2007年1月6日 星期六

恐怖鬼故

這個是發生在我身上的真人真事,非常恐怖,驚的就千萬不好睇...


幾年前我同朋友Ada一齊去韓國旅行,最後一晚在首爾南大門的通宵巿埸買衫,到兩點先返酒店.沖完涼,試埋衫都就快四點,已經筋疲力盡,即刻周圍揾燈制熄燈.

我都朦朦朧朧就快睡著的時候,Ada突然聲震震咁問:「Samsara,聽不聽到有鋼琴聲?」

我真是好眼訓,就話:「無呀.」

不過小心聽吓又真是比我聽到鋼琴聲,是好細聲的鋼琴獨奏.

咁我就開始醒返,張開返雙眼,開始有d驚.我地間房在30樓,無理由聽到Lobby的鋼琴聲,何況已經咁夜,仲邊會有人彈琴?

Ada訓在張床上面,郁都不敢郁,今次真是成把聲都震曬咁話:「真是有鋼琴聲喎...」

我都不知應該答聽到定聽不到好,d鋼琴聲叮叮咚咚咁一直都無停過.

我想咁落去都不是辦法,於是起身啪一聲開燈,周圍睇吓有d乜野.

結果,比我發現原來是我亂揾燈制熄燈時,不小心扭開了床頭櫃個收音機.個收音機咁啱較了在古典音樂台,又咁啱扭得好細聲...

不駛問,Ada梗係比我笑到而家啦.

4 則留言:

學霖山莊 提到...

Wa!真喺反高潮...

Ha~ha! <---慢了0.0753sec.

不敗的魔術師 提到...
網誌管理員已經移除這則留言。
Samsara 提到...
作者已經移除這則留言。
Samsara 提到...
作者已經移除這則留言。