2009年4月29日 星期三

瘟疫

豬流感已經變種到人傳人,依個係咪就係傳聞中既世紀瘟疫?

上次香港沙士時,S其實就唔係好大反應,只係一生人第一次要載咁耐口罩囉。最記得既,反而係在沙士爆發初期既一場婚宴。

依兩位朋友呢,真係百無禁忌的。諗住結婚就在日曆上面「督」一個大家都得閒既日子;到佢向大家宣佈要結婚時大家一睇農曆...果時係「月破日,大事不宜」的...聽落,仲要大鑊過「不直嫁聚」。地點呢,勁囉,在正大酒店旁邊果間酒店度擺酒...

當時,所有既待應都戴住口罩既,因為係沙士初期,所有人客都無戴口罩嫁,S仲覺得口罩侍應上菜好有趣,仲差d要同佢地影相添...點知兩個禮拜後,香港成個悲情城市,所有人都戴口罩出街....


昨日要返深圳,在火車上面一直播有線新聞,一遍又一遍地講,墨西哥死左幾多人,美國各州有幾多確診病例,全球有幾多確診病例...仲有,豬流感已經傳到亞洲,在南韓有一單好可能係確診病例....然後,乘客有人大聲討論豬流感應該點預防,有人話食銀翹解毒片就無事,立時佢地就開始硏究最近既藥房在邊.....

S朝早本來係有d唔舒服的,有d頭疼,好攰;聽完依45分鍾既豬流感新聞之後,一起身,頭暈、發汗、心跳....直頭覺得有D腳軟。哈哈,好明顯係,嚇到腳軟。

S同自己講:「唔駛驚,唔駛驚,恐懼先至係病既真正原因,一驚免疫力就會插水!」

亦都諗返Ajahn Brahm在上次沙士時講Fear既一小時講座。

好多人,其實唔係病死,而係嚇死的。

我依兩個朋友,無有怕地照在沙士瘟疫既月破日,在大酒店旁邊結婚...無病無痛,依家都仲係快樂地享受既婚姻生活。

6 則留言:

Juicy Runners 提到...

生死有命!只要唔係自殺,一切都係無罣礙。

不過,Lazy都係一種罪,包括不努力維持自己健康。

(Run! Forrest! Run! 又黎...)

Samsara 提到...

On Dog哥哥:有冇睇過依個報導?

>>赫雷拉是汽車技工,年輕力壯,體魄強健,一星期六天,都會每天踩單車上班,來回接近 36公里,身體向來很健康。

佢既潛台詞係:「你以為你身體健康,有做運動就唔駛驚咩,一樣會死呀!」

但係佢無講佢有冇工作過勞,為左睇波而唔訓,狂煲煙,隊酒,精神緊張,失眠,失戀,etc etc...

在依d奇怪新病下,最有用既係免疫力,同埋,唔好比人嚇死。

黑人 提到...

橫又死,掂又死

嚇死,不如笑住死

why so serious?
hahahahahahaha

市場維京人 提到...

可以做嘅,就係提自己要洗手,最多就戴埋口罩。

其餘嘅,由天安排。

Samsara 提到...

各位:一連放三日假呀,enjoy the holiday, have fun!

♥♥♥♥♥ Jennifer™® ♥♥♥♥♥ 提到...

your blog is very nice