佐雄之家

我在小時候因為聽阿媽講不好睇公仔書,會攪到語文程度低落,所以細個時只睇過叮噹同牛仔呢d超級益智的漫畫.直至中六先開始真是睇漫畫.

果時成班同學都是漫畫迷,邊個有漫畫就要攞返學校傳來睇,仲會討論角色、畫功、作者,我到果時先知日本有咁龐大的漫畫巿場,仲會將漫畫分類為少年漫畫,少女漫畫,而同時裝一樣,好睇的少年漫畫女仔一樣會睇,少女漫畫就點好睇都不會有男仔睇.

而將我地呢班漫畫迷的興趣推向高峰的,就是銅鑼灣的佐雄之家啦.當時漫畫Cafe在香港是好新鮮的野,有一個個cubicle間開d相對私人的空間,大房仲有榻榻米,點坐點訓都得.佐雄24小時営業,計時間收費,漫畫任睇,網任上,仲有免費飲品供應.如果肚餓,佐雄一樣有各種收費食物供應,由滷水拼盤到我至愛的印尼炒飯都有.

所以每馮大家想不到去邊,就會去佐雄---吃飯,吹水,睇漫畫.

佐雄為了谷深夜的巿場,推出了我地的福音「貓頭鷹時間」.可以二百幾元由深夜十二點坐到第朝十點.我地就多數會沖了涼十一點零、帶埋牙刷同私家被出來佐雄,book了榻榻米房,再邊吃宵夜邊睇漫畫,有一次宵夜仲要叫火煱,半夜兩三點係到霎吓霎吓,都真是好攪笑.

由以前真是可以通宵睇漫畫,到而家基本上捱到兩三點就一定訓曬.我都算好,一次可以睇完三幾本漫畫,死亡筆記就是在這度睇的.有個Friend就仲誇張,連續去了佐雄四次,都是睇緊同一本漫畫...

我地都有問自己做乜有屋企舒舒服服不返,要在佐雄個榻榻米逼埋一齊訓呢?不過咁樣差不多成晚都有訓的貓頭鷹時間又神奇地令人好放鬆,非常好訓,第二朝大家例必精神奕奕咁去吃早餐.

不過上年年尾佐雄終於捱不住,執了三樓的Cafe,剩返無榻榻米又坐得不舒服的十二樓,大家都好嫌棄地不肯再去.乜漫畫已經不再興咩?仲有人因為最後一次貓頭鷹時間無去而後悔不已.

係嫁,有時d野在你身邊就不覺得有乜野,到無了的時候先忽然發現這個世界真是變得太快,不知不覺間面目全非.我想因為咁所以前排d人咁反對拆鍾樓,而我都要寫這篇文來悼念失去的佐雄,我地呢班同學的集體回憶.