2007年1月11日 星期四

用心聆聽

CK昨日提到用心聆聽是老闆的必要條件,其實何只老闆,聆聽真是做人處事的大原則啦.

我自己這一樣野非常弱,試過以前有個老闆在Memo Pad到寫三個Point,好似開藥咁比我,話如果我做到這三點,咁就一流啦.而第一點,就是Listening.

之前睇過d敎Listening Skills的文,但是都是一d要望住人地對眼,要點頭比反應,要重複人地講過的句子這類技術性的野,同埋就算你做足曬呢d野都不會有好大幫助,你是不是真心聽人地講野人地是一定知的.做這d門面功夫是好過冇,不過始終逹不到效果.

在我成日向人硬鎖的作者Andrew Matthews本書Making Friends入面,提到佢試過在Seminar到要d聽眾一pair pair咁練Listening.由阿A開始講三分鐘,阿B只可以同A有眼神接觸,連「嗯」都不講得,要完全不諗其他野,全心全意咁淨係聽.然後換轉阿B講三分鐘.如此來回重複四次.

睇落好似好簡單,但是作者話效果好驚人,d聽眾的反應包括有話自己這世人都未試過有人咁樣好好地聽過佢講野,有人話佢地識了三十年都未試過咁好地傾謁,仲有人講笑話簡直好到令佢地fall in love咁誇張.

作者帶出聆聽的真諦是要放空頭腦,完全專注咁,不下任何評論咁只是聽.不好一邊點頭,一邊神遊太空.講好似好易,但是要做得到真是勁難,特別是我這種冇乜耐性的人.

在每一日咁繁忙又煩惱的工作同生活之中,要擠出時間已經不易,仲要自己真是拋下自己的一切思緒,真是心中不加評論咁只是聽,難度真是足足十分.

不過人同人要溝通,咪就是要聽lo.我暫時只是可以做到不比自己講咁多,不準睇錶、睇Monitor,比人講多d.

而家又到了做Appraisal的日子,我之前一直拖拖拉拉一份都未做.睇來今次都真是練習的機會lo,睇下有冇人因此而愛上我先.

6 則留言:

Gideon 提到...

竟然夠膽入黎我個場度唱反調?等我又入返黎你度踩場先哈哈哈﹗死啦你連 Making Friends 啲咁既書都睇,你一定好寂寞喇。咦?同埋,你係咪識七十樓架?佢真人靚唔靚女架?

渣估 提到...

乜你識七十樓架?

samsara 提到...

鐵鎚大哥,

有果句講果句姐.閱讀是我的優良興趣,有冇時間都會睇---除了近排,我中曬Blog毒,一日到黑周圍撩事鬥非,睇來倉頡神功都可以練成.

七十樓梗靚女啦,你睇佢連Paule Ka咁細碼的衫都著到就知啦.同埋你不覺佢又好心地,又臭寸,好過癮咩?

渣老闆,
不知點解在茫茫Blog海都比我撞到我師妹.好邪.同埋,做乜踢爆我個藝名?你叫我做珊姆莎拉這類鬼名不得嫁咩?

C.M. 提到...

小弟睇完莎拉姐個愛的聆聽後,當即認真採用。小弟亦依足指示,控制自己連「嗯」都唔講。但對方足足講了近一個鐘未停過。是否達到墮入愛河的效果暫不知,但發覺自己無論在分析其內容和作回應/追問時,肯定比以前清晰。

先謝過。

另外,叫你香水姐姐可以嗎?

不敗的魔術師 提到...

我果單大茶飯都有找andrew matthews來做speaker呢!

Samsara 提到...

CM:叫我做乜就你話點就點啦.這招我都未試過,睇來真是要試下.

麻鬼術師:原來Andrew Matthews來過香港,點解我不知!睇來真是不可以再沈淪Blog海.