推介...

記得去台灣買晚清七十年...

如果見到李宗仁回憶錄同顧維筠回憶錄就...嘻嘻...拜託拜託...

Samsara 提到...

cloud...你是天空的一片雲? I LOVE reading since I was a kid!

AK哥哥:好啦,我睇過攞唔攞到啦吓。

Yun 提到...

唔係我呀﹐係另一片雲來的。^^

Samsara 提到...

我就搞到一舊雲 ^^

Morca 提到...

我最記得係有年去,仲可以攞番張十幾年前嘅報紙.

Samsara 提到...

Morca 姐姐:報紙我就未攞過,不過今次攞左份香港人權監察出版既世界人權宣言,入面第九條:「任何人不得加以任何逮捕、拘禁或放逐」....完全睇唔明,結果英文原文係"No one shall be subjected to arbitrary arrest, detention or exile"....好心佢唔想譯就咪鬼譯,佢唔諗住有人真係會睇佢份野嫁!!!